ئەڤرۆ نیوز:
ژێدەرەک ژ پارتی دیموکراتی کوردستان راگەهاند کو ل گەل ئێکەتیێ بۆ پێکئینانا کابینا نوو یا حوکمەتێ رێککەفتینە و دێ ئێکەتی ئەڤرۆکە پشکداریێ د کۆمبوونا پەرلەمانی دا کەت کو تایبەتە ل دۆر قانوونا کاراکرنا سەرۆکاتیا هەرێما کوردستانێ.
ل ئالیێ دی لەتیف شێخ عومەر پەیڤدارێ ئێکەتیێ ژی راگەهاند کو ل دۆر پێشنیازا دووماهیێ یا پارتیێ ئەم نها د کۆمبوونێ داینە و ئەنجامێ کۆمبوونێ ژی دلخوەشکەرن.
ئه‌ڤرۆ نیوز:
فه‌رهاد ئه‌مین ئه‌ترووشی پارێزگه‌رێ دهۆكێ ئه‌ڤرۆ پێشوازیا شانده‌كێ ده‌زگایێ KSA یێ ئه‌لمانی ب سه‌روكاتیا گریگور جیك سه‌روكێ ده‌زگایێ نافبری ل سوریێ و ئێراقێ كر.
د هه‌ڤدیتنه‌كێ دا به‌حسێ ره‌وشا ده‌ڤه‌رێ ژ هه‌می لایه‌كی ڤه هاته كرن و تایبه‌ت ره‌وش و سه‌روبه‌رێ ئاواره و په‌نابه‌را ل كه‌مپێن سنورێ پارێزگه‌ها دهوكێ هه‌روه‌سا داكوكی ل سه‌ر پتر موكم كرنا هه‌فاكریێ دنافبه‌را ده‌زگایێ نافبری و حكومه‌تا هه‌رێمێ دا هاته كرن ,پارێزگه‌رێ دهوكێ به‌رهه‌ڤیا كارگێریا پارێزگه‌هێ بو هه‌ر هاریكاری و هه‌فكاریه‌كا پێدڤی دوپاتكر و ده‌ست خوشی ل ده‌زگایێ KSA كر هه‌مبه‌ر ئه‌و كار وخزمه‌تێن ئه‌نجامده‌ن .
ژلایێ خوڤه شاندێ ده‌زگایێ نافبری ده‌ست خوشی ل كارگێریا پارێزگه‌هێ و جه‌نابێ پارێزگه‌ری كر بو وی كارێ ژ هه‌ژی یێ بو خزمه‌تكرنا ئاواره و په‌نابه‌را ل سالێن بوری ئه‌نجام دای .
هه‌ژی گوتنێ یه ده‌زگایێ نافبری سه‌ره‌دانا چه‌ندین ئاوارا و كه‌مپێن ئاوارا كر بو زانیبا ره‌وش و سه‌روبه‌ر و پێڤدیێن وان .
ئه‌ڤرۆ نیوز:
پشتی سستبونا قه‌یرانا دارایی یا هه‌رێما كه‌ردستانێ حكومه‌تا هه‌رێمێ ده‌ست ب به‌لافكرنا قه‌رێن به‌لێنده‌رێن هه‌رێمێ كر ئه‌وێن دوه‌ختی دا پروژه بجهئیناین و پارێ وان پروژا مای قه‌ر ل ده‌ف حكومه‌تێ.
د داخویانیه‌كێ دا ئوسمان یونس جێگرێ پارێزگه‌رێ دهوكێ بو كاروبارێن ته‌كنیكی دیار كو پشتی كێمبونا قه‌یرانا دارایی حكومه‌تا هه‌رێمێ پلان و به‌رنامه هه‌نه قه‌رێن پروژێن به‌لێنده‌را بده‌تێ . و گوت : ئه‌ڤه جارا پێنجێ یه حكومه‌ت قه‌رێن ده‌ڤه‌را شنگارێ خه‌رج دكه‌ت و بریاره ژ سبه‌هی 4-4-2019وێڤه ده‌ست ب به‌لافكرنا كوژمێ ئێك ملیار دینار ل سه‌ر به‌لێنده‌رێن پروژێن ده‌ڤه‌رێن ده‌رڤه‌ی ئیدارا هه‌رێمێ به‌لاف كه‌ت و هه‌ر كومپانیه‌كێ رێژا 16 % دهێته ته‌رخانكرن و 69 كومپانیا دێ مفاداربن .
