ئه‌ڤرۆ نيوز، زنار توڤى
وێنێ بريسيه‌كێ ل هنداڤ سكرێ دهۆكێ
نووترين نووچه
- ل نێزیك كۆنفرانسێن ناڤخوەیی یێن پارتی ل دەڤەرێن كوردستانی دێ هێنە ئەنجامدان
- فراكسیۆنا پارتی: ل گەل درێژكرنا دەمێ كۆمسیۆنێ نینین
- پەرلەمانتارەك: ل بەغدا ب مەبەست كێشە بۆ حوكمەتا هەرێمێ و ئیراقێ دهێنە دروستكرن
- ئەمریکا داخوازەکێ ژ ئەنجوومەنێ نشتیمانی یێ کوردی ل سووریێ دکەت
- پشتی رەوشا سووریێ مەترسییا داعشێ ل سەر ئیراقێ یا زێدەتر بووی
- دڤێت چەك ل ئیراقێ تنێ د دەستێ دەولەتێ دا بیت نەكو گرۆپێن چەكدار
- هەژمارەكا كەمپێن ئاوارەیان ل هەرێمێ دێ هێنە تێكهەلكرن
- نوری مالكی: ئیسرائیلێ پلانا پارچەكرنا وەلاتێن دەڤەرێ یا هەی
- پەرلەمانتارەك: نەبوونا ل هەڤهاتنێ ل سەر كۆمسیۆنا نوو دێ هەلبژارتنێن بهێن ل ئیراقێ پاشئێخیت
- ب گرنگی دنێڕینە پێگەهێ هەرێما كوردستانێ
سه‌ره‌كى نووترين نووچه
ب ڤیدیۆ..گرۆپه‌كێ گه‌نجان هێمایێ ڤیانێ ل دێره‌لوكێ دانا
ئه‌ڤرۆ نیوز، نه‌وزاد هلۆرى:
ب مه‌ره‌ما جوانكرن و دیاركرنا حه‌ژێكرنا خوه بۆ دێره‌لوكێ و راكێشانا سه‌رنجا خه‌لكى و گه‌شتیاران، گرۆپه‌كێ گه‌نجان بناڤێ پێنگاڤ، رابوون ب دروستكرنا هێمایێ ڤیانێ بو ناحیا دێره‌لوكێ.
بۆ ديتنا ڤيديۆيێ ڤى لينكى كليك بكه
ژڤانێ ئه‌زموونێن وه‌رزێ دویێ یێن 12 ئاماده‌یى هاته دیاركرن
ئه‌ڤرۆ نیوز:
رێڤه‌به‌ریا ئه‌زموونان ل وه‌زاره‌تا په‌روه‌ردێ ژڤانێ ب رێڤه‌چوونا ئه‌زموونێن وه‌رزێ دویێ یێ 12 ئاماده‌یی راگه‌هاند.
وێ رێڤه‌به‌ریێ د نڤیساره‌كێ دا دیاركر كو ئه‌زموونێن وه‌رزێ دویێ یێن 12 ئاماده‌یى یێن پشكێن زانستى ووێژه‌یى وئیسلامى وپیشه‌یى ل رۆژا 10/4/2019 دێ ده‌ستپێكه‌ن ول رۆژا 18/4/2019 دێ ب دووماهى هێن.
سەرۆک وەزیرێن عیراقێ دێ سەرەدانا هەولێرێ کەت
ئەڤرۆ نیوز:
مالپەرێ بەغداد الیوم بەلاڤ کریە کو سەرۆک وەزیرێن عیراقێ عادل عەبدولمەهدی دڤێت سەرەدانا هەرێما کوردستانێ بکەت و ل گەل بەرپرسێن هەرێما کوردستانێ ل دۆر ئاریشێن د ناڤبەرا هەولێر و بەغدایێ دا دانوستاندنان بکەت.
