ئهڤرۆنيوز:
بيڤهلهرزهكێ ل دهمژمێر 11:15 ل شهڤا بۆرى ل دهڤهرا گهرميان ل ههرێما كوردستانێ دا.
سيروان سالح شارهزايێ بيڤهلهرزان داخۆيانيهكا رۆژنامهڤانيدا گۆت” وێ بيڤهلهرزێ ل دهڤهرێن دناڤهبهرا ناحيا قۆرهتو وگوندێ رهزوارى ل سنۆرێ دهڤهرا گهرميان دا وهيزا وێ 3،9 بوو ل دووڤ بيڤهرهێ رێختهر يێ جيهانى”.
دياركر ژى كو كووراتيا وێ بيڤهلهرزى 9 كيلومهتر دبن ئهردى ڤهبوو، بهلێ چو زيان ل دووڤ خوه نههێلان.
ئاماژه دا كو خهلكێ قهزا كهلار ژى ههست ب وێ بيڤهلهرزێ كر.
ئهڤرۆنيوز:
ئهڤرۆ ل دهمژێر 12 نيڤرۆ، سايلۆيل سلێمانيێ كو ل سالا 1978 ژلايێ كۆمپانيهكا رووسى هاتيه ئاڤاكرن، هاته پهقاندن.
پهقاندنا وێ سايلۆيێ كو رووبهرێ وێ 27 دونهم بوو، ب مهرهما دروستكرنا پرۆژهكێ گهشتيارى وئاكنجيبوونێ يه ب ناڤێ (داون تاون).
مهلا ياسين پهيڤدارێ ئێكهتيا وهبهرهێنهرێن كوردستانێ راگههاند بوو”ئهو پرۆژه پرۆژهكێ وهبهرهێنانێ يه ژلايێ وهبهرهێنهرهكێ خهلكێ سلێمانيێ دهێته بجهئينان كو دێ بيته پرۆژهكێ گهشتيارى وئاكنجيبوونێ ودێ ب كواليتيهكا بلند هيته بجهئينان ومهزاختيێن مهزن دێ لێ چن”.
ديسا گۆتبوو” ئهو پهقينه كارهكێ جياوازه بۆ ديرۆكا سلێمانيێ وكوردستانێ وههتا عيراقێ ژى، چونكى ههتا نوكه ل سهنتهرێ باژێران ئهم كاره نههاتيه ئهنجامدان”.
پهيڤدارێ ئێكهتيا وهبهرهێنهرێن كوردستانێ ئاماژه دا بوو كو ل بهرامبهر وێ چهندێ سايلۆيهكا نوو وب كواليتيهكا باش ول دووڤ ستانداردێن جيهانى ل دهڤهرا شارهزوور يا هاتيه دروستكرن وئاڤاهيهك ژى بۆ فهرمانبهرێن وێ يێ هاتيه دروستكرن”.
سهرۆكێ لژنا چاندنێ ل جڤاتا پارێزگهها سلێمانيێ، كاسترۆ مهعروف، بۆ خهندان گۆتبوو” ئهڤه ستهمهكه ل سلێمانيێ دهێته كرن چونكى ب كوژمێ 100 مليۆن دۆلاران دا هێته نووژهنكرن وبيته سايلۆيهكا باشتر ژوێ ئهوا نوكه هاتيه دروستكرن”.
ئەڤرۆ نیوز ،زنار تۆڤی :
هنارتیێ نەتەوێن ئێكگرتی ل عێراقێ (یۆنامی) ئامارا قوربانیێن توندوتیژیێ بۆ هەیڤا كانوونێ دوویێ بەلاڤکرینە و ئاماژە كریە کو دوێ هەیڤێدا 365 كەس بووینە قوربانی.
لدووڤ بەیانناما هنارتیێ نەتەوێن ئێكگرتی هژمارا كوشتنا وەلاتیان د هەیڤا بوریدا گەهشتیە 115 كەسان 250 کەس ژی برینداربووینه ژ ئەنجامێ كریارێن تیرۆریستی و توندوتیژیێ.
