ئه‌ڤرۆنيوز:
دچارچۆڤێ گه‌را 15 ژ خۆلا عيراقێ يا پلا ناياب، ئه‌ڤرۆ سێشه‌مبى 5/2/2019 يانا هه‌ولێرێ ل سه‌ر ياريگه‌ها خوه سێ خال بده‌ستڤه‌ئينان ده‌مێ ب ئه‌نجامێ 1-0 ل سه‌ر يانا ميناء تۆماركرى.
ب ڤى ئه‌نجامى يانا هه‌ولێر ب 19 خالان هاته رێزا نه‌هێ درێزبه‌ندا خۆلا عيراقێ دا ويانا ميناء ب 14 خالان ل رێزا 12 دهێت.
يانا شورته ب 36 خالان ل رێزا ئێكێ د رێزبه‌ندا خۆلا عيراقێ دا دهێت ويانا كه‌رخ ب 33 خالان ل رێزا دويێ دهێت وجه‌ويه ب 31 خالان ل رێزا سيێ دهێت.
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ، مه‌سرور بارزانى، ئه‌ڤرۆ سێشه‌مبى 5/2/2019 پێشوزى ل سيريل نۆن باليۆزێ ئه‌لمانيا ل عيراقێ كر ودديداره‌كێ دا ب به‌رهه‌ڤبوونا باربارا وولف كونسۆلێ ئه‌لمانيا ل هه‌ولێرێ په‌يوه‌نديێن هه‌رێما كوردستانێ وئه‌لمانيا ودووماهى پێشهاتێن ره‌وشا ده‌ڤه‌رێ هاتن به‌حسكرن.
مه‌سرور بارزانى رۆلێ ئه‌لمانيا دپشته‌ڤانى وهاريكاريا هه‌رێما كوردستانێ، ب تايبه‌تى ڤه‌كرنا نه‌خوه‌شخانه‌كا پێشكه‌ڤتى ل هه‌ولێرێ وپێشكێشكرنا وێ بۆ وه‌زاره‌تا پێشمه‌رگه ب بلند نرخاند ودووپاتى ل پێشڤه‌برن وب هێزكرنا په‌يوه‌نديان كر وراگه‌هاند، هه‌رێما كوردستانێ دهه‌موو بواران دا د ريفۆرمێن خوه دا يا به‌رده‌وامه، راوێژ وئه‌زموونا وه‌لاتێن دۆست دوێ پرسێ دا ب پێدڤى دزانيت.
باليۆزێ ئه‌لمانيا دياركر كو وه‌لاتێ وى ب گرنگى ڤه سه‌حدكه‌ته رۆل وپێگه‌هێ هه‌رێما كوردستانێ وپشته‌ڤانيێ ل به‌رفره‌هكرنا په‌يوه‌نديان دبوارێن جودا جودا دكه‌ت ودێ به‌رده‌وام بيت دهاريكاريێن خوه بۆ هه‌رێما كوردستانێ وراگه‌هاند، دروستكرنا نه‌خوه‌شخانا پێشمه‌رگه پشكه‌كه ژ ئه‌ركێ وه‌لاتێ مه به‌رامبه‌ر رۆل وقوربانيێن هێزا پێشمه‌رگه‌ى.
دپشكه‌كا دى يا وێ ديدارێ دا، مه‌ترسيا سه‌رهلدانا تيرۆرێ ل هنده‌ك ده‌ڤه‌ران وهه‌ماهه‌نگيا هێزێن پێشمه‌رگه‌ى وله‌شكرێ عيراقێ وره‌وشا كه‌ركووكێ ب تايبه‌تى هاته به‌حسكرن، گرێداى وێ چه‌ندێ شيره‌تكارێ جڤاتا ئاسايشا هه‌رێما كوردستانێ زێده‌بارى دووپاتكرنێ ل رێيا ديالۆكێ ولێكتێگه‌هشتنێ، دئاماژه‌كێ دا بۆ ميكانيزما چاره‌سه‌ريا ره‌وشا وان ده‌ڤه‌ران ب پێدڤى زانى ل به‌رچاڤ وه‌رگرتنا دستوورى ره‌وشا وان ده‌ڤه‌ران بهێته ئاساييكرن.
