سه‌ره‌كى نووترين نووچه

نێچیرڤان بارزانی و حه‌لبووسی به‌حسێ‌ ره‌وشا ئاوارێن عیراقێ‌ ل كه‌مپێن هه‌رێمێ‌ كر

23/04/2019 11:54

ئه‌ڤرۆ نیوز:

نێچیرڤان بارزانی سه‌رۆك وه‌زیرێن هه‌رێما كوردستانێ‌ و محه‌مه‌د حه‌لبووسی سه‌رۆكێ‌ په‌رله‌مانێ‌ عیراقێ‌، ره‌وشا سیاسی یا عیراقێ‌ ب گشتی و دووماهی پێشهاتێن پارێزگه‌ها نه‌ینه‌وا ب تایبه‌تی گه‌نگه‌شه‌ كرن.

د كۆمبوونه‌كێ‌ دا كو ئه‌ڤرۆ ل هه‌ولێرێ‌ ب ئاماده‌بوونا د. ڤالا فه‌ریدا سه‌رۆكا په‌رله‌مانێ‌ كوردستانێ‌ برێڤه‌چوو، به‌حسێ‌ ره‌وشا ئاوارێن عیراقێ‌ ل كه‌مپێن هه‌رێما كوردستانێ‌ كر و دوپاتی ل سه‌ر گرنگیا هاریكاریكرنا وان ژ لایێ‌ حوكمه‌تا عیراقێ‌ و جڤاكێ‌ نێڤده‌وله‌تی كر و بۆ وێ‌ چه‌ندێ‌ بشێن ڤه‌گه‌ڕنه‌ جهێن خوه‌ و ده‌ڤه‌رێن زیان گه‌هشتینه‌ بهێنه‌ ئاڤاكرن.

په‌یوه‌ندیێن هه‌ولێر و به‌غدا و به‌رده‌وامیا دانوستاندنان بۆ چاره‌كرنا كێشان ب رێیا دیالۆگێ‌، گه‌نگه‌شه‌كرنا ره‌وشا ده‌ڤه‌رێ‌ و چه‌ند پرسێن دی پشكه‌كا دی یا كۆمبوونێ‌ بوون.

سه‌رۆك بارزانى وحه‌لبووسى كۆمبوون

22/04/2019 23:39

ئه‌ڤرۆ نیوز:

سه‌رۆك مه‌سعود بارزانى ئه‌ڤرۆ دوشه‌مبى 22/4/2019 پێشوازى ل محه‌مه‌د حه‌لبووسى سه‌رۆكێ په‌رله‌مانێ عیراقێ وشاندێ دگه‌لدا كر.

د كۆمبوونه‌كێ دا ره‌وشا سیاسى یا عیراقێ ودووماهى پێشهاتێن سیاسى وگاڤێن تمامكرنا پێكئینانا حوكمه‌تا نوو یا عیراقێ هاته‌ به‌حسكرن.

د پشكه‌كا دى یا كۆمبوونا سه‌رۆك بارزانى وحه‌لبووسى، به‌حسێ په‌یوه‌ندیێن د ناڤبه‌را هه‌رێما كوردستانێ وبه‌غدا هاته‌ كرن ل گه‌ل نرخاندنا وى سه‌قایێ ئه‌رێنى یێ هاتیه‌ پێش بۆ چاره‌كرنا كێشێن د ناڤبه‌را هه‌رێمێ وبه‌غدا پشتى هه‌لبژارتنێن عیراقێ، دووپاتى ژى ل وێ چه‌ندێ هاته‌ كرن كو پێدڤیه‌ رێگرى ل وان ده‌نگان بهێته‌ كرن كو ب نیازا تێكدانا وى سه‌قایێ ئه‌رێنى، چونكى باشبوونا په‌یوه‌ندیێن هه‌رێمێ وبه‌غدا دێ بیته‌ ئه‌گه‌رێ سه‌قامگیریێ وڤه‌ژاندنێ ل هه‌موو عیراقێ.

