ئه‌ڤرۆ نيوز:
په‌يڤدارێ حوكمه‌تا هه‌رێما كوردستانێ، سه‌فين دزه‌يى ئه‌ڤرۆ دوشه‌مبى 27/5/2019 رۆژێن بهێنڤه‌دانا جه‌ژنا ره‌مه‌زانێ ب فه‌رمى راگه‌هاند.
سه‌فين دزه‌يى گۆت” بهێنڤه‌دانا فه‌رمى يا جه‌ژنا ره‌مه‌زانى دێ ژ رۆژا ئێكشه‌مبيێ 2/6/2019 ده‌ستپێكه‌ت و ل رۆژا ئێكشه‌مبى 9/6/2019 ده‌واما فه‌رمى يه”.
گۆت ژى” بريارا بهێنڤه‌دانێ بۆ هه‌موو داموده‌زگه‌هێن حكومى يه، ژبلى هه‌ردو وه‌زاره‌تێن په‌روه‌ردێ وخواندنا بلند، ژبه‌ر كارناما خوه وئه‌زموونان، به‌رنامێ خوه دێ دارێژن”.
ئه‌ڤرۆ نیوز:
ب تۆمه‌تا گه‌نده‌لیێ وهه‌ده‌ردانا سامانێ گشتى، حوكمێ زیندانكرنێ ب حه‌فت سالان بۆ وه‌زیرێ به‌رێ یێ ره‌وشنبیرى ل عیراقێ هاته ده‌ركرن.
وه‌زیرێ به‌رى یێ ره‌وشه‌نبیرى ل عیراقێ، ئه‌سعه‌د هاشمى، سه‌ر ب حزبا ئیسلامى ڤه ژ لایێ ده‌سته‌یا ده‌ستپاكیێ هاتبوو تۆمه‌تباركرن وسزایێ زیندانكرنێ ب حه‌فت سالان ل سه‌ر هاته سه‌پاندن.
فه‌رمانگه‌ها ڤه‌كۆلینان یا سه‌ر ب ده‌سته‌یا ده‌ستپاكیێ ل عیراقێ راگه‌هاند” ئه‌و سزایه ل سه‌ر هاشمى هاته سه‌پاندن ژبه‌ر ئه‌نجامدانا وى بۆ تاوانا ب هه‌ده‌ردانا سامانێ گشتى وزیان گه‌هاندن ب به‌رژه‌وه‌ندیا گشتى”.
دیاركر ژى” دادگه‌ها تاوانان ل ده‌ڤه‌را كه‌رخ ل به‌غدا ئه‌و سزایه ب شێوێ غیابى بۆ وى وه‌زیرێ به‌رێ ده‌ركریه ژ به‌ر به‌لاڤكرنا چه‌كێن جۆراوجۆر بێ ئه‌گه‌ره‌كێ ره‌وا”.
ده‌سته‌یا ده‌ستپاكیێ به‌لاڤكر” بریارا دادگه‌هێ ل رۆژا 8/6/2019 دێ پلا دووماهیێ وه‌رگریت، ل دووڤ مادێ 340 ژ قانوونا سزایان ل عیراقێ، كو ژ بلێ فه‌رمانا ده‌سته‌سه‌ركرنێ بۆ تۆمه‌تبارێ ره‌ڤى، دێ ده‌ست ب سه‌ر مال ومولكێ وى یێ ڤه‌گوهاستى ونه‌ڤه‌گوهاستى هێته گرتن”.
ئه‌ڤرۆ نیوز:
ئه‌ڤرۆ ئه‌زموونێن دووماهیێ یێن رێزا 12 ئاماده‌یى ل سه‌رانسه‌رى هه‌رێما كوردستانێ ده‌ستپێكر و ئێكه‌م وانا پشكا زانستى، وانا زینده‌وه‌رزانى بوو.
پشتى ب دووماهى هاتنا ئه‌زموونا ئێكێ، وه‌زاره‌تا په‌روه‌ردێ د په‌یچێ خوه دا ل تۆرا جڤاكى یا فه‌یسبووكى، به‌رسڤا راست وپرسیارێن ئه‌زموونێ به‌لاڤكرن.
هژمارا پرسیاران 50 پرسیار بوون وهه‌موو هه‌لبژاردنن، ئه‌ڤه ل خوارێ به‌رسڤێن راست یێن وان پرسیارانه كو وه‌زاره‌تا په‌روه‌ردێ به‌لاڤكرین:
ئه‌ڤرۆ نيوز:
وه‌زاره‌تا پێشمه‌رگه راگه‌هاند رازیبوون هاتیه كرن ل سه‌ر پله بلندكرنا هێزێن پێشمه‌رگه‌ى.
