ئه‌ڤرۆ نيوز:
پشتى ده‌مه‌كێ گه‌له‌كێ درێژ ژ رێگريكرن ل رێبه‌رێ زيندانكريێ په‌كه‌كێ عه‌بدولا ئۆجه‌لان، ئه‌ڤرۆ رێ ب پارێزه‌رێن وى هاته دان كو ل گه‌ل وى ب روونن.
پێزانينێن زێده‌تر ژ لايێ پارێزه‌رێن وى ڤه دێ ل ده‌مژمێر 03:00 پشتى نيڤرۆ هێنه به‌لاڤكرن.
نووترين نووچه
- ماكرۆن كار دكەت باوەریێ بۆ ترەمپی دروست بكەت دا کو هێزێن ئەمریكی ژ رۆژئاڤایێ كوردستانێ نەڤەكێشیت
- مەسرور بارزانی و سەرۆككۆمارێ توركیا كۆمبوون
- ژ بودجا 2024 ژ 20 ترلیۆن دیناران بەغدا تنێ 10 ترلیۆن بۆ هەرێمێ یێن هنارتین
- پسپۆرەكێ وزێ یێ ئەمریكی: ئیراق خوە بریندار دكەت دا زیانێ ب ئابوورێ كوردستانێ بگەهینیت
- پارتێن سیاسی پشتەڤانیێ ل قۆناغا ئاشتیێ ل تورکیا دکەن
- ل نێزیك كۆنفرانسێن ناڤخوەیی یێن پارتی ل دەڤەرێن كوردستانی دێ هێنە ئەنجامدان
- فراكسیۆنا پارتی: ل گەل درێژكرنا دەمێ كۆمسیۆنێ نینین
- پەرلەمانتارەك: ل بەغدا ب مەبەست كێشە بۆ حوكمەتا هەرێمێ و ئیراقێ دهێنە دروستكرن
- ئەمریکا داخوازەکێ ژ ئەنجوومەنێ نشتیمانی یێ کوردی ل سووریێ دکەت
- پشتی رەوشا سووریێ مەترسییا داعشێ ل سەر ئیراقێ یا زێدەتر بووی
سه‌ره‌كى نووترين نووچه
سعودى و 17 وه‌لاتێن موسلمان ئه‌ڤرۆ ره‌مه‌زانه و ئيران و سێ وه‌لاتان ژى سوبه‌هى
ئه‌ڤرۆ نيوز:
ئه‌ڤرۆ وه‌كو رۆژا ئێكێ يا هه‌يڤا ره‌مه‌زانێ ل 18 وه‌لاتێن عه‌ره‌بى ب رێڤه دچيت و ل سێ وه‌لاتان ژى سوبه‌هى دێ رۆژا ئێكێ يا هه‌يڤا ره‌مه‌زانێ بيت.
هه‌ر 18 وه‌لاتێن سعودى، عيراق، قه‌ته‌ر، كوێت، به‌حرێن، ئيمارات، يه‌مه‌ن، ئوردن، فه‌لستين، لبنان، سوريا، مسر، سودان، ليبيا، تونس، جه‌زائير، سۆمال و جيۆبۆتى ئه‌ڤرۆ وه‌كو رۆژا ئێكێ يا هه‌يڤا ره‌مه‌زانێ ده‌ست نيشان كر.
سه‌ره‌راى ڤان وه‌لاتان هه‌ر ئێك ژ عومان و مه‌غرب و جزر قه‌مه‌ر دێ سوبه‌هى وه‌كو رۆژا ئێكێ يا هه‌يڤا ره‌مه‌زانێ ب رۆژى بن ژ به‌ر كو ده‌سته‌لاتدارێن وان راگه‌هانديه كو ئه‌وان هه‌يڤ نه‌ديتيه، ل مۆريتانيا ژى هێشتا هه‌يڤ نه‌هاتينه ديتن و گيرۆتر دگه‌هيته وێ ده‌ڤه‌رێ.
د هه‌مبه‌ر ڤێ چه‌ندێ دا، مالپه‌رێ فه‌رمى يێ وه‌لاتێ ئيرانێ ژى راگه‌هاند كو ژ ئه‌گه‌رێ نه‌ديتنا هه‌يڤێ، ئه‌ڤرۆ رۆژا دوشه‌مبى دێ بيته 30ى شه‌عبانێ و سوبه‌هى رۆژا سێشه‌مبى دێ رۆژا ئێكێ يا هه‌يڤا ره‌مه‌زانێ بيت.
