ئه‌ڤرۆ نيوز:
فراكسيۆنا نه‌وه‌ى نوێ بايكوتا كۆمبوونا په‌رله‌مانى كر
فراكسيۆنا نه‌وه‌ى نوێ بايكوتا كۆمبوونا په‌رله‌مانى كر
نووترين نووچه
- چەتینەر چەتین: مەسرور بارزانی دشێت رۆلەكێ كاریگەر د پرۆسەیا چارەسەركرنا كێشەیا كوردی دا بگێڕیت
- دخوازین بەرسڤا باوەری و دەنگێن ب پارتی هاتینە دان بدەین
- گەلێ كورد پێدڤی ب ئێكگۆتاری و پەیڕەوكرنا رێنمایێن سەرۆك بارزانی یە
- ماكرۆن كار دكەت باوەریێ بۆ ترەمپی دروست بكەت دا کو هێزێن ئەمریكی ژ رۆژئاڤایێ كوردستانێ نەڤەكێشیت
- مەسرور بارزانی و سەرۆككۆمارێ توركیا كۆمبوون
- ژ بودجا 2024 ژ 20 ترلیۆن دیناران بەغدا تنێ 10 ترلیۆن بۆ هەرێمێ یێن هنارتین
- پسپۆرەكێ وزێ یێ ئەمریكی: ئیراق خوە بریندار دكەت دا زیانێ ب ئابوورێ كوردستانێ بگەهینیت
- پارتێن سیاسی پشتەڤانیێ ل قۆناغا ئاشتیێ ل تورکیا دکەن
- ل نێزیك كۆنفرانسێن ناڤخوەیی یێن پارتی ل دەڤەرێن كوردستانی دێ هێنە ئەنجامدان
- فراكسیۆنا پارتی: ل گەل درێژكرنا دەمێ كۆمسیۆنێ نینین
سه‌ره‌كى نووترين نووچه
بازرگانیا سکسی د ناڤا حزبین سیاسی دا ھەیە
ئەڤرۆ نیوز:
چاڤدێر و رەوشەنبیرێ پارێزگەھا سلێمانیێ، عینایەت نامق ل دۆر ھەبوونا حزبێن سیاسی ل سلێمانیێ باڵ بالانەیا دناڤا وان حزباندا ھەی، دبێژیت زیانەکا مەزن ب پێشکەفتن و گەشەکرنا باژێرێ سلێمانیێ دایە.
عینايەت نامق د ھەڤدیتنەکا تایبەت دا بۆ رۆژناما ئەڤرۆ راگەھاند، ھەبوونا فرە حزبی ل دونیایێ نیشانا دیموکراسیێ یی ل ھەموو وەلاتان ژی وەلاتی دئازادن حزبا دروست بکەن، بەلی کێشە ل وێرێ ھەیە ئازادیا رەھا ل چ وەلاتەکێ نینە، بەلێ ل باژێرێ مە دروستکرنا حزبی یا بوویە بازرگانی یا سکسی، کو ھەر ئەو حزب دژی سەربخوەیا کوردستانێ بوویە، ئەڤ رەنگێ حزبان دبێژنێ توانباریا مەزن، کو ل سلێمانیێ 70 ھەتا 80 بارەگایێن حزبی تێدا ھەنە و بارەگایێن لایەنێن دەرەکی ژی تێدا سیخۆڕیێ دکەن.
عینایەت نامق گۆت: ل چ وەلانێن دونیایێ نەبوویە حزب دژی سەربلندی و سەربخوەیا وەلاتێ خوە بیت، ب مخابنی ڤە نوکە سلێمانی د رەوشەکا قورسدایە کو سلێمانی ھەردەم یا ئامادەیە بەر ب پێشڤە بچیت داھێنانێ بکەت.
ناڤبری سەبارەت ژێرخانا ئابووری ل سلێمانیێ دبێژت، ب ئەگەری ھەبوونا وان ھەموو حزبان ل سلێمانیێ دەست دانایە سەر ھەموو جەمکێن ئابووری ل پارێزگەھێ لورا رەوشا ئابووری یا باژێری گەلەک خراب بوویە، کار یێ کێم بووی وەکی پێدڤی نەشێن گەشەکرنا ئابووری ھەبیت، ھەروەسا دیارکر، خرابیا رەوشا ئابووری ل پارێزگەھا سلێمانیێ کارتێکرن ل سەر رێژا گونەھباری ل سلێمانیێ بەرب زێدەبوونی بچیت، کو گرۆپێن کوشتن و دزی و تلانکرنێ زێدەبووینە، ب مخابنی ڤە رۆژانە دەنگوباسێن گونەھباریێن گەلەک حیبەتی دبھیسین.
