ئه‌ڤرۆنيۆز:
سه‌رۆك وه‌زيرێن عيراقێ حه‌يدر عه‌بادى راگه‌هاند،گه‌نده‌ليه‌كا مه‌زن دناڤ حه‌شدا شه‌عبى دا يا هه‌ى وهنده‌ك سه‌ركردێن مه‌زن يێن حه‌شدێ مووچان بۆ هه‌وا پێشوه‌خت يا هه‌لبژارتنان بكاردئينن.
عه‌بادى گۆت ژى، حه‌شدا شه‌عبى بازرگانيێ ب چه‌كدارێن خوه دكه‌ت ب رێيا زێده‌كرنا مووچێن وان ل به‌رامبه‌ر تۆماركرنا ناڤێن ئاشووپى دناڤ رێزێن گرۆپێن ب سه‌ر حه‌شدێ ڤه ب مه‌ره‌ما دزينا وان مووچان.
ئه‌ڤرۆنيۆز:
شاره‌زايێ وزێ ل هه‌رێما كوردستانێ، گوڤه‌ند شێروانى، راگه‌هاند، هه‌رێما كوردستانێ دشێت ژده‌ستدانا بيرێن په‌ترۆلا كه‌ركووكێ ئه‌وێن كه‌فتينه دبن كونترۆلا حوكمه‌تا عيراقێ دا، قه‌ره‌بوو بكه‌ت ب رێيا ڤه‌ديتنا بيرێن نوو يێن په‌ترۆلێ.
گوڤه‌ند شێروانى بۆ ئاژانسا سپۆتنيك يا ده‌نگوباسان يا رۆسى گۆت( هژماره‌كا مه‌زن يا بيرێن په‌ترۆلێ وغازێ ل هه‌رێما كوردستانێ يێن هه‌ين كو هه‌تا نوكه كار تێدا نه‌هاتيه كرن ونوكه 15 كۆمپانيێن بيانى يێن كه‌رتێ په‌ترۆلێ ژ 15 وه‌لاتان يێن ل هه‌رێما كوردستانێ هه‌ين وكارێ وان كۆمپانيان دێ هژمارا بيرێن په‌ترۆلێ ل هه‌رێمێ زێده‌كه‌ت ل گه‌ل به‌رده‌واميا كارێن لێگه‌ريانێ).
دياركر ژي كو بيرێن په‌ترۆلا كه‌ركووكێ ژكه‌ڤنترين سامانێن ده‌ڤه‌رێ يه ورێژا يه‌ده‌كا وێ 10 هه‌تا 12 مليار به‌رميلێن په‌ترۆلێ نه.
ئەڤرۆ نیۆز،زنار تۆڤی:
ڤەکۆلینێن زانستی چه‌ندین مفایێن تڤرێ ئاشكرا دكه‌ن و ڤەکۆلەر دیاردکەن كو تڤر دهێتە ب کارئینان بۆ چاره‌سه‌ریا چه‌ندین نه‌خۆشێن مه‌ترسیدار، وه‌ك:
.قه‌بزبوونێ: خوارنا تڤرێ پرۆسه‌یا هێرانێ ب ساناهی لێ دکەت و رێ ل كۆمبوونا ئاڤێ و قه‌بزبوونێ د‌گریت.
-قه‌لە‌وى:خوارنا تڤرێ وە دکەت کو تۆ هه‌ست ب تێربوونێ بكه‌ی و ئه‌و كه‌سێن دڤێت کو كێشەیا له‌شێ وان داببەزیت،دشێن مفای ژێ وەربگرن.
.ساخلەمیا دلی و زڤرۆکێن خوینێ باشتر لێ دکەت.
.پەنجەشێر:ڤەکۆلینێن زانستی سه‌لماندینە كو تڤر یا ب مفایە بۆ چاره‌سه‌ریا پەنجەشێرێ ب تایبه‌ت جۆرێن وەکی قولۆنێ گولچیسکان و گه‌دهێ و پەنەشێرا دەڤی.
ئه‌ڤرۆ نیۆز، نه‌وزاد هلۆرى:
پارێزگه‌ها دهۆك ب گشتى و هه‌رسێ قه‌زایێن زاخۆ و ئاكرێ و ئامێدیێ ب تایبه‌تى ب ده‌ڤه‌رێن چیاى دهێنه هژمارتن و زورترین رێژه‌یا كه‌رسته‌یێن چیایى هه‌نه ، دنها دا كو وه‌رزێ كومكرنا بێمك و كه‌زانایه ، هژماره‌كا زور یا بێمك و كه‌زانان ل قه‌زایێن زاخۆ و ئامێدیێ و ئاكرێ هاتینه به‌رهه‌مئینان ب تایبه‌تى قه‌زا ئاكرێ.
