ئەڤرۆ نیوز ،نەوزاد هلۆری:

دەمەکێ کێم بەر نوکە توپخانەیێن له‌شكرێ تورکیا نێزیکێ 20 توپان ل هاڤینگەها ئاڤا مارک دان و زیان ب دوکان و ترومبێلێن وەڵاتیان گەهاندینە.

مەلەڤان سیتەی، وەلاتیەکێ گوندێ سیتە و خودان مولکە ل ئاڤا مارک بو ئەڤرۆ نیوز گوت: (دەمەکێ کێم بەری نوکە توپخانەیێن له‌شكرێ تورکیا نێزیکێ 20 توپان ل هاڤینگەها ئاڤا مارک یا سەر ب دەڤەرا نێروەورێکان دان و زیانێن مادی ب هاڤینگەهـ و دوکان و بازارێن وەلاتیان و ترومبێلێن وان گەهاندن).

زێدەتر گوت: (توپ بارانکرنا وان ژی یا هەرەمەکی بوویە و ئەڤرۆ رۆژا بێهنڤەدان و ئەینی بوویە و خەلکەکێ زۆر قەستا هاڤینگەهێ كربوو، به‌لێ هەموو ژ هاڤینگەهێ هاتن و وچو زيانێن گيانى نه‌بوون).

ئه‌ڤرۆنيوز:

ريڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ ره‌وشا سه‌قايێ ئه‌ڤرۆ وسوباهى يێن پارێزگه‌هێن هه‌رێما كوردستانێ به‌لاڤكر.

رێڤه‌به‌ريا ناڤبرى ئاماژه‌ دا كو ره‌وشا سه‌قايێ ئه‌ڤرۆ ل پارێزگه‌ها دهۆكێ دێ ئه‌ور بيت وپلا گه‌رمێ ژى دێ 21 بيت.

ل دۆر ره‌وشا سه‌قايێ سوباهى شه‌مبيێ ل پاريزگه‌ها دهۆكێ، دياركر”سوباهى شه‌مبيێ 10/11/2018 دێ ئه‌ور ونيڤ هه‌تاڤ بيت وپلا گه‌رمێ ژى دێ 22 بيت”.

ئه‌ڤرۆ نیوز، نه‌وزاد هلۆرى:

ئه‌ڤرۆ به‌رى نیڤرو قه‌واره‌یێ هه‌ڤپه‌یمانى بۆ دیموكراسى و دادپه‌روه‌رى كومبوونا گشتى ئه‌نجام دا و تێدا ب كوما ده‌نگان بریارهاته‌دان كو هه‌ڤپه‌یمانى به‌رده‌وام بیت و ناڤێ خوه‌ گوهرى و په‌یره‌وه‌ێ نافخوه‌یێ خوه‌ ژى هه‌مواركر.

ب گوره‌ى ئه‌وان زانیاریێن كو دناڤا كومبوونێ دا ده‌ست ئه‌ڤرۆ نیوز كه‌فتى، ئه‌ڤرۆ به‌رى نیڤرو كومبوونا گشتى یا قه‌وارێ هه‌ڤپه‌یمانى بو دیموكراسى و دادپه‌روه‌رى هاته‌ ئه‌نجامدان و هه‌تا نوكه‌ ژى یا به‌رده‌وامه‌، دوێ كومبوونێ دا بریارهاته‌دان كو هه‌ڤپه‌یمانى بناڤێ (هه‌ڤپه‌یمانیا نیشتمانى) به‌رده‌وامیێ ب كار و سیاسه‌تا خوه‌ بده‌ت، هڤده‌م دكومبوونێ دا هه‌موار لسه‌ر په‌یره‌وێ نافخوه‌یێ وێ قه‌واره‌یێ ژى هاته‌كرن.

محه‌مه‌د ره‌ئوف ئێك ژ ئه‌نجامێن ده‌سته‌یا دامه‌زراندنا هه‌ڤپه‌یمانیێ د كومبوونێ دا گوتاره‌ پێشكێشكر و دیاركر كو هه‌ڤپه‌یمانى دێ وه‌كو حزب به‌رده‌وام بیت و گۆت: (هه‌ڤپه‌یمانى بریاردایه‌ كو ناڤێ خوه‌ بگوهریت و گورانكاریان ژى د په‌یره‌وێ نافخوه‌ دا بكه‌ت و هه‌موار بكه‌ت، هه‌ڤپه‌یمانیێ دێ سێ ئه‌نجومه‌ن هه‌بن كو ئه‌و ژى ئه‌نجومه‌نا سیاسى، بجهكرن و نونه‌رایه‌).

پشتى كو به‌رهه‌م سالح وه‌كو سه‌روكێ قه‌واره‌یێ هه‌ڤپه‌یمانى بو دیموكراسى و دادپه‌روه‌رى نه‌مایى و گه‌هشتیه‌ ئێكه‌تیا نیشتمانیا كوردستانێ و بویه‌ سه‌روك كومارێ عیراقێ وه‌سا دهاته‌ چاڤه‌رێكرن كو هه‌ڤپه‌یمانى بهێته‌ هه‌لوه‌شاندن ب تایبه‌تى پتشى ك بایكوتا هه‌لبژارتنێن په‌رله‌مانێ كوردستانێ كرى، ئه‌ڤرۆ د كومبوونا گشتى یا وێ قه‌وارێ دا بریارهاته‌دان كو لسه‌ر كار و سیاسه‌ت و چالاكیێن خوه‌ به‌رده‌وام بیت.