ئەڤرۆ نیۆز،زنار تۆڤی:
ئیرانێ بریار دایە هەردو دەرگەهێن سنووری یێن پەروێزخان و حاجی ئۆمەران ڤەکەتەڤە.
عەبدولا ئاکرەیی، بەرپرسێ پەیوەندیێن هەرێما کوردستانێ ل گەل کۆمارا ئیسلامیا ئیرانێ راگەهاندیە،کو بەرپرسێن ئیرانێ ئەو ئاگەهدارکرینە کو ل شەڤا بوری هەردو دەرگەهێن نێڤدەولەتی یێن پەروێزخان و حاجی ئۆمەران هاتینە ڤەکرن.
هەروەسا مەسعود باتێلی، سەرپەرشتیارێ کۆمەلگەها گومرگا حاجی ئۆمەران راگەهاندیە: تا نوکە دەرگەهێ نێڤدەولەتی یێ حاجی ئۆمەران نەهاتیە ڤەکرن و ئیرانێ دەربارەی ڤەکرنا وی چو نە راگەهاندیە.
ئهڤرۆ نيوز:
ئيحسان شهممهرى راوێژكارێ سهرۆكايهتيا وهزيرێن عيراقێ راگههاند كو حوكمهتا عيراقێ 7 بريار ل سهر حوكمهتا ههرێمێ داينه ژ گرنگترين وان برياران ژى ( رادهستكرنا سنوورێن نێڤدهولهتى ل گهل توركيا و ئيرانێ و پێكئينانا لژنهكا بلند بۆ رێكخستنا كارێن دهرييێن سنورى، گومرگ و فرۆكخانان،
ئيحسان شهممهرى راوێژكارێ سهرۆكايهتيا وهزيرێن عيراقێ راگههانديه كو بريارا پێكئينانا لژنان بۆ هويربينيێ بۆ مووچێن فهرمانبهرێن ههرێمێ دهرچوويه و لژنا هويربينيكرنێ د ليستا مووچێن فهرمانبهرێن پهروهردێ و ساخلهميێ دهست ب كاربوويه.
سامال عهبدولرهحمان رێڤهبهرێ گشتى يێ گومركێن ههرێما كوردستانێ دياركر دووماهى پهياما ههرێمێ بۆ بهغدا ئهوه ئهگهر بهغدا مووچێ فهرمانبهرێن دهريێن سنورى و مووچێ ههموو فهرمانبهرێن ههرێمێ و پشكا بودجا ههرێمێ رادهستى ههرێمێ بكهت، ئهو د بهرههڤن دهريێن سنورى رادهستى بهغدا بكهن.
ئهڤرۆ نیۆز، رهمهزان ههرنى :
محهمهد فایهق بهرپرسێ راگههاندنێ ل قایمقامیا خورماتوو بۆ ئهڤرۆ نیۆز راگههاند: چهكدارێن حهشدا شهعبى ل خورماتوو ب رۆژ دهست ب دزیا كریه ههتا مالێ مزگهفتا ژى ددزن ئهو مالێن چۆ تشت ب دهست نهكهڤیت خانى دپهقینن و دسوژن.
محهمهد فایهق گوتژى، چهكدارێن حهشدا شهعبى بهردهوامن ل پێشیلكرنا مافێ مروڤ ل خورماتوو دهست ب دزیا كریهو ل گهل پهقاندن و سوتن و وێرانكرنا خانیێن هاولاتیان ،دزیا ل ههموو جها دكهن ههتا ل مزگهفتا گهرهكا كومار ل خورماتوو چهكدارێن حهشدا شهعبى مولیدهیا مزگهفتێ دزیه بهردهوام ترس ههیه كو كهرهستهیێن هاولاتیان ب دزن یان خانیا ب سوژن و خراب بكهن.