هەمان مالپەرێ بەلاڤ کریە کو سەرۆک وەزیرێن عیراقێ چاڤەرێ پێکئینانا کابینا نوو یا حوکمەتا هەرێما کوردستانێ ب سەرۆکاتیا مەسرور بارزانی یە و پشتی کابینا نوو دەست ب کارێ خوە بکەت دێ سەرۆک وەزیرێن عیراقێ سەرەدانا هەرێما کوردستانێ کەت.
ب ڤیدیۆ: یەکەیا شووشتنا گولچیسکا ل ئامێدیێ ھاتە ڤەکرن
مه‌سرور بارزانى ل گه‌ل عيرفان عه‌زيز كۆمبوو
ئه‌ڤرۆ نيوز:
ئه‌ڤرۆ رۆژا دوشه‌مبى 8ى نيسانا 2019ێ مه‌سرور بارزانى شيره‌تكارێ جڤاتا ئاسايشا هه‌رێما كوردستانێ پێشوازى ل عيرفان عه‌لى عه‌بدولعه‌زيز رێبه‌رێ گشتى يێ بزاڤا ئيسلامى كوردستان و شاندێ ل گه‌ل كر و ئێكرێزيا لايه‌نێن سياسى دووپاتكر.
د وێ ديدارێ دا، پێشهاتێن ده‌ڤه‌رێ و پێدڤيا ئێكرێزى و ته‌بايێ د ناڤبه‌را لايه‌نێن سياسى يێن كوردستانى دا گه‌نگه‌شه‌كر.
مه‌سرور بارزانى ئاماژه ب پێدڤيا ئێكرێزيا گه‌لێ كوردستانێ و گرنگيدان ب به‌رژه‌وه‌نديا گشتى دا و راگه‌هاند كو گه‌لێ كوردستانێ هه‌ژى خزمه‌تكرنا زێده‌تره و نابيت بكه‌ته قوربانى ئه‌جيندا حزبى.
شيره‌تكارێ جڤاتا ئاسايشێ، به‌حس ل گه‌نگه‌شێن پێكئينانا كابينا نوو يا حوكمه‌تا هه‌رێما كوردستا،ێ كر و ته‌كست ل وێ چه‌ندێ كر كو پێدڤيه د پێناڤى دابينكرنا داخوازى و هيڤيێن وه‌لاتيان، له‌ز د پێنگاڤێن وان دا بهێته كرن.
د به‌رامبه‌ر دا رابه‌رێ بزاڤا ئيسلامى كوردستان رۆلێ سه‌رۆك بارزانى ل نێزيكرنا لايه‌نان ب كاريگه‌ر و پێدڤى زانى و ته‌كتس ل ته‌باى و ئێكرێزيێ د پێناڤى ب هێزبوونا زێده‌تر يا هه‌رێما كوردستانێ. هيڤيا سه‌ركه‌فتنێ ژى بۆ مه‌سرور بارزانى ل ئه‌ركێ وى يێ نوو دا خواست و پشته‌ڤانيا حزبا خوه د بجهئينانا ئه‌ركێن نشتيمانى و گشتى دا راگه‌هاند.
ژڤانێ ئيمزاكرنا رێكه‌فتنا پارتى و ئێكه‌تى هاته پاشخستن
ئه‌ڤرۆ نيوز:
عيماد ئه‌حمه‌د، ئه‌ندامێ مه‌كته‌با سياسى يا ئێكه‌تى نشتيمانى كوردستان بۆ رووداو راگه‌هاند: هه‌ر چه‌نده بڕيار بوو ئه‌ڤرۆ رۆژا دوشه‌مبى رێكه‌فتنا پارتى و ئێكه‌تى ل سه‌ر پێكئينانا كابينا نوو و چاوانيا پشكداريكرنا ئێكه‌تيێ د وێ كابينێ دا ب فه‌رمى ئيمزا بكه‌ن، به‌لێ ئيمزاكرن بۆ ده‌مه‌كێ دى يێ نێزيك هاته پاشخستن.
