ئه‌ڤرۆ نیوز:
رێڤه‌به‌ریا گشتى یا كه‌شناسیێ ل هه‌رێما كوردستانێ راگه‌هاند، نه‌سه‌قامگیریا سه‌قاى هه‌تا دووماهیا ڤێ حه‌فتیێ دێ به‌رده‌وام بیت.
فازل ئیبراهیم، ریڤه‌به‌رێ گشتیێ كه‌شناسیێ ل هه‌رێما كوردستانێ گۆت” ئه‌و پێلا بارانێ ئه‌وا هه‌رێما كوردستانێ ڤه‌گرتى تاكو دووماهیا ڤێ حه‌فتیێ ئانكو رۆژا پێنجشه‌مبى 11/4/2019 دێ به‌رده‌وامبیت وباران بارین ب رێژێن جودا ل ده‌ڤه‌رێن جودا جودا ژ هه‌رێمێ دێ هه‌بیت”.
ئه‌ڤرۆ نیوز،بارزان مزووری:
رزگار عوبێد،به‌رپرسێ لقا مووسل یا ده‌زگه‌هێ خێرخازيێ بارزانی بۆ ئه‌ڤرۆ نیوز گوت:ئه‌ڤرۆ شه‌مبيێ 6ی نیسانێ 2019ی ده‌زگه‌هێ خێرخوازيێ بارزانی ب پشكداريا 100 كارمه‌ندێن ده‌زگه‌هێ ژ كچ وكوران دگه‌ل 30 ترومبێلێن جوراو جور یێن دوارێ پاقژكرنێ دا پشكدارى د هه‌وا پاقژكرنا باژێرێ مووسل دا كر ،
خویاكر ژى كۆ:ئه‌ڤ هه‌وه دێ به‌رده‌وام بیت حه‌تا باژێرێ مووسل ب تمامی ژ پاشمايێن ل سه‌ر ده‌ستهه‌لاتداریا رێكخراوا تیرۆرستی یا داعشێ دا پاقژبیت.
گوت:په‌یاما مه بۆ خه‌لكێ مووسل كو ئه‌ڤ ده‌زگه‌هه دێ به‌رده‌وام بیت بۆ گه‌هاندنا هه‌ر جوره خزمه‌تگوزاریه‌كێ.
ئه‌ڤرۆ نيوز:
يانا ته‌له‌به ئه‌ڤرۆ شه‌مبيێ 6/4/2019 ل ياريگه‌ها شه‌عب ل به‌غدا د چارچۆۆڤێ خۆلا عيراقێ يا ته‌پا پێى سه‌ركه‌فتنه‌كا مه‌زن ل سه‌ر يانا هه‌ولێرێ ب ئه‌نجامێ 4-0 تۆماركر.
گۆلێن يانا ته‌له‌به ل خۆله‌كێن 76 و78 و82 و92 هاتن تۆماكرن.
ب ڤى ئه‌نجامى يانا ته‌له‌به ب 28 خالان هاته رێزا هه‌شتێ د رێزبه‌ندا خۆلا عيراقێ دا ويانا هه‌ولێر ب 26 خالان ل رێزا 10 دهێت.
ئه‌ڤرۆ نیوز، نه‌وزاد هلۆرى:
ب مه‌ره‌ما پشته‌ڤانیكرنا گه‌نجان و دروستكرنا كه‌شه‌كێ خوش بو گه‌نجێن سنوورێ قه‌زا ئامێدیێ و دێره‌لووك و شێلادزێ و كه‌لتوور كرنا هاژوتنا پایسكلان، لژێر ناڤونیشانێن ئه‌قله‌كێ ساخله‌م د له‌شه‌كێ ساخله‌م دایه، ب هه‌لكه‌فتا رۆژا جیهانیا ساخلمیێ دێ كه‌رنه‌ڤاله‌كێ پایسكلسواریێ ل دێره‌لوك ب رێڤه‌چیت.
ژێهات رێكانى، سه‌رۆكێ رێكخراوا سه‌رمه‌د بو پێگه‌هاندنا لاوان بۆ ئه‌ڤرۆ نیوز گۆت: (وه‌كو پشته‌ڤانیكرن بو گه‌نجان و وه‌رزشڤانێن ده‌ڤه‌رێ و دروستكرنا كه‌شه‌كێ خوش بو خه‌لكێ ده‌ڤه‌رێ، سوبه‌هى دێ كه‌رنه‌ڤاله‌كا تایبه‌ت بۆ پایسكلسواریێ ل دێره‌لووك ب رێڤه‌چیت).
زێده‌تر گۆت: (پشكداریا گه‌نجان دێ یا ڤه‌كرى بیت و هه‌تا نوكه پترى 40 گه‌نجێن دێره‌ووك و شێلادزێ و ئامێدیێ و قه‌دش و ده‌ڤه‌رێن دى پشكداربوینه و سوبه‌هى ده‌مژمێر 2:00ێ پشتى نیڤرو دێ ل نێزیك چایخانا كوردستان كو ناسیاره ب چایخانا به‌روى ب رێڤه‌چیت).
