ئەڤرۆ نیوز، بارزان مزووری:

ل کومەلگەھا چرە یا سەر ب قەزا شێخان ڤە شەر دروست بوویە ب چەکێ گران دناڤبەرا جوتیار و مەلاکا دا و هەتا نها ژی یێ بەردەوامە.

ل دووڤ زانیاریێن دەسپێکێ قوربانی ژی یێن ھەین.

ئه‌ڤرۆ نیوز، نه‌وزاد هلۆرى:

پرا كه‌لیا كو دكه‌ڤیته‌ گه‌لێ ره‌شاڤه‌ ل ناحیا دێره‌لوكێ، ئێكه‌ ژ وان پرێن گرنگ یێن شینوارى ل  پارێزگه‌ها دهۆكێ، ژئه‌گه‌رێ بلندبونا ئاستێ ئاڤا رووبارێ زیێ مه‌زن كارتێكرنه‌كا زۆر لسه‌ر هه‌رفینا وێ كریه‌.

سه‌ردار هێتوتى، ئه‌ندامێ سه‌نته‌رێ قوبه‌هان بۆ به‌لگه‌نامه‌ و ده‌ستنڤیسێن شینوارى بۆ ئه‌ڤرۆ نیوز گۆت: (پرا كه‌لیا ئێكه‌ ژ پرێن هه‌رى گرنگ یێن شینوارى ل كوردستان و پارێزگه‌ها دهۆكێ، دبیته‌ ناسناما پترى چار ده‌ڤه‌رێن سنوورێ قه‌زا ئامێدیێ و گه‌له‌ك ژى یا گرنگه‌ كو بهێته‌ پاراستن). زێده‌تر گۆت: (پێشتر ژى چه‌ند كه‌سه‌كان بزاڤكر كو ب رێیا  “تى ئێن تى” ب ته‌قینن، به‌لێ پلانا وان سه‌رنه‌گرت، نوكه‌ ژى ژ ئه‌گه‌رێ بلندبوونا ئاستێ ئاڤا رووبارێ زێ مه‌زن كارتێكرنه‌كا زور لسه‌ر هاتیه‌كرن و پتریا وێ پرێ  بن ئاڤ ببو و ژ ئه‌گه‌رێ ئاڤێ گه‌له‌ك ژ به‌ر و دیوارێن وێ كه‌فتینه‌ و هه‌رفینه‌ كو ئه‌ڤ یه‌ك ژى جهێ داخێ یه‌، بڤى ره‌نگى بیت چه‌ند سالێن بهێت چ تشت نامینن بناڤێ پرا كه‌لیا).

ناڤبرى دیاركر ژى كو پێدڤى یه‌ جهێن شوله‌ژێ ب جدى كار بكه‌ن بو نووژه‌نكرن و پاراستنا پرا كه‌لیا و زێده‌تر گۆت: (هه‌ر چه‌نده‌ ژ به‌لگه‌نامه‌یێن رۆهن و ئاشكرا ل به‌ر ده‌ست نینن كو دیروكا پرا كه‌لیا دیار بكه‌ن، به‌لێ ب گوره‌ى ئه‌وان پێزانینێن مه‌ ده‌ستخوڤه‌ ئینایى پرا كه‌لیا دزڤریت بو سه‌دان سالان به‌رى نوكه‌ كو ئه‌ڤ یه‌ك ژى رامانه‌ ژیان ل وى ده‌مى ل ڤێره‌ هه‌بویه‌ و پر وه‌كو رێیه‌كا گرنگ و ستراتیجى و بازرگانى بۆ هاتن و چونێ هاتیه‌ بكارئینان).

