ئه‌ڤرۆنيوز:
به‌رى ده‌مه‌كى 11 ليستێن سياسى ل عيراقێ پێكئينانا مه‌زنترين هه‌ڤپه‌يمانى ل په‌رله‌مانێ عيراقێ راگه‌هاند.
ل دووڤ وێ به‌لگه‌ناما به‌لاڤبووى هژمارا كورسيێن په‌رله‌مانى يێن وان 11 ليستان دبنه 162 كورسيێن په‌رله‌مانى.
حه‌يده‌ر ئه‌لشێخ رۆژنامه‌ڤانێ ئاگه‌هدار ژ به‌غدا بۆ ئه‌ڤرۆنيوز گۆت” هه‌ڤركێن ڤان 11 ليستان ئه‌وژى ليستا فه‌تح ب سه‌رۆكاتيا هادى عامرى وده‌وله‌تا قانوونێ ب سه‌رۆكاتيا نورى مالكى هه‌تا نوكه شياينه 100 كورسيان دابين بكه‌ن درێيا پێكئينانا هه‌ڤپه‌يمانيا په‌رله‌مانى يا مه‌زن”.
ئه‌ڤرۆنيوز:
گه‌نجه‌كێ 21 سالى ل قه‌زا كويه ل پاريزگه‌ها هه‌ولێرێ دلايڤه‌كا فه‌يسبووكى دا خوه دكوژيت ول دووڤ ئاخڤتنێن پۆليسان وى گه‌نجى خوه ب ده‌بانجێ كوشتيه.
شۆره‌ش كاكه، رێڤه‌به‌رێ پۆليسێن قه‌زا كويه، ل دووڤ مالپه‌رێ كوردستان تى ڤى، راگه‌هاند” ئه‌ڤرۆ ئێكشه‌مبى پۆليس هاتنه ئاگه‌هداركرن ب هه‌بوونا ته‌رمه‌كى ل چيايێ هه‌يبه‌ت سولتان وپشتى گه‌هشتنا پۆليسان بۆوى جهى، دياربوو كو گه‌نجه‌كێ 21 سالى ب گوله‌كا ده‌بانجێ يا خوه كوشتى”.
دياركر” به‌رى ئه‌و گه‌نجه خوه بكوژيت، ل تۆرا جڤاكى يا فه‌يسبووكى لايڤ كريه وپۆست كريه ونڤيسى كو سوباهى تازى وبه‌هى يه
ئاماژه دا” به‌رى خوه‌كوشتنێ وى گونجى په‌يوه‌ندى ب چه‌ند كه‌سان كربوو وداخواز ا گه‌رده‌ن ئازاكرنێ ژى كربوو ول وێ په‌يوه‌نديا راسته‌وخوه ل گه‌ل كه‌سوكارێن خوه پشتى گوهلێبوونا ده‌نگێ ته‌قێ لايڤ هاته داخستن”.
ديسا گۆت” ته‌رمێ وى گه‌نجى هاتيه ڤه‌گوهاستن بۆ نوشداريا داد ل كويه وهه‌تا نوكه ئه‌گه‌رێ سه‌ره‌كى يێ خوه‌كوشتنا وى نه‌هاتيه زانين”.
ئه‌ڤرۆنيوز:
وه‌زيرێ دارايێ وئابوورى ل هه‌رێما كوردستانێ راگه‌هاند، كار ل سه‌ر وێ چه‌ندێ دكه‌ين ل سالا 2019پاشكه‌فتا مووچێ فه‌رمانبه‌رێن هه‌رێما كوردستانێ نه‌هێلين.
رێباز حه‌ملان، وه‌زيرێ دارايى وئابوورى ئه‌ڤرۆ ئێكشه‌مبى 2/9/2018 دداخۆيانيه‌كا رۆژنامه‌ڤانى دا گۆت”كارى ل سه‌ر زێده‌كرنا داهاتێن ناڤخوه‌يى وپه‌ترۆلێ دكه‌ين تاكو بشێين ل گه‌ل هاتنا سالا نوو پاشكه‌فتا مووچه‌ى نه‌هێلين”.
دياركر ژى” نوكه ئه‌م مژوولى به‌رهه‌ڤكرنا بودجا سالا 2019 يا هه‌رێما كوردستانێ نه”.
سه‌باره‌ت هنارتنا پاره‌ى ژ به‌غدا بۆ مووچێن فه‌رمانبه‌رێن هه‌رێما كوردستانێ، گۆت” به‌غدا سۆزا يا داى پارێ زێده‌تر بۆ هه‌رێما كوردستانێ ڤرێكه‌ت”.
