ئەڤرۆ نیوز،ھەژار مەعروف:
تیما باسکت بولا یانا زاخۆ بۆ جارا سیێ شیا ناسناڤێ خولا پلا نایاب یا باسکت بولا ھەرێما کوردستانێ ب دەستخوڤە ببەت پشتی ئەڤرۆ شیا ل یاریا خوە یا حەفتیا بەری دووماھیێ ژ خولا کوردستانێ سەرکەفتنێ ل سەر یانا دبس توماربکەت ب ٧٢ خالان بەرامبەر ٦٠ خالان و ناسناڤێ خولێ مسوگەرکری و چاڤەرێ دھێتەکرن ل ھەینیا بھێت یانا زاخۆ یاریا خوە یا گەرا دووماھیێ ژ خولێ بەرامبەر یانا دھۆک بکەت کو چاڤەرێ دھێتەکرن د وێ یاریێ دا یانا زاخۆ بھێتە خەلاتکرن.
ئەڤرۆ نیوز،ھەژار مەعروف:
بەری ب دووماھیی ھاتنا خولا پلا نایاب یا کوردستانێ ب یاریەکێ چیروکا خۆلا پلا نایاب یا کوردستانێ ب دووماھیی ھات کو قارەمانا خولێ و خودانا رێزا دوێ بوو وەرزێ ٢٠١٨-٢٠١٩ مسوگەر بوو ھەردیسان ھەردو یانێن پاشڤەزفرینێ ژی ئاشکرا بوون .
کو یانا پێشمەرگە ھەولێر رێزا ئێکێ وەکو قارەمانا خولێ ناسناڤێ خولێ مسوگەر کر و یانا نەوروز وەکو تیما رێزا دوێ مسوگەر کر ھەردیسان ھەردو یانێن گاز باکور و ئاکرێ ب فەرمی پاشڤەزفرینە خولا پلا ئێک.
ھەولیستێ خولێ پشتی یاریێن گەرا ٢٥ و بەری ب دووماھیی ھاتنا خولێ ب حەفتیەکێ ب ڤی رەنگێ خوارێ یە
١- پێشمەرگە ھەولێر ب ٤٨ خالان وەکو قارەمانا خولێ
٢- نەوروز ٤٤ خال رێزا دوێ مسوگەر کر
٣- ئارارات ٣٨ خال
٤- پێشمەرگە سلێمانیێ ٣٧ خال
٥- دھۆک ٣٥ خال
٦- زێرەڤانی ٣٤ خال خال
٧- شێروانە ٣٣ خال
٨- دەربەندیخان ٣١ خال
٩- برایەتی ٣٠ خال
١٠- ھەولێر ٣٠ خال
١١ – ھندرین ٣٠ خال
١٢- زاخۆ ٢٩ خال
١٣- گاز باکور ٢٦ خال ب فەرمی پاشڤەزفری خولا پلا ئێک
١٤- ئاکرێ ١٤ خال ب فەرمی پاشڤەزفری خولا پلا ئێک
ئەڤرۆ نیوز،ھەژار مەعروف:
بەری دەمەکێ کێم یاریێن گەرا ٢٥ و بەری دووماھیێ ژ خۆلا پلا نایاب یا کوردستانێ یا تەپا پێ ب دووماھیی ھاتین کو پێشمەرگە ھەولێر د ماوێ سێ سالان دا بوو جارا دوێ شیا ناسناڤێ خولا ھەرێما کوردستانێ ب دەستخوڤە ببەت پشتی شیای ئەڤرۆ پاشکەفتنا خوە ب سێ گولان ل گەل یانا ھندرین بکەتە وەکھەڤی ب سێ گولان و یانا پێشمەرگە ب فەرمی ناسناڤێ خولێ مسوگەرکر بەری ب دووماھیی ھاتنا خولێ ب حەفتیەکێ پشتی خالێن خوە گەھاندی نە ٤٨ خالان ب جوداھیا ٤ خالان ژ ھەڤرکا خوە یانا نەوروز ئەوا ل رێزا دوێ دھێت ب ٤٤ خالان کو ئەوژی د ڤێ حەفتیێ دا ب سەرکەفت ل سەر یانا دەربەندیخان ب دو گولان بەرامبەر گولەکێ .
