ئه‌ڤرۆ نيوز:

سه‌رۆك وه‌زيرێن هه‌رێما كوردستانێ سه‌ره‌رايى پرس و سه‌ره‌خۆشيێ، ئيدانا هێرشا دوهى يا پارێزگه‌ها مينا ل مسرێ كر، كو تێدا ژماره‌كا وه‌لاتيێن مه‌سيحى بووينه‌ قوربان.

نێچيرڤان بارزانى، سه‌رۆك وه‌زيرێن هه‌رێما كوردستانێ د په‌يامه‌كێ دا كو ئه‌ڤرۆ سێشه‌مبى 3ى چريا دويێ 2018 راگه‌هاند كو “به‌رده‌واميا كارێن تيرۆرستى يێن داعش، كۆمه‌لگه‌ها نێڤده‌وله‌تى دئێخيته‌ به‌ر به‌رپرساتيه‌كا مه‌زن”.

دوهى د هێرشه‌كێ دا چه‌كدارێن داعش بۆ سه‌ر پاسه‌كێ كو ژماره‌كا مه‌سيحيان د ڤه‌گوهاست ل نێزيك كه‌نيسا ئه‌نبا ساموێل ل پارێزگه‌ها مينا يا مسرى، حه‌فت كه‌س هاتنه‌ كوشتن و حه‌فت كه‌سێن دژى بريندار بوون.

ئه‌ڤرۆنيوز:

پشتى ئه‌رشه‌د سالحى سه‌رۆكێ به‌ره‌يێ توركمانى ل هه‌يڤا بۆرى ل گه‌ل به‌رهه‌م سالحى كۆمبووى وراگه‌هاندى كو سۆز ژ به‌رهه‌م سالح وه‌رگرتيه‌ كو پێشمه‌رگه‌ نه‌ زڤريت بۆ كه‌ركووكێ، ئه‌ڤ چه‌نده‌ ژى بۆ جهێ ره‌خنا وه‌لاتيێن كورد وهنده‌ك چاڤدێرێن سياسى ژى ب فرۆتنه‌كا دى يا كه‌ركووكێ دهه‌ژمێرن.

شاخه‌وان عه‌بدولا، ئه‌ندامێ به‌رێ يا په‌رله‌مانێ عيراقێ ذ فراكسيؤنا پارتى ديموكراتى كوردستان گۆت” ئه‌م ئاگه‌هدارى چو كۆمبوونێن وى نينين، هه‌كه‌ به‌رهه‌م سالح ئه‌و كاره‌ كربيت، ئه‌ڤ چه‌نده‌ دبيته‌ كۆپيتكا بێ حورمه‌تيێ وفرۆتنه‌كا دى يا كه‌ركووكێ يه‌، ديسا بۆ وى نينه‌ بێ كه‌ركووكيان به‌حسێ كه‌ركووكێ بكه‌ت وب ناڤێ وان باخڤيت”.

شاخه‌وان عه‌بدولا دداخۆيانيه‌كێ دا بۆ باسنيوز به‌حسێ بێ هه‌لويستيا به‌رهه‌م سالحى ل ده‌مێ روودانێن 16 ئوكتۆبه‌رێ وفرۆتنا ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ كر وگۆت” ده‌مێ كه‌ركووك هاتيه‌ فرۆتن، به‌رهه‌م سالحى چو هه‌لويست نه‌بوو، نوكه‌ ژى بلا زێده‌تر خوه‌ نه‌شرين نه‌كه‌ت وجاره‌كادى كه‌ركووكێ نه‌فروشيت”.

ئەوەشی ئاشکرا کرد: “ئێستا ئێمە لە هەوڵی خۆ ئامادەکردنین بۆ پرۆژەیەک، کە جەنابی سەرۆک بارزانی سەرپەرشتیی دەکات، بۆیە خۆمان دۆخی کەرکووک ئاسایی دەکەینەوە، چونکە بەو خەڵکە نەزانەی دوای پۆست و پلە کەوتوون دۆخی کەرکووک ئاسایی ناکرێتەوە”.

گۆت ژى” 100 رێككه‌فتنێن دى ل سه‌ر وى بابه‌تى بهێته‌ كرن، ناسناما كه‌ركووكێ يا كوردستانى يه‌ وهه‌تا بجهئينانا مادێ 140 ژى پێدڤيه‌ ب هه‌ڤپشكى بهێته‌ ب رێڤه‌برن، هه‌كه‌ ره‌وش ب ڤى شێوه‌يێ نوكه‌ بمينيت، دێ حوكمه‌تا عيراقێ نه‌چاركه‌ين وان ده‌ڤه‌ران بجه بهێليت، هه‌رچه‌نده‌ مه‌ هێشتا بريار نه‌دايه‌ وچاڤه‌رێ هه‌لويستێن دبلوماسى نه‌، ب دووماهى هاتنا هه‌لويستان،له‌شكر نه‌شێت ل ناڤ ( كه‌ركووك، شوان، قه‌ره‌هنجير) بمينيت هه‌كه‌ ب هزاران ده‌بابا وسه‌ربازێن دى ژى بينن”.