ناڤبرى دیاركر ، ب گشتى پشتى رودانێن 16 ێ ئوكتوبهرا سالا بورى چهكدارێن حهشدا شهعبى بهردهوام ل ناڤ خورماتو زیانێ ب هاولاتیان دگههینن خهلكێ سڤیل نهشێن زڤرنهڤه سهر مال و حالێن خوه تایبهت مالێن كوردا حهشدا شهعبى و خهلكێ دهڤهرێ ژى دهست ب دزیا كریه ههر تشتێ بهر دهستا بكهڤیت دزیه وهك كهرهستهیێن كارهبێ و خوارنێ.
ئەڤرۆنيوز:
نڤیسەرەكێ عیراقێ دگۆتارەكێ دا بەحس ل پێلانێن ئیرانێ ل عیراقێ دكەت ودبێژیت” قاسم سلێمانی سەرپەرشتیا لیستێن حەشدا شەعبی دكەت وخامەنەئی ژی سەرپەرشتیا لیستێن حزبان دكەت”.
سەجاد تەقی كازم كو نڤیسەرەكێ عیراقی یە، گۆتارەك دهژمارەكا سایت ومالپەرێن عیراقێ وعەرەبی دا بەلاڤكریە وتێدا ئاخڤتنێن خوە ئاراستەی خەلكێ شیعە دكەت وژپیلانێن ئیرانێ ئاگەهدار دكەت.
سەجاد دگۆتارا خوەدا، بەحسێ رۆلێ ئیرانێ ددهەلبژارتنێن داهاتی یێن عیراقێ دا دكەت وب دیتنا وی نڤیسەری، رۆلێن وان ب ڤی شێوەی یێن هاتینە بەلاڤكرن” لیستێن حەشدا شەعبی ژلایێ قاسم سلێمانی ڤە دهێنە ئاراستەكرن ولیستێن حزبان ژی ژلایێ خامەنەئی ب خوەڤە دهینە ئاراستەكرن، چو لایەن ژی ب سەر سیستانی ڤە نینن”.
ئەو نڤیسەرێ عیراقی دەمێ ناڤێ سیستانی دئینیت، دبێژیت پرۆژێ شیعەگەریێ ل عیراقێ كو ژلایێ ئیرانێ ڤە دهێتە بجهئینان، ئارمانجا وی ئەوە شیعێن عیراقێ ومەرجەعێن وان ژ دەستهەلاتێ بهێنە دوورخستن.
سەجاد تەقی كازم د گۆتارا خوە دا پرسیارەكێ ئاراستەی خەلكێ سڤیل یێ شیعە دكەت ودبێژیت” دهەلبژارتنێن داهاتی دا، ئەم چاڤەرێ چ دكەین بۆ شیعان؟ دبن سیبەرا وان قەوارێن سیاسی كو ژ سالا 2003 ووێڤە حوكمرانیێ ل هەوە دكەن. ئەو قەوارە كو چەندین بەرپرس یێن هەلبژارتین و ب گەندەلیێ حوكمرانیێ ل هەوە دكەن، هوون هیڤیا چ دخوازن كو نوكە حەشدا شەعبی ژی یا هاتیە سەر وب ئاشكرا ژی یا ب سەر ئیرانێ ڤە”.
دپشكەكا دی یا ئاخڤتنین خوە دا كو بۆ شیعان نڤیسی یە، دبێژیت”ئایا هیڤیا هەوە ئەوە كەسێن وەكو قەیس خەزعەلی وئەكرەم كەعبی وهادی عامری وسەركردێن دی یێن حەشدا شەعبی، عیراقێ بلند بكەن ووەكو سەركردێن دەولەتێ دیاربكەڤن و ئایا دێ وەكو نموونێن محەمەد عەلی ل پاكستانێ وشێخ زایدی ل ئیماراتێ ومەهاتیر محەمەدی ل مالیزیا بن؟”.
