ئەڤرۆ نیوز:
بەرپرسێ راگەھاندنا رێڤەبەریا بەرگریا شارستانی یا دھۆکێ بۆ ئەڤرۆ نیوز دیارکر کو ئەو روودانا ئەڤرۆ ل جادا سولاڤ پەیدابووی ژ ئەگەرێ شورتەکێ کارەبێ ئاگر بەربوویە چاپخانا ھاوار.
زێدەتر رائید بێوار عەبدولعەزیز بۆ ئەڤرۆ نیوز گۆت: ژ ئەگەرێ شورتەکێ کارەبێ ئاگر بەربوو چاپخانا ھاوار ل سەر جادا سولاڤ ل تاخێ شێلێ و ھەرزوو تیمێن مە ل جھێ روودانێ ئامادەبوون ز شیان کونترولا وی ئاگری بکەن و خوش بەختانە تنێ زیانێن مادی بەر ب ئامیرێن ڤێ چاپخانێ کەفتینە و چو زیانێن گیانی نەبوون.
ئەڤرۆ نیوز، قەیس وەیس:
رێڤەبەرێ رێڤەبەریا رێکخستنا پلێتێن ئاھێن خارنێ دیارکر ئەڤرۆ روژا چارشەمبى ل باژێرێ بەغدا پشکداری د پروژێ کارتا ئەلکترونی یا ئەرزاقی دا كر و حەفتیا بھێت دێ دەست ب سیستەمێ نوو ھێتەکرن کو دێ ژ پارێزگەھا دھوکێ دەستپێکەت.
زێدەتر حسێن سەبری دداخویانیەکا تایبەت دا بۆ ئەڤرو نیوز گۆت: حەفتیا بھێت دێ دەست ب سیستەمێ نوو یێ پلێتا ئەلکترونی یا ئەرزاقی ھێتەکرن کو دێ ژ پارێزگەھا دھوکێ دەستپێکەت ژبەر رێک و پێکیا کارێ رێڤەبەریا مە و شارازای دگەل کارێ ئاوارەیان دا کو ئەف سیستەمە ھاتیە جێبەجێکرن، کار دێ ژلایێ رێکخراوا WFP ھێتەکرن ب سەرپەرشتیا وەزارەتا بازرگانیا عیراقێ ژبو پتر ئاسانکاری بۆ ھاولاتیان ھێتە کرن درێڤەبرنا ماملێن خوە دا دیسان و دەستکاری و سەختەکرنا وێ ناھێتە کرن.
ل دووماھیێ حسێنی بەحسی شێوازێ کارکرنا ڤی سیستەمی کر و گوت: ھەر کەسێ ئەمرێ خودێ کر وەزارەتا تەندروستی مافێ ھەی لدەف خوە ناڤێ وی د سیستەمی دا رەش بکەن دیسان زاروکێن نوی ژ لایێ وانڤە دێ ھێنە زێدەکرن ب شێوەکێ ئەلکترونی دیسان ھەر بریکارەکی دێ ئامیرەکێ تایبەت ھەبیت د شێت مامەلێن خەلکی برێڤە ببەت بێی بشێت دەستکاریێ تێدا بکەن دیسان خالێن سنوری ھەر کەسێ چو ژ دەرڤەی وەلاتی و بۆ ماوێ دو ھەیڤا نە زڤری ئوتوماتیکی دێ ناڤێ وی ھێتە رەش کرن.
ئەڤرۆ نیوز، هه‌ژار مه‌عروف :
بەرەڤانێ ھەلبژارتیێ سوریا و یانا زاخۆ یێ بەری نوکە عەلا شبلی ب فه‌رمی گه‌هشته رێککه‌فتنێ ل گه‌ل یانا هه‌ولێر بوو ئیمزاکرنا ھەڤبەستا وێ یانێ دخۆلا عیراقێ دا .
ژێدەرەکێ نێزیکی عەلا شبلی بوو ئەڤرۆ نیوز دیارکر پشتی ل ماوێ چەند رۆژێن بوری ئەوی ھەڤبەستا خوە ل گەل یانا نەجەف ھەلوەشاندی چەندین یانێن خۆلا عیراقێ پەیوەندی ب ئەوی کر بوو ئیمزاکرنا ھەڤبەستا ئەوی ئه وژى یانێن تەلەبە و سیناعەت کارەبا و مینا و ھەولێر لێ ئەوی ل دووماھیی بریار دا ھەڤبەستا یانا ھەولێر ئیمزا بکەت بوو یاریێن بهێت ژ خۆلا عیراقێ .