ب وێنە: بارھەلگرەک ب شەش ترومبێل ڤە وەرگەریا و زیانێن گیانی و ماددی ھەنە
ئەڤرۆ نیوز، نەوزاد ھلۆری:
درەنگی یا شەڤا بوری ژ ئەگەرێ وەرگەریانا شاحینەکا بارھەلگر کو شەش ترومبێل تێدابوون ل سەر رێیا گشتی دناڤبەرا سوران و جاددا بناڤ ھاملتون وەرگەریا و زیانێن گیانی و ماددی ھەنە.
دلاوەر لەتیف رێڤەبەرێ ھاتنووچۆنا سوران بۆ ئەڤرۆ نیوز گۆت: (درەنگی یا شەڤا بوری و پشتی پاشیڤێ شاحینەکا پری ترومبێل یا ئیرانی کو شەش ترومبێل تێدابوون لسەر رێیا گشتی دناڤبەرا سوران و جاددا ھاملتوون وەرگەریا).
زێدەتر گۆت: (ژئەنجامێ وەرگەریانا ئەوێ ترومبێلا بارھەلگر کەسەکێ گیانێ خوە ژ دەست دا کو ب رەگەز ئیرانی بوو، دیسان زیانێن زور یێن ماددی گەھشتە شاحینێ و وان ھەر شەش ترومبێلێن لسەر، دیسان زیان گەھشتینە بگورەکێ کارەبێ و ستوونێن کارەبێ و ھژمارەکا دارێن جوانکاریێ دناڤا جاددێ دا).
ناڤبری دیارکر ژی کو ئەگەرا وەرگەریانا ترومبێلێ دزڤریت بو وێ یەکێ کو شاحینە رونگ ساید دھات و زێدەتر گۆت: (پێدڤی یە شوفێر ھوشیاری خوە بن و پێگیریێ ب رێنمایێن ھاتنووچۆنێ بکەن داکو گیانێ وان ب سلامەت بیت و زیان نەگەھیتە ترومبێلێن وان).
ب ڤیدیۆ .. تەراویح و رۆژیان ل گوندان جوداهیا خوە هەیە، بزانە چی یە؟
ئەڤرۆ نیوز، نەوزاد هلۆری:
ئەڤرو پشتی نڤێژا عەیشا وەلاتێن موسلمان ل کوردستانێ تەراویح وەکو سونەتەک د ئیسلامێ دا ئەنجامدا، گوندێ هلورا ل شێلادزێ ئێکە ژ گوندێن کوردستانێ کو وەلاتێن وان ب روژێ رووژی دبن و شەڤان ژی تەراویحان دکەن. ب گورەی ئاخفتنێن گۆتاربێژێ گوندی، نوکە گوندان سالوخەتێن باژێران بخوڤە گرتینە و حوکمەتێ هژمارەکا خزمەتگۆزاریان بو دابینکرینە، دخوازن زێدەتر بو بهێنە دابینکرن داکو وەلاتی بشێن ژیانەکا باشتر ببورینن.
بۆ دیتنا ڤیدیۆیێ ڤى لینكى كلیك بكه
پارێزگه‌رێ دهۆكێ: هه‌یڤا ره‌مه‌زانا پیرۆز ل هه‌موو لایەکی پیرۆز دکەت
ئەڤرۆ نیوز:
فەرھاد ئەمین ئەترووشی پارێزگه‌رێ دهۆكێ د بروسکەکێ دا هه‌یڤا ره‌مه‌زانا پیرۆز ل هه‌موو لایەکی پیرۆز دکەت، ئەڤە دەقێ وێ یە:
بسم الله الرحمن الرحيم
(شهر رمضان الذى انزل فيه القران هدى للناس وبينت من الهدى والفرقان)
صدق الله العظيم
ب هه‌لكه‌فتا هاتنا هه‌یڤا ره‌مه‌زنا پیروز ب ناڤێ خو وكارگێریا پارێزگه‌ها دهوكێ پیروزباهیێ ل موسلمانێن كوردستانێ ب گشتی ویێن پارێزگه‌ها دهوكێ ب تایبه‌تی دكه‌م هه‌روه‌سا پیروزباهیێ ل پێشمه‌رگێن قه‌هره‌مان ول مالباتێن شه‌هیدێن سه‌ربلندێن پێشمه‌رگه‌ی دكه‌م، هیڤی دارین ژخودایێ مه‌زن ڤێ هه‌یڤێ بكه‌ته هه‌یڤا خێر وبه‌ره‌كه‌تێ و خۆشکرنا ژین و ژیارا مللەتێ مە وببیته هه‌یڤا لێبورین وپێكڤه ژیانێ وهاریكاریكرنا هه‌ڤدوو وهه‌ژار وكێم ده‌رامه‌تا…
دوباره هه‌یڤا ره‌مه‌زانێ ل هه‌موویان پیرۆزبیت.
