ئەڤرۆ نیوز،بارزان مزووری:
دلشاد محەمەد،راگەهاندنگار ژ پشكا هاتنوچوونا شێخان بۆ ئەڤرۆ نیوز گوت:ئه‌ڤ شه‌ڤه پشتى فتارێ ل سەر رێيا سەرەكیا شێخان بۆ دهوك ل نێزیك ناحیا باعەدرێ، روودانەك دناڤبەرا ترومبێلەك پیكاپ دێر و ترومبێلەك پیكاپ تویتا په‌يدابوو د ئەنجام دا 5 كەس بریندار دبن وبۆ نەخوه‌شخانا شێخان هاتنه ڤەگوهاستن ئێك ژوان بریندارا زارویەك بوو مەترسی ل سەر ژيانا وى يهه‌بوو ونوكه يێ دبن چاڤدێریا نوژدارایە.
ل گۆرەی پێزانینان، ئەیمەن سەردار قوتابیێ پولا چارێ بۆ ل قوتابخانا زێبار هەر ب هەمان ترومبێلا کوستەرێ هاتنوچوونا مال دکر.
ئه‌ڤرۆ نیوز، نه‌وزاد هلۆرى:
به‌رده‌وامبوونا بارانێ وه‌رزێ دورینا گیایى ئێخسته د هه‌یڤا ره‌مه‌زانێ دا، ئه‌ڤێ یه‌كێ ژى كارتێكرن ل وه‌لاتیان كریه، پشكه‌ك ژ وه‌لاتیان وه‌ختێ پاشیڤى َهه‌تا رۆژهه‌لاتێ و پشكه‌كا دى ژى پشتى نڤێژا ئێڤارى هه‌تا به‌رى مه‌غره‌ب، دیسان پشكه‌ك ژى ب شه‌ڤ گیایى ددورین داكو كارتێكرن ل روژيا وان نه‌كه‌ت، ب گوره‌ى ئاخفتنێن وه‌لاتیان هه‌ر كه‌سه‌كێ د هه‌یڤا ره‌مه‌زانێ دا گیایى نه‌دوریت ئه‌و نه‌شێت پشتى ره‌مه‌زانێ گیایى بدوریت و دێ مینیته مه‌حتل.
ئەڤرۆنیوز,رەزوان رۆژبەیانی:
پشتی پێنج رۆژان ژ دیارنەمانا گەنجەكێ 22 سالی كو پەنابەرێ رۆژئاوایێ كوردیستانێ یە و ل كەمپا گەویلان ل قەزا بەردەرەش ئاكنجیە ئەڤرۆ تەرمێ وی ب مری هاتە دیتن.
ژێدەرەكی فەرمی یێ ئیمناهیێ ل قەزا بەردەرەش كو نەڤیا ناڤێ وی بهێتە ئاشكرا كرن ,بۆ ئەڤرۆنیوز دیاركر” گەنجەكی 22 سالی بناڤێ دلشاد خلیل عمر حسن پەنابەرێ رۆژئاڤایێ كوردستانێ كو ئاكنجیێ كەمپا گەویلانە ل سنوورێ قەزا بەردەرەش , نەخوشیا دەروونی ب رێژەیا 100%هەبوویە چەندین جار بابێ وی بریە ده‌ڤ نوشداران بەلێ چێنەبوویە”.
گوت ژی” وەسا دیار بوویە كو گوتینە بابێ وی كورێ تە ئه‌جنه هه‌نه و پێدڤیە تو ببەیە دەف مەلایان”. ئەو ژێدەر ئاشكرا ژی كر ل رێكەفتێ 14/5/2019 ئەو گەنج ژ مال دەردكەڤیت و نازڤریت و ئەڤرۆ ئێكشه‌مبى 19/5/2019 تەرمێ وی ب مری ل نزیك كەمپێ ژلایێ مەڤە هاتە دیتن و هاتە رەوانە كرن بۆ نۆشداریا داد ل قەزا ئاكرێ دیار ژی كر كو چو نیشانێین لێدان یان هەر نیشانەكێ دی ب سەر لاشێ وی ڤە دیار نەبوویە تنێ وەسا خویا بوویە كو ل وی جهی لێ هاتیە دیتن ب تووشی سەرعێ (تەپێ) بویە و گیانێ خوە ژدەست دایە.
