ئه‌ڤرۆ نیوز:
روانگه‌ها سوورى بۆ مافێن مرۆڤى ئاشكرا دكه‌ت كو ژئه‌گه‌رێ بوردومانا پێگه‌هێن ئیرانى ل سووریێ ژ لایێ ئیسرائیلێ ڤه، 141 سه‌ربازێن ئیرانى د ده‌مێ ساله‌كێ دا ل سووریێ یێن هاتینه كوشتن.
دیاركر ژى كو نێزیكى 32 هزار چه‌كدارێن ئیرانى ولوبنانى وعیراقى وئه‌فغانى ل سووریێ یێن هه‌ین.
د ده‌مێ سالین بۆرى دا، چه‌ندین جاران فرۆكێن ئیسرائیلى هێرش كریه سه‌ر پێگه‌هێن له‌شكرى یێن ئیرانى ل سووریێ وزیان گه‌هاندینێ.
ئه‌ڤرۆ نیوز:
وه‌زیرێ ژێده‌رێن ئاڤێ ل عیراقێ ئه‌ڤرۆ ئه‌ینیێ 29/3/2019 راگه‌هاند، به‌هرا پێدڤیێن دو وه‌رزێن هاڤینێ ئاڤ ل به‌نداڤێن عیراقێ وهه‌رێما كوردستانێ هاتیه عمباركرن ئه‌ڤ ساله ژى دێ چه‌ندین به‌نداڤێن دى یێن ئاڤێ ل هه‌رێما كوردستانێ دروست كه‌ین.
جه‌مال عادلی، وه‌زیرێ ژێده‌رێن ئاڤێ ل عیراقێ د كۆنگره‌كێ رۆژنامه‌ڤانى دا گۆت” د پلانا وه‌زاره‌تا مه دایه د پاشه‌رۆژێ دا چه‌ندین به‌نداڤ ل هه‌رێما كوردستانێ بهێنه دروستكرن، ئه‌ڤ ساله ژى سه‌رجه‌مێ ئاڤا عمباركرى ل عیراقێ 32 ملیار مترێن سێ جارى یه وبه‌نداڤا مووسل زۆرترین ئاڤا عمباركرى ل عیراقێ ب خوه‌ڤه دگریت كو هه‌شت ملیار مترێن سێ جارینه.
ئه‌ڤرۆ نیوز:
سه‌رۆك مه‌سعود بارزانى ئه‌ڤرۆ پێنجشه‌مبى 28/3/2019 پێشوازى ل زانایێ كورد وخودانێ میدالیا فیلدز، دكتۆر كۆچه‌ر بیركار كر.
سه‌رۆك بارزانى سوپاسیا دكتۆر كۆچه‌ر بیركارى كر وراگه‌هاند كو بیركار جهێ شانازیێ یه بۆ هه‌موو تاكه‌كێ كورد وهیڤى خواست كو نموونێن وه‌كو وى د ناڤ گه‌نجێن كورد زێده‌تر بن.
گۆت ژى” ده‌ستكه‌فتێن دكتۆر كۆچه‌ر دوارێ زانستى دا سه‌لماندیه هه‌كه گه‌نجێن كورد ده‌لیڤه بۆ بهێته دان وه‌كو گه‌نجێن دى یێن جیهانێ، دشێن د وارێ زانست وداهێنانێ دا سه‌ركه‌فتنێ ب ده‌ستڤه‌بینن.
سه‌رۆك بارزانى پشته‌ڤانیا خوه بۆ بزاڤێن وى زانایێ گه‌لێ كوردستانێ راگه‌هاند د هاریكاریا ئاستێ زانستى وپێگه‌هاندنا قوتابیێن كوردستانێ وهیڤیا سه‌ركه‌فتنێ بۆ خواست.