ڤێ حه‌فتيێ راستڤه‌كرنا قانوونا سه‌رۆكاتيا هه‌رێمێ دێ هێته په‌سه‌ندكرن
ئه‌ڤرۆ نيوز:
هه‌رسێ فراكسيۆنێن پارتى و ئێكه‌تى و گۆڕان بۆ ده‌ربازكرنا پێشنيازا راستڤه‌كرنا قانوونا سه‌رۆكاتيا هه‌رێما كوردستانێ كۆم بن.
سه‌رۆكێ فراكسيۆنا پارتى ديموكراتى كوردستان، ئۆمێد خۆشناو راگه‌هاند ل گه‌ل ئێكه‌تى نێزيكى رێكه‌فتنێ بووينه و ڤێ حه‌فتيێ دێ راستڤه‌كرنا قانوونێ هێته په‌سه‌ندكرن.
ب گۆره‌ى په‌يره‌وێ ناڤخۆيێ په‌رله‌مانێ كوردستانێ رۆژا چارشه‌مبى يا ڤێ حه‌فتيێ دووماهى ژڤانه بۆ ده‌نگدان ب راستڤه‌كرنا پێشنيازێ و د ڤێ حه‌فتيێ دا ده‌رگه‌هێ خوه كانديدكرنێ بۆ سه‌رۆكێ هه‌رێما كوردستانێ هێته ڤه‌كرن، كو ماوێ سێ رۆژا يێ به‌رده‌وام بيت.
ب وێنه – كچه‌كێ پێشانگه‌هه‌كا فوتۆگرافى ب موبایلێ ڤه‌كر
ئه‌ڤرۆ نیوز، نه‌وزاد هلۆرى:
بۆ ئێكه‌مین جار ل سنوورێ پارێزگه‌ها دهۆكێ پێشانگه‌هه‌كا فوتۆگرافى ل سه‌ر وێنێن سرۆشتى هاته ڤه‌كرن كو وێنێن وێ هه‌موو ب موبایلێ هاتبوونه گرتن، خودانا پێشانگه‌هێ ژى دیاركر كو ئه‌ڤه پێشانگه‌ها ئێكێ یه ڤه دكه‌ت.
شیلان ئیسماعیل، ماموستا و خودانا پێشانگه‌هێ بۆ ئه‌ڤرۆ نیوز گۆت: (ب مه‌ره‌ما گرنگیدان ب سرۆشتێ كوردستان و پارێزگه‌ها دهۆكێ، من ب فه‌ردیت كو پێشانگه‌هه‌كا تایبه‌ت ب وێنێن سرۆشتى ڤه‌كه‌م، ب هه‌ڤكاریا وێنه‌گریه‌كێ من شیا پێشانگه‌هه‌كا تایبه‌ت ب وێنێن سرۆشتێ كوردستانێ كو ب موبایلێ هاتبوونه گرتن ڤه‌كه‌م).
زێده‌تر گۆت: (دپێشانگه‌هێ دا 21 وێنێن سرۆشتى هاتبوونه نیشاندان و ل پاركا ناڤه‌ندا قوتابیان ل زانكۆیا دهۆك هاته تشته‌كێ نو بوو ل دهۆك چونكى هه‌موو ب موبایلێ و كوالێتیه‌كا كێم هاتبوویه گرتن).
دهێته زانین كو ناڤبرى ده‌رچویا زانكویێ یه و نوكه وه‌كو وانه‌بێژ ل ئێك ژ قوتابخانێن ده‌وروبه‌رێن دهۆكێ ده‌وامێ دكه‌ت و ل سالا 1995 ژدایكبویه و ل دهوكێ ئاكنجی یه.