ئه‌ڤرۆ نيوز:
هه‌ردو فراكسيۆنێن پارتى ديموكراتى كوردستان وبزاڤا گۆران ل په‌رله‌ماني كوردستانێ پشته‌ڤانيێ ل پرۆژێ چاكسازيێ دكه‌ن ول ئاستێ جادا كوردستانى ژى دا ئه‌و پرۆژه‌يه ب گاڤه‌كا گرنگ دهێته هژمارتن.
به‌همه‌ن كاكه عه‌بدوللا، ئه‌ندامێ په‌رله‌مانێ كوردستانێ ژ فراكسيۆنا پارتى راگه‌هاند” پارتى ديموكراتى كوردستان پرۆژه بۆ چاكسازيێ د هه‌موو سێكته‌ران دا يێ هه‌ى وجوداهيێ د ناڤبه‌را پلێن بلند وخه‌لكێ دى كێم دكه‌ت، زێده‌بارى وێ چه‌ندێ پارتى پشته‌ڤانا تمام يا وى پرۆژه‌يه، د هه‌مان ده‌م دا وه‌كو ئه‌وله‌ويه‌تا به‌رنامێن خوه ديار دكه‌ت”.
ئاشنا عه‌بدوللا، ئه‌نداما په‌رله‌مانێ كوردستانێ ژ بزاڤا گۆران بۆ مالپه‌رێ فه‌رمى يێ پارتى دياركر” ئارمانجا مه چاكسازيێ د ڤێ كابينێ دا بكه‌ين وئه‌ڤ كابينا حوكمه‌تێ يا جودا بيت ژ يێن بۆرى، بۆ ڤێ مه‌ره‌مێ ژى ل ده‌مێن بۆرى مه باجا زۆر يا داى، نوكه ژى نێزيك بوونا مه ژ پارتى بۆ پێكئينانا حوكمه‌تێ، د وێ چه‌ندێ دايه ئه‌م دخوازين وى به‌رنامێ چاكسازيێ بجهبينين وده‌رگه‌هێ مه بۆ دانوستاندنێ يێ ڤه‌كريه بۆ وان لايه‌نێن پشته‌ڤانيێ ل ڤى پرۆژه‌ى دكه‌ن”.
گۆت ژى” ئێك تيمى د كارێ حوكمه‌تێ دا بۆ هه‌موو لايه‌كى يا گرنگه”.
ئه‌ڤرۆ نیوز:
ده‌سته‌یا خانه‌نشینیا نیشتمانى یا عیراقێ راگه‌هاند كو وه‌زیرێ دارایى یێ عیراقێ فوئاد حسێن رازیبوونا خوه ل سه‌ر به‌لاڤكرنا مووچێن خانه‌نشینێن مه‌ده‌نى وله‌شكرى یێن عیراقى ب شێوه‌كێ هه‌یڤانه ل شوینا هه‌ر دو هه‌یڤان جاره‌كێ.
ئه‌و بریاره دێ ل ده‌ستپێكا هه‌یڤا خزیرانا 2019 هێته بجهئینان، پشتى ده‌سته‌یا ناڤبرى هه‌موو پێرابوونێن پێدڤى یێن وێ بریارێ ئه‌نجام داین.
ئەڤرۆ نیوز:
خۆلا ئیتالیا چاڤەرێ دھێتەکرن ل حەفتیا بھێت ب دووماھیی بھێت و باشترینێن خولێ ژلایێ لژنەیا تایبەت ڤە ھاتنە ئاشکراکرن بەری خول ب دووماھیی بھێت ب حەفتیەکێ بتنێ گولکەرێ خولێ مایە ئەوژی ھەتا رادەیەکێ مەزن یاریزانێ سەمبدوریا کوالیاریلا ئێکلاکریە و ب جوداھیا ٤ گولان ژ ھەڤرکیێن خوە دورە.