ژلایەکێ دیڤە ل ھەر ئێک ژ یانێن ھندرین و ھەولێر و برایەتی و زێرەڤان و زاخۆ ب فەرمی خوە ژ مەترسیا داکەفتنێ قورتالکرن پشتی کو برایەتی شیا سەرکەفتنەکا مەزن ل سەر یانا ئاکرێ توماربکەت ب چار گولان بێ بەرامبەر و ھەولێر ب سەرکەفت ل سەر ئارارات ب گولەکێ بێ بەرامبەر و ھندرین ژی ل گەل سەرکێشا خولێ یانا پێشمەرگە ھەولێر وەکھەڤبووی ب سێ گولان و زێرەڤانی ژی ب سەرکەفت ل سەر زاخۆ ب دو گولان بەرامبەر گولەکێ ب ھەمان ئەنجام دھۆک ب سەرکەفت ل سەر گاز باکور و ب فەرمی ھەردو یانێن گازا باکور و ئاکرێ پاشڤەزفرینە خۆلا پلا ئێک یا کوردستانێ .
ئه‌ڤرۆ نيوز:
هه‌ردو وه‌زاره‌تێن دارايى وناڤخوه ل هه‌رێما كوردستانێ برياره‌كا هه‌ڤپشك ل دۆر ترومبێلێن حكومى ده‌ركر.
ل دووڤ نڤيساره‌كا هه‌ڤپشك يا هه‌ردو وه‌زاره‌تان بريار هاتيه دان ب راگرتنا هه‌موو مه‌زاختيێن سوته‌مه‌نيێ وچێكرنا وان ترومبێلێن كو ژ لايێ لژنا بلند بريارا فروشتنا وان ل 1/4/2019 هاتيه په‌سه‌ندكرن.
ل سالا بۆرى حوكمه‌تا هه‌رێمێ بريار دا ترومبێلێن حكومى يێن فه‌رمانگه‌هان ژبلى ترومبێلێن خزمه‌تگوزارى بفروشيته وان فه‌رمانبه‌رێن كو چه‌ندين ساله ئه‌و ترومبێل ل ده‌ف وان وفروتنا وان ترومبێلان ژى ب فه‌رمانبه‌ران ب قستێ 10 سالى يه كو دبيته 120 قست، دانا قستى ژى هه‌يڤانه نينه، به‌لكو ل گه‌ل وه‌رگرتنا مووچه‌يه.
ئه‌ڤرۆ نيوز:
وه‌زيرێ په‌روه‌ردێ ل هه‌رێما كوردستانێ پشتيوان سادق راگه‌هاند، دامه‌زراندنا مامۆستايێن وانه‌بێژ دێ ل دووڤ به‌رنامێ كابينا نوو يا حوكمه‌تا هه‌رێمێ بيت و بگۆره‌ى پێدڤيێ وبسپۆريێ ل قوتابخانان دێ هێنه دامه‌زراندن.
پشتيوان سادق ئه‌ڤرۆ دوشه‌مبى دكۆنگره‌كێ رۆژنامه‌ڤانى، ل دۆر مامۆستايێن گرێبه‌ست گۆت” ل سالێن بۆرى ژبه‌ركو حوكمه‌تا هه‌رێما كوردستانێ د قه‌يرانێ دا بوو وبودجا پێدڤى نه‌بوو، له‌وما دشيان دا نه‌بوو ببنه مامۆستايێن به‌رده‌وام”.
دياركر ژى” هه‌ر ده‌مێ بودجه بهێته دانان، دێ كێشا وان مامۆستايان ب هاريكاريا جڤاتا وه‌زيران ووه‌زاره‌تا دارايى بودجه بۆ هێته دياركرن”.
ئەڤرۆ نیوز:
ژ بەر وەفاتا برایێ سەرۆکێ بەرێ یێ پارتیا سوسیالیست یا باکورێ کوردستانێ کەمال بورکای سەرۆک مەسعود بارزانی برۆسکەکا بەهیداریێ ئاراستەی کەمال بورکای دکەت کو ئەڤە ژی دەقێ ڤێ یە.
بەرێز کاک کەمال بورکای
ب مخابنی ڤە من گوه ل دەنگوباسێ وەغەرکرنا برایێ هەوە کاک مستەفای بوو، سەرساخیێ ل هەوەیێ بەرێز دکەم و هەلگرێ خەما هەوەینە و ژ خودایێ مەزن دخوازم جهێ خودێ ژێ رازی بهەشتا بەرین بیت و دووماهیکا خەما هەوە بیت.
