ئەڤرۆ نيوز:
چاڤدێرێ سیاسی عارف قوربانی بۆ رۆژناما ئەڤرۆ راگەھاند، پێدڤی بوو بەری کوردان بڕیارا بایکوتکرنا ھەلبژارتنێن عیراقێ یان پشکداری کرنێ ل دەڤەرێن داگیرکری یێن دەرڤەی ئیدارا ھەرێما کوردستانێ بدەن، دڤێت کوردان کومبوونەک ئەنجام دابا، دەرئەنجامێ وێ کومبوونێ بڕیار ل سەر بایکوت یان پشکداری د ھەلبژارتنێن عیراقێ دا ھاتبادان، و ئێک بڕیار ھەبا، بەلێ ڤێ پارچەبوونا نوکە یا کوردان ل کەرکووک کو چەند حزب دێ پشکداری ھەلبژارتنان بن و ھندەک ژی بایکوتکرنێ دکەن، کارەکێ مەرتسی بۆ پێگەھێ کوردایە.
چاڤدێرێ سیاسی ھەروەسا گۆت: دەمی سوونیان د ھەلبژارتنێن سالێن بۆری ب ئەگەرێ رەوشەکا تایبەت کو ب سەر وانا دا ھاتبوو سەپاندن، بەلێ دەرئەجام ھەر وانا زەرەرکرن، و پێگەھێ خوە ل پەلەرمانێ عیراقێ لاۆازکرن، لەورا نوکە ھەرێما کوردستانێ تووشی رەوشەکا نالەبار بوویە ل گەل بەغدا، کو نوکە ب ئاشکرایی حوکمەتا عیراقێ زالبوونا خوە ل سەر کوردستانێ د سەپەینیت، لەروا ل وان دەڤەرێن دەرڤەیا ئیدارا ھەرێمێ جارەکا دیتر دەست ب تەعریبکرنێ کریە، لەورا ھەکە نوکە بایکوتکرنا ھەلبژارتنێن عیراقێ بکەن، دەرئەنجامێن وێ بۆ چوار سالێن دیتر دێ دبەردەوامبن، و دبیت رەنگە رەوشا نوکە روودانەک بھێتە پێش و گوھۆڕین ل دەڤەرێ پەیداببن ب قازانجێ کوردان دا تەرازی دابشکێت، و دووماھی ب دەستھەلاتا عیراقێ ل وان دەڤەران بھێت.
عارف قوربانی خوەیاکر، ب دیتنا من کورد دڤێت پشکداری ھەلبژارتنێن دەڤەرێن کوردستانێ و ناڤخوەیا عیراقێ بکەن، پشتی ھەلبژارتنان ڤەکولینا ل سەر کا داخوازیا چ پۆستەکی دحوازن بکەن، نەخاسم پشتی نەمانا سەدام حسێن پۆستێ سەرۆک کۆماری بۆ کوردان بوویە، بەلێ کێمکرنا دەستھەلاتێن سەرۆک کۆماری ددستورێ عیراقێ کو بشێوەکێ رەمزی بمینت، بتایبەتی چەندین قانوون دژی کوردان ھاتن دەرخستن بەلێ سەرۆک کۆمار نەشیایە رێگریێ لێ بەکەت، بەلێ بەرۆڤاژی وێ چەندێ کو سوونا پۆستێ سەرۆک پەرلەمانی ھەیە نەھێلان ئێک قانوون ژی دژی وانا دەکەڤیتن، لەورا دڤێت کورد داخوازا پۆستێ سەرۆک پەرلەمانی بکەن.
نيشاندان