ره‌وشا پارێزگه‌ها نه‌ینه‌وا وبارێ ژیانا خه‌لكێ وێ پارێزگه‌هێ وب رێڤه‌برنا مووسلێ ته‌وه‌ره‌كێ دى یێ وێ ددیارێ بوو وهه‌ردولا دووپاتى ل سه‌ر بله‌زكرنا بزاڤان بۆ ڤه‌گه‌راندنا خزمه‌تگوزاریان وسه‌قامگیریێ بۆ وه‌لاتیێن پارێزگه‌ها نه‌ینه‌وا كر ودیاركرن كو پێدڤیه‌ خه‌لك وپێكهاتێن پاریزگه‌ها نه‌ینه‌وا پشكداریێ د رێڤه‌برنا وێ پارێزگه‌هێ دا بكه‌ن.

پارتى ژڤانێ پێكئینانا كابینا نوو یا حوكمه‌تێ ئاشكرا دكه‌ت

22/04/2019 22:49

830

ئه‌ڤرۆ نیوز:

په‌یڤدارێ پارتى دیموكراتى كوردستان راگه‌هاند، به‌رى جه‌ژنا ره‌مه‌زانا پیرۆز، كابینا نوو یا حوكمه‌تا هه‌رێما كوردستانێ دێ هێته‌ پێكئینان ول دو رۆژێن داهاتى دا دێ رێككه‌فتنێن ل دۆر وێ چه‌ندێ ب دووماهى هێن.

مه‌حموود محه‌مه‌د، ئه‌ندامێ مه‌كته‌با سیاسى وپه‌یڤدارێ فه‌رمى یێ پارتى دیموكراتى كوردستان دكۆنگره‌كێ رۆژنامه‌ڤانى دا گۆت” وه‌كو پارتى مه‌ بزاڤه‌كا مه‌زن كر رێككه‌فتنێن هه‌رسێ لایه‌نان ببیته‌ ئه‌گه‌رێ ب هێزبوونا حوكمه‌تا داهاتى ومه‌ پێدڤى ب حوكمه‌ته‌كا ب هێزه‌ ب تایبه‌تى د ره‌وشا نوكه‌ دا هه‌ى”.

دیاركر ژى” د نوكه‌ دا بزاڤا گۆران وئێكه‌تى وپارتى د ره‌وشێ دگه‌هن وپێدڤى و دووباره‌ سه‌ره‌دانان بۆ لایێ هه‌ڤدو ناكه‌ت، به‌لێ پێدڤى ب كۆمبوونێن هه‌ڤپشك یا هه‌ى، چونكى دڤێت د وان كۆمبوونان دا دانوستاندن ل سه‌ر كارێن حوكمه‌تێ بهێته‌ كرن”.

ئاماژه‌ ب وێ چه‌ندێ ژى كر كو ل دو رۆژێن داهاتى دێ دووماهى ب هه‌موو تشتان هێت.

سێ به‌نداڤ ل قه‌زا مێرگه‌سوور دێ هێنه‌ دروستكرن

22/04/2019 21:00

112

ئه‌ڤرۆ نیوز ، نه‌وزاد هلۆرى:

ب مه‌ره‌ما به‌رهه‌مئینانا كاره‌بێ و مفا وه‌رگرتن ل ئاڤا رووباران بو چاندن و گه‌شتوگۆزار و خودانكرنا ماسیان، دێ سێ به‌نداڤێن ئاڤێ ل سنوورێ قه‌زا مێرگه‌سوور دناڤبه‌را هه‌رێما كوردستان و توركیا هێنه‌ دروستكرن كو ئێك ژ وان دكه‌ڤیته‌ سه‌ر رووبارێ ئاڤا شین.

غه‌فور ئه‌حمه‌د، قایمقامێ قه‌زا مێرگه‌سوور دیاركر كو سێ به‌نداڤێن ئاڤێ دێ ل سنوورێ قه‌زا مێرگه‌سوور دناڤبه‌را هه‌رێما كوردستان و توركیا هێنه‌ دروستكرن و بۆ ئه‌ڤرۆ نیوز گۆت: (ئه‌ڤ به‌نداڤه‌ ب هه‌ماهه‌نگى یا توركیا و عیراقێ دێ ل سنوورێ هه‌ردوو ناحیێن شێروان مه‌زن و پیران هێنه‌ دروستكرن كو ئێك ژ وان دكه‌ڤیته‌ سه‌ر رووبارێ ئاڤا شین ئه‌وێن دن ژى ل ماوان و هه‌زیره‌، كو جهێن وان گونجاینه‌).

