ئهڤرۆ نيوز:
پشتى ئهڤرۆ پێنجشهمبى 22/8/2019 فهرمانا مهزاختنا مووچێ فهرمانبهرێن ههرێما كوردستانێ ژ بهغدا گههشتيه لقێ ههولێرێ يێ بهنكا ناڤهنديا عيراقى، برياره ل حهفتيا داهاتى مووچێ ڤان جهان بهێته بهلاڤكرن:
- وهزارهتا سامانێن سروشتى
- وهزارهتا ئهوقافێ وكاروبارێن ئايينى
- وهزارهتا خواندنا بلند
- وهزارهتا ناڤخوه
- پێشمهرگێ زێرهڤانى و بهرگرى ناڤخوه
- جڤاتا ئاسايشێ ودهزگههێ ئاسايشێ
- رهگهزنامه وپاسهپۆرت
- ليوايێن 1 و 2 يێن پۆليسێن پاراستنا دامودهزگههێن پهترۆلى.
ئەڤرۆ نیوز؍عەلی حاجی :
رێڤەبەریا چالاکیێن قوتابخانەیان یا سەر ب رێڤەبەریا پەروەردا زاخۆ ڤە؍رابوو ب دوماهی ئینانا خولەکا شێوەکاری بۆ ۵۵ کور و کچێن بەهرەمەند. کەلحی نعمەت؍رێڤەبەێ پشکا چالاکیێن قوتابخانەیان بۆ ئەڤرۆ نیوز دياركر كو دهمێ هەیڤەکێ ۵۵ کور و کچێن بەهرەمەند دژیێن جودا دا پشکداری د ڤێ خولا هاڤینی دا کرن کو سالانە ژلایێ مەڤە دهێتە ڤەکرن؍خوەش بەختانە و جهێ سەرنجێ بوو ژبەر کو پتريا پشکدار بویێن خولێ کچ بوون؍ کەسێن پشکدار ژی خودان بەهرە بون و شیانێن باش هەبوون و مە شیا چەندین کارێن باش نیشانی وان بدەین.
گوت ژی :پشتی خول ب دووماهی هاتی ؍ئەڤرۆ پێنچ شەمبێ مە پێشانگەهەکا شێوەکاری بۆ پشکدار بوويێن خولێ ڤەکرو نێزیکی ۳۰۰وێنەێن تابلوێن وان هاتنە نیشاندان و دیار بوو ب رێیا وێ پێشانگەهێ کو شیانێن وان د چێکرنا وێنەیان دا باشتر بووینە؍ئەڤە وێ چەندێ دگەهینیت کو وان مفایەکێ باش ژێ دیتیە.
ئەڤرۆ نیوز، نەوزاد ھلۆری:
فلمە ڤیستەڤالا دھۆک یا نیڤدەولەتی ئەندامێن ژوورا کورتە فلمان و بەلگە فلمان یێن گەرا حەفتێ راگەھاندن، کو بریارە رۆژانێن 9-16ێ ئیلونێ 2019 ب رێڤەبچیت، د ڤیستەڤالێ دا 112 فلم ل 75 وەلاتێن جیھانی ژی پشکدارن.
سەروک و ئەندامێن ژووريا کورتە فلمان دێ بڤی رەنگی بیت:
- سەروکا ژوورێ (ئانا دايڤێد)
ئانا دايڤێد، ل سالا 1989 ژ دایکبویە، بەرنامەسازا کورتە فلمایە و رێڤەبەرا پێشەسازیا لیندەلس بویە د فلمە ڤیستەڤالا نیڤدەولەتی یا سەربخوە، ئەنداما دەستەیا راوێژکاریا پانوراما بەرلینێ یە.
- ئەندامێ ژووريێ (سینان یوسوفوگلو سینارست)
سینان یوسوفوگلو سینارست ل سالا 1985 ل وەلاتێ ئەلمانیا ژ دایکبویە، ل سالا 2012 ھەتا نوکە دناڤ کارێن بەرھەمئینانێ دایە و بەرھەمھێنەرێ سەرەکی بوو د فلمێ ئاتنونجەمەنت ل سالا 2018 یێ ماھموت فازل جوسکون دا.