ئەڤرۆ نیوز:
ئەڤرۆ ل رۆژا سێشەمبی ٥-٢-٢٠١٩ پارتی دیموکراتی کوردستان پشتی ئەڤرۆ کومبوونەکا تایبەت دگەل ئێکەتیێ ئەنجامدای دەربارەی پێکئینانا حوکمەتا نوو یا ھەرێما کوردستانێ و چارەسەرکرنا کێشەیێن ھەلاویستی ل سەر چەند خالەکان رێککەفتن.
د ڤێ کومبوونێ دا ھاتیە ئاشکرا کرن پشتی چەندین گوتوبێژان ناڤبەرا ھەردو حزبان دا رێککەفتن ل رۆژا ١٨ شوباتا ڤێ ھەیڤێ کومبوونا پەرلەمانێ کوردستانێ بھێتە ئەنجامدان، دیسان ل ھەمان رۆژا پێخەمەت چارەسەرکرنا کێشەیێن کەرکووکێ جڤاتا پارێزگەھا کەرکووکێ دێ ل باژێرێ ھەولێرێ کومبوونا خوە ئەنجامدەت ب ھەڤکاریا ھەردو حزبان پارێزگارەک ژی بۆ ڤی باژێری بھێتە دەستنیشان کرن.
ھەر د ڤێ کومبوونێ دا بریار ھاتەدان لژنەیەک بۆ نڤیسینا ڤێ رێککەفتنێ د ناڤبەرا ھەردو لایان بھێـە پێکئینان.
ئه‌ڤرۆ نيوز:
ته‌رمێ مير ته‌حسين به‌گ، ميرێ ئێزديێن جيهانێ و كوردستانێ ل باخچێ كوچكا وى ل باژێركێ شێخان ب ئاماده‌بوونا نوونه‌رێ سه‌رۆك بارزانى، ب ئاخێ هاته سپاردن.
رێوره‌سم ل دووڤ دابونه‌ريتێن تايبه‌ت ب ئاينێ ئێزديان ڤه ب رێڤه دچن و تێدا به‌يت و قه‌ولێن ئێزديان دهێنه خواندن.
شاره‌زايه‌كێ ئاينى بۆ كوردستان 24 ئاشكه‌را كر كو درێژاهيا تابووتا ميرى دومه‌تر و 80 سه‌نتيمه‌تره و پاناتيا وى مه‌تره‌كه، تابووت دێ ب رێيا چه‌ند رستان بۆ ناڤ گۆڕى هێته داكێشان ئه‌و رسته ژى د تايبه‌تن و ژ لايێ په‌يره‌وێن ئاينێ ئێزديان ڤه پيرۆزيا خوه هه‌يه.
ئه‌ڤرۆ نيوز:
بڕياره ئه‌ڤرۆ پارتى و ئێكه‌تى ل سه‌ر ئاستێ بلند كۆم ببن و ئاخفتنكه‌رێ ب ناڤێ ئێكه‌تى نشتيمانى كوردستان ڤێ كۆمبوونێ ب “گرنگ” وه‌سف دكه‌ت و سكرتێرێ پارتى ژى هيڤى دخوازيت كو پێكئينانا حوكمه‌تێ نه‌گه‌هيته نه‌ورۆزێ.
ئه‌ڤرۆ رۆژا سێشه‌مبى 5ى شوباتا 2019ێ شاندێ ئێكه‌تى نشتيمانى كوردستان و پارتى ديموكراتى كوردستان ل هه‌ولێرا پايته‌خت ل سه‌ر ئاستێ بلند دێ كۆم بن.
