ئەڤرۆ نیوز ، عەلی حاجی :
زێدەتر ژ7 رۆژایە لێگەریان ل تەرمێ (مێهڤان ئاڤدەل)ی ژلایێ تیمێن نقومەڤانی ڤە ل پارێزگەها دهوكێ و كەسوكارێن وی يا بەردەوامە وهه‌تا نوكه نەشیاینە تەرمێ وی ببینن ، شیلی بوونا ئاڤێ بوویە ریگر كو لێگەریان ب زەحمەتر بكەڤیت.
نووترين نووچه
- چەتینەر چەتین: مەسرور بارزانی دشێت رۆلەكێ كاریگەر د پرۆسەیا چارەسەركرنا كێشەیا كوردی دا بگێڕیت
- دخوازین بەرسڤا باوەری و دەنگێن ب پارتی هاتینە دان بدەین
- گەلێ كورد پێدڤی ب ئێكگۆتاری و پەیڕەوكرنا رێنمایێن سەرۆك بارزانی یە
- ماكرۆن كار دكەت باوەریێ بۆ ترەمپی دروست بكەت دا کو هێزێن ئەمریكی ژ رۆژئاڤایێ كوردستانێ نەڤەكێشیت
- مەسرور بارزانی و سەرۆككۆمارێ توركیا كۆمبوون
- ژ بودجا 2024 ژ 20 ترلیۆن دیناران بەغدا تنێ 10 ترلیۆن بۆ هەرێمێ یێن هنارتین
- پسپۆرەكێ وزێ یێ ئەمریكی: ئیراق خوە بریندار دكەت دا زیانێ ب ئابوورێ كوردستانێ بگەهینیت
- پارتێن سیاسی پشتەڤانیێ ل قۆناغا ئاشتیێ ل تورکیا دکەن
- ل نێزیك كۆنفرانسێن ناڤخوەیی یێن پارتی ل دەڤەرێن كوردستانی دێ هێنە ئەنجامدان
- فراكسیۆنا پارتی: ل گەل درێژكرنا دەمێ كۆمسیۆنێ نینین
سه‌ره‌كى نووترين نووچه
په‌رله‌مانێ عيراقى داخوازا هاريكاريێ ژ هه‌رێما كوردستانێ دكه‌ت
ئه‌ڤرۆ نيوز:
جێگرێ سه‌رۆكێ په‌رله‌مانێ عيراقێ داخوازيه‌ك ئاراسته‌ى حوكمه‌تا هه‌رێما كوردستانێ كر كو فرۆكه وترومبێلێن هاوارهاتنێ زێده‌تر بهنێريت بۆ پشكداريێ د ڤه‌مراندنا ئاگرێه‌كارگه‌ها كبريتا مشراق ل مووسلێ.
نڤيسينگه‌ها جێگرێ سه‌رۆكێ په‌رله‌مانێ عيراقێ به‌شير حه‌داد به‌لاڤكر كو پشتى ئاگر به‌ربوويه كۆمپانيا گشتى يا كبريتا مشراق وده‌ڤه‌رێن ده‌وروبه‌ر ل باشوورێ مووسلێ، به‌شير حه‌داد به‌رده‌وام د په‌يوه‌نديێ دا بوو ل گه‌ل حوكمه‌تا هه‌رێما كوردستانێ وداخواز ژ جهێن په‌يوه‌نديدار كر به‌رده‌وام بن د هنارتنا فرۆكێن ئاگرڤه‌مراندنێ
سه‌رۆك بارزانى:دڤێت نوونه‌رێن پارتى دراستگۆ بن وخوه ژئاخڤتنێن بێ كريار دوور بكه‌ن
ئه‌ڤرۆ نيوز:
سه‌رۆك مه‌سعود بارزانى ئه‌ڤرۆ پێنجشه‌مبى 27/6/2019 ل گه‌ل سه‌رۆك وئه‌ندامێن فراكسۆنا پارتى ديموكراتى كوردستان ل په‌رله‌مانێ كوردستانێ كۆمبوو.