ئەڤرۆ نیوز:
فه‌رهاد ئه‌مین ئه‌تروشی پارێزگه‌رێ دهوكێ ئەڤرۆ پێشوازیا دكتور سەباح نورى دلێمى وه‌زیرێ پلان دنانا عێراقا فیدرال و شاندێ دگه‌لدا كر.
دهه‌ڤدیتنه‌كێ دا ب ئاماده‌بونا هه‌ردو جێگرێن پارێزگه‌رێ دهوكێ و هاریكارێ پارێزگه‌رى بو كاروبارێن مروڤایه‌تى، پارێزگه‌رێ دهوكێ كورتیه‌ك دا سه‌ر سه‌روبه‌رێ پارێزگه‌ها دهوكێ و هژمارا خه‌لكێ پارێزگه‌هێ و قایمقامى و ناحیێن سنورێ پارێزگه‌هێ و دیار كر كو پارێزگه‌ها دهوكێ ب هه‌مى قه‌زایێن خوڤه زێده‌تره ژ ئێك ملیون و پێنج سه‌د هزار كه‌سان زێده‌بارى ڤه حه‌واندنا نێزیكى ملیونه‌ك ئاوارێن ده‌ڤه‌رێن مووسل و شنگالێ و په‌نابه‌رێن سورى كو هه‌مى پێكڤه ل 21 كه‌مپا هاتینه ئاكنجیكرن و دیار كر كو ل پارێزگه‌ها دهوكێ 6 زانكو هه‌نه 3 ژوان حكومى نه و 3 یێن دى كه‌رتێ تایبه‌تن.
و دیار كر كو ڤێ هژمارا زور یا ئاواره و په‌نابه‌را باگرانیه‌كا زور ئێخستیه سه‌ر هه‌مى كه‌رتێن ژیانێ ل پارێزگه‌ها دهوكێ.
ده‌رباره‌ى زڤرینا ڤان ئاوارا پارێزگه‌رێ دهوكێ دیار كر كو ژبه‌ر نه‌ئارامى یاده‌ڤه‌رێن وان و وێرانیا بسه‌رده‌ڤه‌رێن واندا داهاتى نه‌شیێن بزڤرن.
دیڤدا وه‌زیرێ پلان دنانێ دیار كر كو ئارمانجا هاتنا وى ئه‌وه ژنێزیك ئاگه‌ه ژ ره‌وشا پارێزگه‌هێ ببیت و گوت: ئه‌م دزانین باره‌ك گران ل سه‌ر ملێن پارێزگه‌ها دهوكێ یه و مه به‌رنامێ سندوقا جڤاكى بو گه‌شه پێدانێ ب پشته‌ڤانیا سندوقا دراڤى یا نیڤ ده‌وله‌تى ده‌ست پێكریه و ل هه‌مى عێراقێ سى پارێزگه‌ه هاتینه ژێگرتن ئه‌وژى پارێزگه‌ها موسه‌ننا و تكریت و هه‌رێما كوردستانێ دهوك هاتیه ژێگرتن ژبه‌ر كو ل دیف پیڤه‌ران دهوك هه‌ژارترین پارێزگه‌ها هه‌رێما كوردستانێ یه و ل به‌رنامه بریار بو 10 گوندا هاریكاریێ بو بكه‌ین لێ پشتى سه‌ره‌دانێ مه بریار دا بكه‌ینه 20 گوند و لسه‌ر پێشنیار و پێدڤیا خه‌لكێ ڤان گوندا دێ پروژا بو بجهئینین.