هەروەسا لدووڤ وێ بەیاننامێ بەغدایا پایتەخت خراپترین پارێزگەه بوویە و 90 كوشتی و 233 بریندار هەبووینە،پشتی هنگێ پارێزگەها دیالا دهێت كو هەشت كوشتی و 15 بریندار هەنە،پاشی نەینەوا دهێت کو 13 كوشتی و حەفت بریندار لێ كەفتینە.
ئهڤرۆنيوز:
وهزيرێ ئابوورێ توركى، نيهاد زيبكجى، ئهڤرۆ پێنجشهمبى 1/2/2018، راگههاند، ئهنقهره پشتهڤانيێ ل ڤهكرنا ههردو دهرگههين فيشخابۆر وئۆفا كوى ل گهل عيراقێ دكهت. ئاماژه دا كو تنێ حوكمهتا ناڤهندى يا عيراقێ خودانا بريارێ يه ل دۆر ههموو كهلوپهلێن ب رێيا دهرگههێن گۆمركى دچنه دناڤ عيراقێ دا.
ئاخڤتنين وهزيرێ ئابوورێ توركى دچارچۆڤێ كۆمبوونا وى ل گهل سهلمان ئهلجومهيلى وهزيرێ پلاندانانا عيراقێ ووهزيرێ بازرگانيا عيراقێ ب وهكالهت كو ئهڤرۆ پێنجشهمبى دگهل شاندهكى سهرهدانا توركيا كريه.
وهزيرێ توركى، ل دووڤ ئاژانسا ئهنادۆل يا توركى، گۆت ژى” ئهم دبينين كو تنێ حوكمهتا ناڤهندى يا عيراقى خودانا بريارێ يه ل دۆر كهلوپهلێن ب رێيا دهرگههێن گۆمركى دچنه دناڤ عيراقێ دا وپشتهڤانيێ ل ڤێ چهندێ ژى دكهين وئهم دژى سهپاندنا باجێ نه كو ژلايێ دهستههلاتهكا دى ڤه بهێته كرن”.
ناڤبرى ئاماژه ب قهبارێ ئالوگۆريا بازرگانى دسالا بۆرى دا دناڤبهرا ههردو وهلاتان دا كر كو 15% يا زێدهبووى ههمبهركرن ل گهل سالا 2016 وهيڤى خواست دسالا 2018 دا زێدهتر ببيت.
ل دۆر ڤهكرنا دهرگههێ (ئۆفاكوى) يێ سنورى، گۆت” پێدڤيه ئهو دهرگههه ددهمهكێ كورت دا بهێته ڤهكرن وبهرههڤيێن تهكنيكى بلهز يێن دهێنه ئهنجامدان ودشياندايه ددهمێ چهند ههيڤان دا بهێته ڤهكرن”.
ژلايێ خوهڤه، سهلمان ئهلجومهيلى وهزيرێ پلاندانانا عيراقێ ووهزيرێ بازرگانيێ ب وهكالهت گۆت” عيراق مهزنترين ههڤپشكێ بازرگانيێ توركيايه وگهلێ عيراقێ خواست يا ل سهر كهلوپهلێن توركى ههى ژبهر كواليتيا وان”.
دياركر ژى كو داعشێ ب كوژمێ 100 مليار دۆلاران زيان گههاندينه عيراقێ وداخوازا پشكداريا كۆمپانيێن توركى ددوباره ئاڤهدانكرنا عيراقێ دا كر”.
وهزيرێ عيراقێ ئاماژه دا كو ئهو ل هيڤيا ڤهكرنا دهرگههێ (ئۆفاكوى) نه وئهڤ دهرگههه دێ رێ ل ههبوونا دو باجيێ گريت ودێ بيته ئهگهر كو كهلوپهلێن توركى ب شێوهكێ بلهزتر بگههنه عيراقێ.
ئهڤرۆنيوز
برياره سوباهى ئهينيێ 2/2/2018، ل دهمژمێر 10 سپێدێ د كونترۆلهكا ئهمنى يا ب هێز دا، سايلۆيهك ل سلێمانيێ ژلايێ كۆمپانيهكا جيهانى ڤه بهێته پهقاندن.
