ئەڤرۆ نیوز، عەلی حاجی :

دروودانەکێ دا ل نێزیک کومەلگەھا دێرەبونێ ترومبێلەکا بارھەلگر خوە ل دوو ژنەکێ ددەت و دبیتە ئەگەرێ گیان ژدەست دانا ژنا دانعەمر و کەسەکا دیتر ژی بریندار دبیت .

ئەمیر عەلی ، بەرپرسێ راگەھاندنا ساخلەمیا زاخۆ بۆ ئەڤرۆ نیوز دیار کر ئەڤ روودانە ل روژا شەمبیێ ل نێزیکی دەمژمێر 5:30ێ ئێڤاری ل نێزیک گومەلگەھا دێرەبوونێ روودایە ، دەما ھندەک ژن ژ زاخۆ ب مەرەما چوونا بەھیەکێ ل گوندێ مێسکا ، ترومبێلان ژنان کو ترومبێلەکا کوستەر بو ژکار دکەڤیت ، ئەو ژن ل بەر لێڤێن جاددەیێ درونن خارێ ، بەلێ ترومبێلەکا بارھەلگر ژئەگەرێ نەمانا ستوپێ وان دھێتە لایێ وان ژنان، دو ژ وان ژنان شیان خوە رزگار بکەن ، بەلێ ژنەکا دانعەمر دژیێ 65 سالیێ دا دمینیتە بن ترومبێلێ ڤە و ئێکسەر گیانێ خوە ژدەست دەت ، ژنەکا دی ژی بریندار دبیت ، بەلێ ئەڤرۆ ل روژا ئێک شەمبێ رەوشا وێ باشتر بوویە و ھاتیە رەوانە کرن بۆ مال .

ئەڤرۆ نیوز، نەوزاد هلوری:

ل نەخوشخانا گشتی یا بلێ ل دەڤەرا بارزان زارویەک ژ مرنێ هاتە رزگارکرن پشتی کو ب رێژا 80% لەشێ وی هاتیە سوتن، رێڤەبەرێ نەخوشخانا ناڤبری دیارکر کو نوکە زاروک بو مال هاتیە رەوانەکرن.

دکتور هەوار عەبدولڵا ملحەم دری، رێڤەبەرێ نەخۆشخانا گشتی یا بلێ بو ئەڤرو نیوز گۆت: (پشتی کو چەند روژێن بوری زارویەک بناڤێ “ی.ج.ا” ل ئێک ژ گوندێن دەڤەرێ توشی روودانەکا مەترسی یا سوتنێ دبیت و دهێتە رەوانەکرن بو نەخوشخانا گشتی یا بلێ، هەر ئێکسەر نوژدارێن مە چارەسەریا وی دەست پێ دکەن).

زێدەتر گوت: (پشتی چەند پشکنین و چارەسەریان دیاربو کو لەشێ وی زاروکی ب رێژا 80% هاتیە سوتن. نوژدارێن مە هەمی شیانێن خوە دانە کار و سوپاس بو خودێ پشتی پتری دوو حەفتیان ل بن چاڤدێرا چر یا نوژداری، ئەو زاروک ب تمامی ژ مرنێ هاتە رزگارکرن و ئەڤرو هاتە رەوانەکرن بو مال).

نەخوشخانا گشتی یا بلێ دکەڤیتە دناڤبەرا بلێ و بارزان ب شێوەیەکێ سەردەمیانە هاتیە چێکرن، پتری 50% ژ نەخوشێن ل دەڤەرێن دەرڤەیێ دەڤەرا بارزان سەرەدانێ بو دکەن، ب گورەی داتایێن نەخوشخانا ناڤبری روژانە نێزیکێ 300 نەخوشان سەردانێ بۆ دکەن.