ئەڤرۆ نیوز، نەوزاد هلۆری:
هەلکەفت و جەژنێن نەتەوی ب تایبەتی دەما کو د ناڤ سروشت و ژینگەهێ دا بیت، دبیتە ئەگەر کو هژمارەکا گەنج و خەلکی چونا وان بۆ گەشت و سەیرانێ دەلیڤە ببینن ب فروتنا چەندین پێدڤیان، داهاتەکێ بۆخوە پەیدا بکەن، ئه‌ڤرۆ ب هەلکەفتا نەورۆزێ هژمارەکا گەنجان د ناڤ سەیرانگەها کانیا بێدلێ دناڤبەرا دێرەلۆكێ و شێلادزێ هاتنە دیتن.
بۆ ديتنا ڤيديۆيێ ڤى لينكى كليك بكه.
ئه‌ڤرۆ نیوز:
مالپه‌ركێ عیراقێ به‌لاڤكر كو ئه‌ڤرۆ شه‌مبیێ 23/3/2019 هێزه‌كا له‌شكرێ عیراقێ گه‌هشته
قه‌زا شنگالێ.
مالپه‌رێ (بغداد الیوم) ژ زارده‌ڤێ ژێده‌ره‌كێ ئه‌منى به‌لاڤكر”هێزه‌كا له‌شكرێ عیراقێ گه‌هشته ناحیا سنوونێ ل قه‌زا شنگالێ، ب مه‌ره‌ما به‌لاڤكرنا هێزێن زێده‌تر ل سه‌ر سنوورێ عیراقێ وسووریێ پشتى هێرشێن ڤێ دووماهیێ یێن په‌كه‌كێ ل سه‌ر له‌شكرێ عیراقێ ل وێ ده‌ڤه‌رێ”.
ل 19/3/2019 ژێده‌ره‌كێ ئه‌منى ب هه‌مان مالپه‌رێ عیراقێ راگه‌هاندبوو” له‌شكرێ عیراقێ هوشداریه‌ك ئاراسته‌ى په‌كه‌كێ كریه وداخواز ژێ كریه ژى كو كه‌سێن هێرش كریه سه‌ر له‌شكرێ عیراقێ راده‌ستى هێزێن عیراقى بكه‌ت”.
ئه‌ڤرۆنیوز:
ئه‌ندامێ په‌رله‌مانێ عیراقێ ژ فراكسیۆنا پارتى دیموكراتى كوردستان، شیروان ده‌به‌ردانى ئه‌ڤرۆ شه‌مبیێ 23/3/2019 راگه‌هاند، په‌رله‌مانێ عیراقێ د روونشتنا خوه یا سوبه‌هى دا دێ ده‌نگدانێ ل سه‌ر ده‌ركرنا چه‌كدارێن په‌كه‌كێ ژ قه‌زا شنگالێ ومیلیشیێن چه‌كدار ل پارێزگه‌ها نه‌ینه‌وا زێده‌بارى لادانا پارێزگارێ نه‌ینه‌وا وهه‌ردو جێگرێن وى ژ پۆستێن وان كه‌ت.
دوبه‌ردانى د كۆنگره‌كێ رۆژنامه‌ڤانیێ هه‌ڤپشك دا ل گه‌ل نه‌وزاد هادى پاریزگارێ هه‌ولێرێ گۆت” پێشنیازا عادل عه‌بدولمه‌هدى سه‌رۆك وه‌زیرێن عیراقێ یا تایبه‌ت ب لادانا پارێزگارێ نه‌ینه‌وا وهه‌ردو جێگرێن وى یا گه‌هشتیه په‌رله‌مانى”.
دیاركر ژى” لژنا دیاركرنا راستیان یا په‌رله‌مانى ل دۆر نه‌ینه‌وا ئه‌ڤرۆ ل گه‌ل سه‌رۆكێ په‌رله‌مانێ عیراقێ كۆمبوو وداخوازا لادانا پارێزگارێ نه‌ینه‌وا وهه‌ردو جێگرێن وى كر”.
ئاماژه دا ژى” گه‌نده‌لیا دارایى وكارگێرى وپشت گوهخستن ب شێوه‌كێ مه‌زن ل پاریزگه‌ها نه‌ینه‌وا یێن هه‌ین”.