مهلا ياسين پهيڤدارێ ئێكهتيا وهبهرهێنهرێن كوردستانێ راگههاند”ئهو پرۆژه پرۆژهكێ وهبهرهێنانێ يه ژلايێ وهبهرهێنهرهكێ خهلكێ سلێمانيێ دهێته بجهئينان كو دێ بيته پرۆژهكێ گهشتيارى وئاكنجيبوونێ ودێ ب كواليتيهكا بلند هيته بجهئينان ومهزاختيێن مهزن دێ لێ چن”.
گۆت ژى” ل رۆژا ئهينيێ درێ ورهسمهكێ تايبهت دا ودكونترۆلهكا ئهمنى يا ب هێز دا وب چاڤدێريا پارێزگهرێ سلێمانيێ ودهزگههێن پهيوهنديدار يێن حوكمهتێ، سايلۆيا سلێمانيێ دێ هێته پهقاندن”.
دياكر” ههموو بهرههڤى يێن هاتينه كرن بۆ پهيقاندنا وێ سايلۆيێ ب جۆرهكى كو زيان نهگههيته پرۆژێن دهوروبهر”.
رۆهنكر ژى” دديرۆكا كوردستانێ دا، ههتا نوكه پهقاندنهكا وهسا نههاتيه ئهنجامدان، پێدڤيه خهلكێ باژێرێ سلێمانيێ دئاگههدار بن ب تايبهتى وهلاتيێن ل تاخێن نێزيكى سايلۆيێ”.
ديسا گۆت” ئهو پهقينه كارهكێ جياوازه بۆ ديرۆكا سلێمانيێ وكوردستانێ وههتا عيراقێ ژى، چونكى ههتا نوكه ل سهنتهرێ باژێران ئهم كاره نههاتيه ئهنجامدان، پهقينێ دێ دهنگهكێ گهلهك مهزن ههبيت وددهمێ چركهكێ دا ئاڤاهيێ سايلۆيێ دێ كهڤيته سهر ئهردى”.
پهيڤدارێ ئێكهتيا وهبهرهێنهرێن كوردستانێ ئاماژه دا كو ل بهرامبهر وێ چهندێ سايلۆيهكا نوو وب كواليتيهكا باش ول دووڤ ستانداردێن جيهانى ل دهڤهرا شارهزوور يا هاتيه دروستكرن وئاڤاهيهك ژى بۆ فهرمانبهرێن وێ يێ هاتيه دروستكرن”.
سهرۆكێ لژنا چاندنێ ل جڤاتا پارێزگهها سلێمانيێ، كاسترۆ مهعروف، بۆ خهندان گۆتبوو” ئهڤه ستهمهكه ل سلێمانيێ دهێته كرن چونكى ب كوژمێ 100 مليۆن دۆلاران دا هێته نووژهنكرن وبيته سايلۆيهكا باشتر ژوێ ئهوا نوكه هاتيه دروستكرن”.
ئهڤرۆنيوز:
وهزارهتا دارايى وئابوورى ل ههرێما كوردستانێ راگههاند كو ل ههفتيا داهاتى مووچێ ڤان جهان دێ هێته بهلاڤكرن:
ئهڤرۆنيوز، نهوزاد هلۆرى:
جوتیارهكێ گوندێ بالندا يێ سهر ب دهڤهرا بارزان ڤه د نووترین داهێناندا كارێ خوه حهفت جاركى ب ساناهى كریه ئهو ژى ب چێكرنا ئامیرهكێ تایبهت ب چاندنا توفكێ دهرامهتىو ئهڤه سهرهراى كو چو وهستيانێ ژى نابهت.
عهبدولخالق زێبارى ئهو جوتیاره بۆ ئهڤرۆ نیوز دبێژيت” ئهز سالانه چاندنێ دكهم ب تایبهتى دهرامهتێ وهكو (باجان ،خیار ، شتى ، گوندور ، كولند و بامى) و گهلهك دهرامهتێن دى، ئهز گهلهك پێدڤى ب دهمى مه ههتاكو بكارم توفكێ وان دهرامهتان ههموويان بچينم ، ژبهرڤێ من هزر دوێ یهكێ دا كر كو پێدڤیه كارهكێ بكهم ببیته هاریكار كو بارێ من سڤك بیت و كارێن من ژى ب ساناهیتر ب رێڤه بچن و ژ وهستيانێ و پشت ئێشانێ ژى دوور ببم، ژ بهرڤێ ئهز رابووم ب چێكرنا ئامیرهكێ تایبهت ب چاندنا توفكێ دهرامهتى ڤه و تێدا يێ سهركهفتى بووم”.