ئه‌ڤرۆنيوز:

پشتى ل دره‌نگيا شه‌ڤا بۆرى ئاگر به‌ربوويه‌ ماله‌كێ، ئه‌ڤرۆ رێڤه‌به‌ريا به‌رگريا شارستانى ل رانيا دياركر كو ئه‌گه‌رێ وى ئاگرى شه‌حنا مۆبايلێ بوو وكه‌سه‌كێ بريندار دوێ روودانێ دا گيانێ خوه‌ ژده‌ستدا.

حسێن عه‌بدولا، په‌يڤدارێ رێڤه‌به‌ريا به‌رگريا شارستانى ل رانيا گۆت” پشتى ل شه‌ڤا بۆرى ئاگر به‌ربوويه‌ ماله‌كێ ل باژێرێ رانيا وژنه‌ك سوتى وحه‌فت كه‌سێن دى بريندار بووين، ئه‌ڤرۆ سپێدێ ئێك ژوان برينداران كو زارۆكه‌كێ شه‌ش سالى بوو گيانێ خوه‌ ژده‌ست دا”.

ناڤبرى زێده‌تر بۆ باسنيوز گۆت” ئه‌و زارۆكه‌ ل گه‌ل دايكا خوه‌ ب مێهڤانى هاتبوو مالا داپيرا خوه‌ وشڤێدى تووشى وێ روودانێ بوون”.

ئاشكرا كر ژى” ل دووڤ ڤه‌كۆلينێن ده‌ستپێكى ئه‌گه‌رێ روودانێ شورتێ كاره‌بێ وپه‌قينا مۆبايله‌كا وێ مالێ بوو كو دشه‌حنێ دابوو”.

ئه‌ڤرۆنيوز:

جڤاتا پاريزگه‌ها سلێمانيێ ئه‌ڤرۆ پێنجشه‌مبى 1/11/2018 هوشدارى ل دۆر ژه‌هراوى بوونا ئاڤا ڤه‌خورانێ يا نيڤا ئاكنجيێن سليمانيێ دا.

سكرتێرێ جڤاتا پارێزگه‌ها سلێمانيێ مه‌هدى مه‌حموود دكۆنگره‌كێ رۆژنامه‌ڤانى كو ل سه‌ر دروستكرنا پانزينخانه‌كێ ل نێزيك ژێده‌رێ ئاڤا سه‌رچنار ل سلێمانيێ هاتبوو ئه‌نجامدان، دياركرن كو جهێ دروستكرنا پانزينخانه‌كێ تنێ بلۆكه‌كى يێ دوورى ژناڤ مالان وئه‌ڤه‌ ژى يا گونجاى نينه‌ وناهێته‌ زانين چاوان پارێزگه‌رێ سلێمانيێ رێ ب وێ چه‌ندێ دايه”.

ژلايێ خوه‌ڤه‌ رێكه‌وت زه‌كى ئه‌ندامێ جڤاتا پارێزگه‌ها سليمانيێ دوى كۆنگرێ رۆژنامه‌ڤانى دا راگه‌هاند” هه‌كه‌ ئه‌و پانزينخانه‌ بهێته‌ دروستكرن، دێ ئه‌م ب ده‌ستێ خوه‌ ئاڤا خوه‌ ژه‌هراوى كه‌ين، چونكى ئاڤا سه‌رچنار، ئاڤا ڤه‌خوارنێ يا نيڤا ئاكنجيێن باژێرێ سلێمانيێ دابين دكه‌ت”.

وى ئه‌ندامێ جڤاتا پارێزگه‌ها سلێمانيێ گۆت ژى” مخابن پارێزگه‌رێ سلێمانيێ رێ ب دروستكرنا وێ پانزينخانێ داى، به‌لێ نوكه‌ ب شێوه‌كێ به‌روه‌خت كاركرن تێدا يا هاتيه‌ راگرتن وبزاڤێن مه‌ ژى دبه‌رده‌وامن تاكو ب ئێكجارى كاركرن تێدا بهێته‌ راگرتن”.

دياركر”هه‌موو لژنێن زانستى دروستكرنا پانزينخانێ ل وى جهى ب شاشيه‌كا مه‌زن دهه‌ژمێرن”.