سه‌رۆك بارزانى د وێ كۆمبوونێ دا دياركر كو نوونه‌رێن پارتى ل په‌رله‌مانێ كوردستانێ نوونه‌رێن ديرۆك وبها وئارمانجێن پارتى نه، پێدڤيه نوونه‌رێن پارتى ل په‌رله‌مانى ل ئاستێ وێ به‌رپرسياره‌تيێ بن و برگريكارێن خواست وئازارێن خه‌لكێ كوردستانێ بن.
گۆت ژى” دڤێت ئه‌ندام ونوونه‌رێن پارتى د راستگۆ بن ل گه‌ل خه‌لكى وداخوازيێن خه‌لكى بگه‌هيننه جهێن مه‌به‌ستێ وچو ده‌مه‌كى ژى نێزيكى موزايه‌دێ وئاخڤتنێن بێ كريار نه‌بن”.
ل هەموو رۆژان دێ هاتنوچوون ل دەرگەهێ سەرزێری هێتە کرن
ئەڤرۆ نیوز ، زنار تۆڤی:
ئەڤە دەمێ چار سالانە دەرگەهێ سەرزێری د ناڤبەرا کوردستانێ و وەلاتێ تورکیا دا هاتیە ڤەکرن، هێشتا نه‌بوویە 24 دەمژمێری و هەروەسا رۆژێن شەمبی و ئێکشەمبی بهێنڤەدانە و خەلک نەشێن هاتنوچوونێ بکەن، ل حەفتیا بهێت هاتنوچوونا وەلاتیان دێ بیتە رۆژانە.
عرفان سلێمان ئەلکیشکی، رێڤەبەرێ دەرگەهێ گۆمرکا سەرزێری بۆ ئەڤرۆ نیوز گۆت: بەری نوکە ل دەرگەهێ سەرزێری یێ نێڤدەولەتی ب تنێ ل رۆژێن دوشەمبی هەتا رۆژا ئەینی هاتنوچوون د ڤی دەرگەهی دا دهاتە کرن و رۆژانێن شەمبی و ئێکشەمبی بهێنڤەدان بوون و خەلک نە دشیان هاتنوچوونێ بکەن، لێ ل حەفتیا بهێت و ل رۆژا شەمبی ٢٠١٩/٦/٢٩ دێ ل هەموو رۆژێن حەفتیێ دا هاتنوچوون د ڤی دەرگەهی دا هێتە ئەنجامدان، ھەر ژ دەمژمێر ٨:٣٠ سپێدێ تا دەمژمێر ٦ ئێڤاری.
رێڤەبەرێ گۆمرکا سەرزێری گۆت ژی: ل سالا 2015 دەرگەهێ گۆمرکا سەرزێری د ناڤبەرا هەرێما کوردستانێ و وەلاتێ تورکیا دا هاتیە ڤەکرن، هێشتا ئەڤ دەرگەهە نەبوویە دەرگەهکێ بازرگانی، لێ ئەو خەلکێ بۆ خوە کەلوپەلان دئینن، ئەم ئاسانکاریان بۆ دکەین، دەرگەهێ گۆمرکا سەرزێری دکەڤیتە ناحیا کانی ماسێ یا سەر ب قەزا ئامێدیێ ڤە و رۆژانە رێژەکا باش یا وەلاتیان ژ باکور و باشورێ کوردستانێ هاتنوچوونێ د ڤی دەرگەهی را دکەن.
تۆپخانا تورکی دەڤەرا بەرواری بالا تۆپ باران کر
ئەڤرۆ نیوز ، زنار تۆڤی:
ئەڤرۆ پێنجشەمبی 27.6.2019 و ل دەمژمێر 3 پشتی نیڤرۆ، تۆپخانا له‌شكرێ تورکی گوندێ قومریێ ل دەڤەرا بەرواری بالا تۆپباران کر.