زێدهتر گۆت” ئهڤ ئامیرێ من چێكرى چو ناڤێن زانستى نینن و مه ناڤێ وێ كریه ئامیرێ چاندنا توفكێ دهرامهتى ، بهلێ شیانێن حهفت بهرامبهر چاندنا توفكێ دهرامهتى یه ب دهستى ،ئهڤه سهرهراى كو مرۆڤ ناروونيت خوار، بهلكو ههر ژ پیاڤه دهێته چاندن ،ههكه مرۆڤ ب دهست توفكێ دهرامهتى بچینیت، دێ دههر دهمژمێرهكێ دا ههتا نێزیكێ 500 دندكان چینیت ، بهلێ ب ههمان دهمى ههكه ب رێیا ڤى ئامیرهى بهێته چاندن، دێ د دهمژمێرهكێ دا ههتا نێزیكێ شهش هزار دندكان چینیت وههكه مرۆڤ رۆژانه ب دهستى توفكێن دهرامهتى بچینیت، دبيتههتا نیڤرۆ پێنج هزار دندكێن توفكى بچینیت، بهلێ ههكه ب رێیا ڤى ئامێرهى بچینیت، دێ ههتا نێزیكێ 30 هزار دندكان چینیت”.
ناڤبرى دیاركر ژى كو ههتا نها چو ئامیرێن تایبهت ب چاندنا توفكێ دهرامهتى ل كوردستانێ نینن و ههر ب دهست دهێنه چاندن و دهم ووهستيانهكا مهزن دهێتهبرن و گۆت ژى” ئهڤ ئامیره پێكدهێت ژ ئاسنهكێ كون كو زێدهتر ژ مهترهكێ يێ بلنده و ل سهرێ وى كوفكهك پێڤهیه داكو دندكێن دهرامهتى بكهن تێدا و ل خوارێ ژى كون یا ڤهكریه و دهرگهههك پێڤهیه و ل دهمێ چاندنا دهرامهتى ئهو دهرگهه ڤه دبیت، و سهر و بنێن وێ ئاسنى ب تێلهكێ ڤه هاتینه گرێدان و ههردهمى ل سهرى بهێته گڤاشتن، ئێكسهر دهرگههێ وێ ل خوارێ ڤه دبیت و توفك دكهڤیته سهر ئهردى، دیسان ل خوارێ سهرێ ئاسنى هاتیه تیژكرن داكو ئهو ب خوه جهێ دندكا توفكێ بكولیت دهمێ ئهو دندك دكهڤیته ئهردى دا بچته د ئاخێ دا”.
ئەڤرۆ نیوز، نەوزاد هلۆری:
وەزارەتا خواندنا بلند و ڤەكولینێن زانستی یا حوكمەتا هەرێما كوردستانێ دیاركر كو ئەڤرۆ شاندەكێ وەزارەتا خواندنا بلند و ڤەكولینێن زانستی یا عیراقێ سەرەدانا وان كریە ب مەرەما هوربينيێ ل سەر لیستا موچەخۆر و فەرمانبەرێن وەزارەتا خواندنا بلند.
د راگەهاندنەكێ دا وەزارەتا خواندنا بلند و ڤەكولینێن زانستی ل هەرێما كوردستانێ دیاركر كو وەزارەتا خواندنا بلند و ڤەكولینێن زانستی یا عیراقێ ب سەرۆكاتیا (محەمەد عەبد عەتیە) سەرۆكێ لژنا بلند يا هووربينيێ سەرەدانا وان كریە و مەرەما وان ژی هوربینی یە ل سەر لیستا موچەخۆر و هژمارا فەرمانبەرێن وەزارەتا خواندنا بلند و ل دەما دوو رۆژێن بۆری چەند كۆمبوون ل سەر هوربینیكرنێ هاتینە ئهنجامدان.