زێده‌تر گۆت: (ئه‌ڤ به‌نداڤه‌ دێ بو به‌رهه‌مئینانا كاره‌بێ و چاندن و گه‌شوگۆزارێ و خودانكرنا ماسیان ژى هێنه‌ بكارئینان و مفایه‌كێ زور بو خه‌لكێ كوردستان و ده‌ڤه‌رێ هه‌یه‌، هه‌مى كاروبارێن دروستكرنا وێ داوى هاتینه‌ و بریار ژى لسه‌ر هاتیه‌ دان ژلایێ عیراقێ، به‌لێ هه‌تا نوكه‌ نه‌چویه‌ دوارێ بجهكرنێ دا).

ناڤبرى دیاركر ژى كو قه‌یرانا دارایى ئه‌گه‌رێ گیروبوونا وایه‌ و زێده‌تر گۆت: (حوكمه‌تا هه‌رێما كوردستان و عیراقێ دێ كار لسه‌ر بجهكرنا وێ كه‌ن، ئه‌و ژى پشتى كو حوكمه‌تا عیراقێ بریارێ بجهدكه‌ت، مفایێ دروستكرنا ڤان به‌نداڤان بو هه‌ردوو وه‌لاتێن توركیا و عیراقێ گرنگى یا خوه‌ هه‌یه‌). ب گوره‌ى پێزانینێن ئه‌ڤرۆ نیوز، به‌نداڤا لسه‌ر رووبارێ ئاڤا شین بلنداهیا وێ دێ 180م بیت و 80 مێگاواتێن كاره‌بێ به‌رهه‌مئینیت، هه‌ردوو به‌نداڤێن دن ژى دێ هه‌ر ئێك ب بلنداهیا 50م هێنه‌ دروستكرن و 255 مێگاواتێن كاره‌بێ به‌رهه‌مئینن.

(ئاساییه‌ پێكئینانا حوكمه‌تێ‌ ژ پێخه‌مه‌ت به‌رژه‌وه‌ندیا كوردستانێ‌ گیرۆ ببیت)

22/04/2019 19:54

116

ئه‌ڤرۆ نيوز:

ب به‌رهه‌ڤبوونا نێچیرڤان بارزانی سه‌رۆك وه‌زیرێن هه‌رێما كوردستانێ‌ ئه‌ڤرۆ رێوره‌سمێن رێزلێنانێ‌ بۆ دیرۆكنڤیس و نڤیسه‌رێ‌ ناڤدارێ‌ كوردێ‌ خوراسانێ‌ كه‌لیموللای ته‌وه‌حودی نڤیسه‌رێ‌ په‌رتووكا ” كۆچی مێژوویی كورد بۆ خوراسان” هاتنه‌ ئه‌نجامدان كو ژ ئالیێ‌ ئه‌كادیمیا كوردی ڤه‌ بۆ هاتبوو رێكخستن.

نێچیرڤان بارزانی د گۆتاره‌كێ‌ دا راگه‌هاند، دڤێت ره‌وشه‌نبیر و نڤیسه‌رێن كورد هایداری زمانێ كوردی بن و بزاڤێن ته‌وه‌حودی ژی پشكه‌ك بووینه‌ ژ وی ئه‌ركی و شیایه‌ دیرۆك و زمانێ پشكه‌كا كوردان ژناڤچوونێ بپارێزیت.

ل دۆر پێكئینانا كابینا نوو یا حوكمه‌تا هه‌رێما كوردستانێ‌، سه‌رۆك وه‌زیرێن هه‌رێمێ‌ راگه‌هاند، گیرۆبوونا پێكئینانا كابینا نوو یا حوكمه‌تێ‌ تشته‌كێ‌ ئاسایی یه‌ و ئه‌ڤه‌ ژ پێخه‌مه‌ت سه‌قامگیریا هه‌رێما كوردستانێ‌ یه‌ و گۆت:( ئه‌ڤه‌ گیرۆبوونه‌ ئاسایی یه‌ و به‌رژه‌وه‌ندیا هه‌رێما كوردستانێ‌ هوسا دخوازیت كو ده‌مێ‌ ته‌مام بۆ دانوستاندنان بهێته‌ دان و هه‌موو ئالیه‌كی پشتراست دكه‌م كو دڤێت ل دووماهی ئالیێن سیاسی بگه‌هنه‌ رێككه‌فتنێ‌).