ھەمان چاڤدێرێ سیاسی دووپاتکر و گۆت: نوکە سلێمانیێ ب ئەگرەێ ھەوبوونا فرە حزبی و فرە کویخاتیێ و باڵ بالانێ یا ناڤخوەیا حزبان، فەوزایەکا سیاسی و ئابووری و جڤاکی ل سلێمانیێ پەیدا کریە، رەوش یا بەرب خرابتریێ ڤە پێنگاڤان دھاڤێت، زێدەتر دبێژیت، ب دیتنا من سیاسەت ژێرخانەیە، ئانکو رەوشەنبیری و ئابووری و کەلتور و جڤاک و ئامادەباشی سیاسەتە، ئانکو دەمێ سیاسەت و قانوون ھەبوون وەلاتی دێ ھەست ب ئارامی و رەحەتیێ د ھەموو بوارێن ژیانێ دا کەت، ژیانا رەوشەنبیری و جڤاکی و ئابووری و ھەتا دووماھیێ، کو دێ بەر ب پێشکەفتنێ ڤە چیت، بەلێ بەرۆڤاژی ھەموو دێ ھێتە تێکدان.
پارتى د كابینا نوو یا حوكمه‌تێ دا 10 وه‌زاره‌تان دێ وه‌رگریت
ئه‌ڤرۆ نیوز:
ل دۆر رێككه‌فتنا هه‌رسێ لایه‌نێن سه‌ره‌كى ل هه‌رێما كوردستانێ ئه‌وژى پارتى دیموكراتى كوردستان وئێكه‌تى نیشتمانى كوردستان وبزاڤا گۆران وچاوانیا به‌لاڤكرا پۆستێن كابینا نوو یا حوكمه‌تێ، مه‌حموود محه‌مه‌د ئه‌ندامێ مه‌كته‌با سیاسى وپه‌یڤدارێ فه‌رمى یێ پارتى راگه‌هاند، وه‌كو وه‌زاره‌ت پارتى د كابینا نوو دا 10 وه‌زاره‌تان دێ وه‌رگریت.
سه‌باره‌ت چاوانیا ده‌ستنیشانكرنا به‌ربژارێن پارتى بۆ پۆستێن حوكمه‌تێ، په‌یڤدارێ پارتى گۆت” لژنه‌كا تایبه‌ت بۆ وه‌رگرتنا سیڤیێن وان كه‌سێن دخوازن پۆستێن حكومى وه‌ربگرن یا پێكهاتى ود ده‌مێ چه‌ند رۆژێن داهاتى دا هه‌موو به‌ربژار دێ هێنه ئێكلاكرن”.
وه‌زاره‌تێن په‌روه‌ردێ وخواندنا بلند هژماره‌كا بریارێن گرنگ ده‌ركرن
ئه‌ڤرۆ نیوز:
د كۆمبوونه‌كێ دا كو ئه‌ڤرۆ سێشه‌مبى 7/5/2019 د ناڤبه‌را هه‌ردو وه‌زیرێن په‌روه‌ردێ وخواندنا بلند ل هه‌رێما كوردستانێ هاتیه ئه‌نجامدان چه‌ندین بریار هاتن ده‌ركرن ئه‌وژى:
- قوتابیێن خواندنا ئیسلامى تا راده‌كێ باش هه‌ڤشێوێ قوتابیێن دى ل كولیژێن قانوونێ وشه‌ریعه‌تى وهه‌موو كولیژێن مرۆڤایه‌تى بهێنه وه‌رگرتن، پشتى كۆمبوونا لژنا هه‌ڤپشك یا هه‌ردو وه‌زاره‌تان، رێنمایێ بۆ ل دۆر ڤێ چه‌ندێ دێ هێنه ده‌ركرن.
