ئەڤرۆ نیوز، نەوزاد هلۆری:
ئەڤرو پشتی نڤێژا عەیشا وەلاتێن موسلمان ل کوردستانێ تەراویح وەکو سونەتەک د ئیسلامێ دا ئەنجامدا، گوندێ هلورا ل شێلادزێ ئێکە ژ گوندێن کوردستانێ کو وەلاتێن وان ب روژێ رووژی دبن و شەڤان ژی تەراویحان دکەن. ب گورەی ئاخفتنێن گۆتاربێژێ گوندی، نوکە گوندان سالوخەتێن باژێران بخوڤە گرتینە و حوکمەتێ هژمارەکا خزمەتگۆزاریان بو دابینکرینە، دخوازن زێدەتر بو بهێنە دابینکرن داکو وەلاتی بشێن ژیانەکا باشتر ببورینن.
بۆ دیتنا ڤیدیۆیێ ڤى لینكى كلیك بكه
ئەڤرۆ نیوز:
فەرھاد ئەمین ئەترووشی پارێزگه‌رێ دهۆكێ د بروسکەکێ دا هه‌یڤا ره‌مه‌زانا پیرۆز ل هه‌موو لایەکی پیرۆز دکەت، ئەڤە دەقێ وێ یە:
بسم الله الرحمن الرحيم
(شهر رمضان الذى انزل فيه القران هدى للناس وبينت من الهدى والفرقان)
صدق الله العظيم
ب هه‌لكه‌فتا هاتنا هه‌یڤا ره‌مه‌زنا پیروز ب ناڤێ خو وكارگێریا پارێزگه‌ها دهوكێ پیروزباهیێ ل موسلمانێن كوردستانێ ب گشتی ویێن پارێزگه‌ها دهوكێ ب تایبه‌تی دكه‌م هه‌روه‌سا پیروزباهیێ ل پێشمه‌رگێن قه‌هره‌مان ول مالباتێن شه‌هیدێن سه‌ربلندێن پێشمه‌رگه‌ی دكه‌م، هیڤی دارین ژخودایێ مه‌زن ڤێ هه‌یڤێ بكه‌ته هه‌یڤا خێر وبه‌ره‌كه‌تێ و خۆشکرنا ژین و ژیارا مللەتێ مە وببیته هه‌یڤا لێبورین وپێكڤه ژیانێ وهاریكاریكرنا هه‌ڤدوو وهه‌ژار وكێم ده‌رامه‌تا…
دوباره هه‌یڤا ره‌مه‌زانێ ل هه‌موویان پیرۆزبیت.
فه‌رهاد ئه‌مین ئه‌تروشی
پارێزگه‌رێ دهوكێ
ئه‌ڤرۆ نيوز:
برياره وه‌زاره‌تا دارايى وئابوورى سوبه‌هى 6/5/2019 ده‌ست ب به‌لاڤكرنا مووچێ هه‌يڤا شوباتا 2019 ب ڤى شێوه‌يى بكه‌ت:
- دوشه‌مبى 6/5/2019 ديوانا وه‌زاره‌تا پێشمه‌رگه وليوايێن پێشمه‌رگه‌ى.
- سێشه‌مبى 7/5/2019 يه‌كه‌يێن 70 و 80 .
- چارشه‌مبى 7/5/2019 وه‌زاره‌تا په‌روه‌ردێ.
- پێنجشه‌مبى 8/5/2019 وه‌زاره‌تا دارايى وئابوورى.
ئێكشه‌مبى 12/5/2019 وه‌زاره‌تا ساخله‌ميێ.
ئه‌ڤرۆ نيوز:
حوكمه‌تا هه‌رێما كوردستانێ ب هه‌لكه‌فتا هاتنا هه‌يڤا ره‌مه‌زانا ده‌واما فه‌رمانبه‌ران ل داموده‌زگه‌هان كێم دكه‌ت.