زێدەترتێدا هاتيه، سەرۆكێ لژنا ناڤبری یا عیراقێ داخوازكریە كو هەڤكاریا وان بهێتەكرن تاكو ب زووترین دەم هەموو هوربینی بهێنەكرن و هەموو ئەو ناڤ بۆ بەغدا بهێنە ڤرێكرن تاكو موچێن فەرمانبەرێن هەرێمێ ب هێتە هنارتن.
ئهڤرۆنيوز:
ژبهر نهبوونا مۆلهتا كاركرنێ، حوكمهتا عيراقێ بريارا برينا هێلا پهيوهنديا تهلهفۆنى دناڤبهرا كۆمپانيێن كوردتێل ل سلێمانيێ ونهورۆز تيليكۆم ل ههولێرێ ل گهل ههموو كۆمپانيێن مۆبايلێ ل عيراقێ دهركر.
فاتح ئهحمهد، پهيڤدارێ كۆمپانيا نهورۆز تيليكۆم دداخۆيانيهكا رۆژنامهڤانى دا گۆت” تۆرا راگههاندنا عيراقى يا ب سهر حوكمهتا عيراقێ ڤه، تۆرا پهيوهنديێ يا ههردو كۆمپانيێن نهورۆز تيليكۆم وكوردتێل ل گهل ههموو مۆبايلێن عيراقێ برى”.
دياركر ژى كو وان چهندين ساله مۆلهت ژحوكمهتا ههرێما كوردستانێ وهرگرتيه وب فهرمى كارى خوه كريه، بهلێ كۆمپانيێن كۆرهك مۆبايل وئاسيا سێل وزهين بێ زڤرين بۆ وهزارهتا ڤهگۆهاستنێ وگههاندنێ ل ههرێما كوردستانێ، ئێكسهر ئهو بريار يا بجهئيناى”.
پهيڤدارێ نهورۆز تيليكۆم دياركر” ئهو سزايهكا دى يا بهغدايه بۆ سهر ههرێما كوردستانێ، چونكى ژبهر وێ بريارێ، هژمارێن خزمهتگوزاريێن وان كو پهيوهندى ب خهلكى ڤه ههيه، كارناكهن وهكو 104 و124 ويێن دى ژى”.
ئهڤرۆنيوز:
وهزارهتا دارايى وئابوورى ل ههرێما كوردستانێ رۆهنكرنهكێ ل دۆر وى كوژمێ پارهى ئهوێ بهغدا هنارتيه ههرێمێ ددهت ودبێژيت ئهو پاره بۆ لقێ بهنكا ناڤهندى يا عيراقى ل ههولێرێ يێ هاتيه ڤرێكرن وڤێ بهنكێ پهيوهندى ب وهزارهتا دارايى يا ههرێمێ ڤه نينه.
درۆهنكرنا وهزارهتا دارايى دا كو دمالپهرێ وێ يێ فهرمى دا بهلاڤبوويه، هاتيه” ل رۆژا پێنج شهمبيا بۆرى 25/1/2018، كوژمێ 250 مليار دينار ژبهنكا ناڤهندى يا بهغدا هاتيه هنارتن بۆ لقێ بهنكا ناڤهندى يا عيراقێ ل ههولێرێ كو ڤێ بهنكێ پهيوهندى ب وهزارهتا دارايى وئابوورىيا حوكمهتا ههرێمێ نينه وكارێن وێ دبن بريارێن بهنكا ناڤهندى دانه.
وهزارهتا دارايى دياردكهت ژى كو چو پارهك ژ بهغدا نهگههشتيێ بۆ بهلاڤكرنا مووچهى، بهلكو لژنێن هاتينه پێكهاتن دناڤبهرا بهغدا وههولێرێ دبهردهوامن ل هووربينيێ ل ههموو وهزارهتان ژبلى ههردو وهزارهتێن پێشمهرگه وناڤخوه.
ههر دوێ رۆهنكرنێ دا هاتيه” وهزارهتا دارايى وئابوورى ههموو لايهكى پشت راست دكهت كو دێ بهردهوامبين ل سهر بهلاڤكرنا مووچهى وههر بريارهك ژبهغدا بهێت، دێ وهزارهتا مه راگههينيت”.
نيشاندان