ئەڤرۆ نیوز:
ئەڤرۆ ئێڤاری ل تاخێ عەباسیکێ ل زاخۆ د روودانەکێ دا ل سەر خانیەکێ کاڤل چار کەس کەفتینە تێدا و دویا ژ وانا گیانێ خوە ژ دەستدایە.
بەرگریا شارستانی یا پارێزگەھا دھۆکێ دیارکر ئەڤ روودانە ل زاخۆ روودایە و چار کەس کەفتینە د چالەکێ دا و برینداربووینە و ل جھێ روودانێ تیمێن مە ئامادەبووینە و دەرخستینە لێ ب مخابنی ڤە دو کەس ژ وانا گیانێ خوە ژ دەستدایە و دو یێن دی ھاتنە رەوانەکرن بۆ نەخوشخانا تەنگاڤیان ل زاخۆ بۆ وەرگرتنا چارەسەریێ.
ئەڤرۆ نیوز:
ئاسایشا دھۆکێ ئەڤرۆ رۆژا دوشەمب ٦-٥-٢٠١٩ راگەھاند ئەوان پێنج کەس ل پارێزگەھا دھۆکێ دەستەسەر کرینە کو چار کیلویێن ماددەیێن ھوشبەر دگەل دابووینە و دانپێدان ژی کریە.
زێدەتر د راگەھاندنەکێ دا ئاسایشا دھۆکێ دیارکر ئەو شیاینە ل ٤-٥-٢٠١٩ پێنج کەسان ل دھۆکێ دەستەسەر بکەن کو خەلکێ پارێزگەھا دھۆکێ ب خوەنە و تەمەنێ وان ناڤبەرا ٢٠ ھەتا ٣٥ سالیێ دانە و چار کیلویێن ماددەیێن ھوشبەر دگەل دابووینە و دانپێدان ژی ب ڤێ چەندێ کریە و ھاتینە رەوانەکرن بۆ دادگەھێ داکو سزایێ خوە وەرگرن.
ئەڤرو نیوز:
ئه‌ڤرو پشتى نیڤرو 6-5-2019 ل كوچكا مێهڤانداریا فه‌رهاد ئه‌مین ئه‌تروشى پارێزگه‌رێ دهوكێ پێشوازیا (پول گیلبارد) بالیوزێ وه‌لاتێ كه‌نەدا ل ئیراقێ و (نانسى بیرجیرون) كونسلا كه‌ندا ل هه‌رێما كوردستانێ وشاندێ دگه‌لدا كر.
دهه‌ڤدیتنه‌كێدا ب ئاماده‌بونا به‌رێز اسماعیل محمد هاریكارێ پارێزگه‌رى بو كاروبارێن ئاواره وپه‌نابه‌ران به‌حسێ ره‌وشا پارێزگه‌ها دهوكێ ژرویێ خزمه‌تكارى وره‌وشا ئاواره وپه‌نابه‌ران وئه‌و هاریكاریێن ب رێكا پارێزگه‌هێ وسازیێن نیڤ ده‌وله‌تى بو دهێنه پێشكێشكرن هاته كرن.
دته‌وه‌ره‌كێ دن دا به‌حسێ په‌یوه‌ندیێن حكومه‌تا كوردستانێ دگه‌ل حكومه‌تا كه‌ندا وره‌وشا وان پروژان ئه‌وێن ب پشته‌ڤانیا حكومه‌تا كه‌ندا ل پارێزگه‌هێ دهێنه ئه‌نجامدان هاته كرن.
بالیوزێ وه‌لاتێ كه‌نەدا ل ئیراقێ ته‌كه‌زى ل خورتكرنا په‌یوه‌ندیان دناڤبه‌را كه‌ندا وهه‌رێما كوردستانێ كر ودیاركر كو وه‌لاتێ وان به‌رده‌وام دێ هاریكاریا هه‌رێما كوردستانێ وپارێزگه‌ها دهوكێ كه‌ت.
پارێزگه‌رێ دهوكێ خوشحالیا خو ب سه‌ره‌دانا شاندێ بالیوزخانه‌یا وه‌لاتێ كه‌نەدا دیاركر وسوپاسیا حكومه‌تا وى وه‌لاتى كر هه‌مبه‌ر ئه‌و هاریكاریێن بو پارێزگه‌ها دهوكێ پێشكێشكرین بو ئاواره‌یان وخوجهێن پارێزگه‌هێ وخواست قه‌بارێ وان هاریكاریا بهێته زێده‌كرن.