وەلاتیەک ب ناڤێ ئانار سالح بۆ ئەڤرۆ نیوز دیار کر: ئەڤرۆ ل دەمژمێر 3 پشتی نیڤرۆ، ب بەهانەیا هەبوونا گەریلایێن پەکەکێ تۆپخانا له‌شكرێ تورکی چەندین گۆلە تۆپ ل هنداڤی گوندێ قومریێ داینە و ئەو جهێن تۆپ ڤێکەفتین نێزیکی گوندێ قومریێ بووینە، هەروەسا وان تۆپان چو زیانێن گیانی نەگەهاندینە گوندیان، لێ ترسەک ل دەف وان پەیدا کریە، هەروەسا وان تۆپان ئاگرەکێ مەزن بەردایە دارستانێ و پیش و پەلەخی.
%20 ژ پشکا حەجیێن کوردستانێ ھاتە زێدەکرن
ئەڤرۆ نیوز، نەوزاد ھلوری:
پشتی چەند سالێن داخوازکرنێ، ئەڤرۆ دێ د کونگرەکێ روژنامەڤانی دا ھورکاریێن زێدەکرنا پشکا حەجیێن کوردستانێ ھێتە راگەھاندن، ب گورەی پێزانینێن ئەڤرۆ نیوز پشکا زێدەیا کوردان ژ وێ زێدەیێ دێ 20% بیت.
کاروان ستونی، ئاخفتنکەرێ حەجیێن کوردستانێ بو ئەڤرۆ نیوز گۆت: (دەمەکێ زۆرە حەج و عومرا کوردستانێ و عیراقێ ژی داخوازێ ژ سعودیێ دکەت کو ھژمارا حەجیان زێدە بکەت، ژبەرڤێ حوکمەتا عیراقێ بریاردا کو 17 ھزار حەجیان بو عیراقێ زێدە بکەت، ژ وێ ھژمارێ رێژا 20% بەر کوردستانێ دکەڤیت کو دبیتە نێزیکێ دوو ھزار کەسان).
زیدەتر گوت: (ئەڤرۆ دەمژمێر 12ێ دێ ل بارەگایێ رێڤەبەریا گشتی یا حەج و عومرێ ل ھەولێرێ و د کونگرەکێ روژنامەڤانی دا ھەموو ھوکاریێن ئەوێ زیدەکرنێ ھێنە راگەھاندن، کو ئەڤ یەک ژی ھەوالەکا دلخوشکەرە).
حەجیێن کوردستانێ ب رێیا تیروپشکێ دچنە حەجێ، ئەڤێ یەکێ ژی کێشە بو خەلکی دروستکریە، زێدەکرنا ھژمارا حەجیان دێ بیتە ئەگەر کو ئەو کەسێن دخوازن بچنە حەجێ زێدەتر چەنسێ چونێ ھەبیت.
بزاڤ دھێنە کرن پاسپۆرتێن سیم کارت بھێنە چێکرن
ئەڤرۆ، ھەرھین محەمەد:
رێڤەبەرێ پاسەپۆرتان ل دھۆکێ راگەھاند، د بەرنامەی وان دایە ل سالا 2020 ئەڤ پاسەپۆرتە بھێنە گوھورین و بیتە پاسەپۆرتەکا وەکو سیم کارتی و کوالێتیا وێ ھێشتا ب ھێزتر دەربکەڤیت، بەلێ ئەڤ پاسەپۆرتێن نوکە کار پێ دھێتە کرن دێ ھەر کار پێ ھێتە کرن، ھەتا دەمێ وێ ب سەر ڤە دچیت و نەشێت کار پێ بکەت و ل دەمێ پاسەپۆرتا خوە نۆی دکەتەڤە ل وی دەمی پاسەپۆرتا نۆی دێ بۆ ھێتە چێکرن، بەلێ ھەتا نوکە چو تشتێن فەرمی بۆ مە نەھاتینە.