دكتۆر كۆچه‌ر بیركار، زێده‌بارى سوپاسیێ بۆ پشته‌ڤانیا سه‌رۆك بارزانى، به‌حسێ هژماره‌كا پرۆژه وهزرێن خوه كر كو وى ل به‌ره ب هه‌ڤكارى ل گه‌ل زانكۆیا سه‌لاحه‌دی ل هه‌ولێرێ بۆ هاریكاریا قوتابیێن كوردستانێ پێشكێش بكه‌ت.
ئه‌ڤرۆ نیوز:
كونسۆلخانا ئیرانێ ل هه‌ولێرێ ئه‌ڤرۆ پێنجشه‌مبى 28/3/2019 د رۆهنكرنه‌كێ دا وه‌لاتیێن هه‌رێما كوردستانێ ئاگه‌هدار دكه‌ت كو هه‌تا نوكه ژى بۆ گه‌شتكرنێ بۆ ئیرانێ دێ وان پێدڤ ب ڤیزێ هه‌بیت.
كونسۆلخانا ئیرانێ ل هه‌ولێرێ دیاركر كو ئیرانێ به‌رهه‌ڤیا خوه دیاركریه بۆ پێدانا ڤیزا ئه‌لكترۆنى بۆ هه‌لگرێن پاسپۆرتا عیراقى بێ به‌رامبه‌ر، به‌لێ هه‌تا نوكه په‌سه‌ندا دووماهیێ ل سه‌ر ڤێ پرسى نه‌هاتیه كرن ونه‌چوویه د وارێ بجهئینانێ دا وهه‌ر ژ بۆ ڤێ چه‌ندێ ئاگه‌هداریا وه‌لاتیێن هه‌رێما كوردستانێ دكه‌ت كو ب مه‌ره‌ما گه‌شتكرنێ بۆ ئیرانێ، ب ڤیزا سه‌ره‌دانا سنووران نه‌كه‌ن.
ئەڤرۆ نیوز،بارزان مزووری:
بەنگین رەمەزان،ئێك ژ كارمەندێن بەرگریا شارستانی ل ناحیا ئەترۆش بۆ ئەڤرۆ نیوز گوت:ئەڤرۆ پێنجشه‌مبى 28ی ئادارێ 2019ی ژلایێ وەلاتیەكێ گوندێ “بلان” هاتین ئاگەهداركرن كو ئاگر به‌ربوویه مالەكێ ل گوندێ بلان وب تمامى هاته سوتن وزیانێن مەزن ب كه‌له‌په‌لێن مالێ كه‌فتن، بەلێ چو زیانێن گیانی نەبوون، و تیمێن ئاگر ڤەمراندنێ شیان ئاگرى كونترۆل بكه‌ن به‌رى ئه‌و ئاگر به‌ر ب مالێن دى بچیت،
خویاكر ژى: دەمێ هاتنا كارەبا گشتی شورتەك دناڤ ژۆره‌كا وى خانى په‌یدابوو كو بوویه ئەگەرێ ئاگر به‌ربوونێ.
ناڤهاتی گوت:كو ئەو كەسێ ئاگر ب مالا وی كەفتی بناڤێ” حسێن رەمەزان عەلی” كارێ وی پێشمەرگەیە.
حسێن رەمەزان عەلی،خودانێ مالا هاتی سوتن بۆ ئەڤرۆ نیوز گوت” من خانى ژنوو ئاڤاكربوو وكه‌لوپه‌ل ژى هه‌موو د نوو بوون و پتری 12 ملیون دیناران زیان ب مالا من كەفتیە”.،
ئاماژه كر” ئەز پێشمەرگەمە نەشێم دوبارە وان كەل و پەلا بكرم ژبەركو ئەڤە چەندین سال بوون من مووچەیێ خو كۆم دكر تاكو شیایم وان كەل و پەلا بكرم .
ئه‌ڤرۆ نیوز:
ئه‌ندامه‌كا په‌رله‌مانێ عیراقێ ژ فراكسیۆنا پارتى دیموكراتى كوردستان راگه‌هاند، پۆستێ وه‌زاره‌تا داد ل عیراقێ مافێ پارتى یه.