فازل ميرانى سكرتێرێ مه‌كته‌با سياسى يا پارتى ديموكراتى كوردستان راگه‌هاند كو لژنێن دانوستاندنێ كارێن باش ئه‌نجام داينه، “هيڤى دكه‌م پێكئينانا حوكمه‌تا نوو نه‌گه‌هيته نه‌ورۆزێ”.
فازل ميرانى نه‌ڤه‌شارت ژى كو ئاريشا ئێكه‌تيێ ئه‌وه كو دڤێت كێشێن هه‌رێمێ و به‌غدا پێكڤه چاره بكه‌ت، پارتى ژى ل گه‌ل هندێ نينه و دخوازيت ده‌سپێكێ ل هه‌رێمێ چاره بكه‌ت و پاشان ژى بچنه به‌غدا.
ژ لايه‌كێ دى ڤه سه‌عدى ئه‌حمه‌د پيره، ئاخفتنكه‌رێ ب ناڤێ ئێكه‌تى نشتيمانى كوردستان د داخۆيانيه‌كا رۆژنامه‌ڤانى دا راگه‌هاند كو ئه‌ڤ كۆمبوونه يا گرنگه و دێ بڕيارێن گرنگ ژى هێنه دان.
پێشتر شیرەتکارێ پەرلەمانێ کوردستانێ بۆ ئەڤرۆ نیوز دیار کربوو کو د کۆمبوونا بھێت یا د ناڤبەرا پارتی و ئێکەتیێ دا دێ گەلەک تشت رۆھن بن و پارتی دێ ب زەلالی دووماھی ھەلویستێ خوە ل دۆر پێکئینانا کابینا نوو یا حوکمەتا ھەرێما کوردستانێ دەتە شاندێ بلندێ ئێکەتیێ.
دکتۆر مەدحەت سلێمان خویا کر کو کابینا داھاتی یا حوکمەتا ھەرێما کوردستانێ ب سەرۆکاتیا مەسرور بارزانی دێ کابینەکا بھێز بێت و گۆت:(کابینا مەسرور بارزانی دێ بەرھنگاری گەندەلیێ بیت و پێشبینی دھێتەکرن ل بەرژەوەندیێن ھندەک کەسان بھێتەدان یێن دخوازن ل سەر زێدەگاڤیێن خوە بەردەوامبن).
بڕيار بوو حه‌فتيا بۆرى، پارتى ديموكراتى كوردستان و ئێكه‌تى نشتيمانى كوردستان كۆمببان، به‌لێ ل سه‌ر داخوازيا ئێكه‌تيێ ئه‌و كۆمبوون هاته پاشخستن.
ئه‌ڤرۆ نیو:
بەرنامێ كاركرنا موەلێدا ل سەرانسەری قەزایێن دهوك،زاخو و سێمێل بۆ مەها ( شباتێ- هەیڤا 2/2019 ) دێ ب ڤی رەنگێ ل خوارێ بیت :
– ژ 7:00 سپێدێ تاكو 9:00 سپێدێ
– ژ 2:00 پشتی نیڤرۆ تاكۆ 2:00 شەڤ، بەرنامێ كاركرنا موەلیدان ل قەزایێن دی و دەڤەرێن سەر ب وان ڤە ، دێ لدویف رەوش و داخوازییا كارگێریێن وان و خەلكێ وان بیت ، هه‌روه‌سا بەرنامێ كاركرنا موەلیدان هەیڤانە لدویف رەوش و هەبوونا كەهرەبا نشتمانی دهێتە دانان و پێشبینییا دەمژمێرێن كاركرنا موەلیدان و رەچاڤكرنا نرخێ پێشبینیكری یێ ئەمپێری كۆ ژوێ ئەگەرێ دهێتە پێش، دهێتە دانان .