- ل دووڤ ڤه‌كۆلینه‌كێ، بریار دێ هێته دان كو بۆ سالا خواندنێ یا داهاتى، ل وان قه‌زایێن كولیژا په‌روه‌ردێ لێ هه‌ى، قوتابیێن وان ده‌ڤه‌ران لێ بهێنه وه‌رگرتن بۆ وێ ئێكێ ل پاشه‌رۆژێ هه‌ر خه‌لكێ وان ده‌ڤه‌ران ببنه مامۆستا وكێشا میلاكان نه‌بیت.
- گرنگیه‌كا زێده‌تر ب په‌روه‌رده وخواندنا تایبه‌ت بهێته دان وكار ل سه‌ر وه‌رگرتنا زه‌مالاتان بۆ ده‌رڤه‌ى وه‌لاتى بهێته كرن تاكو ل سه‌ر ئه‌ركێ هه‌ردو وه‌زاره‌تان قوتابى بشێن درێژیێ ب خواندنێ بده‌ن.
- گرنگیه‌كا زێده‌تر ب پشكا باخچێ زارۆیان ل كولیژان بهێته دان بۆ وێ چه‌ندێ بسپۆر د وى وارى دا ده‌ربچن.
ئيرانێ ل به‌ره هێرشێ بكه‌ته سه‌ر هێزێن ئه‌مریكى ل عیراقێ
ئه‌ڤرۆ نیوز:
رۆژناما وول ستریت جورنال یا ئه‌مریكى ئه‌ڤرۆ سێشه‌مبى 7/5/2019 د راپۆرته‌كێ دا ئه‌گه‌رێن ل پشت لڤینا فرۆكه هه‌لگره‌كا له‌شكرێ ئه‌مریكى به‌ر ب كه‌نداڤێ عه‌ره‌بى ئاشكرا دكه‌ت وئاماژه ب وێ چه‌ندێ دكه‌ت كو ئه‌مریكا به‌رى هه‌فتیه‌كێ یا زانى كو ئیرانێ ل به‌ره هێرشێ بكه‌ته سه‌ر هێزێن ئه‌مریكى ل سه‌ر ئاخا سووریێ وعیراقێ.
رۆژناما ناڤبرى دیاركر كو ئه‌و پێزانینێن گه‌هشته ئه‌مریكا دووپات كریه كو ئیرانێ ل به‌ره ل سه‌ر ئاخا سووریێ وعیراقێ هێرشێ بكه‌ته سه‌ر هێزێن ئه‌مریكى.
ل دووڤ پێزانینان، ئیرانێ هه‌ماهه‌نگى ل گه‌ل هێزێن بریكار وهه‌ڤپه‌یمانێن خوه ل ده‌ڤه‌رێ كریه بۆ وێ چه‌ندێ ب رێیا فرۆكێن بێ فرۆكه‌ڤان هێرشێ بكه‌نه سه‌ر هێزێن ئه‌مریكى.
ئه‌ڤ ده‌نگوباسه د ده‌مه‌كى دانه ژ دوهى وه‌ره هێزێن ئه‌مریكى ئێك ژ مه‌زنترین فرۆكه هه‌لگرێن له‌شكرى هنارتیه ئاڤا كه‌نداڤێ عه‌ره‌بى بۆ وێ چه‌ندێ د ئاماده‌باشیێ دابن بۆ هێرشكرنێ ل سه‌ر ئیرانێ، ل دۆر ڤێ چه‌ندێ باتریك شاهان، بریكارێ وه‌زاره‌تا به‌رگریا ئه‌مریكى گۆتبوو كو بریارێن به‌لاڤكرنا فرۆكه‌هه‌لگر ومووشه‌ك هاڤێژا ئه‌مریكى ل ده‌ڤه‌را رۆژهه‌لاتا ناڤه‌راست بۆ به‌رهه‌ڤیێ یه بۆ وان ئاماژێن گه‌فێن جدى كو ژێده‌رێن وان له‌شكرێ ئیرانێ یه.