سەرۆکێ پەرلەمانێ عیراقێ گەهشتە هەولێرێ

22/04/2019 18:08

144

ئەڤرۆ نیوز:

بەری دەمەکێ محەمەد حەلبوسی سەرۆکێ پەرلەمانێ عیراقێ گەهشتە هەولێرێ و ل فرۆکەخانا هەولێرێ ژ ئالیێ سەرۆکا پەرلەمانێ کوردستانێ د. ڤالا فەرید و هێمن هەورامی جێگرێ سەرۆکا پەرلەمانێ کوردستانێ پێشوازی لێ هاتە کرن.

دهێتە پێشبینی کرن کو ئارمانجا سەرەکی یا سەرەدانا سەرۆکێ پەرلەمانێ عیراقێ بۆ هەرێما کوردستانێ بۆ چارەسەریا ئاریشێن د ناڤبەرا هەولێرێ و بەغدایێ بیت.

پەیڤدارێ پارتی: بۆ مە گرنگە پێکڤە کوردستانێ برێڤە ببەین

22/04/2019 16:28

ئەڤرۆ نیوز:

مەحمود محەمەد پەیڤدارێ پارتی دیموکراتی کوردستان راگەهاند کو راستە ئاڤاکرنا کابینا نوو یا حوکمەتێ گیرو بوویە، لێ بۆ مە وەکو پارتی یا گرنگ ئەوە کو ئەم ل گەل ئالیێن دی پێکڤە کوردستانێ برێڤە ببەین و گۆت: (گرنگە ئەم ناڤمالیا خوە رێک بخینین و خوە بۆ هەر مەترسیەکێ ژی بەرهەڤ بکەین، ژ بەر هندێ ژی دەمێ کو تێگەهشتنەکا هەڤپشک د ناڤبەرا هەموو ئالیان دا دروست ببیت دێ کابینا نوو یا حوکمەتێ ژی هێتە پێکئینان).

ب وێنه‌: ژ ئەگەرێ بارینا بەفرێ رێیا دەرگەھێ سەرزێری ئاسێ بوویە

22/04/2019 09:54

231

ئەڤرۆ نیوز ، زنار تۆڤی:

ل سپێدەھیا ئەڤرۆ دوشەمبی 22 نیسانا 2019 پێلەکا بەفرێ ناحیا کانی ماسێ ڤەگرتیە و د ئەنجامدا رێژەکا باش یا بەفرێ ل سنورێ ڤێ ناحیێ باریە، ڤێ چەندێ ئاستەنگ ئێخستیە رێیا ھاتنوچوونا وەلاتیان ل دەرگەھێ گۆمرکا سەرزێری ل ناحیا کانی ماسێ.

سەربەست سەبری ئاکرەیی رێڤەبەرێ ناحیا کانی ماسێ بۆ ئەڤرۆ نیوز دیار کر: ل سپێدەھیا ئەڤرۆ دوشەمبی پێلەکادی یا بەفرێ ناحیا کانی ماسێ ڤەگرتیە و د ئەنجامدا 18 سەنتیمێن بەفرێ ل سەنتەرێ ناحیا کانی ماسێ بارینە و ل خالا گۆمرکا سەرزێری 26 سەنیمێن بەفرێ بارینە.

ناڤھاتی گۆت ژی: ژ ئەگەرێ ھاتنا ڤێ رێژا بەفرێ ئەو خەلکێ ھاتنوچوونێ د دەرگەھێ سەرزێری را دکەن ئاسێ ماینە نەشێن ھاتنوچوونێ بکەن، لێ نوکە ب رەنگەکێ بەردەوام تیمێن رامالینا بەفرێ یێ رێیا سەرەکی یا دەرگەھێ سەرزێری ژ بەفرێ پاقژ دکەن، ژ پێخەمەت ئەو وەلاتیێن ماینە ئاسێ قورتال بکەین، دیسا نوکە ئەو رێیا ژ ناحیا بامەرنێ دھێتە ناحیا کانی ماسێ و ل سەرێ چیایێ مەتینا ھندەک وەلاتی ژ ئەگەرێ بەفرێ ماینە ئاسێ و دیسا بزاڤێن مە د بەردەوامن ژبۆ ڤەکرنا وێ رێکێ ژی، ب ھەڤکاریا تیمێن رامالینا بەفرێ.