ئه‌ڤرۆنیوز:
ل رۆژا دوشەمبی 4-2-2019 لیژنا بلند یا سەرپەرشتیا موەلیدێن پارێزگەها دهۆكێ كومبوونا خو یا هەیڤانە ل كۆچكا قایمقامیا قەزا دهۆكێ گرێدا ب سەروكاتیا قایمقامێ قەزا دهۆكێ/سەرۆكێ لیژنێ و ب ئامادەبوونا ئەندازیارو ئەندامێن لیژنا بلند یا سەرپەرشتیا موەلیدێن پارێزگەها دهۆكێ ،نوینەرێن : دواكارییا گشتی یا دهۆك ، كارگێرییا پارێزگەها دهۆك ،رێڤەبەرییا كۆنترۆلێ كەهرەبا دهۆك ، رێڤەبەرییا بەرهەمێن گازێ ل دهوكێ و نوینەرێن رێكخراوێن نە حكومی وبەربژێرێن تاخێن دهۆكێ ونوینەرێن خودان موەلیدان ..دڤێ كومبوونێ دا دان و ستاندن هاتنە كرن وچەندین بریار هاتنە دان لسەر بابەتێن رەوشا كەهرەبێ وكاركرنا موەلیدا و نرخێ ئەمپێری بۆ مەها كانوینا دووێ (هەیڤا 1) ، ودانانا بەرنامێ كاركرنا موەلیدا بۆ هەیڤا شباتێ (هەیڤا 2/2019 ).
* بهایێ ئەمپێرێ كارەبا موەلیدا یێ ( هەیڤا – 1 – كانوینا دووێ ) لدویف بەرنامێ كاركرنێ یێ 14 دەمژمێری ولدویف وان دەمژمێرێن بدروستی موەلیدان كاركرین ونرخێ بازرگانی یێ گازوایلێ ل مەها كانوینا دوێ… بها ب ڤی شێوێ ل خوارێ نە :
1- قەزایینَ دهوك وسمیل وزاخو ( 11.000 )دینار.بەلێ هاولاتی دێ ( 9.000 ) دیناران دەت وئەو جوداهییا ماییی ژ بهایێ ئەمپێری كۆ ( 2000 ) دینارن وەكۆ پشتەڤانی ژلایێ كارگێریا پارێزگەها دهوك ڤە ب رەزامەندیو پالپشتیا وەزارەتا كەهرەبا هەرێما كوردستانێ ڤە وەكۆ بەشەك ژ قەربوكرنا ئەو رێژا كەهرەبا گشتی یا بەهرا دهۆكێ كۆ نەهاتیە دابینكرن ، دێ ژپێش خەلكی ڤە هێتنە دان .هەر ب هەمان شێوەی ئەڤ پشتەڤانیە ل بهایێ ئەمپێری دێ هێتەكرن ل قەزاو جهێن دی كۆ بهایێ ئەمپێری ژ 9000 دیناران زێدەتر بیت هەر جهەك و لگورەی بهایێ راستەقینە یێ وێ .
2- ل قەزا ئاكرێ /سەنتەر وسەنتەرێن ناوچێن وێ ( دینارتە،بجیل وگردەسین ) (10.750 ) دینار، بەلێ هاولاتی دێ ( 9.000 ) دیناران دەت وئەو جوداهییا ماییی ژ بهایێ ئەمپێری دێ ژلایێ كارگێرییا پارێزگەهێ ڤە ب هێتەكرن دابینكرن . ل ناوچەو گوندێن دەورو بەرێن ئاكرێ فیدەرێ(گردەسێن- شەرمن و ئومەرخۆشان) ( 8.750 ).ئاكرێ /دەوروبەرێن ناوچێن دینارتە وبجیل 8750 دینار.
