ئه‌ڤرۆنیوز:

په‌قینه‌ك دناڤ ترومبێله‌كا وه‌لاتیه‌كێ پارێزگه‌ها سلێمانیێ دا ئه‌ڤرۆ ئه‌ینیێ 1/3/2019  روودا ودئه‌نجامدا كه‌سه‌ك ب گرانى برینداربوو وهه‌ردو   پیێن خوه‌ ژده‌ستدان.

كه‌مال ئه‌حمه‌د، به‌رپرسێ راگه‌هاندنا نه‌خوه‌شخانا شه‌هید ره‌ئووف به‌گ ل قه‌زا شاره‌زوور دداخۆیانیه‌كا رۆژنامه‌ڤانى دا گۆت”ئه‌ڤرۆ وه‌لاتیه‌ك ب بریندارى بۆ پشكا ته‌نگاڤیان ل نه‌خوه‌شخانا مه‌ هاته‌ ڤه‌گوهاستن”.

گۆت ژى” ئه‌و وه‌لاتى یه‌ ب ناڤێ (فاروق حه‌مه‌ سالح) دژیێ 40 سالیێ دایه‌، ژئه‌گه‌رێ په‌قینا بۆمبه‌كێ دناڤ ترومبێلا وى دا ل باژێركێ وارماوا ل سنوورێ سلێمانیێ، هه‌ردو پیێن خوه‌ ژده‌ست دان وژبه‌ر گرانیا برینا وى، هاته‌ هنارتن بۆ نه‌خوه‌شخانا ته‌نگاڤیان ل باژێرێ سلێمانیێ”.

هه‌ر ئه‌ڤرۆ ئێڤارى ژئه‌گه‌رێ برینا وى یا دژوار، وى وه‌لاتى گیانێ خوه‌ ژده‌ست دا.

ئه‌ڤرۆنیوز:

جێگرێ سكرتێرێ گشتیێ ئێكه‌تى نیشتمانى كوردستان راگه‌هاند، شانده‌كێ بلند یێ ئیكه‌تیێ دێ ل گه‌ل پارتى دیموكراتى كوردستان كۆم بیت.

ده‌زگه‌هێن راگه‌هاندنێ یێن ئیكه‌تیێ به‌لاڤكر، كۆسره‌ت ره‌سول جێگرێ سكرتێرێ گشتیێ ئێكه‌تیێ راگه‌هاند” ل ڤان نێزیكان ل باره‌گایێ مه‌كته‌با سیاسى یا ئێكه‌تیێ دێ ل گه‌ل شانده‌كێ بلند یێ پارتى كۆم بن”.

کۆسرەت رەسول هه‌روه‌سا گۆت” دكۆمبوونێ دا دێ بزاڤا چاره‌كرنا كێشه‌ وگرفتنێن دناڤبه‌را هه‌ردو لایه‌نان هێته‌ كرن”.

ئه‌ڤرۆنیوز:
ئه‌ڤرۆ ئه‌ینیێ 1/3/2019 سالڤه‌گه‌را 40 سالیا وه‌غه‌ركرنا مسته‌فا بارزانى سه‌ركردێ بزاڤا رزگاریخوازا گه‌لی كوردستانێ یه‌ ووه‌كو ریزگرتن وساخكرنا وێ هه‌لكه‌فتێ، هزاران وه‌لاتى ژ ته‌خ وچینێن كوردستانێ به‌ر ب بارزان ب رێككه‌فتن بۆ سه‌ره‌دانا مه‌زارێ نه‌مران.