سه‌نته‌رێ راگه‌هاندنا وه‌زاره‌تا پێشمه‌رگه د رۆهنكرنه‌كێ دا ئاماژه ب هاتنا رازیبوونێ بۆ پله بلندكرنا پێشمه‌رگه‌ى دكه‌ت.
پشتى ده‌مه‌كى ژ چاڤه‌رێبوونێ وهه‌بوونا گرفتان د رێنمایێن پله بلندكرنێ ژ ئه‌گه‌رێ قه‌یرانا ئابوورى وشه‌رێ سه‌پاندیێ داعشێ، ل دووماهیێ پله بلندكرن ده‌ستپێكر، د ئێكه‌م بریار ژى دالیستا پله بلندكرنا نه‌ورۆز وئه‌یلۆلا 2016 هاته وه‌زاره‌تا پێشمه‌رگه. ئه‌و لیسته وه‌كو خوه رازیبوون ل سه‌ر هاتیه كرن وچاڤه‌رێ دهێته كرن ب زووترین ده‌م دا ده‌ست پێ بهێته كرن.
ئەڤرۆ نیوز:
بەرپرسەکێ وەزارەتا نافخویا ھەرێما کوردستانێ دیارکر ئەو دێ تاقیکرنێن پلە بلندکرنا ئەفسەران یێن ب سەر وەزارەتا وان ڤە ب شێوێ ئەلکترونی ئەنجام دەت و نوکە مژوولی ئەمادەکاریێن ڤێ چەندێ نە.
زێدەتر د. سامی جەلال رێڤەبەرێ گشتی یێ دیوانا وەزارەتا نافخویا ھەرێمێ دیارکر بەر ب سیستەمێ ئەلکترونی و پەیرەوکرنا ڤی سیستەمی ل حوکمەتا ھەرێمێ و کێمکرنا رووتینیاتا ل داموزدەزگایێن حوکمەتێ بریار ھاتیە دان سەرجەم تاقیکرنێن پلە بلندکرنا ئەفسەرێن وەزارەتا نافخو ب سیستەمێ ئەلکترونی بیت.
ئەو چەندە ژی دیارکر کو سیستەمێ بەری نوکە یێ کلاسیک بوو، و پەیرەوکرنا سیستەمێ نوو یێ ئەلکترونی دێ دەمەکێ باش دێ بۆ وان ڤەگەرینت ژ بەرکو ئێکسەر پشتی ب دووماھی ھاتنا تاقیکرنێ دێ ئەنجام ھێنە دیارکرن ژ بلی ڤێ چەندێ ھەر ئەفسەرەک دێ ٢٠٠٠ پرسیاران ب شێوازێ ھەلبژارتن بۆ ھاتینە ئامادەکرن کو دێ شیان و زیرەکیا وان ژی پێشخیت.
ئەڤرۆ نیوز، نەوزاد ھلۆری:
ب بەرھەڤبوونا ھژمارەکا دام و دەزگەھێن میری و حزبی و پێشمەرگێن شورەشا گولانێ، 43 سالیا شورەشا گولانێ ب چەند چالاکیان ل ناحیا سەرسنک یا سەر ب قەزا ئامێدیی َھاتە ساخکرن.
عەونی ئەرتیشی، ژ راگەھاندنا لقێ 18ێ پارتی دیموکراتی کوردستان بۆ ئەڤرۆ نیوز گۆت: (ئەڤرۆ ب ھەلکەفتا شورەشا گولانا پێشکەفتن خواز، ھژمارەکا بەرپرسێن رێکخراوێن شورەشا گولانێ ل سنوورێ لقێ 18ێ یا پارتی کو ئەو ژی نێزیکێ 70 پێشمەرگەیان بوون).
زێدەتر گۆت: (شورەشا گولانێ ئێکە ژ وان شورەشێن ھەری ب ھێز ل کوردستانێ کو رولەکێ بەرچاڤ ھەبویە د نەھێلانا دوژمنی بو سەر کوردستانێ و دەستڤەئینانا چەندین دەستکەفتان ھەتاکو کوردستان گەھشتیە قوناغا نوکە)
ئەڤرۆ نیوز، بارزان مزووری:
سیروان رۆژبەیانی، جێگرێ ئێکێ یێ پارێزگارێ نەینەوا بۆ ئەڤرۆ نیوز گۆت: “ل رۆژا دوشەمبی 27ی گۆلانا 2019ێ ب رەنگەکێ فەرمی پارێزگارێ نەینەوا یێ نوو ل گەل جێگرێ ئێکێ دێ دەست بکار بن و سووندا قانوونی بخۆن.
