ئه‌ڤرۆ نيوز:
كۆمبوونا شاندێ پارتى ديموكراتى كوردستان ب سه‌رۆكاتيا نێچيرڤان بارزانى جێگرێ سه‌رۆكێ پارتى ديموكراتى كوردستان و ئێكگرتوو ئيسلامى كوردستانيێ ب سه‌رۆكاتيا سه‌لاحه‌دين بهائه‌دين ئه‌ميندارێ گشتى ل جڤاتا بجهئينانێ يا ئێكگرتوو ئيسلامى كوردستانه ل هه‌ولێرێ ب دووماهى هات.
د كۆنگره‌كێ رۆژنامه‌ڤانى سه‌لاحه‌دين بهائه‌دين ئه‌ميندارێ گشتى يێ ئێكگرتوو ئيسلامى كوردستان راگه‌هاند كو مه‌ره‌م ژ ڤێ كۆمبوونێ بۆ وێ چه‌ندێ بوو به‌حس ل وێ چه‌ندێ بهێته كرن كا چاوان كورد ل به‌غدا بكه‌ن و چاوان ئێكده‌نگيه‌كێ د ناڤبه‌را لايه‌نێن سياسى يێن كوردى دا دروست بكه‌ن.
ئه‌ميندارێ گشتى يێ ئێكگرتوو ئيسلامى كوردستان گۆت: “ئه‌ڤان ره‌نگه كۆمبوونا ب گرنگ د زانين”.
د به‌رامبه‌ر دا، نێچيرڤان بارزانى، جێگرێ سه‌رۆك پارتى ديموكراتى كوردستان هه‌ر د وى كۆنگرێ رۆژنامه‌ڤانى يێ بۆ وان وان هاتيه رێكخستن دا ئاشكه‌را كر كو مه‌ره‌م ژ سه‌ره‌دانا وان بۆ لايێ ئێكگرتوو ئيسلامى كوردستان ب مه‌ره‌ما چێكرنا ئێكده‌نگيێ يه د ناڤ مالا كوردى دا بۆ به‌غدا.
ئاشكه‌را ژى كر كو مه‌رج نينه كورد هه‌موو ل بن ئێك ليست پشكدارى حوكمه‌تا نوو يا عيراقێ ببن، به‌لێ گه‌له‌ك يا گرنگه هه‌موو خودان ئێك گۆتارا سياسى بن ل دۆر پرسێن گرنگ و چاره‌نڤيس ساز يێن ل دۆر ملله‌تێ كورد.
ئه‌ڤرۆ نيوز:
سپێده‌هيا ئه‌ڤرۆ رۆژا چارشه‌مبى 29ى ته‌باخا 2018ێ بيڤه‌له‌رزه‌ك ب گۆره‌يى 3.2 ل دووڤ پيڤه‌رێ ريخته‌ر يێ باژێرێ برۆجێرد ل پارێزگه‌ها لورستان ل رۆژهه‌لاتێ كوردستانێ هه‌ژاند.
د وێ ده‌ربارێ دا، غولام ره‌زا ئاڤا ميرزايى رێڤه‌به‌رێ كۆنترۆلكرنا قه‌يرانان ل پارێزگه‌ها لورستان سه‌ره‌رايى پشتراستكرنا نووچه‌يى راگه‌هاند: ده‌مژمێر 3:40 ده‌قيقه‌ى سپێده‌هيا ئه‌ڤرۆ بيڤه‌له‌رزه‌ك ب گۆره‌يى 3.2 ل باژێرێ برۆجێرد ل پارێزگه‌ها لورستان هه‌ژاند.
ئه‌ڤرۆ نيوز:
كۆمبوونا ئێكه‌تى نشتيمانى كوردستان و كۆمه‌لا ئيسلامى كوردستانێ ل باره‌گايێ كۆمه‌لێ ل هه‌ولێر ب دووماهى هات.