4- ل قەزا بەردەرەش/سەنتەر1 ( 9.500 ) دینار، بەلێ هاولاتی دێ ( 9.000 ) دیناران دەت وئەو جوداهییا ماییی ژ بهایێ ئەمپێری دێ ژلایێ كارگێرییا پارێزگەهێ ڤە هێتە دابینكرن. ول قەزا ، ول ناوچا( كەلەك1 و بشیریان ) (8.250 ) دینارن. ول(ناوچا كەلەك 2-3 )( 8000) دینار .ول (كانی ئەسپان،ئیسماوە زەنگەنان و جویجەر) ( 7.500 ) دینارن. ول ناوچا (دارەتوو1 ) ( 7.500 ) دینارن، ول ناوچا ( دارەتوو2) ( 7000 ) دینار. ول ناوچا(رۆڤیا/سەنتەر) ( 8.000 ) دینارن، ول ناوچا(رۆڤیا/دەوروبەر) ( 7.250 ) دینارن. ول كەمپا گەویلان ( 8.250 ) دینار.
5- ل سەنتەرێ قەزا شێخان و دەورو بەرێن وێ/ موەلیدێن گشتی ( 10.000 ) دینارن، بەلێ هاولاتی دێ ( 9.000 ) دیناران دەت وئەو جوداهییا ماییی ژ بهایێ ئەمپێری دێ ژلایێ كارگێرییا پارێزگەهێ ڤە هێتە چارەسەركرن. ل سەنتەرێ قەزا شێخان/ موەلیدێن بەلێندەری11500 دینارن بەلێ هاولاتی دێ (9000 ) دیناران دەت وئەو جوداهییا ماییی دێ ژلایێ پارێزگوهێ ڤە هێتە دابینكرن .ول ( ناوچا مهەت) ( 10.2500 ) سەد دینارن، بەلێ هاولاتی دێ ( 9.000 ) دیناران دەت وئەو جوداهییا ماییی ژ بهایێ ئەمپێری دێ ژلایێ كارگێرییا پارێزگەهێ ڤە دێ هێتە دابینكرن. ول( چرە ) ( 11.500 ) دینارن، بەلێ هاولاتی دێ ( 9.000 ) دیناران دەت وئەو جوداهییا ماییی ژ بهایێ ئەمپێری دێ ژلایێ كارگێرییا پارێزگەهێ ڤە هێتە دابینكرن .ول ناوچا ( قسروك ) ( 11.000 ) دینارن ، بەلێ هاولاتی دێ ( 9.000 ) دیناران دەت وئەو جوداهییا ماییی ژ بهایێ ئەمپێری دێ ژلایێ كارگێرییا پارێزگەهێ ڤە هێتە دابینكرن. ل (كەلەكچی ودولیشان ) ( 10.750 ) دینارن، بەلێ هاولاتی دێ ( 9.000 ) دیناران دەت وئەو جوداهییا ماییی ژ بهایێ ئەمپێری دێ ژلایێ كارگێرییا پارێزگەهێ ڤە هێتە دابینكرن.ول(وان ناوچە ودەڤەرێن كومپانیا بێخال موەلیدێن وان برێڤەدبەن ل (سنورێ قەزا شێخان) فیدەرێ (لەكان،كفرێ و هزار جووت) ( 8.750 ) دینارن وفیدەرێ(خنس،شەهیا) ( 8.750 ) دینارن.
6- ل ناحیا باعدرێ ( 11.500 ) دینارن، بەلێ هاولاتی دێ ( 9000 ) دیناران دەت وئەو جوداهییا ماییی ژ بهایێ ئەمپێری دێ ژلkایێ كارگێرییا پارێزگەهێ ڤە هێتە دابینكرن. ول(ئێسیا) ( 11.250 ) دینارن، بەلێ هاولاتی دێ ( 9.000 ) دیناران دەت وئەو جوداهییا ماییی ژ بهایێ ئەمپێری دێ ژلایێ كارگێرییا پارێزگەهێ ڤە هێتە دابینكرن. ول ناوچا ئەتریش و بلدێشا ( 9.000 ) دینارن.