جێگرێ ئێکێ یێ پارێزگارێ نەینەوا خۆیا کر کو ل 13ی گۆلانا 2019ێ جڤاتا پارێزگەھا مووسل کۆمبوونەک ھاتە ئەنجام دان بۆ ھەلبژارتنا پارێزگارێ مووسل و جێگرێ ئێکێ یێ پارێزگارێ نەینەوا و د وێ کۆمبوونێ دا “مەنسور مەرعی” ب 28 دەنگێن ئەندامێن جڤاتێ بۆ پارێزگارێ نەینەوا ل گەل دەست نیشانکرنا جێگرێ ئێکێ یێ پارێزگارێ نەینەوا کو سەر پشکا پارتی یە ھاتە ھەلبژارتن.
ئه‌ڤرۆ نیوز:
نێزیكی 32هزار قوتابیێن قوناغا 12ئاماده‌یی ئه‌ڤرۆ ل پارێزگه‌ها دهوكێ ده‌ست ب ئه‌نجامدانا ئه‌زمونان كرن.
ب ڤیَِ مه‌ره‌مێ هه‌ر ئه‌ڤرۆ به‌هزاد عه‌لی ئاده‌م جێگرێ پارێزگه‌رێ دهوكێ و عومه‌ر عه‌لی ته‌ها رێڤه‌به‌رێ گشتی یێ په‌روه‌ردێ و چه‌ند سه‌رپه‌رشتیارێن په‌روه‌رده‌یی سه‌را هۆلێن بنگه‌هێن ئه‌نجامدانا ئه‌زمونێن قوناغا دوازدێ ئاماده‌یی دا و ژنێزیك سه‌حكره ره‌وشا قوتابیان وكێم وكاسیێن هولا ده‌مێ ئه‌زمونان ئه‌نجامده‌ن.
ئه‌و بنگه‌هێن سه‌ره‌دانا وان هاتیه كرن ئه‌ڤه‌بون (ئاماده‌یا هێز ل تاخێ ئێتیتێ وئاماده‌یا پێشه‌وا ل تاخێ پیشه‌سازی)
ب ڤێ هه‌لكه‌فتێ جێگرێ پارێزگه‌رێ دهوكێ ده‌ست خوشی ل رێڤه‌به‌ریا گشتی یا په‌روه‌ردێ وهه‌موو ماموستا وكارمه‌ندێن په‌روه‌ردێ كر كو شیاینه سه‌قایه‌كێ ئارام وته‌نا بو هه‌موو قوتابییان په‌یداكه‌ن بو وێ یه‌كێ قوتابی ب شێن ئه‌زمونێن خو ئه‌نجامدان هه‌روه‌سا خواست كو هه‌موو قوتابی ب ئارامی به‌رسڤا پسیارێن ئه‌زمونا بده‌ن وئه‌نجامێن باش ب ده‌ستڤه‌بین وسه‌ركه‌فتن بو هه‌موویان خواست.
ژلایه‌كێ دیڤه رێڤه‌به‌رێ گشتی یێ په‌روه‌ردێ ل پارێزگه‌هێ دیاركر كو (1100) بنگه‌ه هاتینه ئاماده‌كرن و نێزیكی 32هزار قوتابییان ل قوناغا 12ئاماده‌یی و33هزار قوتابی یێن قوناغا نه‌هێ دێ پشكداریێ دئه‌زمونێن ئه‌ڤ ساله دا دكه‌ن ورێڤه‌به‌ریا گشتی یا په‌روه‌ردێ هه‌موو پێدڤیێن وان هول وبنگه‌هان ل سه‌ر ئاستێ هه‌موو په‌روه‌ردێن قه‌زا دابینكرینه وده‌ست خوشی ل ستافێ په‌روه‌ردێ كر هه‌روه‌سا داخازا سه‌ركه‌فتنێ بو هه‌موو قوتابیێن پشكدار كر هه‌روه‌سا سوپاسیا رێڤه‌به‌ریا گشتی یا كاره‌با پارێزگه‌هێ كر بو دابینكرنا كاره‌با به‌رده‌وام بو هه‌موو هول وبنگه‌هان وسوپاسیا رێڤه‌به‌ریا پولیسێن پارێزگه‌هێ ژی كر كو ئارامیا بنگه‌هان دپارێزن .