شاندێ ئێكه‌تى نشتيمانى كوردستان يێ پێكهاتى بوو ژ مه‌لا به‌ختيار به‌رپرسێ ده‌سته‌يا كارگێرى يا مه‌كته‌با سياسى يا ئێكه‌تيێ و سه‌عدى ئه‌حمه‌د پيره ئه‌ندامێ مه‌كته‌با سياسى و شالاو كۆسره‌ت ره‌سۆل به‌رپرسێ مه‌لبه‌ندێ هه‌ولێرێ يێ ئێكه‌تى نشتيمانى كوردستان.
سه‌ره‌دانا ئێكه‌تى نشتيمانى كوردستانێ بۆ لايێ كۆمه‌لا ئيسلامى ب مه‌ره‌ما ئێكرێزيا ناڤ مالا كوردى و پشكداريا كوردايه ب ئێك هه‌ڤپه‌يمانى ل به‌غدا.
دهێته پێشبينيكرن د ڤان رۆژان دا گه‌له‌ك زێده ببن ب مه‌ره‌ما دروستكرنا مه‌زنترين فراكسيۆنا په‌رله‌مانى بۆ پێكئينانا حوكمه‌تا داهاتى يا عيراقێ.
پارتى ديموكراتى كوردستان و ئێكه‌تى نشتيمانى كوردستان ل سه‌ر وێ چه‌ندێ رێكه‌فتينه بۆ وێ چه‌ندێ ئه‌و چار لايه‌ن بێنه ناڤ به‌ره‌يێ وان و پێكڤه بچنه به‌غدا، چونكو هه‌ر سوننه د به‌ره‌يه‌كێ هه‌ڤپشك دا كۆم بووينه و هه‌ر ژى شيعه د به‌ره‌يه‌كێ هه‌ڤپشك دا كۆم بووينه.
بڕياره رۆژا ئه‌ينى شانده‌كێ ئێكه‌تى و پارتى بچنه به‌غدا، ژ به‌ر هندێ ژى دخوازيت ئه‌و چار لايه‌ن پشكه‌ك بن ژ وى شاندێ هه‌ڤپشك دا كو پێكڤه بچنه به‌غدا.
ئه‌ڤرۆ نيوز:
شانده‌كێ پارتى ديموكراتى كوردستان و ئێكگرتوو ئيسلامى كوردستان ل هه‌ولێر يێ د كۆمبوونێ دا.
شانده‌كێ پارتى ديموكراتى كوردستان ب سه‌رۆكاتيا نێچيرڤان بارزانى جێگرێ سه‌رۆكێ پارتى ديموكراتى كوردستان و ئێكگرتوو ئيسلامى كوردستانيێ ب سه‌رۆكاتيا سه‌لاحه‌دين بهائه‌دين ئه‌ميندارێ گشتى د كۆمبوونێ دا.
كۆمبوونا هه‌ردو لايان ل جڤاتا بجهئينانێ يا ئێكگرتوو ئيسلامى كوردستانه ل هه‌ولێرێ.
شاندێ پارتى ژبلى نێچيرڤان بارزانى جێگرێ سه‌رۆكێ پارتى ديموكراتى كوردستان، هه‌ر ئێك ژ فازل ميرانى، سكرتێرێ مه‌كته‌با سياسى يا پارتى و هشيار زێبارى و عه‌لى حسێن ئه‌ندامێن مه‌كته‌با سياسى پێكهاتيه.
ئه‌ڤرۆ نيوز:
مالپەرێ ھەڤپەیمانیا سائیرۆن ئشاکەرا کر کو ھەڤرکیێن وان ل گەل کوردان ل سەر کەرکووک و پرسا ڤەگەریانا پێشمەرگەیی ل دەڤەرێن کوردستانی یێن دەرڤەیی ئیدارا ھەرێمێ یێن ھەین.
پەرلەمانتارەکێ ھەڤپەیمانا سائیرۆن (تەڤگەرا موقتەدا سەدر) کو ناڤێ خوە ئاشکەرا نەکریە بۆ میدیا عیراقێ راگەھاند کو د گەلەک واران دا ئەو ل گەل پارتێن سەرەکی یێن پارتی و ئێکەتیێ د ھەڤڕا بوون، بەلێ خالێن ھەڤرک د ناڤبەرا وان دا ل سەر کەرکووک و ڤەگەریانا پێشمەرگەیی بۆ دەڤەرێن کوردستانی یێن دەرڤەیی ئیدارا ھەرێما کوردستانێ ھەبوون.