هه‌روه‌سا جێگرێ پارێزگه‌رێ دهوكێ دیار كو به‌ری نوكه كوژمێ 2 ملیار دیناران بو قوتابخانێن ماینه نیڤه‌رو هاتنه ته‌رخانكرن ل ده‌ڤه‌را زاخو بو 5 قوتابخانا و ئه‌ف پروژه دێ هێنه ته‌مام كرن ,هه‌روه‌سا 8 قوتابخانێن دیژی ل سنورێ پارێزگه‌هێ ده‌ست پێهاتیه كرن و هه‌یڤانه 345 ملیون دینار بو ڤان قوتابخانا دهێنه خه‌رجكرن و كار پێ دهێته برێڤه برن و گوت : لبه‌ره 100 ملیار دینار بهێنه خه‌رج كرن بو هه‌رسێ پارێزگه‌هێن هه‌رێمێ و بیگومان دێ باهرا پتریا ڤی كوژمه‌ی بو پارێزگه‌ها دهوكێ بیت و ئه‌م وه‌كو پارێزگه‌ه دێ بزاڤێ كه‌ین كو به‌هرا پارێزگه‌ها دهوكێ ژ هه‌می پارێزگه‌ها پتر بیت و بریاره د هه‌فتیا بهێت دا ده‌ست ب به‌لافكرنا وان پارا ژی بیهێته كرن.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا سه‌قاناسى و بيڤه‌له‌رزێ ل پارێزگه‌ها دهۆكێ راگه‌هاند كو هه‌ر ژ تۆماركرنا رێژێن باران بارينێ ژ لايێ رێڤه‌به‌ريا وان ڤه و هه‌تا نها ئه‌ڤ رێژا باران بارينێ ل سنورێ قه‌زا دهۆكێ نه‌باريه.
ئومێد مه‌عسوم مايى، رێڤه‌به‌رێ سه‌قاناسى و بيڤه‌له‌رزێ ل پارێزگه‌ها دهۆكێ د داخۆيانيه‌كێ دا بۆ ئه‌ڤرۆ نيوز گۆت: “رێژا باران بارينا ئه‌ڤ ساله ب ره‌نگه‌كێ گه‌له‌ك زێده بوويه و ئه‌و هه‌موو پيڤه‌رێن به‌رى خوه يێن ژ لايێ رێڤه‌به‌ريا مه ڤه هاتينه تۆماركرن، هاتينه شكاندن”.
زێده‌تر گۆت: “ژ وه‌رزێ 1975 بۆ 1976 رێڤه‌به‌ريا مه داتايێن تۆماركرنا رێژێن باران بارينێ يێن هه‌ين، ژ وێ مێژوويێ هه‌تا نها وه‌كو ئه‌ڤ ساله باران ل سنورێ قه‌زا دهۆكێ نه‌باريه”.
رێڤه‌به‌رێ سه‌قاناسى و بيڤه‌له‌رزێ ل پارێزگه‌ها دهۆكێ ئاشكه‌را ژى كر كو به‌رى ئه‌ڤ ساله زێده‌ترين رێژا باران بارينێ ل سالا 1987 بۆ 1988ێ هاتبوو تۆماركرن كو گه‌هشتبوو 888.6 ملم بارانێ.
ئه‌ڤ ساله هه‌تا ئه‌ڤرۆ رۆژا چارشه‌مبى رێكه‌فتى 3ى نيشانا 2019ێ ده‌مژمێر 09:00ى سپێدێ رێژا باران بارينێ ل سنورێ قه‌زا دهۆكێ گه‌هتشيه 1001.9 ملم بارانێ.
