ئه‌ڤرۆ نيوز:
حوكمه‌تا هه‌رێما كوردستانێ ئه‌ڤرۆ ئه‌ينيێ 9/8/2019 رۆهنكرنه‌ك ل دۆر بابه‌تێ ڤه‌گه‌راندنا مووچێ 13 هزار خودان پێدڤيێن تايبه‌ت به‌لاڤكر.
جوتيار عادل، په‌يڤدارێ حوكمه‌تا هه‌رێما كوردستانێ گۆت” هنده‌ك كه‌نالێن راگه‌هاندنێ ب شێوه‌كى بابه‌تێ ڤه‌گه‌راندنا هاريكاريا 13 هزار خودان پێدڤيێن تايبه‌ت به‌رچاڤكريه كو ده‌ستكه‌فتێ حزبه‌كێ يه”.
دياركر ژى” ئه‌م رادگه‌هينين كو ئه‌ڤ بابه‌ته د كۆمبوونا هژمار 4 يا جڤاتا وه‌زيران ل 7 ڤێ هه‌يڤێ، بريار ل سه‌ر هاتيه دان”.
ئاماژه كر ژى” حوكمه‌تا هه‌رێمێ مولكێ هه‌موو وه‌لاتيێن كوردستانێ يه وهه‌ر برياره‌ك ژى ژ لايێ حوكمه‌تێ بهێته دان يا هه‌موو هه‌رێما كوردستانێ يه ولايه‌نێن پشكدار د ناڤ حوكمه‌تێ ژى دا د چارچۆڤێ به‌رنامێ حوكمه‌تێ دا بێ جوداهى خزمه‌تا هه‌موو وه‌لاتيان دكه‌ن”.
په‌يڤدارێ حوكمه‌تا هه‌رێمێ زێده‌تر گۆت” هه‌روه‌كو به‌رێز سه‌رۆك وه‌زيرێن هه‌رێمێ ل پێشه‌كيا هێلێن گشتى يێن به‌رنامێ كارێ كابينا نه‌هێ ژى دا ئاماژه پێداى، وه‌زاره‌ت يێن حوكمه‌تا هه‌رێمێ نه نه‌كو يێن حزبێن پشكدار د ناڤ كابينێ دا نه”.
ل دووماهيێ گۆت” هيڤيدارين ده‌زگه‌هێن راگه‌هاندنێ يێن حزبێن پشكدار د حوكمه‌تێ دا ڤى بنه‌ماى ل به‌رچاڤ وه‌ربگرن”.
نيشاندان