ئەڤرۆ نیوز،بارزان مزووری:
ب هەلکەفتا رۆژا ڤالانتاین، کچەکا باژێرێ دهۆک ب ناڤێ “دلڤین رێبوار” 700 گوڵ وشرينى ودياريێن جۆرا وجۆر ل سەر پێشمەرگێن قه‌هره‌مان ل میحوەرێ تللسقوف به‌لاڤكرن.
ل رۆژا ڤالانتاین کچەکا دهۆکێ 700 گۆل دیاری دانە پێشمەرگه‌ى
نووترين نووچه
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
سه‌ره‌كى نووترين نووچه
ب ڤیدیۆ- دیتنا جڤاکی بۆ ڤالانتاینێ هەمبەری سالێن بوری هاتیە گوهۆرین
ئەڤرۆ نیوز، نەوزاد هلۆری:
ڤالانتاین رۆژەکا تایبەتە ب ئەڤینداران ڤە، ئێکە ژ جەژنێن جیهانی و سالانە ل پتريا وەلاتێن جیهانی ب چەند چالاکی و شێوەیێن جودا دهێتە ساخکرن، ئەڤیندار دڤی رۆژێ دا ب پێشکێشکرنا گولێن سوور ئەڤینا خوە نوو دکەن.
هەرچەندە ڤالانتاین ل وەلاتێن روژهەلاتا ناڤەراست تێبینی ل سەر هەنە، بەلێ ل ڤان سالێن دووماهيێ دیتنا جڤاکی بۆ ڤێ روژێ هاتیە گوهۆرین و ئەوان ژی دەست ب چالاکیان کریە.
ل ناحیا شێلادزێ ، جیهاد رێکانی، خودانێ ئێک ژ گولفروشێن دەڤەرێ یە دیارکر کو دیتنا جڤاکی بۆ ڤاڵانتاین هاتیە گوهۆرین و پشكه‌ك ژ گەنجان ب تایبەتی گەنجێن ئەڤیندار روژان دهژمێرن داکو گولێن سوور پێشکێشی هەڤدو بکەن و دبێژیت: (باشترین دیاری د روژا ڤالانتاینێ دا پێشکێشکرنا گولەکا سوور و سروشتی یە، وان بۆ ڤالانتاینێ هەموو بەرهەڤی کرینە ب تایبەتی بەرهەڤکرنا گولێن سوور ).
شاندێ گۆڕان ئه‌ڤرۆ دێ ل گه‌ل پارتى كۆم بيت
ئه‌ڤرۆ نيوز:
ئه‌ڤرۆ ل پيرمام، شاندێ دانوستاندكارێ پارتى ديموكراتى كوردستان و بزاڤا گۆڕان دێ كۆم بن.
هێمن هه‌ورامى، ئه‌ندامێ شاندێ دانوستاندنكارێ پارتى ديموكراتى كوردستان راگه‌هاند كو ئه‌ڤرۆ ل باره‌گايێ مه‌كته‌با سياسى يا پارتى ديموكراتى كوردستان ل پيرمام هه‌ردو شاندێن دانوستاندكارێن پارتى و گۆڕان كۆم ببن.
به‌ربژارێ پارتى بۆ جێگرێ سه‌رۆكێ په‌رله‌مانێ كوردستانێ ئاشكه‌را ژى كر كو ئه‌ڤ كۆمبوونه دێ يا تايبه‌ت بيت ب پێكئينانا كابينا نوو يا حوكمه‌تا هه‌رێما كوردستانێ.
پێله‌كا به‌فر و بارانێ دێ ب سه‌ر هه‌رێما كوردستانێ دا هێت
ئه‌ڤرۆ نيوز:
پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو ژ ئه‌نجامێ درێژبوونا كارتێكرنا فشارێن ده‌ريا ناڤه‌راست بۆ سه‌ر ده‌ڤه‌رێ، ئه‌ڤرۆ رۆژا پێنجشه‌مبى ل دانێ ئێڤارى فشارێن نزمێن ده‌ريا ناڤه‌راست ده‌ڤه‌رێ دێ زێده بن و باران بارين ل ئێڤاريا رۆژا پێنجشه‌مبى ل هنده‌ك ده‌ڤه‌ران دێ هه‌بيت و ب شه‌ڤ ئاستێ باران بارينێ دێ زێده‌تر بيت.
ئاشكه‌را ژى كريه كو ل رۆژا ئه‌ينى كارتێ:رنا فشارێن نزمێن ده‌ريا ناڤه‌راست دێ زێده‌تر لێ هێن و باران ل هه‌موو ده‌ڤه‌ران باريت و ل هنده‌ك ده‌ڤه‌رێن چيايى باران دێ ب دژوارى باريت.