ھەژی گوتنێ یە عەلا شبلی دناڤبەرا ٢٠١١ ھەتا ٢٠١٤ یاری ل یانا زاخۆ دخۆلا عیراقێ دا کر و ئێک ژ ستێرێن یانا زاخۆ بوو ل وی دەمی و پاش ٢٠١٤ ھەتا ٢٠١٧ یاری ل یانا نەفت وەست کر و پاش بو ماوێ شەش ھەیڤان یاری ل یانا زەمالک یا مسری کر لێ ل گەل وێ یانێ یێ سەرکەفتی نەبوو پاش ڤەگەریا خۆلا عیراقێ ڤە .
زاخۆ ٬ عەلی حاجی :
سێ یاریزانێن تیما خوەلێکدانا زاخۆ ل سەر ئاستێ پێشکەفتیان ب مەرەما پشکداریێ دهەڤرکیێن ب دەستڤەئینانا پلێتا دەربازبوونێ بۆ قارەمانیا ئاسیا، ئەڤ شەڤە دێ به‌ر ب باژێرێ بەغدا ب رێککەڤن.
رەمەزان حەسەن، راهێنەرێ تیما خوەلێکدانا زاخۆ بۆ ئەڤرۆ نیوز گوت : ب سێ یاریزانان ل سەر ئاستێ پێشکەفتیان دێ پشکداریێ دهەڤرکیێن ب دەستڤەئینانا پلێتا دەربازبوونێ بۆ قارەمانیا ئاسیا بناڤێ یانا زاخۆ کەین و ب ڤێ مەرەمێ ئەڤ شەڤە یاریزان یێن بەر ب بەغدا چووین و بریارە ل ۹/۱/۲۰۱۸ هەڤرکیێن وێ ل بەغدا دەست پێ بکەن ٬ هه‌ر سێ یاریزان شەهید حزنی ب کێشا ٦۱ کگم و وەلات محمد ب کێشا ٦۵ و محەمەد سەمیر ب کێشا ۷٤ دێ پشکدار بن .
گۆت ژى : جهێ مخابنیێ یە کارگێریا یانا زاخۆ چو هاریکاری دگەل مەدا نەکر و وەکو راهێنەر هەر ئێکێ ژلایێ خوەڤە پارە کومڤە کرینە وداینە یاریزانێن خوە دا به‌ر ب بەغدا بچن.
ئه‌ڤرۆنیوز:
سه‌رۆكاتیا جڤاتا وه‌زیرێن هه‌رێما كوردستانێ بریارا دامه‌زراندنا ده‌رچوویێن كولیژێن نوشداری یێن سالا 2017 – 2018 ده‌ركر.
جڤاتا وه‌زیرێن هه‌رێمێ بریار دا 352 ده‌رچوویێن كولیژێن نوشداری ل هه‌رێما كوردستانێ بهێنه دامه‌زراندن كو ل دووڤ وێ بریارێ 137 ل هه‌ولێرێ و158 ل سلێمانیێ و57 ل دهۆكێ دێ هێنه دامه‌زراندن.
ئه‌ڤرۆ نیوز، نه‌وزاد هلۆرى:
ئێڤاریا ئه‌ڤرۆ رێكخراوا كوردستان فوتو ب هه‌ڤكارى ل گه‌ل ده‌سته‌یا گه‌شتوگۆزار یا هه‌رێما كوردستانێ، به‌ریكانه‌كا باشترین فوتویێ سالێ بو ئێك ژ جهێن گه‌شتوگۆزار ل هه‌رێما كوردستانێ رێكخست و جهه‌كێ گه‌شتوگۆزاریێ پارێزگه‌ها دهۆكێ ژى خه‌لاتێ دوویێ وه‌رگرت.
شێرزاد ره‌سول، سه‌رۆكێ رێكخراوا كوردستان فوتو بۆ ئه‌ڤرۆ نیوز گۆت: (ئه‌ڤرۆ لژێر چاڤدێریا نه‌وروز مه‌ولود وه‌زیرا باژێرڤانیێ و گه‌شتوگۆزار یا هه‌رێما كوردستانێ، رێكخراوا كوردستان فوتو ب هه‌ڤكارى ل گه‌ل ده‌سته‌یا گه‌شتوگۆزار به‌ریكانه‌كا باشترین فوتو بو 22 فوتوگرافه‌رێن هه‌رێما كوردستانێ ئه‌نجام دا كو فوتو تایبه‌ت بوو لسه‌ر جهێن گه‌شتوگۆزارێن هه‌رێما كوردستانێ).