عەمید دلدار نۆری عەباس، ریڤەبەرێ پاسەپۆرتان ل پارێزگەھا دھۆکێ دیدارەکێ دا بۆ ئەڤرۆ گۆت: د بەرنامەی دایە ل سالا 2020 ئەڤ پاسەپۆرتە بھێنە گوھۆرین دبنە پاسەپۆرتەکا وەکو سیم کارت کوالتیا وێ ھێشتا ب ھێزتر و لبەرە وەکو رێڤەبەریا رەگەزناما گشتی ل بەغدا بزاڤێ بکەت ل گەل وەزارەتا نافخۆ کو پاسەپۆرتەکا دی ب شێوەکێ نۆو مودرێن ب دەرێخن، بەلێ ئەڤ پاسەپۆرتێن نوکە کار پێ دھێتە کرن دێ ھەر کار پێ ھێتە کرن ھەتا کو دەمێ وێ ب سەر ڤە دچت و نەشێت کارپێ بکەت.
زێدەتر دبێژیت: ل دەمێ پاسەپۆرتا خوە نۆی دکەتەڤە ل وی دەمی دێ پاسەپۆرتا نۆی بۆ ھێتە چێکرن، بەلێ ھەتا نوکە چو تشتێن فەرمی بۆ مە نەھاتینە و رێڤەبەریا پاسەپۆرتا ل سالا 2018 رێڤەبەریا مە یائێکی یوویە، چونکو د گەلەک کونفرانسان دا باس ل وێ چەندێ کریە کو پاسەپۆرتێن دھۆکێ یا ئێکێ یە، بەلێ نوکە سەنگاندن ناھێتە کرن ھەتا دووماھیا سالێ کا رێڤەبەریا پاسەپۆرتان دێ د چو ئاست دا بیت.
ئاشکرا ژی کر، ھەر وتەکیە کوالتیا خوە یا ھەی و ئەڤ چەندە گرێدایە ب مەسەلێن ئابووری و ئەمنی ڤە و ئەگەر دەولەتەکێ ئابوورێ وان یێ دارایی یێ بلند بیت ل وی دەمی دێ کوالتیا پاسە پورتا وان بلند تر بیت و پاسەپورتێن مە ژی گەلەک دباشن و کار پێ دھێتەکرن.
رێڤەبەرێ پاسەپۆرتان گۆت ژی: د بەرێ دا حۆکمەتا عیراقێ گرێبەستەک ل گەلەک کومپانیەکا ئەلمانی ھەبوو و ھەر ل ئەلمانیا چێدکر و ئامادەدکر، بەلێ نوکە وەکو حۆکمەتا فیدرال گرێدایە ب وەزارەتا نافخو یا بەغدا کارگەھەک ھاتە دانان ل بەغدا ل بن کونترولا وەزارەتا نافخو و ئەو پاسەپۆرتا چێدکەن و بەری نوکە ب تنێ ئێک شەفت بوو، بەلێ ژبەر خەبسەکا زور مە کریە دو شەفت و رۆژانە نێزیکی ھزارو سەد وەلاتیان دھێن بۆ ب رێڤەبرنا مامەلێن خوە یێن پاسەپۆرتان.
خویاژی کر، دیسان رۆژانە نێزیکی ھزار کەسان دھێن بۆ وەرگرتنا پاسەپۆرتێن خوە و ھەموو دەمان خەلکێ مە گازندێ ژ ھندێ دکەن کو ژ بۆ وەرگرتنا پاسەپۆرتان و دەمەکێ درێژ دچیت ھەتا وەردگرن و گازندا مە ژی ژ خەلکی ژی ئەوە ناھێن پاسەپۆرتێن خوە و پتری 12 ھزار پاسەپۆرت ل دەڤ مەنە یێن سالا 2016، 2017، 2018 ،2019 و خودان نەھاتینێ و ئەگەر نەھێتە پاسەپۆرتا خوە نەشێت چو پاسەپۆرتێن دی چێکەت، چونکو ھەرێما کوردستانێ ل گەل حکومەتا مەرکەزی یا بەغدا یا فیدرال ھەموو گرێدایە ب ئێک تۆر ڤە.