ناڤبرى دیاركر ژى كو هاژوتنا پاسكلان دێ ب درێژاهیا پترى دو كیلومه‌تران بیت لسه‌ر جادا گشتى دناڤبه‌را دێره‌ووك بو شێلادزێ ، و ل دوماهیێ سێ ژ سه‌ركه‌فتیێن كه‌رنه‌ڤالێ دێ هێنه خه‌لاتكرن و زێده‌تر گۆت: (كچ و كور دشێن پشكداربن و هیڤدارین هه‌موو خه‌لكێ ده‌ڤه‌رێ بهێن پشكداربن چ وه‌كو پایسكلسوار چ ژى وه‌كو بینه‌ر).
ئه‌ڤرۆ نيوز:
ل چه‌ند رۆژێن داهاتى رێككه‌فتنا د ناڤبه‌را پارتى ديموكراتى كوردستان وئێكه‌تى نيشتمانى كوردستان ل دۆر پێكئينانا كابينا نوو يا حوكمه‌تا هه‌رێما كوردستانێ دێ هێته ئيمزاكرن.
له‌تيف شێخ عومه‌ر، په‌يڤدارێ ئێكه‌تى نيشتمانى كوردستان راگه‌هاند” كۆمبوونا ئه‌ڤرۆ يا جڤاتا سه‌ركردايه‌تيا ئێكه‌تيێ يا باش بوو كو تێدا دانوستاندن ل دۆر رێككه‌فتنا ئێكه‌تيێ وپارتى هاته كرن ول چه‌ند رۆژێن داهاتى دێ ئه‌و رێككه‌فتن هێته ئيمزاكرن”.
ئەڤرۆ نیوز:
ئەڤرۆ ل وەلاتێ ئوردن ب پشکداریا سەرۆک بارزانی کۆربەندێ ئابووری یێ جیهانی برێڤە دچیت کو تێدا هزار کەسایەتی ل وەلاتێن جودا جودا یێن جیهانێ پشکدارن.
دهێتە چاڤەرێکرن کو د ڤێ کۆربەندێ دا پرسێن ئاشتیا جیهان، پرسگرێکێن کەشوهەوا و پرسێن ئابووری ل باکورێ ئەفریقیا و رۆژهەلاتا ناڤین بهێنە گەنگەشە کرن.
سەرۆک بارزانی ل سەر ڤەخواندنا فەرمی یا شاهێ ئوردن پشکداری د ڤێ کۆربەندێ دا دکەت.
ئه‌ڤرۆ نيوز:
په‌رله‌مانتاره‌كێ هه‌ڤپه‌يمانيا فه‌تح ب سه‌رۆكاتيا هادى عامرى راگه‌هاند كو هه‌ڤپه‌يمانيا سائيرۆن و فه‌تح ل سه‌ر پێشكێشكرنا چه‌ند به‌ربژێران بۆ پۆستێن وزاره‌تا ناڤخۆ رێكه‌فتينه و سنونه ژى ده‌رباره‌ى په‌روه‌ردێ رێكه‌فتينه و كوردان ژى هێشتا چو بڕيار نه‌داينه.
حه‌نين قه‌دۆ، ئه‌ندامێ جڤاتا نوونه‌رێن عيراقێ ل سه‌ر هه‌ڤپه‌يمانيا فه‌تح راگه‌هاند كو هه‌ڤپه‌يمانيا فه‌تح و سائيرۆن ل سه‌ر چه‌ند ناڤان وه‌كو به‌ربژێر بۆ وه‌زاره‌تا ناڤخۆ رێكه‌فتينه و د چه‌ند رۆژێن بهێت دا، دێ پێشكێشى سه‌رۆك وه‌زيران كه‌ن.
ئاشكه‌را ژى كريه كو پێكهاتێ سونه ژى پشتى دانوستاندنێن ناڤبه‌را هه‌ردو هه‌ڤپه‌يمانيێن ميحوه‌رێ وه‌ته‌نى و هه‌ڤپه‌يمانيا وه‌ته‌نيه، بابه‌تێ به‌ربژارێ وه‌زاره‌تێن به‌ره‌ڤانى و په‌روه‌ردێ ئێكلا كرينه. نها هه‌ڤركيا ب تنێ ماى د ناڤبه‌را لايه‌نێن كوردى دايه، ده‌رباره‌ى پێكئينانا حوكمه‌تا هه‌رێما كوردستانێ، ئه‌ڤێ ژى ره‌نگڤه‌دان ل سه‌ر پێشكێشكرنا به‌ربژارێ وه‌زاره‌تا داد هه‌يه.