هه‌ژی گوتنێ یه سوبه‌هی 27-5-2019 قوتابیێن قوناغا نه‌هێ بنه‌رتی دێ ئه‌زمونێن نیشتمانی ئه‌نجامده‌ن.
ئه‌ڤرۆ نيوز:
به‌رى ده‌مه‌كێ كێم په‌رله‌مانێ كوردستانێ په‌يامه‌ك به‌لاڤكر و ئاشكرا كر كو كۆمبوونا په‌رله‌مانێ كوردستانێ دێ ل ده‌مژمێر 11:00 يا رۆژا 28ى گۆلانا 2019ێ هێته ئه‌نجام دان.
د ڤێ كۆمبوونا په‌رله‌مانێ كوردستانێ دا، بڕياره سه‌رۆكێ هه‌رێما كوردستانێ بهێته هه‌لبژارتن، ئه‌وا تێدا سێ كه‌س هه‌ڤركيێ ل سه‌ر وى پۆستى دكه‌ن، نێچيرڤان بارزانى به‌ربژارێ پارتى ديموكراتى كوردستانه و فراكسيۆنێن ئێكه‌تى و گۆڕان و توركمان و سوشالست پشته‌ڤانيێ لێ دكه‌ن ب هێزترين هه‌ڤركه بۆ ب ده‌ست ڤه ئينانا ڤى پۆستى.
ئه‌ڤرۆ نيوز:
محه‌مه‌د حه‌كيم، وه‌زيرێ ژ ده‌رڤه يێ عيراقێ داخوازا كۆمبوونێ ل گه‌ل محه‌مه‌د جه‌واد زه‌ريف، ل گه‌ل هه‌ڤپيشه‌يێ خوه يێ ئيرانى، د كۆنگره‌كێ رۆژنامه‌ڤانى يێ هه‌ڤپشك دا هه‌لويستێ وه‌لاتێ خوه د ده‌رباره‌ى ئالوزيێن ناڤبه‌را ئه‌مريكا و ئيرانێ به‌رچاڤ كرن و راگه‌هاند د ئاماده‌نه رۆلێ ناڤه‌ندگێريێ بگێرن.
وه‌زيرێ ژ ده‌رڤه يێ عيراقێ راگه‌هاند د كۆمبوونا ل گه‌ل زه‌ريفى دا به‌حس ل رێكه‌فتنا زێده‌تر يا ناڤبه‌را عيراق و ئيرانێ روو ل په‌يوه‌نديێن بازرگانى و دروستكرنا باژێرێ پێشه‌سازى يێ هه‌ڤپشك، هه‌ڤده‌م ته‌كست ل سه‌ر به‌ستنا هه‌ردو وه‌لاتان د رێيا هێلا ئه‌سمانى دا كريه.
ده‌رباره‌ى ئابلۆقه و سزايێن ئابوورى ژى، كو ژ لايێ واشنتۆن ب سه‌ر ته‌هران دا سه‌پاند، حه‌كيم روون كر كو ئه‌و ئابلۆقه ب مفا نابن و زيان بۆ ده‌ڤه‌رێ هه‌نه.
هه‌ڤده‌م راگه‌هاند ژى كو دێ پشته‌ڤانى و پشتگيريا ئيرانێ دكه‌ن.
ژ لايێ خوه ڤه محه‌مه‌د جه‌واد زه‌ريف، د كۆنگره‌كێ رۆژنامه‌ڤانى دا راگه‌هاند دێ د به‌رده‌وام بن د په‌ره‌پێدانا په‌يوه‌نديێن ناڤبه‌را هه‌ردو وه‌لاتان دا و دڤێت ب باشترين په‌يوه‌نديان ل گه‌ل عيراق و وه‌لاتێن ده‌ڤه‌رێ هه‌بيت.
ده‌رباره‌ى ئالوزيێن ناڤبه‌را وه‌لاتێن ل گه‌ل ئه‌مريكا راگه‌هاند ئه‌و پابه‌ندى هه‌موو رێكه‌فتنێ و په‌يماننامێن نێڤده‌وله‌تى و ئه‌مريكا ژى ب وێ چه‌ندێ تۆمه‌تبار كر كو رێكه‌فتن پێشێل كريه.
ئاماژه ب وێ چه‌ندێ ژى كريه كو ئاژانسا وزا نێڤده‌وله‌تى د راپۆرته‌كێ دا ئه‌و چه‌ند سه‌لمانديه كو ته‌هران يا پابه‌نده ب رێكه‌فتنێ.
نيشاندان