زێده‌تر گۆت: (دپێشانگه‌هێ دا سێ كه‌س وه‌كو باشترین فوتوگرافه‌ر هاتنه خه‌لاتكرن، ئێك ژ وان فوتویێن كو هاتیه خه‌لاتكرن وێنه‌یێ دار چنارا هاڤینگه‌ها خالانه بوو كو ب مه‌زنترین دار ل عیراق و هه‌رێما كوردستانێ دهێته هژمارتن و دكه‌ڤیته ئێك ژ خوشترین جهێن گه‌شتوگۆزارى ل هه‌رێما كوردستانێ).
ئه‌ركان وه‌لاتژێرى هه‌ڵگرێ خه‌لاتێ دوویێ یێ به‌ریكانا باترین بوتو بۆ ئه‌ڤرۆ نیوز گۆت: (فوتویێ من لسه‌ر دار چنارا هاڤینگه‌ها خالانه بوو كو مه‌زنترین داره ل عیراق و كوردستانێ و دكه‌ڤیته گوندێ هلورا ل سنوورێ ناحیا شێلادزێ یا سه‌ر ب قه‌زا ئامێدیێ، وێنه ل ده‌ما پایزێ هاتیه گرتن، دلخوشم كو ئه‌ڤرۆ ئه‌ز ب پلا دوویێ هاتیمه خه‌لاتكرن).
ئەڤرۆ نیوز:
رێڤەبەریا گشتی یا کەشناسی و بیڤەلەرزیا ھەرێما کوردستانێ ئەڤرۆ رۆژا سێشەمبی ٨-١-٢٠١٩ ئاگەھداریەک بەلاڤ کریە و تێدا ھوشداری دایە خەلکێ کوردستانێ ژبەر کەش و ھەوایێ سوبەھی رۆژا چارشەمبی.
د ڤێ ئاگەھداریی دا ھاتیە سوبەھی رۆژا چارشەمبی دێ پێلەکا سەرمایێ دگەل بەفر و بارانێ ھەرێما کوردستانێ ڤەگریت و دھێتە پێشبینی کرن ھەموو دەڤەرێن چیایی و سەنتەرێن قەزا و ناحیان ژی ھەرێما کوردستانێ بەفر بباریت دیسان دھێـتە پێشبینی کرن ژی ل سەنتەرێ پارێزگەھا دھۆکێ ژی بەفر بباریت، پلەیێن گەرماتیێ ھەتا رادەیەکێ بەرچاڤ نزم ببن و دێ بیتە ئەگەرێ درووستبوونا جەمەدێ تایبەت ل د دەمێ شەڤ و سپێدەیان و مەترسیا کەفتنێ ژ ئەگەرێ خلیسانێ و روودانان ھەیە تایبەت ل رۆژێن پێنج شەمب و ئەینی.
ئەڤرۆ نیوز ، عەلی حاجی :
ل گورەی ئامارەکا پشکا ئابوری یا رێڤەبەریا ئاسایشا کولمەلگەھا ئیبراھیم خەلیل ل سالا ٢٠١٨ دا ٢٢ ھزار و ٧٠٠ ترومبێلێن کاتی ب رێکا گومرکا کومەلگەھا ئیبراھیم خەلیل ھاتینە ناف ئاخا ھەرێما کوردستانێ دا.
ژێدەرەکی تایبەت بۆ ئەڤرۆ نیوز دیار کر ل سالا ٢٠١٨ دا ٢٢ ھزار و ٧٠٠ ترومبێلێن ژمارە کاتی پشتی ژلایێ بازرگانان ڤە کارێن یاسایی ب دووماھی ئیناین و ئەو ترومبێل دەربازی ھەرێما کوردستانێ ھاتینەکرن .
وی ژێدەری دیار کر ل سالا ٢٠١٨ دا ٨٧ ترومبێلێن بارھەلگر ب کەل و پەلێن جورا و جور ڤە ژلایێ رێڤەبەریا ئاسیشا کومەلگەھا ئیبراھیم خەلیل ڤە ھاتنە دەستە سەرکرن پێرابونێن یاسایی ژی دەرھەقێ وان ھاتنە وەرگرتن ژ بەرکو نە ل گورەی سەرپێچی د رێنمایێن وان دا کربوو .
نيشاندان