ناڤھاتی گۆت: پتریا وان کەسان یێن دھێن پاسەپۆرتا چێدکەن بۆ چوونا نوشدارانە و گەشتێ و خاندنێ نە و ل دووڤ رێنمایێن رەگەزناما گشتی بەغدا ھاتینە ئاگەھدارکرن بۆ رەگەزناما گشتی یا ھەرێما کوردستانێ و ئەو رێنمایە بھێنە جێبەجێ کرن کو دبێژنێ خزمەتا بلەز کو کێمتر ژ 24 دەمژمێران پاسەپۆرت بۆ دەردکەڤیت و رۆژنە نێزیکی 70 پاسەپۆرتێن بلەز دھێتە چێکرن ب کوژمێ (250) ھزار دینارێن عیراقی.
پارتی بەرھەڤیان بۆ ھەلبژارتنێن بھێت ل نیەنەوا دکەت
ئەڤرۆ،بارزان مزووری:
خسرۆ گوران، بەرپرسێ دەزگەھێ ھەلبژارتنان یێ پارتی دیموکراتی کوردستان بۆ رۆژناما ئەڤرۆ دیار کر، ئەو ھەلبژارتنێن دھێن کرن کو بڕیارە ل ھەیڤا چار سالا بھێت ل پارێزگەھێن عیراقێ پارتی دێ پشکداری وان ھەلبژارتنان دا بیت، ل پارێزگەھا مووسل بەری دوو رۆژا ل پارێزگەھا دھوک بوین ل گەل پارێزگەھا دھوک و بەرپرسێن ئاوارا و کەمپێن ئاواران و بەرپرسێن حیزبی کۆمبوینە ژ بو وێ چەندێ کۆ خوە بۆ ھەلبژارتنێن بھێت بەرھەڤ بکەین، گەلەک ئاوارە یێن پارێزگەھێن عیراقێ ل کوردستانێ یێن ھەین ئەو دێ پشکداری ھەلبژارتنان بن، لقێن مە یێن پارتی ل پارێزگەھا مووسل بۆ بەشداری کرنا ھەلبژارتنان یێ بەرھەڤیا دکەن.
بەرپرسێ نڤیسینگەھا ھەلبژارتنێن پارتی پارتی دیارکر، گەلەک ئاوارێن مووسلێ ل ھەولیرێ ژی ھەنە، ل پارێزگەھا دھوک بتنێ 240 ھزار دەنگدەر یێن مافێ دەنگدانێ ھەنە، ومافێ وانایە کێمتر ژ وێ ژمارێ ل سلێمانیێ و ھەولێر یێن ھەین، چونکی ھەر عیراقیەکێ ل ھەر جھەکی ھەبیت مافێ دەنگدانێ یێ ھەی بۆ وێ پارێزگەھێ ئەو پارێزگەھا بەری نوکە لێ ئاکنجی، ڤەگەریانا وان ئاواران بۆ سەر جھێن خوە چ پەیوەندی ب دەنگدانا وان ڤە نینە، بەلێ ڤەگەریانا وان بۆ سەرجھێن وان یا گرنگە، چونکی ئەڤرۆ نەزڤرن دێ ھەر رۆژەک ھێت دوبارە زڤرنە سەر جھێن خۆ.
خسرۆ گۆرانی ھەروەسا گۆت: بەری نوکە لقێن مە دناڤ باژێرێ مووسل بوون د نھا دا دێ کارێ وان دێ ب زەحمەت تر بیت چونکی بەری نوکە لقێن مە یێن پارتی دناڤا مووسل و دەوروبەر بوون ل ھەموو وان باژێرێن سەر ب پارێزگەھا مووسل کارێ خۆ ئەنجام دا ئەم پێدڤی زێدەتر ماندی بوونێ ینە چونکی لقێن مە نەڤەگەریاینە بۆ سەر جھێن بەرێ ،حەتا نھا مە چ بەربژار دەست نیشان نەکرینە ژبەر کۆ ھێش ئەو وەخت مایە.