ئه‌ڤرۆنيوز:
وه‌زاره‌تا ئه‌وقافێ وكاروبارێن ئاينى ل هه‌رێما كوردستانێ راگه‌هاند، د ڤێ هه‌يڤێ دا دو هه‌لكه‌فتێن ئاينى دێ بێهنڤه‌دانا فه‌رمى بيت ل داموده‌زگه‌هێن حكومى.
نه‌به‌ز ئيسماعيل، په‌يڤدارێ وه‌زاره‌تا ئه‌وقافێ وكاروبارێن ئاينى ل هه‌رێما كوردستانێ دداخۆيانيه‌كا رۆژنامه‌ڤانى دا، دياركر” دو هه‌لكه‌فتێن ئاينى دڤێ هه‌يڤێ دا دێ بنه بێهنڤه‌دانێن فه‌رمى، ئه‌وژى ئێكێ مه‌حه‌ره‌مێ، سه‌رێ سالا مشه‌ختى كو دكه‌ڤيته رۆژا سێ شه‌مبى 11/9/2018″.
دياركر ژى” ديسا 10 موحه‌ره‌مێ ژى كو ب رۆژا عاشورا يا به‌رنياسه ودكه‌ڤيته رۆژا پێنجشه‌مبى 20/9/2018 بێهنڤه‌دانا فه‌رمى يه”.
گوتەبێژی وەزارەتی ئەوقافی و کاروباری ئایینی، ئەوەشی خستە ڕوو: ”ڕۆژی ١٠ی موحەرەمیش کە بە ڕۆژی عاشورا ناسراوە و دەکەوێتە ڕۆژی ٢٠\٩\٢٠١٨، بەھەمانشێوە لەسەرجەم دامودەزگا حکوومیەکانی ھەرێمی کوردستان دەبێتە پشوی فەرمی”.
ئه‌ڤرۆ نيوز، نيوار محه‌مه‌د سه‌ليم:
به‌رى ده‌مه‌كێ كێم هونه‌رمه‌ند ورۆژنامه‌ڤانێ ناڤدارێ دهۆكێ (محه‌مه‌د عه‌لى ئه‌ترووشى) وه‌غه‌ركر.
ناڤبرى ئێك ژ كه‌ساتيێن ديار و به‌رنياسێن پارێزگه‌ها دهۆكێ بوو و رۆله‌كێ مه‌زن د گه‌له‌ك پرسێن به‌رچاڤ دا هه‌بوو ل پارێزگه‌هێ.
ئه‌ڤرۆ سپێدێ ل ده‌مێ ساخكرنا چل رۆژيا وه‌غه‌ركرنا هاريكارێ رێڤه‌به‌رێ گشتى يێ ساخله‌ميێ بۆ كاروبارێن كارمه‌ندێن ساخله‌ميێ يوسف حسێن يێ ئاماده بوو ل ده‌مێ پێشوازيكرنا وى ژ لايێ حه‌مزه ره‌زيكى به‌رپرسێ راگه‌هاندنا ساخله‌ميا پارێزگه‌ها دهۆكێ و صادق محه‌مه‌د تاهر كارمه‌ندێ راگه‌هاندنا رێڤه‌به‌ريا گشتى يا ساخله‌ميێ، ناڤبرى وه‌كو هه‌رجار ب دێمه‌كێ گرنژين ڤه ديار دكه‌ت و چه‌ند وێنه ژ لايێ تابان دۆسكى ڤه هاتينه گرتن.
ئه‌ڤرۆنيوز:
وه‌زاره‌تا خواندنا بلند وڤه‌كۆلينێن زانستى ل هه‌ريما كوردستانێ راگه‌هاند، ل چه‌ند رۆژێن داهاتى سيسته‌مێن وه‌رگرتنا قوتابيان ل زانكۆيان دێ كه‌ڤيته كارى، هه‌ڤده‌م په‌يڤدارێ وێ وه‌زاره‌تێ دبێژيت ده‌رچوويێن پۆلا 12 ب رێيا هه‌مان وێبسايتى دشێن داخواز يێن خوه ب سيسته‌مين (زانكۆلاين، راسته‌وخو، به‌كريديت، پارالێل وئێڤاران) بۆ وه‌رگرتنێ ل زانكۆيان پێشكێش بكه‌ن.