عادل عەبدولمەهدی: پارێ تەرخانکری یێ بۆدجێ ٢٠١٩ دێ بۆ هەرێمێ هنێرین
ئەڤرۆ نیوز:
عادل عەبدولمەهدی سەرۆک وەزیرێن عیراقێ راگەهاند کو نها پەیوندیێن مە ل گەل هەرێما کوردستانێ د ئاستەکێ گەلەک باش دانە و گۆت: (هندەک جوداهی د نێرینێن مە و هەرێما کوردستانێ دا هەنە لێ ب گشتی نها پەیوەندیێن هەولێرێ و بەغدایێ گەلەکێ باشن و پێشمەرگەی ژی شیایە ڤالاهیا ئەمنی ل گەلەک دەڤەران پر بکەت).
ناڤهاتی ئەو یەک ژی دیار کر ئەو پارێ کو د بۆدجێ سالا ٢٠١٩ دا بۆ هەرێما کوردستانێ هاتیە تەرخانکرن دێ هەموو هێتە رەوانە کرن.
کومبوونا سوبەھی دێ ل ژڤانێ خوە ھێتە ئەنجامدان
ئەڤرۆ نیوز:
جێگرێ سەرۆکێ پەرلەمانێ کوردستانێ دیارکر کومبوونا سوبەھی چارشەمبی ٨-٥-٢٠١٩ دێ ل ژڤانێ خوە یێ دەستنیشان کری ھێتە ئەنجامدان پشتی لژنا قانوونی گەھشتیە رێککەفتنێ ل سەر دەستنیشان کرنا دو جێگران.
زێدەتر ھێمن ھەورامی دیارکر ھەردو حزبێن پارتی و ئێکەتی دێ رێککەفتنا مەکتەبێن خوە یێن سیاسی بجە ئینن و بەرپرسیارانە دێ سەرەدەری دگەل دا ھێتە کرن، و ھەتا نوکە تێگەھشتنەکا باش ھەیە و لژنا قانوونی گەھشتیە رێککەفتنێ بۆ دەستنیشانکرنا دو جێگران بۆ سەرۆکێ ھەرێمێ و دەستھەلاتێن وان ژی ھاتینە دیارکرن، لەورا سوبەھی دێ کومبوونا پەرلەمانێ کوردستانێ ل ژڤان و دەمێ خوە یێ دەسنیشان کری ھێتە ئەنجام دان بۆ دەنگدان ل سەر قانوونا راستڤەکرنا سەرۆکاتیا ھەرێما کوردستانێ.
.
ئێكه‌تى يا گه‌فێن پشكدارينه‌كرنێ د كۆمبوونا په‌رله‌مانى يا سوبه‌هى دا دكه‌ت
ئه‌ڤرۆ نيوز:
فراكسيۆنا ئێكه‌تيێ گه‌فێن پشكدارينه‌كرنێ د روونشتنا سوبه‌هى يا په‌رله‌مانى دكه‌ت، هه‌كه د لژنا قانوونى دا ئه‌و چه‌ند نه‌هێته جێگيركرن، “سه‌رۆكێ هه‌رێما كوردستانێ دو جێگير هه‌بن”.
ئێكه‌تى پێداگريێ ل پێشنيازا خوه دكه‌ت ده‌رباره‌ى وێ چه‌ندێ كو دڤێت سه‌رۆكێ هه‌رێما كوردستانێ دو جێگرهه‌بن، ژ به‌ر هندێ نها هه‌ردو مه‌كته‌بێن سياسى يێن ئێكه‌تى و پارتى ل سه‌ر هێلن دا كو ئه‌وێ پرسێ چاره بكه‌ن.
لوقمان وه‌ردى، ژ فراكسيۆنا ئێكه‌تى نشتيمانى كوردستان بۆ رووداو گۆت: “پێشتر ئه‌وان وه‌كو فراكسيۆن پێشنياز كربوو كو سه‌رۆكى دو جێگر هه‌بن، ئه‌ڤه ژى د لژنا قانوونى دا هاتيه چه‌سپاندن، به‌لێ سه‌رۆك فراكسيۆنێ پارتى د داخۆيانيه‌كێ دا گۆتيه كو د قانوونێ دا ئاماژه ب وێ چه‌ندێ نه‌كريه دێ سه‌رۆكى چه‌ند جێگر هه‌بن، به‌لێ ب تنێ گۆتيه سه‌رۆكى دێ جێگر هه‌بيت”.
