ئهڤرۆنيوز:
شيرهتكارێ جڤاتا ئاسايشا ههرێما كوردستانێ مهسرور بارزانى ئهڤرۆ پێنجشهمبى 4/10/2018 پێشوازى ل هادى عامرى سهرۆكێ ههڤپهيمانيا فهتح كر.
دديدارهكێ دا دووماهى پێشهاتێن پرۆسا سياسى يا عيراقێ وبزاڤێن پێكئينانا حوكمهتا عيراقى يا نوو هاته بهحسكرن، ههردو دووپاتى ل پێدڤيا پێگيريێ ب بنهمايێن دستوورى ورێزگرتن ل مافێ پێكهاتان كر.
هادى عامرى پيرۆزباهيا سهركهفتنا ههلبژارتنێن ههرێمێ بۆ پهرلهمانێ كوردستانێ ل پارتى كر وهيڤى خواست پێنگاڤهكا كاريگهر بيت بۆ بهر ب پێشڤهبرنا بارودۆخان.
ل دۆر بزاڤێن پێكئينانا كابينا نوو يا حوكمهتا عيراقا فيدرال، مهسرور بارزانى ئاماژه ب پێدڤيا ههبوونا بنهمايێن ههڤپشكيێ وههڤسهنگيێ وسازانێ كر وداخوازكر هادى عامرى رۆلهكێ كاريگهر بگێريت بۆ چهسپاندنا ڤان بنهمايان.
مهسرور بارزانى سهبارهت رۆل وشيانێن عادل عهبدولمههدى راسپارديێ پێكئينانا حوكمهتا نوو يا عيراقا فيدرال، راگههاند” عادل عهبدولمههدى ب كهسهكێ ههژى بۆ ب رێڤهبرنا پۆستێ سهرۆك وهزيرێن عيراقا فيدرال دزانين، هيڤيدارين ههموو شيانێن خوه بكاربينيت بۆ چارهسهركرنهكا ب لهز وگونجاى بۆ پرس وكێشێن ههلاويستى دناڤبهرا بهغدا وههولێرێ دچارچۆڤێ دستوورى، ههروهسا كاربكهت بۆ دابينكرنا خزمهتگوزاريێن بنهرهتى ورۆژانه بۆ وهلاتيێن عيراقێ”.
ئهڤرۆنيوز:
سكرتێرێ مهكتهبا سياسى يا پارتى فازل ميرانى ئهڤرۆ پێنجشهمبى 4/10/2018 پێشوازى ل عومهر كهندهرى كونسۆلێ دهولهتا كوێتێ ل ههرێما كوردستانێ كر.
فازل ميرانى دوێ ديدارێ دا ئاماژه ب شێوێ ههلبژارتنا سهرۆك كۆمارا عيراقێ وئهنجامێن وێ كر كو دوور بوو ژ سازانا لايهنێن كوردستانى، چونكى ئيستيحقاقێ گهلێ كوردستانێ يه وپێدڤى بوو ب تهوافوقا لايهنێن سياسى يێن كوردستانێ هاتبا ئێكلاكرن”.
كونسۆلێ كوێتێ پيرۆزباهيا سهركهفتنا ههلبژارتنێن پهرلهمانێ كوردستانێ كر كو د سهقايهكێ ئێمناهيێ وديموكراسيێ هاتنه ئهنجامدان.
ئهڤرۆنيوز:
سهرۆك مهسعود بارزانى ئهڤرۆ پێنجشهمبى 4/10/2018 پێشوازى ل هادى عامرى سهرۆكێ ههڤپهيمانيا فهتح كر.
دكۆمبوونهكێ دا رهوشا سياسى يا عيراقێ ودووماهى پێشهاتين ناڤ پرۆسا سياسى دا هاته بهحسكرن ورۆناهى هاته خستن ل سهر روودانێن رۆژا دويا ئوكتۆبهرێ دناڤ پهرلهمانێ عيراقێ ول دۆر وان روودانان عامرى دلگرانيا خوه نيشان دا كو لايهنێن كوردستانى نهشيان ئێك بهربژارێ ههڤپشك بۆ پۆستێ سهرۆك كۆمارا عيراقێ ديار بكهن وزێدهبارى ئاماژه دان ب رۆلێ كاريگهرێ پارتى ولايهنێن كوردستانێ دپرۆسا سياسى دا، هيڤى خواست كو دپرۆسا پێكئينانا حوكمهتا عيراقى يا نوو دا، لايهنێن كوردستانى رۆلێ خوه يێ كاريگهر ببينن.