مه‌یاده محه‌مه‌د، په‌رله‌مانتارا پارتى ل په‌رله‌مانێ عیراقێ د داخۆیانیه‌كا رۆژنامه‌ڤانى دا، گۆت” چو رێككه‌فتنه‌ك نه‌هاتیه كرن بۆ تمامكرنا كابینا عادل عه‌بدولمه‌هدى سه‌رۆك وه‌زیرێن عیراقێ وهه‌ر ده‌مه‌كێ رێككه‌فتن هاته كرن، دێ چیته ده‌نگدانێ”.
رۆهنكر ژى” وه‌زاره‌تا داد كو ئێك ژ وه‌زاره‌تێن نه تمام كرینه د كابینا عه‌بدوله‌هدى دا، شایستێ پارتى یه، چونكى پارتى خودان زۆرترین كورسى یه ژ فراكسیۆنێن كوردستانى د ناڤ په‌رله‌مانێ عیراقێ دا”.
دیاركر ژى كو پارتى دێ به‌ربژارێ خوه بۆ وى پۆستى هه‌بیت.
ئه‌ڤرۆ نیوز:
بریاره رۆژا شه‌مبیا داهاتى 30/3/2019 په‌رله‌مانێ كوردستانێ كۆم ببیت وب فه‌رمى به‌رنامێ كارى وێ كۆمبوونێ ئاشكراكر كو دانوستاندن ل سه‌ر كاراكرنا سه‌رۆكاتیا هه‌رێمێ وپه‌سه‌ندكرنا پرۆژێ پێشنیازكرى بۆ وێ مه‌ره‌مێ د به‌رنامێ كارى دایه.
مالپه‌ری په‌رله‌مانێ كوردستانێ به‌لاڤكر كو ده‌سته‌یا سه‌رۆكاتیا په‌رله‌مانێ كوردستانێ، به‌رنامێ كارێ روونشتنا هژمار سێ یا ئاسایى یا رۆژا شه‌مبیا داهاتى راگه‌هاند كو ب ڤى شێوه‌یه:
ل دووڤ حوكمێ برگێن ئێك ودو وسیێ ژ مادێ 16 وبرگا سێ ژ مادێ 18 ومادێن 47 و48 و54 ژ په‌یره‌وێ ناڤخوه‌یێ په‌رله‌مانێ كوردستانێ، ده‌سته‌یا سه‌رۆكاتیا په‌رله‌مانى بریار دا به‌رنامێ كارێ روونشتنا هژمار سێ یا ئاسایى یا خۆلا بهارێ، سالا ئێكێ ژ خۆلا پێنجێ یا هه‌لبژارتنێن په‌رله‌مانى ل ده‌مژمێر سێ پشتى نیڤرۆیا رۆژا شه‌مبیا داهاتى ب رێڤه‌بچیت.
ئێك – خواندنا ئێكێ بۆ (پێشنیازا قانوونا كاراكرنا ده‌زگه‌هێ سه‌رۆكاتیا هه‌رێما كوردستان – عیراق وراستڤه‌كرنا شێوازێ هه‌لبژارتنا سه‌رۆكێ هه‌رێمێ تا په‌سه‌ندكرنا دستوورى) ل دووڤ حوكمێ مادێن 79 و 80 ژ په‌یره‌وێ ناڤخوه‌یێ په‌رله‌مانێ كوردستانێ.
ئه‌ڤرۆ نیوز:
سه‌رۆكێ فراكسیۆنا پارتى دیموكراتى كوردستان ل په‌رله‌مانێ كوردستانێ راگه‌هاند، شاندێ دانوستاندكارێ پارتى وئێكه‌تیێ د كۆمبوونا دوهى چارشه‌مبى ب راشكاوانه دانوستاندن ل گه‌ل هه‌ڤدو كر ل سه‌ر هه‌موو وا پرسێن تایبه‌ت ب پێكئینانا كابینا نوو یا حوكمه‌تا هه‌رێمێ، به‌لێ هه‌تا نوكه نه‌گه‌هشتینه رێككه‌فتنێ.