ئه‌و نوونه‌ر پێشبينى ژى دكه‌ت كو هه‌كه عادل عه‌بدولمه‌هدى سه‌رۆك وه‌زيرێن عيراقێ ره‌زامه‌نديێ ل سه‌ر بده‌ت، حه‌فتيا بهێت دێ ناڤێن به‌ربژاران پێشكێشى جڤاتا نوونه‌ران كه‌ن.
ئه‌ڤرۆ نيوز:
پارتى ب مه‌ره‌ما دانوستاندنێ ل سه‌ر پێكئينانا كابينا نوو يا حوكمه‌تا هه‌رێما كوردستانێ و پشكێن گۆڕان د كابينا داهاتى دا، سه‌ره‌دانا بزاڤا گۆڕان كر و پێكڤه كۆمبوون.
به‌رى نيڤرۆيا ئه‌ڤرۆ رۆژا شه‌مبى 6ى نيسانا 2019ێ شانده‌كێ پارتى ديموكراتى كوردستان ب سه‌رۆكاتيا كه‌مال كه‌ركووكى بۆ كۆمبوون ل گه‌ل بزاڤا گۆڕان گه‌هشتنه مه‌كۆيێ سه‌ره‌كى يێ وێ بزاڤێ ل گردێ زه‌رگه‌ته. شاندێ پارتى ژ هه‌ر ئێك ژ كه‌مال كه‌ركووكى، كاكه‌مين نه‌جار، هێمن هه‌ورامى، عه‌لى حسێن و فه‌رسه‌ت سۆفى.
ب گۆره‌ى ژێده‌رێن هاتينه به‌لاڤكرن كۆمبوون يا تايبه‌ته ب گه‌نگه‌شه‌كرن ل سه‌ر پشكێن گۆڕان د حوكمه‌تا داهاتى يا هه‌رێما كوردستانێ دا وه‌كو رێڤه‌به‌رێن گشتى و شيره‌تكاران كو ئه‌و پرس د رێكه‌فتنێ دا نه‌هاتيه روونكرن.
ئه‌ڤرۆ نيوز:
سه‌رۆك وه‌زيرێن عيراقێ ب سه‌ره‌دانه‌كا فه‌رمى گه‌هشته ته‌هران و سه‌ره‌دان ژى بۆ ماوێ دو رۆژان دێ يا به‌رده‌وام بيت.
محه‌مه‌د جه‌واد، زه‌ريف وه‌زيرێ ژ ده‌رڤه يێ ئيرانێ ل فرۆكخانا ميهرئاباد يێ ته‌هران پێشوازى ل عادل عه‌بدولمه‌هدى، سه‌رۆك وه‌زيرێن عيراقێ كر و هه‌ر سپێده‌هيا ئه‌ڤرۆ رێوره‌سمێن پێشوازيێ ل سه‌رۆك وه‌زيرێن عيراقێ ل كوچكا سه‌عد ئاباد يا ته‌هرانێ و ب ئاماده‌بوونا حه‌سه‌ن رۆحانى، سه‌رۆك كۆمارێ ئيرانێ ده‌ستپێكرن و پشتى رێوره‌سمێن پرۆتۆكولى كۆمبوونه‌كا هه‌ڤپشك هاته ئه‌نجام دان.
ب گۆره‌ى رێڤه‌به‌ريا راگه‌هاندنا سه‌رۆك كۆمارێ ئيرانێ، عادل عه‌بدولمه‌هدى د سه‌ره‌دانێ دا ژبلى كۆمبوونا ل گه‌ل سه‌رۆك كۆمارێ ئيرانێ و به‌رپرسێن بلندێن ئه‌وى وه‌لاتى، دێ پشكدارى كۆمبوونا هه‌ڤپشكا سيێ يا ژوورا بازرگانى يا عيراق- ئيران دا كه‌ت.
ئەڤرۆ نیوز:
بەری دەمێ کێم سەروکێ ئێکەتیا تەپا پێ یا عیراقێ و کورێ پارێزگەھا ھەولێرێ عەبدولخالق مەسعود شیا د ھەلبژارتنێن ئێکەتیا ئاسیا دا بیتە ئەندامێ مەکتەبا تەنفیزی د ھەلبژارتنێن ئەڤرۆ ل مالیزیا ھاتینە کرن.
د ڤان ھەلبژارتنان دا عەبدولخالق مەسعود شیا ب کومکرنا ٣٧ دەنگان بیتە ئەندام د مەکتەبا تەنفیزیا ئێکەتیا تەپا پێ یا ئاسیا د وان ھەلبژارتنان دا ئەوێن بەری دەمەکێ کێم ل بارەگایێ ئێکەتیا تەپا پێ یا ئاسیا ل وەلاتێ مالیزیا ھاتیە ئەنجامدان.
نيشاندان