ئه‌ڤرۆ نيوز:
وه‌زاره‌تا په‌ره‌وه‌ردێ ل هه‌رێما كوردستانێ سه‌رپه‌رشتیاره‌كا بسپۆرێ وه‌كو هاریكارا رێڤه‌به‌رێ گشتی یێ په‌روه‌ردێ دياركر.
ل دووڤ برياره‌كا وه‌زاره‌تا په‌روه‌ردێ (ساهره محه‌مه‌د حه‌سه‌ن) وه‌كو هاریكارا رێڤه‌به‌رێ گشتی يێ په‌روه‌ردا پارێزگه‌ها دهۆكێ بۆ كاروبارێن كارگێری و دارایی ب وه‌كاله‌ت هاته دياركرن.
هه‌روه‌سا سه‌رپه‌رشتیارێ كارگێری (سامان مسته‌فا) وه‌كو هاریكارێ رێڤه‌به‌رێ گشتی يێ بۆ كاروبارێن ته‌كنیكی ب وه‌كاله‌ت هاته دانان.
ئه‌ڤرۆ نيوز:
په‌یڤدارێ حوكمه‌تا هه‌رێما كوردستانێ سه‌فین دزه‌یی سه‌باره‌ت هنارتنا سێ مووچێن فه‌رمانبه‌رێن هه‌رێمێ ژ ئالیێ به‌غدا ڤه، دیاركر هه‌تا نوكه به‌غدا ب تنێ مووچێ هه‌یڤا سێ یێ فه‌رمانبه‌ران یێ هنارتی، ژبلی 522 ملیاران، چو پارێ دی نه‌هنارتیه.
سه‌فین دزه‌یی دیاركر هه‌ر ده‌مێ به‌غدا كوژمه‌كێ دی یێ پاره‌ی هنارت، ئێكسه‌ر دێ ب سه‌ر مووچه‌خوران دا هێته به‌لاڤكرن.
ئه‌ڤرۆ نیوز ، عه‌لی حاجی :
ئه‌ڤرۆ رۆژا ئێكشه‌مبێ 17/3/2019 ژئه‌گه‌ره‌كێ نه‌دیار دووردانه‌كا ئاگربه‌ربوونێ دا ل زاخۆ ، ئاگر به‌ردبیته كوگه‌هه‌كا كه‌لوپه‌لێن مالێ دا و پشكه‌كا وان كه‌لوپه‌لان دهێنه سوتن و پشكه‌كا دی ژی دهێنه رزگار كرن ژلایێ بنگه‌هێ به‌ره‌ڤانیا باژێری ل زاخۆ .
بێوار عه‌بدولعه‌زیز ، به‌رپرسێ راگه‌هاندنا به‌ه‌رڤانیا باژێرێ دهوكێ بۆ ئه‌ڤرۆ نیوز گوت : پشتی ئه‌ڤرۆ به‌ره‌ڤانیا باژێری ل زاخۆ هاتیه ئاگه‌هدار كرن ل سه‌ر هه‌بوونا روودانه‌كا ئاگربوونێ ل كوگهههكێ كه‌لوپه‌لێن ناڤ مالێ ل تاخێ ركاڤا نوو ل زاخۆ ، پشتی ده‌مه‌كێ كێم تیمێن مه گه‌هشتنه جهێ روودانێ وشیان هه‌ر زوو كونترولا وی ئاگری بكه‌ن .
زێده‌تر گوت : دوێ روودانێ دا بتنێ زیانێن ماددی هه‌بوون ، ب خوه‌شحالی ڤه تیمێن مه شیان چه‌ندین كه‌لوپه‌لان ژناڤ وێ كوگه‌هێ دا بیینه ده‌ر و ب ڤێ چه‌ندێ ژی زیانێن ماددی ل خودانێ وێ كوگه‌هێ كێمتر بون .
ئەڤرۆ نیوز، عەلی حاجی :
د داخویانیەکێ دا بەرپرسێ راگەھاندنا بەرگریا شارستانیا پارێزگەھا دھۆکێ بۆ ئەڤرۆ نیوز دیارکر ژ ئەگەرێ ھاتنا بارانەکا زور و پەیدابوونا لەھیان ل پارێزگەھا دھوکێ ل دەمژمێر ٣:٠٠ی سپێدێ پروژەیەکێ خودانکرنا ماسیان ل گوندێ بێتاسێ ھەرفتی یە.
رائید بێوار عەبدولعەزیزی زێدەتر گۆت: پشتی ئەم ل دەمژێر ٣:٠٠ی سپێدێ ھاتینە ئاگەھدار کرن ل سەر ھەبونا روودانەکێ ل گوندێ بێتاسێ ، ئێکسەر تیمێن مە یێن بەرەڤانیا باژێری ل زاخۆ گەھشتنە جھێ روودانێ دیاربوو پروژەیەکێ خودان کرنا ماسیان ل بێتاسێ ھەرفتیە و بتنێ زیانێن ماددی بەر ب خودانێن پروژەی کەفتیە و چو زیانێن گیانی دوێ روودانی دا نەبون.