گۆتژى: “ئه‌وان لارى ل سه‌ر وێ چه‌ندێ نينه كو سه‌رۆك ده‌سته‌لاتێن جێگران ديار بكه‌ت كو ب گۆره‌ى په‌يره‌وێ سه‌رۆكى پشتى 15 رۆژا ژ سووند خوارنێ ناڤونيشان و ده‌سته‌لاتێن جێگران بهێنه دياركرن”.
سوبه‌هى پاداشتێ كارمه‌ندێن سه‌ر سندوقان دێ هێته به‌لاڤكرن
ئه‌ڤرۆ نيوز:
كۆمسيۆنا بلندا سه‌ربه‌خۆيا هه‌لبژارتن و راپرسيێ ل هه‌رێما كوردستانێ راگه‌هاند كو سوبه‌هى رۆژا چارشه‌مبى 7ى گۆلانا 2019ێ دێ پاداشتێ كارمه‌ندێن سه‌رسندوقێن كۆمسيۆنێ هێته به‌لاڤكرن.
د كۆنگره‌كێ رۆژنامه‌ڤانى دا كۆمسيۆنا بلندا سه‌ربه‌خۆيا هه‌لبژارتن و راپرسيێ ل هه‌رێما كورستانێ راگه‌هاند پاداشتێ كارمه‌ندێن سه‌رسندوقێن كۆمسيۆنێ بۆ هه‌لبژارتنێن په‌رله‌مانێ كوردستانێ سوبه‌هى رۆژا چارشه‌مبى 7ى گۆلانا 2019ێ ب گۆره‌ى به‌نكێن ده‌ستنيشانكرى بيت.
نووترین داھێنان: بەرھەمئینانا کارەبێ ژ بەفرێ
ئەڤرۆ نیوز، نەوزاد ھلۆری:
زانایێن بوارێ تەکنولوژیایێ دنووترین داھێنان و ڤەکولین دا گەھشتنە ئەنجامەکێ کو کارەبێ ژ بەفرێ بەرھەمبینن، ھەروەکو وێ بەرھەمئینانا کارەبێ یە ئەوا ژ ھێزا ھەوای و ئاڤ و تیشکا رۆژێ دھێتە بەرھەمئینان.
شارەزایێن زانکویا کایفورنیا ل “ویلایەتا لوس ئەنجولوس ل ئەمریکا” بو ئێکەمین جار د جیھانێ رابون ب تاقیکرنا ھێزا کارەبێ ل بەفرێ، ئەو ژی ب رێیا دروستکرنا ئامیرەکێ مالیدێ کو دبێژنێ “مالیدا ھێزا نانوی) یا تاقیکری لسەر بەفرێ” کو ب زمانێ ئینگلیزی دبیژنێ Snow TENG، ئەڤ ئامیرە پشت ب کارلێککرنا کێمیایی گرێدەت، بڤی رەنگی ھێزا کارەبێ لسەر بەفرێ گەرم دکەت و ھێزا کارەبێ لێ دھێتە بەرھەمئینان).
ریچارد کانیر، بسپوور و ئەندامێ پەیمانگەھا نانو ل زانکویا ناڤبری دڤی واریدا گۆت: (بەرھەمئینانا کارەبێ ل بەفرێ ژ ئەگەرێ کارلێککرنا بەفرێ ل وی دەمی یە دەما کو بەفر دباریت کو ئەو ژی بارگەیا موجەب دروست دکەت، ئەگەر بکەڤیتە ھەر جھەکێ سەرگرتی دێ ب سلیکوونێ بارگا سالب ژێ ھێتە دروستکرن، بڤی رەنگی کارێککرن دناڤبەرا وان دا دروست دبیت و کارەبا دھێتە بەرھەمئینان).
ب گورەی پێزانینێن ڤەکولەرێن دڤی بواری دا، دشیاندایە کو ئەو ئامیرێن بو تیشکا رۆژێ دھێنە پیڤان و بکارئینان، وەکو چەوا رۆژ ل دەرڤە بیت کارەبێ ل ھێزا رۆژێ وەربگریت، ب ھەمان رەنگ ل بەفرێ ژی بھێتە وەرگرتن دەما کو دباریت، بڤی رەنگی کارەبا بھێتە بەرھەمئینان.
نيشاندان
WP Facebook Auto Publish Powered By : XYZScripts.com