فه‌رهاد ئه‌مین ئه‌تروشی
پارێزگه‌رێ دهوكێ
مووچێ ڤان وه‌زاره‌تان دێ هێته به‌لاڤكرن
ئه‌ڤرۆ نيوز:
برياره وه‌زاره‌تا دارايى وئابوورى سوبه‌هى 6/5/2019 ده‌ست ب به‌لاڤكرنا مووچێ هه‌يڤا شوباتا 2019 ب ڤى شێوه‌يى بكه‌ت:
- دوشه‌مبى 6/5/2019 ديوانا وه‌زاره‌تا پێشمه‌رگه وليوايێن پێشمه‌رگه‌ى.
- سێشه‌مبى 7/5/2019 يه‌كه‌يێن 70 و 80 .
- چارشه‌مبى 7/5/2019 وه‌زاره‌تا په‌روه‌ردێ.
- پێنجشه‌مبى 8/5/2019 وه‌زاره‌تا دارايى وئابوورى.
ئێكشه‌مبى 12/5/2019 وه‌زاره‌تا ساخله‌ميێ.
ل دۆر ده‌واما هه‌يڤا ره‌مه‌زانێ حوكمه‌ت رۆهنكرنه‌كێ به‌لاڤ دكه‌ت
ئه‌ڤرۆ نيوز:
حوكمه‌تا هه‌رێما كوردستانێ ب هه‌لكه‌فتا هاتنا هه‌يڤا ره‌مه‌زانا ده‌واما فه‌رمانبه‌ران ل داموده‌زگه‌هان كێم دكه‌ت.
سه‌فين دزه‌يى، په‌يڤدارێ فه‌رمى يێ حوكمه‌تا هه‌رێمێ راگه‌هاند” ده‌واما فه‌رمى يا فه‌رمانبه‌رێن داموده‌زگه‌هێن حوكمه‌تا هه‌رێمێ بۆ ده‌مێ ئێك ده‌مژمێر دێ هێته كێمكرن، ئانكو ژ 8 سپێدێ ده‌ستپێدكه‌ت تاكو ده‌مژمێر 2 پشتى نيڤرۆ”.
سه‌رۆك بارزانى په‌يامه‌كێ به‌لاڤ دكه‌ت
ئه‌ڤرۆ نيوز:
سه‌رۆك مه‌سعود بارزانى ئێڤاريا ئه‌ڤرۆ ئێكشه‌مبى 5/5/2019 ب هه‌لكه‌فتا هاتنا هه‌يڤا ره‌مه‌زانێ د په‌يامه‌كێ دا پيرۆزباهى ل موسلمانێن كوردستانێ وجيهانێ كر.
د په‌ياما سه‌رۆك بارزانى دا هاتيه” ب هه‌لكه‌فتا هاتنا هه‌يڤا ره‌مه‌زانا پيرۆز، گه‌رمترين پيرۆزباهيان ل هه‌موو موسلمانێن جيهانێ ب گشتى وكوردستانێ وعيراقێ ب تايبه‌تى دكه‌م”.
هه‌روه‌سا گۆت ژى” هيڤيدارم هاتنا هه‌يڤا پر به‌ره‌كه‌ت وره‌حمه‌تێ ره‌مه‌زان ببيته جهێ خێر وخوه‌شيێ بۆ گه‌لێ كوردستانێ وعيراقێ وهه‌موو مرۆڤايه‌تيێ وب دووماهى هاتنا تيرۆرێ وتوندره‌ويێ وبه‌لاڤبوونا ئاشتيێ وپێكڤه‌ژيانێ وئاسووده‌يێ بۆ هه‌موو جيهانێ”.
نێچیرڤان بارزانی و کوسرەت رەسول رێککەفتنا پێکئینانا حوکمەتێ ئیمزا کر
ئەڤرۆ نیوز:
ئەڤرۆ رۆژا ئێکشەمبی رێککەفتی ٥-٥-٢٠١٩ ل باژێرێ سلێمانیێ نێچیرڤان بارزانی جێگرێ سەروکێ پارتی و کوسرەت رەسول جێگرێ سکرتێرێ گشتی یێ ئێکەتیێ رێککەفتنا ناڤبەرا ھەردو حزبان دا بۆ پێئینانا کابینەیا نوو یا حوکمەتێ ئیمزا کر.