7- ل قەزا ئامێدیێ /(سەنتەر) ( 11.000 ) دینارن بەلێ هاولاتی دێ ( 9.000 ) دیناران دەت وئەو جوداهییا ماییی ژ بهایێ ئەمپێری دێ ژلایێ كارگێرییا پارێزگەهێ ڤە هێتە دابینكرن.ول ئامێدیێ/سیلاڤێ ( 11.000 )دینارن، بەلێ هاولاتی دێ ( 9.000 ) دیناران دەت وئەو جوداهییا ماییی ژ بهایێ ئەمپێری دێ ژلایێ كارگێرییا پارێزگەهێ ڤە هێتە دابینكرن. ول(سەرسنگی) ( 10.750 ) دینارن، بەلێ هاولاتی دێ ( 9.000 ) دیناران دەت وئەو جوداهییا ماییی ژ بهایێ ئەمپێری دێ ژلایێ كارگێرییا پارێزگەهێ ڤە هێتە دابینكرن. ول (دێرالوكێ) ( 11.000 ) دینارن، بەلێ هاولاتی دێ ( 9.000 ) دیناران دەت وئەو جوداهییا ماییی ژ بهایێ ئەمپێری دێ ژلایێ كارگێرییا پارێزگەهێ ڤە هێتە دابینكرن.ول ( شێلادزێ) ( 11.000 ) دینارن، بەلێ هاولاتی دێ ( 9.000 ) دیناران دەت وئەو جوداهییا ماییی ژ بهایێ ئەمپێری دێ ژلایێ كارگێرییا پارێزگەهێ ڤە هێتە دابینكرن.ول ( چەمانكێ ) ( 11.000 ) دینار، بەلێ هاولاتی دێ ( 9.000 ) دیناران دەت وئەو جوداهییا ماییی ژ بهایێ ئەمپێری دێ ژلایێ كارگێرییا پارێزگەهێ ڤە هێتە دابینكرن.
8- ل ناوچا زاویتە/سەنتەر ( 9.750 ) دینارن ، بەلێ هاولاتی دێ ( 7.750 ) دیناران دەت وئەو جوداهییا ماییی ژ بهایێ ئەمپێری دێ ژلایێ كارگێرییا پارێزگەهێ ڤە هێتە دابینكرن.و ل دەڤەرێن ( كورا ،مانگێش وباگێرا ) ( 10.750 ) دینارن، بەلێ هاولاتی دێ ( 9.000 ) دیناران دەت وئەو جوداهییا ماییی ژ بهایێ ئەمپێری دێ ژلایێ كارگێرییا پارێزگەهێ ڤە هێتە دابینكرن.
10- ل شوقێن پارێزگەها دهوكێ ئەوێن بەرنامێ كاركرنا موەلیدێن وان ( 20) دەمژمێری (14.500 ) دینارن بەلێ هاولاتی دێ ( 12.500 ) دیناران دەت وئەو جوداهییا ماییی ژ بهایێ ئەمپێری دێ ژلایێ كارگێرییا پارێزگەهێ ڤە هێتە دابینكرن. ول وان شوقێن بەرنامێ كاركرنا موەلیدێن وان (24)دەمژمێری، (15250 ) دینارن.
11- ل ناوچا (ئەلقوش /سەنتەرێ ناوچێ) (10.000 ) دینارن. ول ئەلقوش/دەوروبەر(7.000)دینارن.
12- ل كۆمەلگەها شاریا (9500 ) دینارە بەلێ هاولاتی دێ ( 7500 ) دیناران دەت .
تێبینی:
• بەرنامێ كاركرنا موەلێدا ل سەرانسەری قەزایێن دهوك،زاخو و سێمێل بۆ مەها ( شباتێ- هەیڤا 2/2019 ) دێ ب ڤی رەنگێ ل خوارێ بیت :
– ژ 7:00 سپێدێ تاكو 9:00 سپێدێ
– ژ 2:00 پشتی نیڤرۆ تاكۆ 2:00 شەڤ
– بەرنامێ كاركرنا موەلیدان ل قەزایێن دی و دەڤەرێن سەر ب وان ڤە ، دێ لدویف رەوش و داخوازییا كارگێریێن وان و خەلكێ وان بیت .