هه‌ر ب گۆره‌ى ڤێ راپۆرتا كه‌شناسيێ باران بارين ل سه‌نته‌رێ پارێزگه‌هان “دهۆك، هه‌ولێر، سلێمانى و هه‌له‌بچه” دێ د سه‌ر 18ملم دا بيت و ل ده‌ڤه‌رێن چيايى ژى زێده‌ترى 40ملم ب تايبه‌ت ئامێدى و ئاكرێ و زاخۆ و رانيه و ره‌واندوز و چومان و سوران. ده‌ليڤا به‌فر بارينێ ژى ل گه‌ل ڤێ پێلێ ل ده‌ڤه‌رێن چيايى يا هه‌ى.
پشكا پێشبينيان خۆيا ژى كريه كو ل ده‌مێ هاتنا ڤێ پێلێ، پلێن گه‌رمێ دێ نزم بن و ل ده‌مێ باران بارينێ دێ هنده‌ك بريسى ژى ل گه‌ل بن، “رۆژا ئێكشه‌مبى دێ كارتێكرنا ڤێ شه‌پۆلێ ب دووماهى هێت”.
وه‌زاره‌تا ئه‌وقافێ رێنمایێن حه‌جا ئه‌ڤ ساله به‌لاڤ دكه‌ت
ئه‌ڤرۆنیوز:
وه‌زاره‌تا ئه‌وقافێ وكاروبارێن ئایینی ل هه‌رێما كوردستانێ چه‌ند رێنمایان ئاراسته‌ی وان وه‌لاتیان دكه‌ت كو دئه‌ڤ ساله‌دا دێ به‌ر ب حه‌جێ ڤه چن.
نه‌به‌ز ئیسماعیل، په‌یڤدارێ وه‌زاره‌تا ئه‌وقافێ وكاروبارێن ئایینی ل هه‌رێمێ د رۆهنكرنه‌كێ دا به‌لاڤكر” ئه‌و وه‌لاتیێن دخوازن قه‌ستا حه‌جێ بكه‌ن ل سالا 2019، پێدڤیه دیرۆكا ب سه‌رڤه‌چوونا پاسه‌پۆرتێن وان ژ شه‌ش هه‌یڤان كێمتر نه‌بیت، ئانكو دڤێت ل سه‌ر 31/1/2019 دابیت ول هه‌یڤا 2 یا سالا 2020 بۆ سه‌رڤه بیت، له‌وما پێدڤیه ئه‌و كه‌سێن پاسه‌پۆرتێن وان نێزیكی سه‌رڤه‌چوونێ بن، ب زووترین ده‌م پاسه‌پۆرنێن خوه نوو بكه‌ن”.
ئاماژه كر ژی” ئه‌و ژنێن پێدڤی ب (مه‌حره‌م) ی نه‌بن، پێدڤیه ژیێ وام دبن ژدایكبوونا 30/4/1974 بیت، ئانكو ژنێن ژدایكبوویێن هه‌یڤێن 5 و 6 و7 یا سالا 1974 پێدڤی ب مه‌حره‌می نه بۆ وه‌رگرتنا ڤیزێ”.
دیاركر ژی” بهایێ حه‌جا ئه‌ڤ ساله وتمامكرنا مامه‌لێ ل ده‌مه‌كێ نێزیك دێ هێنه راگه‌هاندن”.
سوپایێ عێراقێ رێگریێ ل دەزگایێ خێرخوازی بارزانی دکەت
ئەڤرۆ نیوز ، عەلی حاجی :
بەرپرسێ ئوفیسا شنگالێ یا دەزگایێ خێرخوازیێ بارزانیێ نەمر دیارکر وان دخواست ھاریکاریێ بگەھینە وەلاتیێن چیایێ شنگالێ لێ رێگری ل وان ھاتە کرن ژ لایێ سوپایێ عێراقێ ڤە.
ل دۆر ڤێ چەندێ پیر دەیان بۆ ئەڤرۆ نیوز گۆت: ھاریکاریێن دەزگایێ خێرخوازیێ بارزانیێ نەمر پێک دھات ژ ٦٠ تەنێن ئاری و جل و بەرگان بۆ زێدەتری ٢٩٠٠ خێزانان ، لێ ژ لایێ زالگەھەکا سوپایێ عێراقێ ڤە ل نێزیک سنونێ رێگری ل مە ھاتە کرن و مە نەشیا وان ھاریکاریان بگەھینە دەستێ وی خەلکێ ل چیایێ شنگالێ ماین.