د چەند رۆژێن بۆری دا ژ بۆ پێکئینانا مەزنترین کۆتلا پەرلەمانێ عیراقێ شاندەکێ ھەڤپشک یێ چار لایەنێن سیاسی یێن عیراقی کو ژ لیستا سائیرون (موقتەدا سەدر)، نەسر (حەیدەر عەبادی)، حیکمە (عەمار حەکیم) و وەتەنیە (ئەیاد عەلاوی) پێک ھاتبوون سەرەدانا ھەرێما کوردستانێ کربوو و ل گەل سەرۆک بارزانی و پارتی و ئێکەتی کۆم ببوون.
مالپەرێ “تھاد” یێ عیراقی بەلاڤکر ژی کو ئەندامێن ھەڤپەیمانیا سائیرۆن ئاشکەرا کر کو ناڤێ حەیدەر عەبادی و عەبدولحسێن عەبتان داننە پێش کوردان بۆ وەرگرتنا پۆستێ سەرۆک وزەیرێن عیراقێ.
بەرپرسێن کورد بەری نوکە راگەھاند بوو کو کوردان ھێلا سۆر و ڤیتۆ ل سەر چو بەربژێرەکی نینە و ھەر کەسەکێ ب مەرجێن کوردان رازی ببیت و سۆزێن خوە ب جھـ بینیت ئەو دێ پشتەڤانیا وی کەن.
ئه‌ڤرۆ نيوز:
پۆليس و زێره‌ڤانێن گۆمركا ئيبراهيم خه‌ليل ل دهۆك كۆمبوونه‌ك دژى بڕياره‌كا سه‌رۆك وه‌زيرێن كار ب رێكه‌رێ عيراقێ ئه‌نجام دا.
پێشتر حه‌يده‌ر عه‌بادى، سه‌رۆك وه‌زيرێن كار ب رێكه‌رێ عيراقێ ب بڕيارا ڤه‌گوهاستنا 466 پۆليسێن گۆمركا ده‌رگه‌هێ سنورى يێ ئيبراهيم خه‌ليل بۆ زێره‌ڤانێن سنورى دابوو، دا كو پۆليسێن عه‌ره‌ب ل جهێ وان بدانن.
پۆليسان د خوه‌نيشاندانێ دا كو سپێده‌هيا رۆژا چارشه‌مبى 29ى ته‌باخا 2018ێ ل دهۆك ئه‌نجام دا و نه‌رازيبوونا خوه به‌رامبه‌ر وێ بڕيارێ نيشان دا و راگه‌هاند كو ئه‌و ب وێ بڕيارێ د رازى نينن و داخوازێ ژ به‌رپرسێن بلندێن حوكمه‌تا هه‌رێما كوردستانێ كر كو چاره‌كێ بۆ كێشا وان ڤه‌بينيت.
ئه‌وان پۆليسان ئاماژه ب وێ چه‌ندێ ژى كر كو هه‌كه به‌رسڤا داخوازێن وان نه‌ده، ئه‌و دێ ل رۆژا پێنجشه‌مبى 30ى ته‌باخا 2018ێ ل هه‌مبه‌ر جڤاتا وه‌زيرێن هه‌رێما كوردستانێ خوه‌نيشاندانێ ئه‌نجام دان.
ئه‌ڤرۆ نيوز:
ژ بەر نەدانا مووچێ کارمەندێن راکرنا گلێشی ل سنوورێ ناحیا دێرەلۆک و شێلادزێ، بۆ ماوێ چەند رۆژەکایە دەست ب مانگرتنێ کریە و ئەڤ یەکە ژی بوویە جھێ گازندا وەلاتیان.