سه‌فين دزه‌يى، په‌يڤدارێ فه‌رمى يێ حوكمه‌تا هه‌رێمێ راگه‌هاند” ده‌واما فه‌رمى يا فه‌رمانبه‌رێن داموده‌زگه‌هێن حوكمه‌تا هه‌رێمێ بۆ ده‌مێ ئێك ده‌مژمێر دێ هێته كێمكرن، ئانكو ژ 8 سپێدێ ده‌ستپێدكه‌ت تاكو ده‌مژمێر 2 پشتى نيڤرۆ”.
ئه‌ڤرۆ نيوز:
سه‌رۆك مه‌سعود بارزانى ئێڤاريا ئه‌ڤرۆ ئێكشه‌مبى 5/5/2019 ب هه‌لكه‌فتا هاتنا هه‌يڤا ره‌مه‌زانێ د په‌يامه‌كێ دا پيرۆزباهى ل موسلمانێن كوردستانێ وجيهانێ كر.
د په‌ياما سه‌رۆك بارزانى دا هاتيه” ب هه‌لكه‌فتا هاتنا هه‌يڤا ره‌مه‌زانا پيرۆز، گه‌رمترين پيرۆزباهيان ل هه‌موو موسلمانێن جيهانێ ب گشتى وكوردستانێ وعيراقێ ب تايبه‌تى دكه‌م”.
هه‌روه‌سا گۆت ژى” هيڤيدارم هاتنا هه‌يڤا پر به‌ره‌كه‌ت وره‌حمه‌تێ ره‌مه‌زان ببيته جهێ خێر وخوه‌شيێ بۆ گه‌لێ كوردستانێ وعيراقێ وهه‌موو مرۆڤايه‌تيێ وب دووماهى هاتنا تيرۆرێ وتوندره‌ويێ وبه‌لاڤبوونا ئاشتيێ وپێكڤه‌ژيانێ وئاسووده‌يێ بۆ هه‌موو جيهانێ”.
ئەڤرۆ نیوز:
ئەڤرۆ رۆژا ئێکشەمبی رێککەفتی ٥-٥-٢٠١٩ ل باژێرێ سلێمانیێ نێچیرڤان بارزانی جێگرێ سەروکێ پارتی و کوسرەت رەسول جێگرێ سکرتێرێ گشتی یێ ئێکەتیێ رێککەفتنا ناڤبەرا ھەردو حزبان دا بۆ پێئینانا کابینەیا نوو یا حوکمەتێ ئیمزا کر.
د کونگرەکێ رۆژنامەڤانی دا نێچیرڤان بارزانی دلخوشیا خوە دیارکر ھەمبەر رێککەفتنا پارتی و ئێکەتی و گۆران و پیروزباھیا خەلکێ کوردستانێ کر پشتی چەندین دانوستاندنێن درێژ و سەخت دەربازکرین ھەتا گەشتینە رێککەفتنا دووماھیێ بۆ پێئینانا کابینەیا نوو یا حوکمەتا ھەرێما کوردستانێ.
ئەڤرۆ نیوز:
فه‌رهاد ئه‌مین ئه‌تروشى پارێزگه‌رێ دهوكێ ئەڤرۆ پێشوازیا به‌رێزان زوبێر مورشد رێڤه‌به‌رێ رێكخراوا UNDPل ئیراقێ وابراهیم بشاره به‌رپرسێ پروژان ل رێكخراوا ناڤبرى كر.
دهه‌ڤدیتنه‌كێدا ب ئاماده‌بونا به‌رێز اسماعیل محمد احمد هاریكارێ پارێزگه‌رى بو كاروبارێن مروڤایه‌تى به‌حسێ ره‌وشا پارێزگه‌هێ وپروژه وبه‌رنامێن رێكخراوا UNDPل سنورێ پارێزگه‌ها دهوكێ هاته كرن.
پاش ل ناحیا كه‌له‌كچى سه‌رب قه‌زا شێخان ب ئاماده‌بونا پارێزگه‌رێ دهوكێ و به‌رپرسێ رێكخراوا UNDP ل ئیراقێ وچه‌ند به‌رپرسێن حزبى وئیدارى ل ده‌ڤه‌رێ پروژێ سه‌خبێركرنا رێكا سه‌ره‌كى یا ناحیا كه‌له‌كچى بو گوندێ زیناڤا وپروژێ ده‌رئێخستنا (5) فیده‌رێن كاره‌بێ ودانانا (20) گوهوركا ل وێزدگه‌ها كاره‌با ناحیا كه‌له‌كچى هاتنه ڤه‌كرن.