ئەڤرۆ نیوز:
رێڤەبەریا گشتی یا كاروبارێن شەھیدان و ئەنفالكریان /دھوك ، ئاگەھداریا كەس و كارێن شەھیدێن زاروكێن كوچا ملیونی دكەین ئەوێن ل كەمپێن ئاوەریێن وەڵاتێن توركیا و ئیرانێ ل روژێن (چوارشەمبی و پێنج شەمبی) ل مامەلە ل رێڤەبەریا كاروبارێن شەھیدان و ئەنفالكریان ناھینە ب رێڤەبرن , ب تنێ ل روژێن (ئێك شەمبی و دووشەمبی و سێ شەمبی ) دێ ھێنە ب رێڤەبرن ل ریڤەبەریا نافھاتی بوزانین .
* تێبینی گەر ب رێڤەبرنا شاھدان بیت ئەوێن مە ل دویڤ ژڤانێ وان بو دەست نیشانكرین دكارن بھێن ماملێن خوە تمام بكەن ل رێڤەبەریا كاروبارێن یاسایی.
راگەھاندنا رێڤەبەریا گشتى یا كاروبارێن شەھیدان و ئەنفالكریان/دھۆک
ئه‌ڤرۆ نيوز:
ئه‌ڤرۆ رۆژا چارشه‌مبى 3ى نيشانا 2019ێ سه‌رۆك مه‌سعود بارزانى پێشانگه‌ها نێڤده‌وله‌تى يا پرتووكان 14 ل هه‌ولێر يا پايته‌ختێ هه‌رێما كوردستا،ێ ڤه‌كر.
سه‌رۆك بارزانى د په‌يڤه‌كێ دا پشتى ڤه‌كرنا پرتووكخانێ، راگه‌هاند كو ڤه‌كرنا پێشانگه‌ها سالانه يا پترووكان ل هه‌ولێر جهێ شانازيێ يه، “مافێ هه‌ولێره شانازيێ ب خوه بكه‌ت”.
د گۆتارا خوه دا، سه‌رۆك بارزانى هه‌بوونا عادل عه‌بدولمه‌هدى ل سه‌رۆكاتيا حوكمه‌تا عيراقێ، ب دووماهى ده‌فه‌ت بۆ چاره‌ركرنا كێشێن ناڤبه‌را هه‌رێما كوردستانێ و عيراقێ دا دهێته دانان.
ده‌رباره‌ى پێكئينانا كابينا نوو يا حوكمه‌تا هه‌رێما كوردستانێ، سه‌رۆك بارزانى راگه‌هاند كو ئێدى ده‌م ب هه‌روه ناهێته دان و پارتيا وى ئێدى چاڤه‌رێ نابيت و دێ ده‌ست ب رێكارێن پێكئينانا حوكمه‌تێ كه‌ن.
ئه‌ڤرۆ نيوز، نيوار:
رێڤه‌به‌ريا فلمه فيستڤالا دهۆك 7 يا نێڤده‌وله‌تى راگه‌هاند كو وه‌رگرتنا فلمان ده‌ست پێ كر و هه‌تا دو هه‌يڤ و نيڤان ئه‌ڤ كاره دێ يێ به‌رده‌وام بيت.
رێڤه‌به‌ريا فلمه فيستڤالا دهۆك 7 يا نێڤده‌وله‌تى ل سه‌ر په‌يجێ خوه يێن تايبه‌ت ل تۆڕێن جڤاكى ئاشكه‌را كريه كو هه‌ر ژ 1ى نيشانا 2019ێ هه‌تا 15ى تيرمه‌ها 2019ێ دێ ده‌رگه‌هێ وه‌رگرتنا فلمان يێ ڤه‌كرى بيت بۆ هه‌ر سينه‌ماكاره‌كێ حه‌زا پێشكێشكرنێ هه‌بيت.
سالانه فلمه فيستڤالا دهۆك يا نێڤده‌وله‌تى ل هه‌يڤا ئيلۆنێ دهێته گێران و تێدا چه‌ندين فلم ژ وه‌لاتێن جودا دهێنه پێشكيشكرن و ناڤدارترين خه‌لات ژى يێ يه‌لماز گۆناى يه.