- ئەندامێ ژووريێ (بەرۆژ ئاکرەی)
بەرۆژ ئاکرەی ل باشوورێ کوردستانێ ژ دایکبویە، پشتی چەند سالێن پەنابەریێ ل گەل خێزانا خوە دچیتە سوێد و پاشان دزڤریتە ھەولێرێ، شەش کومەلێن ھەلبەستان ب کوردی و دو کومەلێن کورتە فمان ژی ب فارسی بەلاڤکرینە، دیسان بەرۆژ وێنەگرێ ژێھاتی و وەرگێرەکێ ناڤدارە د ئەدەبیاتێن فارسی بۆ کوردی دا.
سەرۆک و ئەندامێن ژووريا بەلگە فلمان دێ ب ڤی رەنگی بیت
- سەرۆکێ ژۆريێ (تۆماس کۆسەلەر)
تۆماس کۆسەلەر ل سالا 2016 رێڤەبەرێ ئەنستیوتا عیراقی یە، کو نڤیسینگەھا وان یا پەیوەندیا ل ھەولێرێ ھەیە، بو دەما 10 سالایە کارێ بەرھەمئینان و بەلاڤکرنا فلمان کریە بو کومپانیەکا سەربخوە ل بەرلینێ.
- ئەنداما ژووريێ (ئانا لونگول بوخارست)
ئانا لونگول بوخارست، ل سالا 1978 ژ دایکبویە، دوارێ دەروناسی و دەرھێنەریا فلمان دا خواندیە، ل سالا 2010 ب ھەڤکاری ل گەل ئانا سزەلی دەرھێنەریا فلمەکێ کریە.
3- پهرى ئيبراهيم ئهندامێ ژووريێ:
ئەڤرۆ نیوز، نەوزاد ھلۆری:
خالا گومرکا سەر زێرى یا سەر ب ناحیا کانی ماسێ دەمەکە بوویە رۆژانە، ب ڤێ یەکێ ھاتنوچونا گەشتیار و رێڤینگان ژی زێدە بوویە، رێڤەبەرێ خالا گومرکا ناڤبری ژی دیارکر کو بزاڤ دھێنەکرن ب زووترین دەم سەر زێر ببیتە دەرگەھەکێ نێڤدەولەتی.
عیرفان سلێمان، رێڤەبەرێ خالا گومرکی یا سەر زێرى ل سنورێ قەزا ئامێدیێ بۆ ئەڤرۆ نیوز گۆت: (گومركا سەر زێرى تاکە دەرگەھێ سنوری یە د ناڤبەرا قەزا ئامێدیێ و تورکیا و رۆژانە ھاتنوچوونەکا زوورا رێڤینک و گەشیتاران ھەردو لایان ل سەر ھەیە).
زێدەتر گۆت: (پشتی کو دەواما رۆژانەیا گومرکێ دھەفتیێ دا ژ پێنج روژان بوویە حەفت رۆژ ھاتنوچوونا رێڤینک و گەشتیاران ژی د زێدەبوونێ دایە، ئەڤ یەک ژی جھێ دلخوشیێ یە، پێشتر رۆژانە د ناڤبەرا 600 بو 700 گەشتیار و رێڤینکا ھاتنوچوون دکر، بەلێ نوکە د ناڤبەرا 700 بۆ 900 گەشتیار و رێڤینک ھاتنوچوونێ دکەن).
ناڤبری دیارکر ژی کو کارو و بزاڤێن حکومەتا عیراقێ و ھەرێما کوردستانێ بو نیڤدەولەتیکرنا سەر زێری دبەردەوامن و زێدەتر گۆت: (ژ لایێ تورکیاڤە بەردەوام کار ل سەر دھێتەکرن، ژ لایێ ھەرێما کوردستانێ ژی ڤە دیزاین ھاتیەکرن و چاڤەرێ دکەین کو بریارا نیڤدەولەتیکرنێ ب زوترین دەم بچیتە د وارێ بھکرنێ دا، ئەگەر سەر زێر ببیتە دەرگەھەکێ نێڤدەولەتی ھاتنوچوونا گەشتیار و رێڤینگان و بارزگانی ژی دێ بەر ب زێدەبوونێ ڤە چیت، نوکە تنێ بارزگانیا سنوردار دھێتەکرن).