ئەو نڤیسەرێ عیراقێ چەندین جاران داخوازێ ژشیعێن هەژار دكەت كو دهشیار بن وباوەریا خوە ب ڤان جۆرە كەسایەتی وسەركردەیان نەئینن، دیسا بەراوردیەكێ دناڤبەرا دەستهەلاتا ئەمریكا ودەستهەلاتا ئیرانێ ل عیراقێ دكەت ودبێژیت” بەراوردیەكا سادە دناڤبەرا ئەمریكا وئیرانێ دیاردكەت كو بەراوردی دبەرژەوەندیا ئەمریكا دایە، ئەمریكیان نەگوتیە ئەم سەركردێن بلند یێن هەوەینە، وەكو ئەوا ئیران دكەت، دیسا ئەمریكا وێنێن رێبەرێن خوە ل عیراقێ ناهەلاویسیت وئەمریكا میلیشیات ل عیراقێ دروست نەكرینە بۆ وێ چەندێ پشتەڤانێن سەرۆك ورژێما وێ بن، ئەمریكا عیراق بۆ بەلاڤكرنا بەرهەمێن خوە بكارنەئینایە، بەلكو هەموو ئەو كارانە ئیرانێ یێن ئەنجامداین”.
ب دیتنا وی نڤیسەری، شیعێن عیراقێ ل دووماهیێ دێ ب تنێ وبێ پرۆژە مینن، چونكی هەموو لایەكی ل عیراقێ پرۆژە یێ هەی ودبێژیت” ئەمریكا عیراق بۆ گەلێ عیراقێ دڤێت، بەلێ شیعان بۆ ئیرانێ عیراق دڤێت، سونە دخوازن هەرێمەكا سونی عەەربی ل دەڤەرێ هەبیت، كورد ژی دخوازن دسەربەخوە بن دوور ژ دەولەتەكا درەوین كو عیراقە”.
ئهڤرۆنيوز:
سهرۆكێ ئهمريكى دونالد ترامپ راگههاند، وهلاتيێن ئيرانى برسيێن نانى وئازاديێ نه ونوكه دهمێ گوهۆرينێ يه ل وى وهلاتى.
ترامپ دبهرپهرێ خوه ل سهر تۆرا جڤاكى يا تويتهرى، سهبارهت خوهنيشادانێن چهند رۆژێن بۆرى ل ئيرانێ كو ههتا نوكه ژى دبهردهوامن، گۆت”ئيران دههموو بياڤان دا شكهستن يا ئيناى سهرهراى وێ رێككهفتنا خراب ئهوا ئيدارا ئۆباماى ل گهل كرى”.
سهرۆكێ ئهمريكى دبێژيت”خهلكێ ئيرانێ بۆ دهمێ چهندين سالايه دهێته چهوساندن، ئهو برسيێن نانى وئازاديێ نه، ب ههمان شێوێ مافێن مرۆڤى، سامانێ ئيرانيان ژى يێ دهێته تالانكرن، نوكه دهمێ گوهۆرينێ يه”.
بهرى نوكه ژى، ترامپى دتويتهرێ خوه دا پشتهڤانيا خوه بۆ خوهنيشاندانێن ئيرانێ راگههاندبوو وگۆتبوو”ههموو ئيرانيان گوهۆرين دڤێت، سهركردێن وى وهلاتى ژى هند ژ لهشكرێ مهزن يێ ئهمريكى نا ترسن وهكو ژخهلكێ خوه دترسن”.
ئەڤرۆنیۆز، سالار دۆسكی:
ئەندامهكێ سەركرداتیا ئیكگرتوو ئیسلامی كوردستان بۆ ئەڤرۆ نیۆز گۆت” پرۆژێ ئێك لیستیا پارتێن ئیسلامی دههلبژارتنێن داهاتى دا، بۆ وێ چەندێ بوویە كو پتر ئالیێن سیاسی نێزیكی ئێك ببن و ئەڤە بتنێ داخوازەكە و هێشتا بریارا دووماهیێ ل سەر نەهاتیە دان، لێ ب دیتنا من یا ب زحمەتە پارتێن ئیسلامی بۆ هەلبژارتنێن داهاتی ب ئێك لیست پشكداريێ بكهن”.