ئەڤرۆ نیوز، نيوار محه‌مه‌د سه‌ليم:
پشتى دوهى كۆمبوونا په‌رله‌مانێ كوردستانێ ژبۆ خواندنا دويێ بۆ پرۆژێ سه‌رۆكاتيا هه‌رێمێ هاتيه پاشخستن بۆ ئه‌ڤرۆ ب مه‌ره‌ما دروستكرنا هه‌مه‌ده‌نگيێ، بڕياره ئه‌ڤرۆ رۆژا چارشه‌مبى 3ى نيسانا 2019ێ و ل ده‌مژمێر 15:00 ئه‌و كۆمبوون بهێته كرن.
بژار حه‌بيب كۆچبه‌ر، سه‌رۆكێ فراكسيۆنا قانوونى ل په‌رله‌مانێ كوردستانێ بۆ ئه‌ڤرۆ نيوز گۆت: “بڕياره د كۆمبوونا ئه‌ڤرۆ دا خواندنا دويێ بۆ پرۆژێ سه‌رۆكاتيا هه‌رێمێ هێته كرن و پاشان ژى دانوستاندن ل سه‌ر برگه و خالێن ڤى پرۆژه‌ى بهێته كرن”.
مونا قه‌هوه‌چى، سكرتێرا په‌رله‌مانێ كوردستانێ د داخۆيانيه‌كێ دا ئاشكه‌را كر كو پاشخستنا كۆمبوونا په‌رله‌مانێ كوردستانێ بۆ ئه‌ڤرۆ ب مه‌ره‌ما هه‌مه‌ده‌نگيێ بوو ب مه‌ره‌ما وێ چه‌ندێ كو پترترين لايه‌نێن سياسى د ڤێ كۆمبوونێ دا د پشكدار بن.
پارتى ديموكراتى كوردستان راگه‌هاند كو پاشخستنا كۆمبوونا په‌رله‌مانێ كوردستانێ ب مه‌ره‌ما نيشاندانا نيه‌تپاكيێ بوويه بۆ ئێكه‌تى نشتيمانى كوردستان يێن ژ لايێ خوه ڤه پێشوازى ل ڤێ بڕيارێ كرى، د به‌رامبه‌ر ژى دا، كۆمه‌لا ئيسلامى ژى راگه‌هاند كو ئه‌وان چو نه‌رازيبوون ل سه‌ر پاشخستنێ نينن.
ئه‌ڤرۆ نیوز:
ئه‌ڤرۆ رۆژا چارشه‌مبی 3ى نيسانا 2019 پیشانگه‌ها هه‌ولێر یا نێڤده‌وله‌تى بۆ پرتووكێ دێ هێته ڤه‌كرن وتێدا ئێك ملیۆن ناڤونیشانێن جۆرا و جۆر دێ تێدا هێنه به‌رچاڤكرن.
رۆژا ئێكشه‌مبى 31/3/2019 پیشانگه‌ها هه‌ولێر یا نێڤده‌وله‌تى د به‌یاننامه‌كێ دا به‌لاڤكر كو ل رۆژا چارشه‌مبیا داهاتى پیشانگه‌ها هه‌ولێر یا نێڤده‌وله‌تى یا 14 بۆ پرتووكێ دێ هێته ڤه‌كرن.
دیاركر ژى”د ڤێ پیشانگه‌هێ دا 300 ده‌زگه‌هێن چاپ و به‌لاڤكرنێ د پشكدارن و ئێك ملیۆن ناڤونیشانێن جۆرا و جۆر تێدا دێ هینه به‌رچاڤكرن و دێ بۆ ده‌مێ 10 رۆژان یا به‌رده‌وام بیت”.
خویاكر ژى كو پرتووكێن 21 وه‌لاتان دێ هێنه به‌رچاڤكرن و 40 چالاكیێن جۆرا و جۆر دێ هێنه ئه‌نجامدان.
نيشاندان