– بەرنامێ كاركرنا موەلیدان هەیڤانە لدویف رەوش و هەبوونا كەهرەبا نشتمانی دهێتە دانان و پێشبینییا دەمژمێرێن كاركرنا موەلیدان ورەچاڤكرنا نرخێ پێشبینیكری یێ ئەمپێری كۆ ژوێ ئەگەرێ دهێتە پێش ، دهێتە دانان .
– ئاگەهدارییان هەمی هاولاتیان دكەین( ژبلی یێن ل شوقان دژین ) ئەوێن هەیڤا بووری ( هەیڤا 12) ( 10750 دای پێتڤیە داوا برینا 2250 دینار ژ بهایێ ئەمپێرێ ڤێ مەهێ ژ خودانێ موەلیدێ خو بكەت.ئانكۆ دێ ( 6750 دیناران دەت ).وئەوێن ل شوقێن بەرنامێ موەلیدێن وان ( 20 ) سەعەتی ب هەمان شێوە كۆ 14000 هزار داین دێ 2250 ژێ برن ودێ ڤێ مەهێ(10250) دیناران دەت وئەوێن بەرنامێ كارنا موەلیدێن وان (24) سەعەتی ومەها 12 ( 15750 ) دینار داین دیسان ڤێ مەهێ دێ 2250 ژێ هێنە برین ، ئانكۆ دێ ( 13000 ) دیناران دەت .داخوازێ ژ خودانێن موەلیدان دكەین كۆ وی پارێ زیچدە وەرگرتی مەها دی ، دهاریكار بن بو ڤەگەراندنا وی پارەی بو بەشدارێن خو.چونكە ئەو جوداهی ژلایێ پارێزگەهیچ ڤە دێ بۆ هێت دابینكرن .
* پێتڤییە خودانێن موەلیدا پێگریێ ب رێنما و بەرنامێ لیژنا سەرپەرشتیا موەلیدان بكەن ، وداخوازێ ژ هەلبژێرێن بەرێز دكەین ، هەر جهەكێ موەلیدا ل تاخێ وی پێگریێ نەكەت ، لیژنا مە ب سكالایەكا نڤیسی ئاگەهدار بكەت داكو پێرابوون د دەرهەقێ وان دا بهێنە ئەنجامدان.دگەل رێزگرتنێ.
ئه‌ڤرۆ نیوز، مه‌حمود نهێلی
ده‌زگه‌هێ خێرخوازیێ بارزانی ب هه‌ڤكاری ل گه‌ر رێكخراوه‌كا بیانی جلك ل سه‌ر زارۆیێن كه‌مپا داوودیێ ل سنورێ قه‌زا ئامێدیێ ئه‌ڤرۆ دوشه‌مبی 4/2/2019 به‌لاڤكرن.
شه‌ڤگه‌ر ره‌مه‌زان، نوونه‌رێ ده‌زگه‌هێ خێرخوازیێ یێ بارزانی بۆ ئه‌ڤرۆ نیوز دیاركر، كو وان ئه‌ڤ جلك ب هه‌ڤكاری ل گه‌ل رێكخراوا یونیسف ب سه‌ر زارۆیێن كومپا داوویێ ل ناحیا بامه‌رنێ ل قه‌زا ئامێدیێ به‌لاڤكرینه و گۆت : ئه‌و جلك 1538 زارۆیێن ته‌مه‌نێ وان دناڤبه‌را ئێك رۆژێ تا 14 سالی دا هاتنه پارڤه‌كرن. و ئاشكرا ژی كر، كو ئه‌و به‌رده‌وام هاریكاریان ب سه‌ر ئاواره‌یێن سنورێ ده‌ڤه‌را ئامێدیێ به‌لاڤ دكه‌ن بتایبه‌تی ژی یێن دكه‌مپان دا.
نيشاندان