ئەندازیار حەمدی محیەددین، سەرۆکێ باژێرڤانیا دێرەلۆکێ بۆ رۆژناما ئەڤرۆ دیار کر، دەمێ چەند رۆژایە کارمەندێن راکرنا گلیشی کو بۆ کۆمپانیەکێ ب گرێبەست کار دکەن، دەست ب مانگرتنێ کریە و کارێ خوە ئەنجام نادەن و گۆت: “ئەڤ کارمەندە سەر ب کۆمپامیا ھیزل ڤە نە و ب گرێبەست ل گەل کار دکەن، دیارە ژ بەر گیرۆبوونا مووچێ وانا ژ لایێ کۆمپانیێ ڤە، وان ژی مانگرتن ژ کارێ خوە کریە، ئەڤ یەکە ژی بوویە جھێ گازندا وەلاتیان و رۆژانە چەندین گازندە دگەھنە مە”.
گۆتژی: “ئەم بەردەدوام د پەیوەندیێ داینە بۆ چارەکرنا ڤێ ئاریشێ و د ڤان دو رۆژان دا دێ ئاریشا وانا یا مووچەی ب دووماھی ھێت و ئەو کارمەند ژی دێ دەست ب کارێ راکرنا گلێشی کەنە ڤە”.
ئەڤرۆ نيوز:
رێڤەبەرێ نەخشەدانانا ئاڤەدانی ل پارێزگەھا دھۆکێ بۆ رۆژناما ئەڤرۆ دیار کر، ژ بەرکو پارکا گشتی یا دھۆکێ، ئێک ژ پڕۆژێن گرنگە بۆ باژێڕێ دھۆکێ، لەو سەرۆکێ حوکمەتا ھەرێما کوردستانێ و پارێزگەرێ دھۆکێ ب فەر دبینن ئەڤ پرۆژە زوو بکەڤیتە د قووناغێن ب جھئینانێ دا و دبێژیت: مە وەکو رێڤەبەریێن پەیوەندیدار دەست ب بەرھەڤکرنا پڕۆژەی کریە و قووناغا ئێکێ کو کۆژاندنا عەردێ پارکێ و قەرەبووکرنا مەلاکایە، د قووناغا دووماھیێ دایە و ل نێزیک ئەو وەلاتیێن ماف د وی عەردی دا ھەی؛ دێ ھێنە قەرەبووکرن.
ئەندازیار کوردۆ ئیحسان، رێڤەبەرێ نەخشەدانانا ئاڤەدانی ل پارێزگەھا دھۆکێ ئاشکرا ژی کر، پڕژێ پارکا گشتی یا باژێڕێ دھۆکێ؛ دێ رووبەرەکێ زۆر یێ کەسکاتی دەتە دھۆکێ و گۆت: “پارکا گشتی یا دھۆکێ ل سەر رووبەری نێزیکی 300 دۆنەمێن عەردی دێ ھێتە دروستکرن، ل دووڤ ماستەرپلانێ و بنەمایێن پلانسازیێ یێن زانستی، دیزاین و نەخشەکێ گەلەک باش بۆ ھاتیە دانان کو د کەڤیتە دەڤەرا ئالۆکا و ھەرسێ پشکێن پارێزگەھا دھۆکێ، وەکو دەڤەرێن فەیدیێ و دومیز، دەڤەرا سێمێلێ و دھۆکێ پێکڤە گرێ ددەت و دکەڤیتە سیچگۆشەیا وان”.
خویا ژی کر، ئاریشا کۆژداندنا وی عەردێ بۆ پارکێ ھاتیە دەستنیشانکرن ھەبوو کو عەردێ مەلاکا یە، لەو دڤیا ئەو وەلاتیە بھێنە رازیکرن و قەرەبووکرن، داکو ئەو عەردە ببیتە مۆلکێ حوکمەتێ و بشێین کار ل سەر بکەین و گۆت: “مە کۆژاندنا وی عەردی یا داخواز کری و نوکە ئەم ل گەل باژێڕڤانیا دھۆکێ کار دکەین کو قەرەبوویا وی خەلکی پەیدا بکەین و مافێ وان مەلاک و جۆتیارێن ماف د وی عەردی دا ھەی، بھێتە دەستنیشانکرن و بگەھنە مافێ خوە، نوکە ئەم د قووناغا دووماھیێ یا کۆژاندنا عەردی و قەرەبووکرنا وان وەلاتیان داینە یێ ماف د وی عەردی دا ھەی و ل نێزیک دێ ھێنە قەرەبووکرن”.