دھێتە زانین کو دەواما رۆژانەیا خالا گومرکی یا سەر زێر ب دو شێوەیان دھێتەکرن، ئەو ژی وەرزێ زڤستانێ ل رێکەفتی 31/10 دەست پێ دکەت و ھەتا 31/3 بەردەوام دبیت، رۆژانە ژی ل دەمژمێر 8:30ێ سپێدێ ھەتا دەمژمێر 5:00ێ ئێڤاری یە، ل وەرزێ ھاڤینێ ژی ل رێکەفتی 31/4 دەست پێ دکەت و ھەتا 30/9 بەردەوام دبیت، رۆژانە ل دەمژمێر 8:30ێ سپێدێ ھەتا دەمژمێر6:00ێ ئێڤاری یە.
ئەڤرۆ نیوز، نەوزاد هلۆری:
دەرهێنەرەکێ كورد کو خەلکێ ئاکرێ یە، شیا د ڤیستەڤالا (عەدەسا زێری) ل بەغدا پلا دویێ ب دەستخوڤە بینیت و بهێتە خەلاتکرن وەکو باشترین دەرهێنەر.
کاوە زوهێر، رێڤەبەرێ رهوشهنبيرى و هونەری ل ئاکرێ بۆ ئەڤرۆ نیوز گۆت : (ئەڤە چەند رۆژەکە ڤیستەڤاڵا عەدەسا زێرین ل بەغدا دهێتەکرن، ئەڤرۆ د رۆژا دووماهيێ دا ئەنجام هاتنە راگەهاندن، دەرهێنەرێ کورد و کورێ باژێرێ ئاکرێ رزگار رەشید شیا پلا دویێ ب دەستخوڤە بینیت و بهێتە خەلاتکرن).
زیدەتر گوت: (وەکو رێڤەبەریا رەوشەنبیری و هونەری یا ئاکرێ پیروزباهیا خوە ل کورێ ئاکرێ دکەین کو ئەڤ یەک ژی جهێ شانازیێ یە، دیسان رێڤەبەریا مە خهمسارى نەکریە د هاریکاریکرنا وی دا و پشتەڤانیا خوە بۆ وی و هەموو هونەرمەندێن دى ژی دوپات دکەین).
دهێتە زانین د ڤیستەڤالا عەدەسا زێرین کو ل بەغدا ب رێڤەدچو،114 فلم پشکدارببوون و خەلاتێ ئێکێ بۆ فلمێ (ئەلعنقاء) هاتەدان کو دەرهێنەرێ وێ خەلکێ بەغدایە، خەلاتێ دویێ بۆ فلمێ (ئاواز) یێ دەرهێنەر رزگار رەشید هاتیەدان و خەلاتێ سێ یێ ژی بۆ فلمێ (ئەلحالم) هاتەدان کو ئەو ژی يێ دهرهێنهرهكێ خەلکێ بەغدا بوو.
ئهڤرۆ نیوز، نهوزاد هلۆرى:
وهلاتیهكێ كومهلگهها سیریێ یا سهر ب ناحیا شێلادزێ ب ناڤێ (سهعید شاجى) ئهڤه پترى 14 سالایه ب رێیا تانكهرێ ئاڤێ و تراكتورێ ئاڤێ بۆ خهلكى دابیت دكهت، بڤى رهنگى زاروكێن خوه خودان دكهت، سهعید مال ب مالێن ههموو ناحیا شێلادزێ و دهڤهرێ دزانیت و خهلك ژى ههموو وى دنیاسن، ژبلى كارێ ئاڤێ ب رێیا تانكهرێ تراكتورێ چو كارێن دی ناكهت و دخوازیت وهلاتى و حوكمهت و جهێن شولهژێ دهست ب ئاڤاكرنا پرۆژه و خزمهتگوزاریان و خانيان بكهن داكو كارێ وى ژى ڤهبیت.
ئهڤرۆ نیوز:
وهزارهتا ئهوقاف وكاروبارێن ئایینى ل ههرێما كوردستانێ ئاشكراكر ئهو پارێ ئهڤ ساله وهلاتیێن حهجیێن ههرێما كوردستانێ بۆ ئهنجامدانا رێ ورهسمێن حهجێ مهزاختین زێدهتره ژ 31 ملیۆن دۆلاران.