درێ ورسمێن ڤه‌كرنا هه‌ردوو پروژان دا پارێزگه‌رێ دهوكێ بناڤێ كارگێریا پارێزگه‌هێ وخه‌لكێ ناحیا كه‌له‌كچى سوپاسیا رێكخراوا UNDP كر كو پشته‌ڤانیا بجه ئینانا ( 10)پروژێن خزمه‌تكارى یێن جورا وجور وه‌كو ( رێك وئاڤ وكاره‌ب و…هتد ) كریه بكوژمێ دووملیون دولاران وپتریا وان پروژان كه‌تینه دخزمه‌تا وه‌لاتیان دا وهه‌ردوو پروژێن ئه‌ڤرو هاتینه ڤه‌كرن دچارچوڤێ وان پروژان دا بوون .
پارێزگه‌رێ دهوكێ ته‌كه‌زكر كو ئه‌ڤ پروژه دبچیكن لێ زور دگرنگن ودگرێداینه ب ژیانا روژانه یا وه‌لاتیانڤه وهیڤى خاستن خه‌لكێ ده‌ڤه‌رێ مفاى ژێ وه‌رگرن .
هه‌روه‌سا پارێزگه‌رێ دهوكێ سوزدا كو به‌رده‌وام هه‌ولدانا بكه‌ن بو چێكرنا پروژێن خزمه‌تكارى بو هه‌موو وه‌لاتیان چ ب رێكا حكومه‌تا كوردستانێ یان ب هه‌ڤكارى دگه‌ل رێكخراوێن مروڤایه‌تى بیت.
پاش به‌رپرسێ رێكخراوا UNDP ل ئیراقێ په‌یڤه‌ك پێشكێشكر وته‌كه‌زكر كو رێكخراوا UNDP دێ به‌رده‌وام پشته‌ڤانیا پروژێن خزمه‌تكارى ل سنورێ پارێزگه‌هێ كه‌ت چونكو ژماره‌كا زور یا ئاواره وپه‌نابه‌ران هاتینه پارێزگه‌هێ وبارگرانییه‌كا مه‌زن كه‌تیه سه‌ر هه‌موو سه‌كته‌رێن خزمه‌تكارى وئه‌ڤ ره‌وشه دخازیت كو رێكخراوا UNDP ورێكخراوێن دى هاریكاریا خه‌لكێ پارێزگه‌هێ بكه‌ن.
ئەڤرۆ نیوز:
ئەڤرۆ رۆژا ئێکشەمبی ٥-٥-٢٠١٩ سەرۆک مەسعود بارزانی ل سەلاحەدین دگەل نوونەرێن جووتیارێن ھەرێما کوردستانێ کومبوو.
د ڤێ کومبوونێ دا نوونەرێن جوتیارێن ھەرێمێ بەحس ل کێشە و گرفتێن جوتیارێن کوردستانێ کو ژلایێ حوکمەتا بەغدا بۆ سەرۆک مەسعود بارزانی بەحس کرن تایبەت د بیاڤێ نەدانا پارە و شایستەیێن وان یێن دارایی لەورا داخواز ژ سەرۆک بارزانی کر بزاڤێ بکەت بۆ چارەسەرکرنا ڤان کێشەیان و سوپاسیا وی ژی کر کو خوە ل کێشەیا جووتیاران کریە خودان.
ژلایێ خوە ڤە سەرۆک بارزانی دوپاتی ل پشتەڤانیا خوە بۆ تەخا جوتیارێن ھەرێمێ دیارکر کو بەری نوکە ژی رولەکێ مەزن ھەبوویە د پشتەڤانیەکا مەزن ل شورەشێن کوردی و پێشمەرگەی بووینە دیسان رووناھی خستە سەر گرنگیا کەرتێ کشتوکالی و دوبارە ئەڤ کەرتە بەر ب باشتر بچیتو بیتە فاکتەرەکێ سەرەکی یێ بھێزخستنا ئابورێ ھەرێما کوردستاێ.