عه‌باس ئه‌كره‌م، په‌يڤدارێ وه‌زاره‌تا خواندنا بلند گۆت” پشتى ناڤێ بكارئينه‌ر، په‌يڤا تێپه‌ر) ژلايێ وه‌زاره‌تا مه ئاراسته‌ى ريڤه‌به‌ريێن گشتى يێن په‌روه‌ردێن پاريزگه‌هێن هه‌رێمێ دهێته كرن، بۆ وێ چه‌ندێ ب رێيا قوتابخانێن ئاماده‌يى ل سه‌ر ده‌رچووێن 12 ئاماده‌يى بهينه به‌لاڤكرن، كاركرن ژى ب سيسته‌مێن وه‌رگرتنێ به‌رده‌وامى هه‌بوو”.
دياركر” ل رۆژا سێشه‌مبيا بهێت 4/9/2018 ل ده‌مژمێر 8 سپێدێ وێبسايتێ ده‌رچوويێن خۆلا ئێكێ ودويێ يا 12 ئاماديى دێ هێته كاراكرن، ب وێ چه‌ندێ دێ ده‌رچوويێن 12 ئاماده‌يى شێن فۆرمێن وه‌رگرتنێ ل زانكۆ وپه‌يمانگه‌هان داگرن وپێشكێش بكه‌ن”.
گۆت ژى” ده‌رچوويێن 12 ئاماده‌يى ب رێيا هه‌مان وێبسايت دشێن داخوازيێن خوه ب سيسته‌مێن( زانكۆلاين، راسته‌وخوه، به‌كريديت، پارالێل وئێڤاران) بۆ وه‌رگرتنێ ل زانكۆيان پێشكێش بكه‌ن”.
رۆهنكر ژى” ده‌رچوويێن 12 ئاماده‌يى ده‌ليڤه يا هه‌ى هه‌تا ده‌مژمێر 12 شه‌ڤا 14/9/2018 بۆ داگرتنا فۆرما وه‌رگرتنێ ل زانكۆيێن كوردستانێ وپێدڤيه ب كارئينانا هه‌مان وى ناڤێ بكارئێنه‌ر وپه‌يڤا تێپه‌ر (يو‌زه‌ر نه‌يم وپاسوورد) كو پێشتر ژ قوتابخانێن خوه وه‌گرتين، دشێن فۆرما وه‌رگرتنێ داگرن”.
ئه‌ڤرۆنيوز:
شاندێ هه‌ڤپشكێ پارتى وئێكه‌تى ئه‌ڤرۆ ئێكشه‌مبى 2/9/2018 سه‌ره‌دانا نڤيسينگه‌ها ئوسامه نوجێفى كر ول دۆر پرسا پێكئينانا حوكمه‌تا نوو يا عيراقێ دانوستاندن كرن.
شاندێ هه‌ڤپشك يێ پارتى وئێكه‌تيێ پێكهاتبوون ژ فازل ميرانى و جه‌عفه‌ر ئێمينكى وفوئاد حسێن وبه‌نگين رێكانى ومه‌لا به‌ختيار وسه‌عدى پيره وفرياد ره‌واندوزى وخالد شوانى.
برياره پشتى ده‌مه‌كێ كێم شاندێ پارتى وئێكه‌تى ل گه‌ل هادى عامرى كۆمبيت.
شاندێ هه‌ڤپشكێ پارتى وئێكه‌تى دكۆمبوونين خوه دا ل به‌غدا پرۆژه‌كێ سه‌باره‌ت داخوازيێن كوردان دێ پێشكێشى لايه‌نێن عيراقى كه‌ت.
ئه‌ڤرۆنيوز:
حوكمه‌تا هه‌رێما كوردستانێ فه‌رمانا دامه‌زراندنا 280 كه‌سان ل سه‌ر وه‌زاره‌ته‌كا هه‌رێمێ ده‌ركر.
ئه‌ڤرۆ ئێكشه‌مبى 2/9/2018، وه‌زيرێ ساخله‌ميێ ل هه‌رێما كوردستانێ ل به‌رپه‌رێ خوه ل سه‌ر تۆرا جڤاكى يا فه‌يسبووكى ده‌قێ فه‌رمانا دامه‌زراندنا 280 كه‌سان به‌لاڤكر.
رێكه‌وت حه‌مه ڕه‌شید، وه‌زیرێ ساخله‌ميێ ده‌قێ فه‌رمانا دامه‌زراندنا 280 كه‌سانی ب ناڤه‌نيشانێن جودا جودا وپۆستێن (نوشدار، ئيدارى، ته‌كنيكى وخزمه‌تگوزارى) بخوه‌ڤه‌گرت.
نێچيرڤان بارزانى سه‌رۆك وه‌زيرێن هه‌رێما كوردستانێ ئه‌ڤرۆ 2/9/2018 ئيمزا ل سه‌ر فه‌رمانا دامزراندنا وان 280 كه‌سان كريه.
نيشاندان