دیڤدا دكونگره‌كێ روژنامه‌ڤانى دا به‌راهیێ پارێزگه‌رێ دهوكێ سه‌ربارى بخێرهاتنێ ل وه‌زیرێ پلان دنانا عێراقێ و شاندێ دگه‌لدا گوت : ئه‌م وه‌كو كارگێریا پارێزگه‌هێ خوشحالین كو وه‌زیرێ پلان دنانێ سه‌ره‌دانا مه كرى و ئه‌ف سه‌ره‌دانه نیشانا هندێ یه كو كابینا عادل عبد المهدى و تایبه‌ت وه‌زیرێ پلان دانانێ نه‌خشێن باش هه‌نه و لبه‌ر كو ئه‌و كێشه و ئالوزى هه‌مى بهێنه چاره‌سه‌ركرن ل سه‌ر ئاستێ عێراقێ
دیسان ده‌رباره‌ى هاتنا وه‌زیرێ پلان دانانێ پارێزگه‌رێ دهوكێ گوت : سندوقه‌ك هاتیه دورست كرن بناڤێ سندوقا جڤاكى بو گه‌شه پێدانێ ب پشته‌ڤانیا جه‌نابێ وه‌زیرى و رێڤه‌به‌را گشتى كو به‌رده‌وام دگه‌ل ستافێن مه كار دكه‌ن بو بجهئینانا ڤى پروژه‌ى ل هنده‌ك جهێن هه‌ژارى یا لێ زیده ,, و پارێزگه‌ها دهوكێ هژماره‌كا زور یا ئاواره و په‌نابه‌را لێ هه‌یه هه‌روه‌سا جهێ داخێ یه كو دهوك ل سه‌ر ئاستێ هه‌رێما كوردستانێ هه‌ژارترین پارێزگه‌هه و پێتر بێكارى لێ هه‌یه ئه‌ڤه ژى ئێك ژوان ئه‌گه‌را بویه كو وه‌زراه‌تا پلان دنانێ یا عێراقێ و به‌نكا نیڤ ده‌وله‌تى ئه‌ف پارێزگه‌هه ژێگرتى دگه‌ل هنده‌ك پارێزگه‌هێن دى یێن ئێراقێ داكو هژماره‌كا پروژێن خزمه‌تكارى لێ بهێنه ئه‌نجام دان.
دیڤدا وه‌زیرێ پلان دنانێ گوت : ئه‌م یێن هاتینه دهوكێ داكو دیف چونا پروژێ سندوقا جڤاكى بو گه‌شه پێدانێ كو ب داخازیا وه‌زاره‌تا پلان دنانا ئێراقا فیدرال و برازایبونا ئه‌نجومه‌نێ وه‌زیرێن ئێراقا فیدرال و پشته‌ڤانیا سنده‌قا نیف ده‌وله‌تى هاتیه دانان ئه‌ف سندوقه ,كوژمێ 300 ملیون دولار هاتینه قه‌ر كرن ژ سندوقا نیف ده‌وله‌تى كو دپێنج سالا بهێنه بجهئینان و سێ پارێزگه‌ه ژ ئێراقێ هاتنه ژێگرتن و دهوك ژ هه‌رێما كوردستانێ هاتیه ژێگرتن ژبه‌ر كو هه‌ژارترین پارێزگه‌ها هه‌رێما كوردستانێ یه و باره‌كێ گران یێ ئاواره و په‌نابه‌را ل سه‌ر ملێن ڤێ پارێزگه‌هێ یە.
دیڤدا پارێزگه‌رێ دهوكێ و وه‌زیرێ پلان دانانا ئێراقێ سه‌ره‌دانا ناحیا باتێلێ دا و ب ئاماده‌بونا قامقامێ سێمێلێ دگه‌ل هژماره‌كا كه‌سایه‌تیێن ده‌ڤه‌را ناحیێ كومبون و گوهداریا پێشنیار و بوچونێن وان كر و بریاره هاته دان كو جادێن باتێلێ و یاریگه‌هه ته‌پا پێى بو بهێنه دورست كرن ,
پاشى سه‌ره‌دانا كه‌مپا خانكێ یا ئاوارێن شنگارێ دا و گه‌ریانه‌ك دنافدا كر و سه‌حكره ره‌وش و سه‌روبه‌رێ ئاوارا .
ئەڤرۆ نیوز:
حزبەکا نوو یا سیاسی ل پارێزگەھا سلێمانیێ ب ناڤێ ( پارتی دیموقراتی دادپەروەری) ھاتە دامەزراندن و ئارمانجا وان ئەوە پشکداریێ د ھەلبژارتنێن ئەنجوومەنێ پارێزگەھان ژی پشکداریێ بکەن.
زێدەتر سەرپەرشتێ ڤێ حزبێ دانا تەیب دیارکر ئەو حزبەکا نوونە و ئارمانجا وان کومکرنا بیروبوچونێن جودایە و دێ ب شێوەکێ مودرێن کارێ خوە کەن، و نوکە ئەوان ب فەرمە داخوازا وەرگرتنا مولەتێ کریە ژ وەزارەتا نافخو یا ھەرێما کوردستانێ و کومسیونا بلندا سەربەخویا ھەلبژارتنێن عیراقێ کریە ژ بەرکو وان پلان دانایە بۆ ھەلبژارتنێن ئەنجوومەنێ پارێزگەھێ پشکداریێ بکەن و چەندین کەسێن خودان باوەرنامە یێن خودا شیان کاندید بکەن.