ل دووماھیێ سەرۆک بارزانی ب ھەموو شیانێن خوە پشتەڤانیا خوە بۆ داخوازیێن جووتیاران دیارکر ژ بەرکو تووشی ستەمەکا مەزن بوینە و دێ کار کەت بۆ ڤەگەراندنا ماف و شایستەیێن جوتیارێن ھەرێمێ ل بەغدا ماینە راگرتی.
ئه‌ڤرۆ نيوز:
ژ ئه‌گه‌رێ وێ چه‌ندێ كو هه‌تا نها وه‌زاره‌تا دارايى داخواز ژ گه‌نجينێن پارێزگه‌هان نه‌كريه كو ليستێن مووچان بۆ ره‌وانه بكه‌ن، هێشتا پرۆسا به‌لاڤكرنا مووچه‌ى ده‌ست پێ نه‌كريه.
فه‌رمانده‌كێ پێشمه‌رگه‌ى بۆ ئه‌ڤرۆ نيوز گۆت: “هه‌تا نها ئه‌و نه‌هاتينه ئاگه‌هداركرن كو ئه‌ڤرۆ مووچێ وان دێ هێته به‌لاڤكرن”، سه‌ره‌راى وێ چه‌ندێ كو ب گۆره‌ى داخۆيانا وه‌زاره‌تا دارايى پێدڤى بوو ئه‌ڤرۆ مووچێ وه‌زاره‌تا پێشمه‌رگه‌ى هاتبا به‌لاڤكرن.
پێشتر وه‌زاره‌تا دارايى و ئابوورى د راگه‌هاندنه‌كێ دا به‌لاڤكر بوو كو به‌لاڤكرنا مووچه‌ى چو كێشه نينن و ل 5ى هه‌موو هه‌يڤان دێ مووچه هێته به‌لاڤكرن و هه‌تا 23ێ دێ يێ به‌رده‌وام بيت، ب تنێ ئه‌و رۆژ نه‌بن يێن دكه‌ڤنه ئه‌ينى و شه‌مبيان يان ژى بهێنڤه‌دانێن فه‌رمى بن، به‌لێ سه‌ره‌راى نه‌بوونا چو ژ وان ئه‌گه‌ران هه‌تا نها مووچێ وه‌زاره‌تا پێشمه‌رگه‌ى نه‌هاتينه به‌لاڤكرن.
ژێده‌ره‌كى ژ وه‌زاره‌تا دارايى و ئابوورى ژى راگه‌هاند كو هه‌تا نها ئاگه‌هداريا گه‌نجينان نه‌هاتيه كرن كو ليستێن مووچان بۆ وه‌زاره‌تێ ره‌وانه بكه‌ن دا كو ده‌ست ب به‌لاڤكرنا مووچه‌ى بهێته كرن.
ئەڤرۆ نیوز، نەوزاد ھلۆری:
بو دانوستاندن لسەر پێکئینانا کابینا نوو یا حوکمەتا ھەرێما کوردستانێ، نێچیرڤان بارزانی جێگرێ سەروکێ پارتی دیموکراتی کوردستان گەھشتە سلێمانیێ و نوکە ل گەل بزاڤا گوران د کومبوونێ دایە، وەسا بریارە پشتی گورانێ ل گەل ئێکەتیا نیشتمانیا کوردستانێ ژی کوم ببیت.
شاندێ پارتی ب سەروکاتیا نێچیرڤان بارزانی دەستپێکێ سەرەدانا گرێ زەرگەتە کریە و نوکە ل گەل بزاڤا گوران د کومبوونێ دایە داکو داوی دانوستاندنێن پێکئینانا کابینا نوو یا حوکمەتا ھەرێما کوردستانێ بکەن.
وەسا بریارە ھەر ئەڤرۆ ئێڤاری نێچیرڤان بارزانی سەرەدانا ئێکەتیا نیشتمانیا کوردستانێ ژی بکەت، بو دانوستاندن لسەر تەوەرێ دیارکری.
نيشاندان