ئهڤرۆ نیۆز،عهزیز ههورامی
برياردهرێ كۆمسيۆنا بلند يا ههلبژارتنان وراپرسيێ ل ههرێما كوردستانێ، ئيسماعيل خۆرمالى، راگههاند، ههتا نوكه نههاتيه ئێكلاكرن كهنگى دێ ئهنجامێن ههلبژارتنان راگههينين وئهڤرۆ دێ كۆمسيۆن ل دۆر وێ چهندێ كۆمبيت ودێ بريارا خوه دهت.
ئيسماعيل خۆرمالى، برياردهرێ كۆمسيۆنا بلند يا ههلبژارتنان وراپرسيێ ل ههرێما كوردستانێ گۆت ژى” وێ چهندێ رهت دكهين كو كۆمسياران ناكۆكى ههبيت، ل ههر چار پارێزگههێن ههرێما كوردستانێ سكالا ژلايێ قهوارێن سياسى ڤه هاتينه تۆماركرن وههتا نوكه سكالايێن دهۆكێ وسلێمانيێ نههاتينه ئێكلاكرن”.
دياركر” 440 سكالا ل ههولێرێ ل سهر ههلبژارتنان هاتينه تۆماركرن ول پارێزگهها دهۆكێ 98 سكالا ول پارێزگهها ههلهبجه 23 سكالا ول پارێزگهها سلێمانيێ 474 سكالا”.
ل دۆر وێ چهندێ كو هژمارهكا كهنالێن راگههاندنێ بهحسێ ههبوونا كێشان دكهت دناڤبهرا كۆمسياران، ناڤبرى رهتكر كێشه ههبن دناڤبهرا كۆمسياران وگۆت” ئهوا ههى بير وبۆچوونێن جودانه ومه دڤێت ئهنجامهكى بۆ رايا گشتى بهلاڤ بكهين كو ل دووماهيێ بۆمه كێشان روست نهكهت”.
ئهڤرۆنيوز:
سهرۆك وهزيرێن عيراقێ يێ راسپاردى عادل عهبدولمههدى درۆهنكرنهكێ دا ئهڤرۆ پێنجشهمبى 4/10/2018 تويتهر وفهيسبووكێ خوه ئاشكرا دكهت.
نڤيسينگهها راگههاندنا عادل عهبدولمههدى درۆهكرنهكێ دا بهلاڤكر” چهندين بهرپهرێن سهختهكارى ل سهر ههردو تۆرێن جڤاكى تويتهر وفهيسبووك ب ناڤێ سهرۆك وهزيرێن عيراقێ يێ راسپاردى عادل عهبدولمههدى يێن ههين كو چو پهيوهندى ب مهڤه نينه وئهم دبهرپرسيار نينين ژ ههر تشتهكێ تێدا بهێته بهلاڤكرن”.
دياركر ژى” ئهو بهرپهرێن فهرمى يێن عادل عهبدولمههدى ل سهر تۆرێن تويتهرى وفهيسبووكى ئهڤهنه:
ئهڤرۆنيوز:
رێڤهبهريا هاتنوچوونا پارێزگهها دهۆكێ ئاگههداريهك ل دۆر دانانا دو كاميرێن چاڤدێريا لهزاتيا ترومبێلان ئاراستهى شوفێران دكهت.
رێڤهبهريا هاتنوچوونێ دياركر كو ئهڤرۆ پێنجشهمبى 4/10/2018 كاميرا جادا زاويته بۆ دهۆك بهرامبهر گۆندێ بێسرێ كهفته كارى”.
دياركر ژى” ههر ئهڤرۆ كاميرا جادا سێمێل – زاخۆ ل بهرامبهرى پانزينخانا فارس كهفته كارى”.
ئەڤرۆ نیوز،بارزان مزووری:
دەرمان باعەدری،چالاكڤان و رۆژنامەڤانێ ئێزدی ل پەرستگەها لالش بۆ ئەڤرۆ نیوز دياركر كو پشتی چار سالا ژ فەرمان و كارەساتا ب سەرێ ئێزدیان هاتی ل دەڤەرا شنگالێ، ئەڤ ساله بۆ ئێكەم جارە رێورەسمێن جەژنا جەمایێ دێ هێن گێران بۆ ماوێ 7 رۆژان دێ بەردەوام بیت هەر ژ رۆژا شەمبی دێ ب دەست ب رێورەسمان هێته كرن ،
ناڤبری دیار كر كو سالا بۆری گەلەك ژ كوردێن ئێزدی بەرهەڤیێن باش كربوون كو بهێنە پەرستگەها لالش بەلێ سالا بۆری دڤی وەختی دا فروكخانێن هەرێمێ هاتن گرتن نەشیان بهێن بەشداری رێورەسمان بن بەلێ ئەڤ سال وان دوبارە بەرهەڤی كریە كو سەرەدانا كوردستانێ بكەن ل پەرستگەها لالش بمینن ل دەف وان دێ بن دو جەژن ل پێش سالا بۆری ڤە ژی.