محەمەد مستەفا ئەو ژی گۆت” نابینم ئەڤە دبەرژوەندا مە هەموویان دا بیت كو پارتێن ئیسلامی ب ئێك لیست بچنە دهەلبژارتنان دا”.
ئهڤرۆنيوز:
رۆژنامهكا ئيسرائيلى دراپۆرتهكا خوه دا ئاماژژه ب وي چهندێ كر كو ئهمريكا رۆناهيا كهسك بۆ ئيسرائيلێ ههلكريه تاكو قاسم سلێمانى فهرماندێ لهشكرێ قودس يێ ئيرانى بكوژيت.
رۆژناما (هائارێتز) يا ئيسرائيلى، ئهڤرۆ دوشهمبى 1/1/2018 بهلاڤكر كو ئهمريكا وئيسرائيل دههڤرانه ل سهر وێ چهندێ كو قاسم سلێمانى دژى بهرژهوهنديێن وان ههردويانه ل دهڤهرێ.
دياركر ژى، ئهو رێككهفتنا ئيسرائيل وئهمريكا پشتى سێ سالان دهێت ژ ژناڤبرنا ئهمريكا بۆ پلانهكا ئيسرائيلى بۆ كوشتنا وى فهرماندێ ئيرانى.
ئاشكراكر ژى، بهرى سێ سالان ئيسرائيل نێزيك ببوو قاسم سلێمانى ل ديمهشقێ بكوژيت، بهلێ ئهمريكا ئهو بزاڤا ئيسرائيلى ژناڤبر بوو.
ئهڤرۆنيوز:
ئاههنگێن سهرێ سالێ يێن شڤێدى ئاگربهربوون وبريندار ل بهغدا وسلێمانيێ ل دووڤ خوه هێلان.
ل دووڤ هندهك دهزگههێن راگههاندنێ يێن عيراقى، چهندين خانى ل بهغدا ب تايبهتى ل دهڤهرا كهرداه تووشى سۆتنێ بوون ژئهگهرێ ياريێن ئاگرى ئهوێن دهاتن هاڤێتن ب ههلكهفتا هاتنا سهرێ سالا زايينى يا نوو 2018، بهلێ چو زيانين گيانى ژێ پهيدا نهبوون.
ل ههمان ههلكهت، شڤێدى ل سلێمانيێ دو كهس ژئهگهرێ هاڤيتنا ياريێن ئاگرى برينداربوون.
ئهڤرۆنيوز:
پشتى پێنج سالێن بهردهوام يێن كاركرنێ د پرۆژێ ئينسكلۆپيديا پارێزگهها دهۆكێ دا، ل ڤان رۆژان چوويه چاپێ.
موسهدهق تۆڤى، سهرنڤيسهر و سهرپهرشتێ ئينسكلۆپيديا پارێزگهها دهۆكێ بۆ ئهڤرۆنيوز گۆت” ئينسكلۆپيديا پارێزگهها دهۆكێ ژ 9 بهرگان پێكهاتييه و دبيته 5000 بهرپهر، پشتى پێنج سالێن كاركرنێ ژ قۆناغا ديزاينێ ژى دهرباز بوو و د ڤان رۆژاندا چوويه چاپێ”.
تۆڤى زێدهتر گۆت”110- 120 ڤهكۆلهر و نڤيسكار و رهوشهنبير وديزاينهران پشكدارى تێدا كريه، ههموو مژارێن جيۆلۆجى، جۆگرافى، مێژوويى، ئهدهبى، فولكلورى، هۆنهرى، پهروهرده وفێركرنێ و ديرۆك و جوگرافى و پێكهاتێن كارگێرى و پێكهاتا نهتهوى وئايينى و عهشيرهتى يا گوند و باژێرێن پارێزگهها دهۆكێ و چهندين مژارێن دى يێن پهيوهندى ب پارێزگههێ ڤه ههى ب خوهڤهدگريت”.
نيشاندان