ئومێد خۆشناو، سه‌رۆكێ فراكسیۆنا پارتى دیموكراتى كوردستان ل په‌رله‌مانێ كوردستانێ د چارچۆڤێ پشكداریكرنێ د به‌رنامێ (ژ كوردستانێ) ل سه‌ر شاشا كوردستان تى ڤى، گۆت” پارتى وه‌كو سه‌ركه‌فتیێ ئێكێ د هه‌لبژارتنان دا سه‌بر وته‌حه‌موله‌كێ مه‌زن یا هه‌ى وب خوه‌شحالى ڤه هه‌تا نوكه ل گه‌ل پشكه‌كا مه‌زن یا لایه‌نان كو دێ پشكدار بن د حوكمه‌تێ دا گه‌هشتیه رێككه‌فتنێ، تنێ ل گه‌ل ئێكه‌تى نیشتمانى كوردستانێ مایه بگه‌هینه دووماهى رێككه‌فتن.
گۆت ژى” پارتى ب وێ چه‌ندێ هاتیه نیاسین كو بێهنا وێ یا فرهه‌یه وگه‌له‌ك جاران مه یا گۆتى بێهنفره‌هیا پارتى دێ ئه‌نجامێن باش هه‌بن وگه‌له‌ك جاران ژى مه یا گۆتى پارتى سه‌برێ ئه‌یوبى ب كاردئینیت وبریارا وێ چه‌ندێ ژى یا داى كو ژیێ نوحى هه‌بیت”.
ئه‌ڤرۆ نیوز:
سه‌رۆك مه‌سعود بارزانى ئه‌ڤرۆ پێنجشه‌مبى 28/3/2019 پێشوازى ل ئۆلگ لێڤین كونسۆلێ رووسیا ل هه‌ولێرێ كر.
كونسۆلێ رووسى سلاڤێن وه‌زیر وجێگرێ وه‌زیرێ ده‌رڤه‌یێ رووسیا گه‌هاندنه سه‌رۆك بارزانى وزێده‌بارى دووپاتكرنێ ل په‌یوه‌ندیێن دیرۆكى د ناڤبه‌را هه‌ردولا ورۆلێ بارزانیێ نه‌مر د ب هێزكرنا په‌یوه‌ندیا دیرۆكى د ناڤبه‌را گه‌لێ كوردستانێ وگه‌لی رووسیا، پێگه‌هێ هه‌رێما كوردستانێ بۆ وه‌لاتێ خوه ب گرنگ هژمارت وهه‌روه‌سا ئاماه ب خواستا رووسیا د به‌رفره‌هكرنا په‌یوه‌ندیێن د ناڤبه‌را هه‌ردولا دا ب تایبه‌ت د بوارێ وزێ وبیناسازیێ وخواندنێ وچالاكیێن كولتوورى، د پشكه‌كا دى یا ئاخڤتنێن خوه دا، كونسۆلێ رووسى ل هه‌ولێرێ رۆلێ گه‌لێ كوردستانێ د روو ب رووبوونا تیرۆرێ وتوندره‌ویێ بلند نرخاند.
ژلایێ خوه‌ڤه سه‌رۆك بارزانى سوپاسیا وه‌زیر وجێگرێ وه‌زیرێ ده‌رڤه‌یێ روووسیا كر وپێزانین بۆ هه‌لویستێن حوكمه‌تا رووسیا هه‌بوو ل دۆر دۆزا گه‌لێ كوردستانێ، دووپاتكر ژى كو په‌یوه‌ندیێن گه‌لی كوردستانێ و رووسیا د دیرۆكى نه ول كوردستانێ خواسته‌كا مه‌زن یا هه‌ى بۆ پێشڤه‌برنا وان په‌یوه‌ندیان،
نيشاندان