ئەڤرۆ نیوز ٬ عەلی حاجی :
دداخویانیەکێ دا پەرلەمانتار هیڤیدار ئەحمەد بۆ ئەڤرۆ نیوز دیار کر پشتی دیفچوونەکا بەردەوام یا حکومەتاهەرێمێ و باژێرڤانیا زاخۆ و وەکو پەرلەمانتار بریارا زێدەکرنا کوژمێ پارەی بو دروستکرنا جادەیا ئیبراهیم خەلیل هاتیە دەرکرن و ددەمەکێ نێزیک دا دێ کار ل سەر هێتە کرن .
ناڤهاتی زێدەتر گوت : دسەرەدانەکا مە دا بو دەف  نێچیرڤان ئەحمەد سه‌رۆكێ ديوانا جڤاتا وه‌زيرێن هه‌رێمێ بومە دیار کر کوژمێ ۸ ملیار دیناران هەتا ۹ ملیار دیناران هاتیە خەرچ کرن بو دروستکرنا رێيا  ئیبراهیم خەلیل با و زاخۆ ژبەرکو جادەیەکا گرنگە و نێڤدەولەتی یە لەورا ددەمەکێ نێزیک دا دێ کار ل سەر دروست کرنا وێ جادەیێ هێتە کرن ؍ وەکو باژێرڤانیا زاخۆ دێ سەرپەرشتیا دروست کرنا وێ جاددەیێ کەت وهەر دیسان دێ ب ئامیرەێن بژێرڤانیا زاخۆ کار ل سەر دروست کرنا وێ جاددەیێ هێتە کرن ئەڤە ژی پشتی وێ چەندێ هات کو چەندین دیفچوون ل دور تێچوویێ وێ جاددەیێ هات بونە ئەنجام دان .
ل گورەی پێزانیان پێشتر ۲ ملیار دینار بو چێکرنا وێ جادەیێ هات بونە تەرخان کرن، بەلێ ل گورەی داخویانیا رێڤەبەرێ ناحیا رزگاری بو ئەڤرۆ نیوز دیارکر بو ئەو پارە یێ کێمە تێرا هندێ ناکەت ئەو جاددەیە ب وی کوژمەی بهێتە دروست کرن .

ئەڤرۆ نیوز ؍ عەلی حاجی :
ئەڤرۆ  چارشەمبێ  ۸/٥/۲۰۱۹ ب سەروکاتیا قایمقامێ زاخۆ بوتان محسن و سەروکێ باژێرڤانیا زاخۆ لژنەیەک هاتە پێکئینان ب مەرەما نەهێلانا زێدەگیان و دانانا بهایان ل سەر کەلوپەلان دناڤ بازارێ زاخۆ دا دهەیڤا رەمەزانێ دا و دئێکەم روژ دا سەرەدانا چەندین جهان کرن دناڤ بازاری دا .
بوتان محسن، قایمقامێ زاخۆ بۆ ئەڤرۆ نیوز ئاشکەراکر ئەڤ لژنە سالانە دمەها رەمەزانێ دا دهێتە پێکئینان کو هەمی لایەنێن شولەژێ دناڤ ڤێ لژنێ دا ئەندامن و ئەڤ لژنە دێ روژانە دناڤ بازارێن زاخۆ دا کارێ خوە کەت و ئەڤرۆ ل روژا چارشەمبێ وەکو لژنا دەست بکار بویی ژنێزیک ڤە مە سەرەدانا گەلەک جهان ل بازاری کر ب مەرەما زێدەگیان نەهێلین و بها ل سەر کەلوپەلان بهێنە دانان و جهێن شریناهیان ژی ل گورەی رێنمایان کاربکەن ؍ ئەڤ لژنە نەهاتیە دانان دئێکەم روژا خوە دا خەلکەکێ سزا بدەت بەلکو دئێکەم روژا دەرکەڤتنا ڤێ لژنێ بو ناڤ بازاری دا هایدارکرنا دوکانداران بو لەورا پشتی دهێنە هایدارکرن هەر دوکانەک ل گورەی رێنماێن مە کار نەکەت دێ هێتە سزادان ژلایێ لژنا دەست ب کار بویی ڤە ل باژێرێ زاخۆ ؍ ئەڤ لژنە دێ روژانە سەرەدانا ناڤ بازاری دا کەت هەر چەندە پێشتر لژنەیەک هەبو ئەڤ کارە ئەنجام دا بەلێ لژنا نوو هاتی پێکئینان دێ ب هووربینی كارێ خوە ئەنجام دەت .