باشترین گولچی : سەمیر ھاندانوڤیتچ ژ یانا ئەنتر میلان
باشترین بەرەڤان: کولیبالی ژ یانا ناپولی
باشترین یاریزانێ ھێلا ناڤین ساڤیتچ ژ لازیو
باشترین ھێرشبەر: کوالیاریلا ژ یانا سەمبدوریا
باشترین یاریزان : کریستیانو رونالدو ژ یوڤانتوس
باشترین یاریزانێ گەنچ: زانیولو ژ روما
سویسرا، ئازاد گولەیی:
ب پشکداریا ٢٨ یاریکەران بسەرکێشیا ئە لکسەندەر زڤێرێڤ ئەوێ ل پلا چارێ دھێت درێزبە ندا باشترینێن جیھانێ پشتی ھەرسێ سومبلێن تەنسا ھەڤچەرخ( فیدرێر،نادال،جوکوفیتش) ھەروەسا ب پشکداریا چەند یاریکەرێن بەرنیاسێن یاریا تەنسێ مینا ھەلگرێ سێ گراند سلێما فاڤرینکا ودیمتروف ومالک جزیری وچەندەکێن دی، روژا ١٨ی ڤێ ھە یڤێ قارە مانیا جنێف یاتە نسێ لسە ر یاریگە ھێن عە رد رە ق ھاتە ڤە کرن ودێ بو ماوێ یە فتێە کێ ڤە کێشیت.
روژناما ئە ڤرو ژی وە کو تاکە دەزگایێ راگەھاندنا کوردی وعیراقی یا ب فەرمی مل بملێ چە ندین دەزگایێن راگە ھاندنێن جیھانی ب رێکا پە یامنێرێ خو ل ئوروپا یا پشکدارە و ئە ڤە ژی چە ند وێنە کن ژ ڤێ قارە مانیێ.
ئەڤرۆ نیوز:
ئەڤرۆ نێچیرڤان بارزانی سەرۆکێ حوکمەتا هەرێما کوردستانێ ل گەل ستیڤ ڤاگن کونسولێ گشتی یێ ئەمریکا ل هەولێرێ کۆمبوو و د کۆمبوونێ دا بەحسێ پەیوەندیێن هەولێرێ و بەغدایێ هاتە کرن و هەر دو ئالیان بەحسێ هندێ ژی کرن کو دڤێت ئاریشە ب رێیا دانوستاندنان بهێنە چارەکرن، هەروەسا د پشکەکا دی یا کۆمبوونێ دا بەحسێ پەیوەندیێن نها یێن د ناڤبەرا هەرێما کوردستانێ و ئەمریکا دا هاتە کرن.
نێچیرڤان بارزانی و کونسولێ گشتی یێ ئەمریکا بەحسێ گوهۆرینێن ل دەڤەرێ ژی کرن و هەروەسا بەحسێ رەوشا ئاوارێن نەینەوا ژی هاتە کرن کو دڤێت زەمینە بۆ وان بهێتە خوەشکرن دا ڤەگەرنە ڤە جهێن خوە.
ئەڤرۆ نیوز، نەوزاد ھلۆری:
دەستەیا سەروکاتیا پەرلەمانێ کوردستانێ ناڤێن بەربژارێن پوستێ سەروکێ ھەرێمێ ئاشکراکرن کو ئەو ژی پێنج کەسن.
ب گورەی راگەھاندنەکێ کو مالپەرێ سەروکاتیا پەرلەمانێ کوردستانێ بەلاڤکریە ھەر ئێک ژ (نێچیرڤان ئدریس موستەفا بارزانی، ئومێد عەبدولسەلام قادر، محەمەد حەمەسالح عومەر، رێبوار عەزیز مستەفا و ھیوا عەبدوللا خدر) وەکو بەربژار بو پوستێ سەرۆکێ ھەرێمێ ھاتینە دیارکرن.
پشتی راگەھاندنا ناڤان، دێ پرۆسەیا تانەلێدان و راگەھاندنا ئەنجامێن تانەیان ھێنە راگەھاندن، پاشان د سێ روژان دا دناڤا پەرلەمانێ کوردستانێ دا دڤێت سەرۆکێ ھەرێمێ بھێتە ھەلبژارتن.
نيشاندان