هه‌ژى گوتنێ یه حكومه‌تا كه‌ندا پشته‌ڤانیا بجهئینانا پروژێ چاره‌سه‌ركرنا ئاڤا پیس یا كو ژبن گلێشێ كارگه‌ها چاره‌سه‌ركرنا گلێشى ل ده‌ڤه‌را كواشێ دكه‌ت بو وێ یه‌كێ زیانێ نه گه‌هینیته ژینگه‌ها ده‌ڤه‌رێ .
ئه‌ڤرۆ نيوز:
ده‌سته‌يا سه‌رۆكاتيا په‌رله‌مانێ كوردستانێ راگه‌هاند كو رۆژا چارشه‌مبى دێ كۆمبوونا په‌رله‌مانێ كوردستانێ ب مه‌ره‌ما ده‌نگدان ل سه‌ر پێشنيازا سه‌رۆكاتيا هه‌رێمێ هێته دان.
ب گۆره‌ى نڤيسارا سه‌رۆكاتيا په‌رله‌مانێ كوردستانێ كو دانه‌ك ب ده‌ست ئه‌ڤرۆ نيوز كه‌فتيه ل رۆژا چارشه‌مبى 8ى گۆلانا 2019ێ و ل ده‌مژمێر 11:00 سپێدێ په‌رله‌مانێ كوردستانێ دێ ده‌نگدانێ ل سه‌ر پێشنيازا قانوونا سه‌رۆكاتيا هه‌رێمێ ده‌ت.
ئه‌ڤرۆ نيوز:
ئه‌ڤرۆ ل به‌ر ده‌رگه‌هێ په‌يمانگه‌ها ته‌كنيكى دهۆك يا تايبه‌ت ئاگر به‌ربوو ترۆمبێله‌كا ڤه‌گوهاستنا سوته‌مه‌نيێ و سێ ترۆمبێل ژى ل گه‌ل هاتينه سۆتن.
نه‌وزاد چێى، كه‌سه‌كێ نێزيكى روودانێ بوو و وێنه و ڤيديۆ بۆ ئه‌ڤرۆ نيوز ره‌وانه كرينه، دياركر كو ئاگر به‌ربوويه ترۆمبێله‌كا سۆته‌مه‌نيێ كو دبيت ب مه‌ره‌ما وێ چه‌ندێ ل وێرێ بوويه سۆته‌مه‌نيێ بۆ په‌يمانگه‌هێ دابين بكه‌ت، به‌لێ ئاگر به‌ربوون چێبوويه و سێ ترۆمبێل ل گه‌ل سۆتينه.
ئاشكه‌را ژى كر كو سه‌ره‌راى زيانێن ماددى، ئه‌مبۆلانس ژى چووبوونه جهێ روودانێ و ڤه‌گه‌ريان و گۆت: “روودان نها ژ لايێ تيمێن ئاگرڤه‌مراندنێ ڤه هاته كۆنترۆلكرن”.
ئه‌ڤرۆ نيوز:
ئه‌ڤرۆ وه‌كو رۆژا ئێكێ يا هه‌يڤا ره‌مه‌زانێ ل 18 وه‌لاتێن عه‌ره‌بى ب رێڤه دچيت و ل سێ وه‌لاتان ژى سوبه‌هى دێ رۆژا ئێكێ يا هه‌يڤا ره‌مه‌زانێ بيت.
هه‌ر 18 وه‌لاتێن سعودى، عيراق، قه‌ته‌ر، كوێت، به‌حرێن، ئيمارات، يه‌مه‌ن، ئوردن، فه‌لستين، لبنان، سوريا، مسر، سودان، ليبيا، تونس، جه‌زائير، سۆمال و جيۆبۆتى ئه‌ڤرۆ وه‌كو رۆژا ئێكێ يا هه‌يڤا ره‌مه‌زانێ ده‌ست نيشان كر.
سه‌ره‌راى ڤان وه‌لاتان هه‌ر ئێك ژ عومان و مه‌غرب و جزر قه‌مه‌ر دێ سوبه‌هى وه‌كو رۆژا ئێكێ يا هه‌يڤا ره‌مه‌زانێ ب رۆژى بن ژ به‌ر كو ده‌سته‌لاتدارێن وان راگه‌هانديه كو ئه‌وان هه‌يڤ نه‌ديتيه، ل مۆريتانيا ژى هێشتا هه‌يڤ نه‌هاتينه ديتن و گيرۆتر دگه‌هيته وێ ده‌ڤه‌رێ.
د هه‌مبه‌ر ڤێ چه‌ندێ دا، مالپه‌رێ فه‌رمى يێ وه‌لاتێ ئيرانێ ژى راگه‌هاند كو ژ ئه‌گه‌رێ نه‌ديتنا هه‌يڤێ، ئه‌ڤرۆ رۆژا دوشه‌مبى دێ بيته 30ى شه‌عبانێ و سوبه‌هى رۆژا سێشه‌مبى دێ رۆژا ئێكێ يا هه‌يڤا ره‌مه‌زانێ بيت.
