ئه‌ڤرۆ نيوز:
به‌رى ده‌مه‌كێ كێم ئاهه‌نگا دانه‌نياسينا به‌ربژارێن پارتى ديموكراتى كوردستان ل سنورێ لقا ئێك ل هۆلا كۆنگران ب ئاماده‌بوونا مه‌سرۆر بارزانى ئه‌ندامێ مه‌كته‌با سياسى يا پارتى ديموكراتى كوردستان برێڤه چوو.
مه‌سرۆر بارزانى، ئه‌ندامێ مه‌كته‌با سياسى يا پارتى ديموكراتى كوردستان، راگه‌هاند كو هه‌كه پارتيا يا ب هێز بيت كوردستان ژى دێ يا ب هێز بيت.
دا زانين ژى كو هه‌موو پێكڤه دێ ل 30ى ئيلۆنێ چينه سه‌ر سندوقێن ده‌نگدانێ و ده‌نگى ده‌ينه پارتى ديموكراتى كوردستان ليستا 183 و كانديدێن وێ ژ بۆ وێ چه‌ندێ دا پێگه‌هێ كوردستانێ هه‌ر يێ ب هێز بيت.
مه‌سرۆر بارزانى گۆتژى: “به‌رى چه‌نده‌كێ هه‌لبژارتنێن جڤاتا نوونه‌رێن عيراقێ هاتنه كرن و ب پشته‌ڤانيا هه‌وه پارتى بۆ پارتيا ئێكێ ل سه‌ر ئاستێ عيراقێ، سۆپاس بۆ خه‌مخۆرى و دلسۆز و خزمه‌تا هه‌وه”.
ئه‌ندامێ مه‌كته‌با سياسى يا پارتى ديموكراتى كوردستان ئه‌ڤ په‌رله‌مانێ ڤێ جارێ دهێته دانان دێ رۆله‌كێ ئێكجار كاريگه‌ر هه‌بيت د دانانا بڕياران دا و چاڤدێريا حوكمه‌تێ دا ئه‌وا دێ ب ئانه‌هيا خودێ ل سه‌ر ده‌ستێ پارتى هێته پێكئينان، “گه‌له‌ك گرنگه ڤێ جارێ ئه‌و به‌ربژارێن دچنه په‌رله‌مانى ئه‌و بن يێن هه‌وه باوه‌رى پێ هه‌ين، دا كو هه‌وه سه‌ربێخن و خزمه‌تا پێشمه‌رگا بكه‌ن و پاشه‌رۆه‌كا گه‌ش هه‌بيت”.
ئاشكه‌را ژى كو چوونا سه‌ر سندوقێن ده‌نگدانێ به‌رپرساتيه‌كا نه‌ته‌وه‌يى يه و ئه‌ركه، ئه‌م هه‌موو قه‌ردارێن پێشمه‌رگه‌يى و خوينا شه‌هيداينه و دڤێت ئه‌م هه‌موو وى قه‌رى ل سه‌ر ملێن خوه راكه‌ين و دڤێت ل خوه ب پرسين كا دێ شێين چ كه‌ين بۆ مالێن پێشمه‌رگا و مالێن شه‌هيدان.
داخواز ژ به‌ربژارێن پارتى ژى كر كو ده‌ما دچنه په‌رله‌مانى خزمه‌تكرنا خێزانێن پێشمه‌رگه‌ى و شه‌هيدان بكه‌نه ده‌سپێكا كارێن خوه و ئه‌م دێ ب ڤێ چه‌ندێ ب سه‌ركه‌ڤين.
سۆپاسيا وه‌لاتيان ژى كر ل وێ مێڤانداريا خه‌لكێ دهۆكێ ل ئاواران كرى كو سينگڤه‌كرن و مێڤانداريه‌كا گه‌له‌ك يا به‌رفره‌هـ بوو و گۆت: “هه‌ر ئه‌ڤه ژى ژ خه‌لكێ پارێزگه‌ها دهۆكێ دهێته چاڤه‌رێكرن”.
نيشاندان