ناڤبری زێدەتر گۆت : نێزیکی ١٥ تەنێن ماسیا بەر ب خودانێ پروژەی کەفتینە و ھەر دیسان زیان ب بیستانێن دەروبەری وی پروژەی کەفتینە ، ل سەرانسەر پارێزگەھا دھوکێ ھەتا نوکە ٣٩ روودان ژئەگەرێ بارینا بارانێ دروست بوینە و نێزیکی کوژمێ ٢٢٠ ملیون دینارێن عێراقی زیان بەر ب ھاولاتیان کەفتینە و چو رووردانێن گیان ژدەست دانێ ژی نەھاتینە تومار کرن .
ل گورەی زانیاریێن ب دەست ئەڤرۆ نیوز کەفتین ئەڤرۆ ل روژا ئێک شەمبێ ل باژێرێ زاخۆ ٣ چایخانە و خارنگەھەکا ل بەر لێڤێن خابیری ژ ئەگەرێ بارینا رێژەیەکا زور یا بارانێ ئاڤ چوویە دوان جھان ڤە و زیانێن ماددی بەر ب خودانێن وان ژی کەڤتتیە.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌رێ سكرێ دهۆكێ راگه‌هاند كو چو مه‌ترسى ل سه‌ر ئاڤا سكرێ دهۆكێ نينه و به‌رده‌وام دهێته به‌ردان ب گۆره‌ى پلا زێده‌هيا وێ.
ئه‌ندازيار فه‌يصه‌ل نورى، رێڤه‌به‌رێ سكرێ دهۆكێ د داخۆيانيه‌كێ دا بۆ ئه‌ڤرۆ نيوز گۆت: “ئه‌ڤ ساله رێژه‌كا زۆر يا باران بارينێ بارينه و ب ڤێ چه‌ندێ ژى رێژه‌كا زۆر ل سكرێ دهۆكێ ژى باريه”.
زێده‌تر گۆت: “باران چه‌ند زێده بباريت چو مه‌ترسى ل سه‌ر سكرێ دهۆكێ نابيت، چونكو ب ره‌نگه‌كێ وه‌سان هاتيه دروست كرن، چه‌ند باران بهێته سه‌ر سكرى، يا زێده هه‌موو ب رێيا كه‌نالێ ڤاڤارتنێ دهێته به‌ردان و دچيته سه‌ر رۆبارێ دهۆكێ”.
ئاشكه‌را ژى كر كو شيانێن هه‌لگرتنا ئاڤێ ل سكرێ دهۆكێ 52 مليۆن مه‌ترێن چارگۆشه نه و ئه‌ڤ ساله 37 مليۆن مه‌ترێن چوارگۆشه چووينه سه‌ر سكرێ دهۆكێ و يا زێده هه‌موو دهێته به‌ردان.
ل دۆر به‌ردانا ئاڤا سكرى بۆ سه‌ر رۆبارى و كارتێكرنا وان جهێن گۆزارى يێن ل وێرێ هاتينه ئاڤاكرن، رێڤه‌به‌رێ سكرێ دهۆكێ گۆت: “پێشتر ب رێيا رۆژناما ئه‌ڤرۆ و ئه‌ڤرۆ نيوز و كه‌نالێن دى ژى يێن راگه‌هاندێ هوشدارى هاتينه دان كو به‌رده‌وام ئه‌و ئاڤ دێ هێته به‌ردان دا كو مه‌ترسى ل سه‌ر سكرێ دهۆكێ نه‌مينيت و ئه‌ندازيارێن مه ب خوه ژى چووينه ده‌ف خودانێن وان جهان و هوشدارى داينێ”.
هه‌تا نها ل سه‌نته‌رێ پارێزگه‌ها دهۆكێ 825ملم بارانێ بارينه كو ئه‌ڤه ژى رێژه‌كا گه‌له‌ك مه‌زن يا بارانێ يه وه‌كو هه‌ڤبه‌ركى ل گه‌ل سالێن بۆرى يێن وه‌رزێ باران بارينێ.
ئه‌ڤرۆ نيوز:
فراكسيۆنا پارتى ديموكراتى كوردستان ل په‌رله‌مانێ كوردستانێ ده‌سته‌يا سه‌رۆكاتيا خوه هه‌لبژارت.
پارتى ديموكراتى كوردستان، ئۆمێد خۆشناو وه‌كو سه‌رۆكێ فراكسيۆنا پارتى ديموكراتى كوردستان ل په‌رله‌مانێ كوردستانێ هه‌لبژارت و نه‌جات شه‌عبان وه‌كو جێگرا سه‌رۆكا فراكسيۆنا پارتى هه‌لبژارت.