ئه‌ڤرۆ نیوز:
شیره‌تكارێ جڤاتا ئاسایشا هه‌رێما كوردستانێ ل دۆر دوباره سه‌رهلدانا داعشێ هوشداریێ دده‌ت وئاشكرا دكه‌ت كو ل پارێزگه‌هێن باكوورێ عیراقێ ل وان جهێن ژ ده‌ستێ داعشێ هاتینه ئازادكرن، شانێن نڤستى یێن داعشێ ب ته‌كتیكه‌كا نوو جاره‌كادى دێ سه‌رهلده‌ن.
مه‌سرور بارزانى، شیره‌تكارێ جڤاتا ئاسایشا هه‌رێما كوردستانێ بۆ رۆژناما گاردیان یا بریتانى گۆت” كونترۆلكرنا ده‌ڤه‌رێن دبن ده‌ستێ داعشێ دا، ئارمانجا سه‌ره‌كى یا شه‌رى بوو، قوربانیێن زۆر ژى ل وى شارى هاتن دان، ئه‌نجامێن شه‌رى ژى ل عیراقێ وسووریێ دبه‌رچاڤن”.
زێده‌تر گۆت” مانا كێشێن سیاسى وئابوورى یێن سه‌ره‌كى بێ چاره‌سه‌رى، رێ بۆ دوباره سه‌رهلدانا داعشێ خوه‌ش دكه‌ت”.
مه‌سرور بارزانى دیاركر ژى”داعش نه تنێ هه‌بوونا هێزه‌كا چه‌كدارى یان رووبه‌ره‌كێ جوگرافى، به‌لكو داعش ئایدیۆلۆژیه‌كا تایبه‌ته ورێكخراوا داعش شیایه خوه ل گه‌ل شكه‌ستنان بگونجینیت ول جهێن تایفگه‌رى تێدا یا زال، ده‌ست ب هێرشێن چه‌كدارى كریه”.
دیسا دبێژیت”ل پارێزگه‌هێن باكوورێ عیراقێ ل وان جهێن ژ ده‌ستێ داعشێ هاتینه ئازادكرن، شانێن نڤستى یێن داعشی ب ته‌كتیكه‌كا نوو جاره‌كادى یێن دیار بووین، ب مه‌ره‌ما به‌لاڤكرنا ترس ودودلیێ د ناڤ خه‌لكی دا”.
ئەڤرۆ نیوز:
سەروکێ دەستەیا گەشتوگوزارا ھەرێما کوردستانێ دیارکر ل گەل دەسپێکرنا وەرزیچ بھارێ و سەیرانان، رێنمایێن نوو یێ توند بۆ بکارئینانا بەلەمێن گەشتیاری دەرکرن.
د گرنگترین وان رێنمایێن نوو دا ھاتیە ھەر ھەر گەشتیارەک بێ چاکیتێ نقومبوونێ سیاری بەلەمانبیت دێ خودانێ بەلەمێ ھێتە سزادان.
زێدەتر مەولەوی جەبار ئاشکرا کر ئەو دەڤەرێن گەشتیاری یێن سکر یان ئاڤ و رووبار ھەین و بەلەم تێدا بھێنە کار ئینان پێدڤیە مولەت ھەبیت دیسان ل سەر خودانێ بەلەمێ پێدڤیە ھەموو پێدڤیێن رزگارکرنێ د ناف وان بەلەمان دا ھەبیت، دیسان زێدەتر ژ قەبارێ خوە کەسان سیار نەکەت.
توندکرنا ڤان رێنامیان ھاتە پێش پشتی ل رۆژا پێنجشەمبیا بوری بەلەمەکا پر ژ گەشتیار ل رووبارێ دجلە یا باژێرێ مووسل ژێر ئاڤ بووی و زێدەتر ژ ١٠٠ کەسان تێدا خەندقین و چەندین کەس ژی بێ سەروشوینن.
ئەڤرۆ نیوز:
فەرمانداریا گشتی یا هێزێن سووریا دیموکراتیک بەری دەمەکێ د رێوەرسمەکێ دا ب فەرمی ب دووماهی هاتنا خیلافەتا داعشێ ل سووریێ راگەهاند.
رێورەسم ب سروودا نەتەوی یا ئەی رەقیب هاتە دەستپێکرن و فەرماندارێ گشتی یێ هەسەدێ راگەهاند کو رێکخراوا تیرۆرستی یا داعشێ ل سەر دەستێ هێزێن سووریا دیموکرات ب هاریکاریا هێزێن هەڤپەیمانیا نێڤدەولەتی هاتە ژناڤبرن و ئێدی چو ئاخ د دەستێ داعشێ دا نەماینە و نها باغۆز وەکو دووماهی پێگەهێ رێکخراوا تیرۆرستی یا داعشێ ژی کەفتە دەستێ هێزێن مە.