گۆت ژى: پێشبینی دهێت كرن كو 80 هزار كەس سەرەدانا پەرستگەها لالش بكەن د رۆژا ئێكێ یا جەژنێ دا ، گەلەك ژوان ئێزدیێن ئەرمینیا بو ئێكەم جارە دێ بەشداری جەژنا جەمایێ بن ل پەرستگەها لالش گەلەك ژ كوردێن ئێزدی یێن كوردستانێ و دەرڤەی كوردستانێ ئەڤە ئەینیەكە كارێ خو كری ل پەرستگەهێ دمینن جهێن ڤەحەواندێ بخو دروست كرینە و ماركێت و خارنگە دروست كرینە بو ئێكەم جارە بەرهەڤی یێن ب ڤی شێوەی هاتینە كرن .
ئهڤرۆ نيوز:
رێڤهبهريا پۆليسێن پارێزگهها دهۆكێ ئاگههداريهك بهلاڤكر كو ئهڤا ل خوارێ ژى دهقێ وێ يه:
خوشبەختانە پروسا ھەلبژارتنێن پەرلەمانێ کوردستانێ ب رێک و پێکی و شارستانی برێڤەچوو و ل ھەر دوو روژێن دەنگدانا تایبەت و گشتی خەلکێ مە ب شێوەیەکێ سەردەمیانە پشکداربوون کو ئەڤ چەندە بو ھەر تاکەکێ کورد و ھەڤال و دوستێن مللەتێ مە ژی جھێ شانازیێ یە.
وەکو رێڤەبەریا پولیسێن پارێزگەھا دھوکێ ل ھەر ھەلکەفت و بیرەوەریەکێ پێش وەخت پلانا ئێمناھیێ ددارێژین و ب ھەمی شیانا کار دکەین داکو لایەنێ ئێمناھیێ ب پارێزین..
ل ڤێ ھەلبژارتنێ مە شیا ب ھەڤکاریا دەزگایێن دی یێن ئێمناھیێ و پشتەڤانیا وەلاتیێن خو یێن دلسوز ب باشترین شێوە و بێ ھاتنە پێشا ئاریشە و گرفتان ڤێ پروسێ دەرباز بکەین و ببینە پرەک بوو بەرقرارکرنا ئارامیێ و ب ساناھی ئێخستنا رێکێ ژبو وەلاتیان و کارێ کومسیونێ.
وەلاتیێن خوشتڤی..
نوکە ئەم یێ چاڤەرێ راگەھاندنا ئەنجامان دکەین کو ژلایێ کومسیونا سەربخو یا ھەلبژارتنا بھێنە راگەھاندن داخوازا مە ئەوە ب شێوەکێ سەردەمیانە و شارستانی پێشوازی ل ئەنجامان بھێتە کرن و دویرکەڤن ژ رەفتارێن تێکدانا رەوشا باژێری و تایبەت ھاڤێتنا گولەیان …
ژبەرکو گەلەک جاران ئەڤ چەندە بویە ئەگەرێ شینی و تازیێ ل ناڤا ھندەک مالان و گەلەک کەسان ل ڤان دەلیڤان گیانێ خوە ژ دەست دایە یان ب سەختی بریندار بوینە و ژیانا وان کەفتیە د مەترسیێ دا
وەکو ئەوا بەری چەند روژان ل سلێمانی و چەمچەمال ھاتیە پێش کو (٢) کەسا گیانێ خو ژدەست دایە و (٣) یێن دی بریندار بوینە ب ئەگەرێ تەقەکرنێ ..
لەورا ھیڤیدارین ژ وەلاتیێن خو دویرکەڤن ژ ڤان رەنگێن دەربرینا خوشیێ ، دیسان داخازێ ژ ھەمی کاندیدێن سەرکەفتی دکەین ھاریکار بن دگەل مەدا و کەس و کارێن خو ئاگەھدار بکەن ب ھیچ رەنگەکی گوللە نەھێنە ھاڤێتن و ھەر کەسێ رابیتن ب ھاڤێتنا گولەیان دێ ژلایێ مەڤە ھێتە دەستەسەرکرن و رەوانەکرن بوو دادگەھێ .
رێڤەبەریا پولیسێن پارێزگەھا دھوک
4/10/2018
نيشاندان