ژ لايه‌كێ دى ڤه، پێشه‌وا هه‌ورامى وه‌كو به‌رده‌فكێ فراكسيۆنا پارتى هاته هه‌لبژارتن و ليزا فه‌له‌كه‌دين كاكه‌ى ژى وه‌كو به‌رپرسا په‌يوه‌نديێن فراكسيۆنا هه‌لبژارت بۆ بڕيارده‌ريا فراكسيۆنێ ژى به‌همه‌ن كاكه عه‌بدولا هاته هه‌لبژارتن.
ئه‌ڤرۆ نيوز:
نێچيرڤان بارزانى سه‌رۆك وه‌زيرێن هه‌رێما كوردستانێ د گۆتاره‌كێ دا د رێوره‌سمێن ڤه‌كرنا پێشانگه‌ها گه‌شتيارى يا رۆژهه‌لاتا ناڤه‌راست ل هه‌ولێرا پايته‌خت راگه‌هاند كو هه‌رێما كوردستانێ ئه‌رده‌كێ گۆنجاى و مادده‌كێ خاڤ يێ گه‌شتيارى يه و پێدڤيه مفا ژ وێ ده‌رفه‌تێ بهێته ديتن و ببيته ناڤه‌نده‌كا گه‌شتيارى بۆ كوردستان و عيراقێ.
ئه‌ڤرۆ نيوز:
ژ ئه‌نجامێ وێ پێلا سه‌رمايێ يا ب سه‌ر ده‌ڤه‌رێ دا هاتى و ل گه‌له‌ك ده‌ڤه‌ران ژ ئه‌نجامێن باران بارينا زێده له‌هى دروست بووين و زيان ب چه‌ندين جهان كه‌فتين، ل سارترين ده‌ڤه‌را پارێزگه‌ها دهۆكێ و هه‌رێما كوردستانێ ژى به‌فر بارى.
ئه‌ڤێن ل خوارێ چه‌ند ديمه‌نێن وێ به‌فر بارين و باران بارينێ نه ل ئێك ژ گۆندێن ده‌ڤه‌را به‌روارى بالا كو گۆندێ “گه‌ليكى” يه وه‌كو ديار به‌فره‌كا زۆر لێ باريه.
وێنه و ڤيديۆ ژ لايێ عيماد ئاليخان ڤه هاتينه ره‌وانه‌كرن.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا به‌ره‌ڤانيا باژێرى ل پارێزگه‌ها دهۆكێ راگه‌هاند كو شڤێدى ژ ئه‌نجامێ باران بارينا زۆر چه‌ندين روودانێن نه‌خواستى په‌يدا بووينه و ئه‌و شياينه كونترۆلا وێ ره‌وشێ بكه‌ن.
رائيدێ ماف بێوار عه‌بدولعه‌زيز، به‌رپرسێ راگه‌هاندنا رێڤه‌به‌ريا باژێرى ل دهۆكێ بۆ ئه‌ڤرۆ نيوز گۆت: “شڤێدى ژ ئه‌نجامێ باران بارينا زۆر ل گه‌له‌ك ده‌ڤه‌ران روودان په‌يدا بووينه، به‌لێ خۆشبه‌ختانه ئه‌ڤ روودانه ب تنێ ب زيانێن ماددى ب دووماهى هاتينه و زيانێن گيانى نه‌بووينه”.
زێده‌تر گۆت: “ل سه‌ر رووبارێ هشكه‌ڕۆ جادده‌ك هاتبوو گرتن و رێيا هاتنوچوونێ نه‌بوو، ل ليناڤا يا ده‌ڤه‌را دۆسكيان ژى ترۆمبێله‌ك بۆ ماوه‌كى د ناڤ ئاڤێ دا بوو و سێ كه‌س تێدا بوون، هه‌كه به‌ره‌ڤانيا باژێرى نه‌بايه، دبيت وان كه‌سان گيانێ خوه ژ ده‌ست دابايه، به‌لێ شياين ژ مرنێ رزگار بكه‌ين”.
دا زانين ژى كو ل مه‌رينا ژى شه‌ش ترۆمبێل بن ئاڤ ببوون و ل مسريكێ ژى ئاڤ چووبوو ناڤ 16 مالان و تيمێن به‌ره‌ڤانيا باژێرى ل ڤان جهان ژى ئاماده بوون و روودان كۆنترۆل كرن.
هه‌ر ب گۆره‌ى مالپه‌رێ رێڤه‌به‌ريا هاتنوچوونا پارێزگه‌ها دهۆكێ ژى، دوهى بۆ ماوێ زێده‌تر ژ ده‌مژمێره‌كێ پرا حسێنيێ يا ل سه‌ر رێيا دهۆك بۆ هه‌ولێر هاتبوو گرتن و ل ئامێديێ ژى ژ ئه‌نجامێ باران بارينا زۆر بۆ ماوه‌كێ درێژ سێ پر هاتبوونه گرتن.
نيشاندان