گۆتژی: “ھەموو خزمەتگۆزاری د ناڤ پارکێ دا ھەنە، مینا: جھێن وەرزشی بۆ وەلاتیان، جھێن ھاژۆتنا پایسکلان، کافێ، خوارنگەە، ئۆتێل و مۆتێلێن چار و پێنج ستێر، سیلاڤێن ئاڤێ و برکێن مەزن یێن ئاڤێ و سکرێن بچووک، جھێن بھێنڤەدانان و ل گەل رووبەرەکێ زۆر یێ کەسکاتی و داروباران”.
ل دۆر شێوازێ ب جھئینانێ ژی ئەندازیار کوردۆی گۆت: “ژ بەر کو پڕۆژێ پارکا گشتی یا دھۆکێ، پڕۆژەکێ مەزنە و کۆژمەکێ مەزن یێ پارەی بۆ دڤێت، لەو حوکمەت دێ ب رێیا رێڤەبەریێن خوە یێن پەیوەندیار و وەبەرھێنانێ دێ ب جھئینیت، دیسا ئەم دخوازین سەرمایەدار ژی بھێن وەبەرھێنانێ تێدا بکەن”.
ئه‌ڤرۆ نيوز:
ل باژێرێ پاریس یێ پایتەختێ فرەنسا سەرۆکێن وەلاتێن ئەندام د ئێکەتیا ئورۆپا دا راگەھاندن کو دڤێت پەیوەندیێن ل گەل ئەمریکا ژ نوو ڤە بھێنە سەرەراست کرن و ھەر بریارەکا کو پەیوەندیا وێ ب (ناتۆ) و ئێکەتیا ئورۆپا ھەبیت دڤێت پشتی گەنگەشەکرن ل گەل وەلاتێن ئێکەتیا ئورۆپا بھێتە بجھئینان.
ھایکو ماس وەزیرێ دەرڤە یێ ئەلمانیا راگەھاند کو دڤێت ئورۆپا خوەدان سیاسەتەکا خوە یا جودا بیت و نە د بن فشارا ئەمریکا دا بیت و گۆت: (ئەلمانیا ژ سیاسەتا ئەمریکا ل ھەمبەر ئورۆپا نەرازیە و دڤێت ئەمریکا وەک ھەڤپشک نێزیکی ئەلمانیا و ئێکەتیا ئورۆپا ببیت و د ھەر پێنگاڤەکێ دا گرنگیێ بدەتە بەرژەوەندێن ئەلمانیا و ئێکەتیا ئورۆپا).
وەزیرێ دەرڤە یێ ئەلمانیا راگەھاند ژی کو وان چاڤەرێ دکر ئەمریکا بەری سزادانا ئیرانێ، تورکیا و چینێ پرسیارێ ژ ئێکەتیا ئورۆپا بکەت لێ مخابن ترامپی بەرژەوەندێن ئورۆپا ژبیر کرینە و گۆت: (سیاسەتا ترامپی یا دەرڤە ب تەمامی ل دژی ئورۆپایە و نابیت ترامپ سیاسەتا ئابووری یا خوە ل سەر مە فەرز بکەت و بێی گەنگەشەکرن ل گەل ئێکەتیا ئورۆپا بریارێن وەسا ل دژی چینێ، ئیرانێ، روسیا و تورکیا بدەت، ژ بەر کو د گەلەک واران دا پەیوەندیێن مە یێن ئابووری ل گەل ڤان وەلاتان ھەنە و سەپاندنا سزایێن ئابووری بۆ سەر ڤان وەلاتان زیانەکا مەزن دگەھینیتە ئەلمانیا و ئێکەتیا ئورۆپا).
نيشاندان