د کونگرەکێ رۆژنامەڤانی دا نێچیرڤان بارزانی دلخوشیا خوە دیارکر ھەمبەر رێککەفتنا پارتی و ئێکەتی و گۆران و پیروزباھیا خەلکێ کوردستانێ کر پشتی چەندین دانوستاندنێن درێژ و سەخت دەربازکرین ھەتا گەشتینە رێککەفتنا دووماھیێ بۆ پێئینانا کابینەیا نوو یا حوکمەتا ھەرێما کوردستانێ.
چه‌ند پرۆژێن خزمه‌تكارى ھاتنە ڤه‌كرن
ئەڤرۆ نیوز:
فه‌رهاد ئه‌مین ئه‌تروشى پارێزگه‌رێ دهوكێ ئەڤرۆ پێشوازیا به‌رێزان زوبێر مورشد رێڤه‌به‌رێ رێكخراوا UNDPل ئیراقێ وابراهیم بشاره به‌رپرسێ پروژان ل رێكخراوا ناڤبرى كر.
دهه‌ڤدیتنه‌كێدا ب ئاماده‌بونا به‌رێز اسماعیل محمد احمد هاریكارێ پارێزگه‌رى بو كاروبارێن مروڤایه‌تى به‌حسێ ره‌وشا پارێزگه‌هێ وپروژه وبه‌رنامێن رێكخراوا UNDPل سنورێ پارێزگه‌ها دهوكێ هاته كرن.
پاش ل ناحیا كه‌له‌كچى سه‌رب قه‌زا شێخان ب ئاماده‌بونا پارێزگه‌رێ دهوكێ و به‌رپرسێ رێكخراوا UNDP ل ئیراقێ وچه‌ند به‌رپرسێن حزبى وئیدارى ل ده‌ڤه‌رێ پروژێ سه‌خبێركرنا رێكا سه‌ره‌كى یا ناحیا كه‌له‌كچى بو گوندێ زیناڤا وپروژێ ده‌رئێخستنا (5) فیده‌رێن كاره‌بێ ودانانا (20) گوهوركا ل وێزدگه‌ها كاره‌با ناحیا كه‌له‌كچى هاتنه ڤه‌كرن.
درێ ورسمێن ڤه‌كرنا هه‌ردوو پروژان دا پارێزگه‌رێ دهوكێ بناڤێ كارگێریا پارێزگه‌هێ وخه‌لكێ ناحیا كه‌له‌كچى سوپاسیا رێكخراوا UNDP كر كو پشته‌ڤانیا بجه ئینانا ( 10)پروژێن خزمه‌تكارى یێن جورا وجور وه‌كو ( رێك وئاڤ وكاره‌ب و…هتد ) كریه بكوژمێ دووملیون دولاران وپتریا وان پروژان كه‌تینه دخزمه‌تا وه‌لاتیان دا وهه‌ردوو پروژێن ئه‌ڤرو هاتینه ڤه‌كرن دچارچوڤێ وان پروژان دا بوون .
پارێزگه‌رێ دهوكێ ته‌كه‌زكر كو ئه‌ڤ پروژه دبچیكن لێ زور دگرنگن ودگرێداینه ب ژیانا روژانه یا وه‌لاتیانڤه وهیڤى خاستن خه‌لكێ ده‌ڤه‌رێ مفاى ژێ وه‌رگرن .
هه‌روه‌سا پارێزگه‌رێ دهوكێ سوزدا كو به‌رده‌وام هه‌ولدانا بكه‌ن بو چێكرنا پروژێن خزمه‌تكارى بو هه‌موو وه‌لاتیان چ ب رێكا حكومه‌تا كوردستانێ یان ب هه‌ڤكارى دگه‌ل رێكخراوێن مروڤایه‌تى بیت.
پاش به‌رپرسێ رێكخراوا UNDP ل ئیراقێ په‌یڤه‌ك پێشكێشكر وته‌كه‌زكر كو رێكخراوا UNDP دێ به‌رده‌وام پشته‌ڤانیا پروژێن خزمه‌تكارى ل سنورێ پارێزگه‌هێ كه‌ت چونكو ژماره‌كا زور یا ئاواره وپه‌نابه‌ران هاتینه پارێزگه‌هێ وبارگرانییه‌كا مه‌زن كه‌تیه سه‌ر هه‌موو سه‌كته‌رێن خزمه‌تكارى وئه‌ڤ ره‌وشه دخازیت كو رێكخراوا UNDP ورێكخراوێن دى هاریكاریا خه‌لكێ پارێزگه‌هێ بكه‌ن.
نيشاندان
WP Facebook Auto Publish Powered By : XYZScripts.com