ناڤھاتی زێدەتر گۆت: بەری حەفتیەکێ ب ھەڤکاری دگەل رێکخراوا یونسێف شیابو ٤٥٠٠ بەتەنیان ژی ل سەر وەلاتیان ل چیایێ شنگالێ بەلا ڤ کەین ، ھەر دیسان ژی مە ژبو ٤٥٠٠ زاروکان جل و بەرگێن زڤستانی وەکو ھاریکاری بەلاڤ کر بوون لێ تێناگەھم ژبەر چ ئەگەر رێگری ل مە ھاتە کرن کو وان ھاریکاریان بگەھینە وەلاتیێن شنگالێ .
وەزارەتا پێشمەرگەی پەیامەکی رەتدکەت
ئەڤرۆ نیوز:
وەزارەتا پێشمەرگەیا حوکمەتا ھەرێما کوردستانێ روونکرنەکێ دەربارەی پێکئینانا ژوورەکا ئوپەراسیونان ل کەرکووکێ بەلاڤ کر.
د ڤێ روونکرنێ دا ئەوا ئەڤرۆ ل رێککەفتی ١٣/٢/٢٠١٩ بەلاڤ کری تێدا ھاتیە چەند کەنال و مالپەرێن راگەھاندنێ پەیامەک بەلاڤ کریە و تێدا بەحس ل دامەزراندنا ژوورا ئوپەراسیونێن کەرکووکێ کریە و چەند ناڤەک ھاتینە دیارکرن کو دێ بنە بەرپرسێن ڤێ ژوورێ، لەورا ئەم وەک وەزارەتا پێشمەرگەیا حوکمەتا ھەرێما کوردستانێ ئەڤان جورە پەیامان رەتدکەین و چو راستی بۆ ڤی پەیامی نینن.
ھەر د ڤێ روونکرنێ دا وەزارەتا پێشمەرگەی ئەو چەندە ژی دیارکریە کو ھەتا نوکە چو جورە ژوور و لژنەیێن ڤی جوری نەھاتینە پێکئینان.
ده‌ست ب ئه‌لكترۆنیكرنا پلێتێن ئاهێن خوارنێ ل دھۆکێ هاته كرن
ئەڤرۆ نیوز:
ل رێڤه‌به‌ریا رێكخستنا پلێتێن ئاهێن خارنێ ئەڤرۆ ب ئاماده‌بونا فه‌رهاد ئه‌مین ئه‌ترووشى پارێزگه‌رێ دهوكێ ونوونه‌رێن وه‌زاره‌تێن بازرگانى یێن عیراقێ وهه‌رێما كوردستانێ و سالى هیدوك به‌رپرسا رێكخراوا (WFP) ل عیراقێ وچه‌ند په‌رله‌مانته‌ران وفه‌رمانگه‌هێن په‌یوه‌ندیدار پروژێ ئه‌لكترونیكرنا پلێتێن ئاهێن خارنێ هاته راگه‌هاندن .
ل به‌راهیێ حسێن سه‌برى رێڤه‌به‌رێ فه‌رمانگه‌ها رێكخستنا پلێتێن ئاهێن خارنێ ل دهوكێ په‌یڤه‌ك پێشكێشكر وچه‌ند رونكرن دانه سه‌ر گرنگى وشێوازێ چێكرنا پلێتێن ئه‌لكترونى وته‌كه‌زكر كو ئه‌لكتونیكرنا پلێتێن ئاهێن خوارنێ دێ كاروبارێن بریكارێن ئاهێن خارنێ و وه‌لاتیان ئاسانتر وسڤكتر كه‌ت.
پاش پارێزگه‌رێ دهوكێ په‌یڤه‌ك پێشكێشكر وخوشحالیا دیاركر كو پارێزگه‌ها دهوكێ هاتیه ده‌ست نیشانكرن كو دومین جهه ل سه‌ر ئاستێ عیراقێ وئێكه‌م ل سه‌ر ئاستێ هه‌رێمێ پروژێ ئه‌لكتورنیكرنا پلێتا ئاهێن خارنێ لێ بهێته بجهكرن وته‌كه‌زكر كو هه‌كه ئه‌ڤى پروژه‌ى سه‌رگرت دێ كاروبارێن وه‌لاتیێن پارێزگه‌هێ وبریكارێن ئاهێن خارنێ زور ب ساناهیكه‌ت وسوپاسیا هه‌موو لایه‌نان كر یێن پروژه به‌رهه‌ڤكرى وپشته‌ڤانیا پارێزگه‌هێ نیشان بو هه‌ر ئاسانكاریه‌كێ بو وێ یه‌كێ پروژه ب ره‌نگه‌كێ باش بهێته ئه‌نجامدان.