مه‌سرور بارزانى ل گه‌ل شانده‌كێ ره‌وشه‌نبير ونڤيسه‌رێن عه‌ره‌ب كۆمبوو
ئه‌ڤرۆ نيوز:
شيره‌تكارێ جڤاتا ئاسايشا هه‌رێما كوردستانێ، مه‌سرور بارزانى، ئه‌ڤرۆ ئێكشه‌مبى 7/4/2019 پێشوازى ل شانده‌كێ ئه‌كاديمى وره‌وشه‌نبيرى ونڤيسه‌رێن وه‌لاتێن عه‌ره‌بى يێن پشكدار د پيشانگه‌ها هه‌ولێر يا نێڤده‌وله‌تى يا 14 يا په‌رتۆكێ ب سه‌رۆكاتيا فه‌خرى كه‌ريم، سه‌رۆكێ ده‌زگه‌ها مه‌دا يێ راگه‌هاندن وره‌وشه‌نبيرى وهونه‌رى كر.
د وێ ديدارێ دا، په‌يوه‌نديێن هه‌ڤپشك ورۆلێ ديرۆكى د ناڤبه‌را هه‌ردو گه‌لێ كورد وعه‌ره‌ب ژ لايه‌كى وره‌وشا ره‌وشه‌نبيرى ورۆلێ نڤيسه‌ران د ب هێزكرنا گيانێ لێبۆرينێ وهه‌ڤدو قه‌بوولكرنێ وره‌تكرنا توندوتيژيێ وتيرۆرێ هاته به‌حسكرن.
مه‌سرور بارزانى، زێده‌بارى ب خێرهاتنا گه‌رم يا شاندێ مێهڤان بۆ هه‌رێما كوردستانێ، ئاماژه كر كو گه‌لێ كوردستانێ ب ناڤ وپێگه‌هێ وان يێ ئاشنايه وگۆت” هوون ب رێيا ده‌ربرينێ وقه‌له‌مێن خوه دشێن رۆلێ كارا وئه‌رێنى يێ خوه ل ب هێزكرنا پێكڤه‌ژيانا ئاشتيانه وهه‌ڤدو قه‌بوولكرنێ د ناڤبه‌را هه‌ردو گه‌لێن كورد وعه‌ره‌ب بگێرن وهاريكار بن بۆ چاره‌كرنا كێشان”.
مه‌سرور بارزانى ئاماژه ب پێشڤه‌چوونا ئه‌رێنى يا په‌يوه‌نديێن د ناڤبه‌ورا هه‌ولێرێ وبه‌غدا كر وراگه‌هاند” ئه‌م كورد وعه‌ره‌ب بووينه قوربانيێن سيسته‌مێن دكتاتورى وگه‌له‌گ جاران خه‌لك بوويه قوربانيێ ئه‌جندێن سياسى”.
ل دۆر ژيان وگوزه‌رانا عيراقيان، دووپاتى ل وێ چه‌ندێ كر كو عيراق ژ روويێ سامانێ ئابوورى ومرۆڤى يا زه‌نگينه، به‌لێ كێشا خراب ب رێڤه‌برنێ يا هه‌ى وهه‌ر ژ وێ روانگێ ڤه چاره‌كرنا بنه‌ره‌تى يا كێشێن سياسى ب مه‌ره‌ما سه‌قامگيريێ وپێشڤه‌برنا عيراقێ ب پێدڤى زانى.
شاندێ ره‌وشه‌نبيرر وئه‌كاديمى ونڤيسه‌رێن عه‌ره‌ب پێشنيازا ئه‌نجامدانا فيسته‌ڤال وچالاكيێن دى يێن هه‌ڤشێوێ پيشانگه‌ها په‌رتۆكێ كر ب مه‌ره‌ما ب هێزكرنا په‌يوه‌نديان وتێكه‌ليا زێده‌تر يا ره‌وشه‌نبير ونڤيسه‌رێن كورد وعه‌ره‌ب.
نيشاندان
WP Facebook Auto Publish Powered By : XYZScripts.com