ئەڤرۆ نیوز، نەوزاد ھلۆری:
درەنگی یا شەڤا بوری ژ ئەگەرێ وەرگەریانا شاحینەکا بارھەلگر کو شەش ترومبێل تێدابوون ل سەر رێیا گشتی دناڤبەرا سوران و جاددا بناڤ ھاملتون وەرگەریا و زیانێن گیانی و ماددی ھەنە.
دلاوەر لەتیف رێڤەبەرێ ھاتنووچۆنا سوران بۆ ئەڤرۆ نیوز گۆت: (درەنگی یا شەڤا بوری و پشتی پاشیڤێ شاحینەکا پری ترومبێل یا ئیرانی کو شەش ترومبێل تێدابوون لسەر رێیا گشتی دناڤبەرا سوران و جاددا ھاملتوون وەرگەریا).
زێدەتر گۆت: (ژئەنجامێ وەرگەریانا ئەوێ ترومبێلا بارھەلگر کەسەکێ گیانێ خوە ژ دەست دا کو ب رەگەز ئیرانی بوو، دیسان زیانێن زور یێن ماددی گەھشتە شاحینێ و وان ھەر شەش ترومبێلێن لسەر، دیسان زیان گەھشتینە بگورەکێ کارەبێ و ستوونێن کارەبێ و ھژمارەکا دارێن جوانکاریێ دناڤا جاددێ دا).
ناڤبری دیارکر ژی کو ئەگەرا وەرگەریانا ترومبێلێ دزڤریت بو وێ یەکێ کو شاحینە رونگ ساید دھات و زێدەتر گۆت: (پێدڤی یە شوفێر ھوشیاری خوە بن و پێگیریێ ب رێنمایێن ھاتنووچۆنێ بکەن داکو گیانێ وان ب سلامەت بیت و زیان نەگەھیتە ترومبێلێن وان).
ئەڤرۆ نیوز، نەوزاد هلۆری:
ئەڤرو پشتی نڤێژا عەیشا وەلاتێن موسلمان ل کوردستانێ تەراویح وەکو سونەتەک د ئیسلامێ دا ئەنجامدا، گوندێ هلورا ل شێلادزێ ئێکە ژ گوندێن کوردستانێ کو وەلاتێن وان ب روژێ رووژی دبن و شەڤان ژی تەراویحان دکەن. ب گورەی ئاخفتنێن گۆتاربێژێ گوندی، نوکە گوندان سالوخەتێن باژێران بخوڤە گرتینە و حوکمەتێ هژمارەکا خزمەتگۆزاریان بو دابینکرینە، دخوازن زێدەتر بو بهێنە دابینکرن داکو وەلاتی بشێن ژیانەکا باشتر ببورینن.
بۆ دیتنا ڤیدیۆیێ ڤى لینكى كلیك بكه
ئەڤرۆ نیوز:
فەرھاد ئەمین ئەترووشی پارێزگه‌رێ دهۆكێ د بروسکەکێ دا هه‌یڤا ره‌مه‌زانا پیرۆز ل هه‌موو لایەکی پیرۆز دکەت، ئەڤە دەقێ وێ یە:
بسم الله الرحمن الرحيم
(شهر رمضان الذى انزل فيه القران هدى للناس وبينت من الهدى والفرقان)
صدق الله العظيم
ب هه‌لكه‌فتا هاتنا هه‌یڤا ره‌مه‌زنا پیروز ب ناڤێ خو وكارگێریا پارێزگه‌ها دهوكێ پیروزباهیێ ل موسلمانێن كوردستانێ ب گشتی ویێن پارێزگه‌ها دهوكێ ب تایبه‌تی دكه‌م هه‌روه‌سا پیروزباهیێ ل پێشمه‌رگێن قه‌هره‌مان ول مالباتێن شه‌هیدێن سه‌ربلندێن پێشمه‌رگه‌ی دكه‌م، هیڤی دارین ژخودایێ مه‌زن ڤێ هه‌یڤێ بكه‌ته هه‌یڤا خێر وبه‌ره‌كه‌تێ و خۆشکرنا ژین و ژیارا مللەتێ مە وببیته هه‌یڤا لێبورین وپێكڤه ژیانێ وهاریكاریكرنا هه‌ڤدوو وهه‌ژار وكێم ده‌رامه‌تا…
دوباره هه‌یڤا ره‌مه‌زانێ ل هه‌موویان پیرۆزبیت.
فه‌رهاد ئه‌مین ئه‌تروشی
پارێزگه‌رێ دهوكێ
نيشاندان