پاش په‌یڤێن وه‌زاره‌تا بازرگانیا عیراقێ وهه‌رێما كوردستانێ و رێكخراوا (WFP) ل عیراقێ هاتنه خواندن وگرنگیا پروژه‌ى به‌رچاڤكرن.
پاش تیمێ ته‌كنیكى ل رێڤه‌به‌ریا رێكخستنا پلێتێن ئاهێن خارنێ رونكرن دانه سه‌ر شێوازێ چێكرنا پلێتێن ئه‌لكترونی یێن ئاهێن خارنێ وپروژه هاته راگه‌هاندن.
هه‌ژى گوتنێ یه پروژه ب هه‌ڤكاریا رێكخراوا (WFP) ل عیراقێ دێ هێته ئه‌نجامدان و بو ماوێ شه‌ش هه‌یڤا دێ به‌رده‌وامكه‌ت پاش هه‌لسه‌نگاندنا پروژه‌ى دێ هێته كرن وهه‌كه یێ سه‌ركه‌فتى بو دێ ل هه‌موو پارێزگه‌هێن عیراقێ وهه‌رێما كوردستانێ هێته بجهئینان.
نوونه‌ره‌ك: 20 سالێن دژى چو هه‌رێمێن دى ل عيراقێ دروست نابن
ئه‌ڤرۆ نيوز:
ئه‌ندامه‌كێ جڤاتا نوونه‌رێن عيراقێ راگه‌هاند كو بنه‌مالا نوجێفى و هنده‌ك ژ كه‌ڤنه به‌عسيان دخوازن نه‌ينه‌وا ببيته هه‌رێمه‌كا سه‌ره‌خۆ و هه‌كه ببيته ژيوار دێ مه‌ترسيێن مه‌زن هه‌بن.
بشار كيكى، ئه‌ندامێ جڤاتا نوونه‌رێن عيراقێ و سه‌رۆكێ به‌رێ يێ جڤاتا پارێزگه‌ها نه‌ينه‌وا، راگه‌هاند كو بنه‌مالا نوجێفى و هنده‌ك ژ كه‌ڤنه به‌عسيان و هنده‌ك ژ لايه‌نێن هزرێن سونه‌گه‌رى هه‌ين، هزر پارێزگه‌هبوونا نه‌ينه‌وا يا ئينايه رۆژه‌ڤێ، به‌لێ هه‌كه ببيته ژوار دێ مه‌ترسيێن مه‌زن دروست بن.
گۆتژى: “وه‌سان هزر دكه‌م هه‌تا 20 سالێن دى ژى، چو هه‌رێمه‌ك د ناڤ عيراقێ دا دروست نابيت، ئه‌ڤا نها ل پارێزگه‌ها نه‌ينه‌وا به‌حس لێ دهێته كرن، داخوازيه‌كا شه‌رمزارانه‌يه، چونكو نها مووسل وێران بوويه و چو ژێرخانه‌ك نينه”.
ب به‌لگه: پرسا هه‌لبژارتنا پارێزگارى د كۆمبوونا جڤاتا پارێزگه‌ها كه‌ركووك دا نينه
ئه‌ڤرۆ نيوز:
به‌رنامێ كارێ كۆمبوونا داهاتى يا جڤاتا پارێزگه‌ها كه‌ركووك هاته ئاشكه‌را كرن و تێدا ده‌ردكه‌ڤيت كو هه‌لبژارتنا پارێزگارێ كه‌ركووك د به‌رنامێ كارێ كۆمبوونێ دا نينه.
ب گۆره‌ى وى به‌رنامێ كارى يێ رێبوار ته‌له‌بانى، سه‌رۆكێ جڤاتا پارێزگه‌ها كه‌ركووك ئاراسته‌ى ئه‌ندامێن جڤاتێ كرى و وێنه‌ك ب ده‌ست ئه‌ڤرۆ نيوز كه‌فتى، ل ده‌مژمێر 10:00ى سپێده‌هيا 18ى شوباتا 2019ێ كۆمبوونا ژماره 387 يا جڤاتا پارێزگه‌ها كه‌ركووك دێ ده‌ست پێ كه‌ت.
ئاماژه ب وێ چه‌ندێ ژى هاتيه كرن كو كۆمبوون دێ ل دۆر ره‌وشا ئه‌منى و ئيدارى يا نها يا پارێزگه‌ها كه‌ركووك هێته كرن، به‌لێ چو ئاماژه‌يه‌ك بۆ هه‌لبژارتنا پارێزگارێ نوو يێ كه‌ركووك نينه.
نيشاندان
WP Facebook Auto Publish Powered By : XYZScripts.com