ئەڤرۆ نیوز، عەلی حاجی:
ئەڤرۆ رۆژا دوشەمبی رێککەفتی ٢٩/٤/٢٠١٩ کچەکا ١٩ سالی یا کو خەلکێ زاخۆیە ل سەر پرا بەدرخانی نزیک تاخێ شەعبانیکێ یا زاخۆ خوە ھاڤێتیە د رووبارێ خابیری دا و خەندقیە.
بێوار عەبدولعەزیز بەرپرسێ راگەھاندنا بەرەڤانیا شارستانیا پارێزگەھا دھۆک بۆ ئەڤرۆ نیوز گۆت: ئەڤرۆ ل دەمژمێر ١٢ نیڤرۆ ھاتینە ئاگەھدارکرن کو کچەکێ خوە ھاڤێتە رووبارێ خابیری دا و خەندقیە و تیمێن مە یێن نقوومڤانی ژی ل جھێ روودانێ ئامادەبووینە و ھەتا نوکە بەردەوام لێگەریانا لاشێ وێ دکەن لێ ب مخابنی ڤە ھێشتا نەھاتیە دیتن.
ناڤھاتی دا زانین ئەو کچ خەلکا زاخۆ یە و ل دووڤ زانیاریان تەمەنێ وێ ١٩ سالە و ئەگەرێن خوە ھاڤێتنا وێ ژی دیار نینن ھەتا لایەنێن پەیوەندیدار ڤەکولینێ ب دووماھی دئینن.
ئەڤرۆ نیوز، نەوزاد ھلۆری:
ب مەرەما نەھێلانا مین و تەقەمەنیان، رێڤەبەریا گشتی یا کاروبارێن مین و تەقەمەنیان ل پارێزگەھا دھۆک دەست ب پاقژکرنا گرێ قائیدا ل دێرەلووکێ کر کو پتری 52 ھزار مەترێن چوار گوشەیە.
مەسعود مەلا شەفیق، رێڤەبەرێ گشتیێ کاروبارێن مین و تەقەمەنیان بۆ ئەڤرۆ نیوز گۆت: (ب مەرەما نەھێلان و پاقژکرنا مین و تەقەمەنیان ل سنوورێ دەڤەرا ئامێدیێ و ناحیا دێرەلووک ب تایبەتی، تیم و کەمپەک بو راکرنا مین و تەقەمەنیان ل ئامێدێ ھاتیە دانان، نوکە ئەوێ تیمێ دەست ب راکرن و نەھێلانا مین و تەقەمەنیان کر ل گرێ قائیدا ل دێرەلووک).
زێدەتر گۆت: (رووبەرێ ئەوی گری دبیتە پتری 52 ھزار مەترێن چوارگوشە، ھەر چەندە دڤیا زوتر دەست پێ کربایە، بەلێ ژ ئەگەرێ بارینا بارانێن بەردەوام و نەدانانا فەرمانبەر و کارمەندێن گرێبەستێن نوو راکرنا وان ژی گیروبوو، بەلێ تیم نوکە ب شێوەیەکێ بەردەوام دەست بکاربوو و تا نوکە سێ پارچە تەقەمەنی ھاتینە دیتن، دەستپێکێ ژی ل رەخێ گوندێ گەلەکا دەست پێ کر ژبەرکو خەلکێ وی گندی گلەی دکرن چونکی گیانەورێن وان دچنە دەردورێن گری و پێشتر ژی چەند گیانەوەر و تەرش و کەوالێ وان بویە قوربانی و ھاتینە کوشتن).
ناڤبری دیارکر ژی کو پشتی داوی ھاتنا گرێ قایدا ئەو دێ چاڤەرێ بن کو کوژمەکێ پارەی ژلایێ گەشەپێدانا پارێزگەھا دھۆک بھێـە تەرخانکرن بو تیم و کەمپا وان داکو بشێن ل گەلێ بالندا و جھێن دن ژی مین و تەقەمەنیان راکەن و نەھێلن.
نيشاندان