ناڤھاتی گوت: پەیوەندیێن د ناڤبەرا بەغدا و ھەرێما کوردستانێ دا، نوکە د قوناغێن باش داینە باشتر بەری نوکە مە لێک تێگەھشتنەک مەزن یاھەی د ناڤبەرا بەغدا و ھەولێر ئەو حوکمەتا نوو ب سەرۆکاتیا عادل عەبدولمەھدی بشێوەیەکێ باش سەرەدەری ل گەل بەغدا دھێت کرن، ھەرچەندە گەلەک تشت ماینە نەھاتینە چارەسەرکرن د روویێ پەیوەندیان ڤە لدور پترولێ و موچەی و مافێ ھەرێمێ ڤە و ل نێزیک ھەردوو لا دێ رێککەڤن لدور وان کێشەیێن ماین نەھاتینە چارەکرن.
په‌رله‌مانتاره‌كێ به‌رێ يێ پارتى دبيته ئه‌ميندارێ گشتيێ په‌رله‌مانێ عيراقێ
ئه‌ڤرۆ نيوز:
ئه‌ندامێ به‌رێ يێ په‌رله‌مانێ عيراقێ ژ پارتى ديموكراتى كوردستان (سيروان سيرينى) ئه‌ڤرۆ چارشه‌مبى 26/6/2019 وه‌كو ئه‌ميندارێ گشتيێ په‌رله‌مانێ عيراقێ كو پله‌يا وه‌زير يا هه‌ى ده‌ست ب كاربوو.
ئارام باله‌ته‌يى، په‌يڤدارێ فراكسيۆنا پارتى ل په‌رله‌مانێ عيراقێ د داخۆيانيه‌كا رۆژنامه‌ڤانى دا راگه‌هاند” سيروان سيرينى ل سه‌ر پشكا پارتى ئه‌و پۆسته وه‌رگرتيه كو پله‌يا وه‌زيرى يا هه‌ى”.
به‌ره‌ڤانيا باژێرى يا دهۆكێ پشكداريێ د ڤه‌مراندنا ئاگرێ مووسل دا دكه‌ت
ئه‌ڤرۆ نيوز:
ئێڤاريا ئه‌ڤرۆ چارشه‌مبى ئاگره‌كێ مه‌زن به‌ربوو سه‌دان ته‌نێن پاشمايێن كارگه‌ها كپريتا مشراق ل مووسل وحوكمه‌تا خوه‌جهيا نه‌ينه‌وا داخوازا هاريكاريێ ژ هه‌موو لايه‌كى كر وبه‌ره‌ڤانيا باژێرى ل دهۆكێ ژى پشكدارى د ڤه‌مراندنا وى ئاگرى دا كريه.
بۆ هاريكاريێ ڤ ڤه‌مراندنا وى ئاگرى دا چه‌ندين ترومبێلێن هاوارهاتنێ وئاگر ڤه‌مراندنێ ژ لايێ حوكمه‌تا هه‌رێما كوردستانێ هاتنه هنارتن بۆ مووسل.
بێوار عه‌بدوولعه‌زيز، په‌يڤدارێ رێڤه‌به‌ريا به‌ره‌ڤانيا باژێرى ل پارێزگه‌ها دهۆكێ بۆ ئه‌ڤرۆ نيوز گۆت” مه دۆ ترومبێلێن ئاگر ڤه‌مراندنێ دگه‌ل 15 كارمه‌ندێن رێڤه‌به‌ريا مه بۆ هاريكاريێ د ڤه‌مراندنا وى ئاگرى دا”.
شانا راگه‌هاندنا حكومى يا عيراقى به‌رى ده‌مه‌كێ كێم به‌لاڤكر” تيمێن ئاگر ڤه‌مراندنێ شيان كونترۆلێ ل سه‌ر ئاگرى بكه‌ن كو ژ ئه‌نجامێ سوتنا گيايێ هشك يێ ل ده‌وروبه‌رێن كارگه‌هێ گه‌هشتيه كارگه‌هێ”.
دياركر ژى” ژ ئه‌نجامێ وى ئاگرى كه‌سه‌كى گيانێ خوه ژ ده‌ستدا و هه‌شت كه‌س ژى بريندار بوون”.
نيشاندان
WP Facebook Auto Publish Powered By : XYZScripts.com