نهبهز ئیسماعیل، پهیڤدارێ وهزارهتا ئهوقاف وكاروبارێن ئایینى ل ههرێما كوردستانێ د داخۆیانیهكا رۆژنامهڤانى دا گۆت” ئهڤ ساله ب ههردو شێوێن تیرۆپشك وبازرگانى حهفت هزار و130 كهس ژ ههرێما كوردستانێ ب مهرهما ئهنجامدانا رێ ورهسمێن حهجێ چووینه وهلاتێ سعودیێ، ئهوێن ب شێوێ تیروپشكێ چووین گۆژمێ چار هزار و 200 دۆلار وئهوێن ب شێوێ بازرگانی ژى گۆژمێ شهش هزار و 300 دۆلار ژێ هاتینه ستاندن، ب ڤێ چهندێ ژى ئهو پارێ بۆ وێ مهرهمێ ژێ هاتیه وهرگرتن دبیته 31 ملیۆن و 630 هزار و 200 دۆلار”.
گۆت ژى” ب وى پارهى خزمهتگوزاریێن خوارنێ ومانێ وپێدڤیێن دى بۆ حهجیان هاتینه دابینكرن، بهلێ كرینا دیاریان ل سهر حهجیان ب خوه بوو”.
ئهڤرۆ نیۆز، محهمهد عهلی نوری:
كارگێریا یانا دهۆك یا وهرزشی ب فهرمی ههڤبهستا پێنچ یاریزانێن خوه یێن یاریا باسكت بۆلێ بۆ دهمێ ئێك وهرز نوو كر ژبۆ خوه بهرههڤكرنێ بۆ وهرزێ نوو یێ ههردو خولێن عیراقێ و كوردستانێ بۆ یانێن پلا نایاب.
قاسم سالح، سهرپهرشتێ تیما باسكت بۆلا یانا دهۆك بۆ ئهڤرۆ نیوز دیاركر كو ب فهرمی ههڤبهستا ههر پێنچ یاریزانێن خوه، وارشین لوتفی، عهبدوللا محهمهدعهلی، ئاراز مشیر ئلیاس، بۆتان خورشید و عهبدولرحمان محهمهدعهلی نوو كر بۆ خوه بهرههڤكرنێ بۆ وهرزێ نوو یێ ههردو خولێن عیراقێ و كوردستانێ و گوت: دێ ههموو بزاڤا كهین تیما خوه ب شێوهكێ بهێز ڤهگهرێته خولا عیراقێ لهورا دێ چهند یاریزانهكێن پیشهكار دگهل یاریزانێن پارێزگههێ ل سهر تیمێ زێدهكهین ژبۆ بهرههڤیهكا باشتر ب مهرهما مه ڤهگهراندنا یانا دهۆك د چالاكیێن وهرزشی یێن عیراقێ ودهڤهرێ دا.
ئهڤرۆ نیوز:
لژنا دووڤچوونا بازارى ل قایمقامیا قهزا دهۆكێ ئهڤرۆ دوشهمبى 21/8/2019 سهرهدانا هژمارهكا نانپێژیا وكافیا وخوانگههان كر.
عادل ئەنوەر، ئەندامێ لژنا دووڤچوونێ راگههاند” د ڤێ سەرەدانێ دا، ژنێزیک ل سەر رەوشا لێنانگەهێن ڤان جهان وپێگیریا وان ب رێنمایێن لژنێ ئاگەهداربوو، ههروهسا بریار هاته دان ب سزادانا خوارنگەها (کەباب بوهار) و (نانپێژیا دیندار) ب گوژمەکێ پارەی ژبەر نەپێگیریكرنا وان ب رێنمایێن ساخلەمیێ.
گۆت ژى” هندەك جهان ژی هوشداری بۆ هاتنە دان کو رێنمایان بجهبینن”.
بۆ ههر گازندهكێ ژى، وهلاتى دشێن ب رێیا ڤێ هژمارا تهلهفۆنێ (۰۷٥۰۱٦۱۲٦۲۲) پهیوهندیێ ب لژنا دووڤچوونا بازارى بكهن.
نيشاندان