مەزلەم عەبدی فەرماندارێ گشتی یێ هێزێن سووریا دیموکرات بەحسێ چەند سالێن شەرێ ل دژی داعشێ کر و راگەهاند کو مە شیایە هەتا نها نێزیکی ٥ ملیۆن وەلاتیێن سووریێ ژ دەستێ داعشێ رزگار بکەین، مە د شەرێ ل دژی داعشێ دا ب هزاران شەهید و بریندار داینە و گۆت: (سوپاسیا هەڤپەیمانیا نێڤدەولەتی یا ل دژی داعشێ دکەین کو هاریکاریا مە کرن و رێبازا مە یا دیموکراتیک بۆ ئەگەرێ هندێ کو ب پشکداریا هەموو پێکهاتێن ل سووریێ ئەم بشێن داعشێ ژناڤ ببەین).
ئەڤرۆ نیوز:
فراکسیونا پارتی ل پەرلەمانێ ھەرێما کوردستانێ ئیمزا ل سەر راستڤەکرنا قانوونا سەروکاتیا ھەرێما کوردستانێ کريه، و رادەستی سەروکاتیا پەرلەمانی ھاتیە کرن.
د ڤی دەربارەی دا سەباح مەحمود ئەندامێ پەرلەمانێ کوردستانێ دیارکر کو فراکسیونا پارتی ئیمزا ل سەر پرۆژە قانوونا راستڤەکرنا قانوونا سەروکاتیا ھەرێما کوردستانێ ھاتە کرن و سوبەھی دێ دەسپێکەن.
ل دووڤ وان زانیاریێن ھاتینە ئاشکرا کرن ژ لایێ پەرلەمانتارێن پارتی کو ب ھاریکاریا لایەنێن دی نوکە ئەو مژوولی کارێن راستڤەکرنا قانوونا سەروکاتیا ھەرێما کوردستانێ نە، و ھەموو بزاڤێن وان ئەون بێ ئێکەتی ئەڤ کارە نەھێتە کرن لێ ئەگەر ئامادە نەبوون کارێن راستڤەکرنا پرۆژە قانوونا سەروکاتیێ نا راوەستن.
سەروکێ فراکسیونا پارتی ئومێد خوشناو ئەو چەندە ژی راگەھاند ھەتا نڤێسیا دەستورێ ھەرێما کوردستانێ تمام دبیت، د برگەیا قانوونێ دا دێ ھێتە راستڤەکرن یا کوھاتیە سەروکێ ھەرێما کوردستانێ دێ ل ناڤ پەرلەمانی دا ھێتە ھەلبژارتن نەکو ناڤ خەلکی دا.
دیسان دیارکر فراکسیونا پارتی پرۆژە قانوون نوکە تمام بوویە و ھاتیە رادەستکرن بۆ سەرۆکاتیا پەرلەمانی.
ئه‌ڤرۆ نیوز:
دچارچۆڤێ ڤاڤارتنێن قاره‌مانیا نه‌ته‌وێن ئورۆپى 2020 ئه‌ڤ شه‌ڤه ل ده‌مژمێر 10:45 دێ چه‌ندین یارى هینه ئه‌نجامدان:
ئینگلته‌را – چیك
پورتۆگال – ئۆكرانیا
لوكسمبورگ – لیتوانیا
ئه‌لبانیا – توركیا
ئه‌ندۆرا – ئایسلاندا
مولدوڤا – فره‌نسا
به‌رى ده‌مه‌كێ كێم ژى یاریا د ناڤبه‌را هه‌ردو هه‌لبژارتیێن بولگاریا ومونتینیگرۆ ب ئه‌نجامێ وه‌كهه‌ڤیێ 1-1 ب دووماهى هات.
ئەڤرۆ نیوز،،نەوزاد هلۆری:
ئەڤرۆ درۆژا دویێ یا جەژنا نەورۆزێ دا هژمارەکا مه‌زن ژ خەلکێ دەڤەرێن بارزان و شێلادزێ و دەوروبەرا قەستا سەیرانگەها (دارا دازان) ل سنورێ دەڤەرا بارزان کر ژ بۆ بوراندنا دەمەکێ خوه‌ش.
بۆ دیتنا ڤیدیۆیێ ڤى لینكى كلیك بكه
نيشاندان