زنار نه‌زار وه‌لاتیه‌كێ ناحیا دینارته یا سه‌ر ب قه‌زا ئاكرێ یه دیاركر كو ئه‌وى ئه‌ڤ ساله نێزیكێ 50 ته‌نه‌كێن كه‌زانان كومكرینه و بو ئه‌ڤرۆ نیوز گۆت: ( ئه‌ڤ ساله بێمك و كه‌زان گه‌له‌ك باشن و به‌رهه‌مه‌كێ زور باش ژى هه‌بوویه ، خه‌لكێ ده‌ڤه‌را مه و گوندێن ده‌رده‌ر ب كوم كوم د چنه ده‌ڤه‌رێن چیای بۆ كومكرنا بێمك و كه‌زانان و رێژه‌یه‌كا باش یا وان كومكرینه)
زێده‌تر گۆت: ( نها كیلویا كه‌زانان دناڤبه‌را سێ هزار بو 15 هزار دیناران دهێته فروتن و یا بێمكان ژى دناڤبه‌را چوار هزار بو 10 هزار دیناران دهێته فروتن و لسه‌ر جورێن وان دمینیت ، هه‌ر چه‌ند ئه‌ڤ بهایه به‌رامبه‌ر سالێن بورى گه‌له‌ك كێمه و ئه‌رزانه ، به‌لێ تا راده‌یه‌كێ باشه ژى ژ به‌ركو نها قه‌یرانه و پاره گه‌له‌ك كێمه و بازارێ وان ژى زور لاوازه)
بێوار محه‌مه‌د ئه‌و ژى وه‌لاتیه‌كێ سنوورێ قه‌زا ئامێدیێ یه دیاركر كو ئه‌وان ژى ئه‌ڤ ساله رێژیه‌كا باش یا كه‌زانان كومكرینه و بۆ ئه‌ڤرۆ نیوز گۆت: ( ئه‌ڤ ساله هژماره‌كا زور یا وه‌لاتیان ب ژن و زاروك و گه‌نجڤه قه‌ستا ده‌ڤه‌رێن چیایى كریه ژ بو كومكرنا كه‌رسته‌یێن چیایى مینا كه‌زان و بێمك و گوهیشك ، و نها وه‌رزى َكه‌زانایه و رێژه‌یه‌كا زور یا كه‌زانان ل ده‌ڤه‌رێن چیایى هه‌نه و خه‌لكه‌كێ زور دچنێ و داهاتیه‌كێ باش ژى بخوه كوم دكه‌ن ب تایبه‌تى چنه زنجیره چیایێن مه‌تین و گاره‌یى)
بو ئێكه‌مین جار ل سنوورێ قه‌زا ئامێدیێ و پارێزگه‌ها دهۆكێ ئاشه‌كێ هێرانا كه‌زان و بێمكان هاته درۆستكرن كو پێكهاته‌یا وێ ژ به‌رى هاتیه چێكرن ، خودانێ ئه‌وى ئاشى دیاركر كو دنها هێرانا كه‌زان و بێمكان بویه سرا.
حه‌جى محه‌مه‌د رێكانى خودانێ ئاشێ هێرانا كه‌زان و بێمكان دیاركر ك هێرانا كه‌زان و بێمان ل ده‌ڤ وى بویه سرا و بۆ ئه‌ڤرۆ نیوز گۆت: ( نێزیكێ سێ سالایه من ئاشه‌كێ هێرانا كونجیا و درۆستكرنا ته‌حینا كه‌نجیێن خومالى درۆستكر یه و به‌رده‌وام ته‌حینێ درۆست دكه‌م ، ده‌ما كو خه‌لك دهاتنه نك من بو درۆستكرنا ته‌حینێ داخواز دكر كو ئاشه‌كێ هێرانا كه‌زان و بێمكان ژى بدانم ژبه‌ركو ل هه‌موو قه‌زا ئامێدیێ هه‌تا خوه ل سنوورێ پارێزگه‌ها دهوكێ ژى چوو ئاشتێن تایبه‌ت ب هێرانا كه‌زان و بێمكان نینن ، ژبه‌رڤێ ئه‌ز رابووم ب درۆستكرنا ئاشه‌كێ هێرانا كه‌زان و بێمكان و سوپاس بو خودێ من شیا ب سه‌ركه‌ڤم و نها ب شێوه‌یه‌كێ به‌رده‌وام كار لسه‌ر هێرانا كه‌زان و بێمكان دكه‌م)
زێده‌تر گۆت: ( ئه‌ڤ ساله كه‌زان و بێمك زورن و پرانیا جاران ژى وه‌لاتى كه‌زان و بێمكێن خوه نافروشن به‌لكو دئینن ده‌ف مه و ئه‌م ژى بو دهێرین ، نها زێده‌ترى 50 جونێن كه‌زان و بێمكان ل سرا بو هێرانێ دانه ، ژبلى هێرانا بێمك و كه‌زانان د هه‌مان ده‌م دا ته‌حینێ ژى ب كونجیێن خومالى درۆست دكه‌م)
ناڤبرى دیاركر ژى كو ل هه‌موو ده‌ڤه‌رێن سنوورێ پارێزگه‌ها دهۆك و ده‌ڤه‌را بارزان قه‌ستا ده‌ف وى دكه‌ن بو هێرانا بێك و كه‌زانان و زێده‌تر گۆت: ( ئه‌گه‌ر ئه‌م بێمك و كه‌زانان بو خه‌لكى بتنێ ب هێرین كیلو ب سێ هزار دیناراییه ، به‌لێ ئه‌گه‌ر بێمك و كه‌زان یێن مه بن و ب هێرین و بفروشین كیلو ب پێنج هزار بو نێزیكێ نه‌ه هزار دیناران و ل دوڤ سالوخه‌ت و كوالێتى و باشیا بێمك و كه‌زانان دمینیت ، نها وه‌رزێ زستانێ یه‌و بازارێ كرین و فرۆتنا وان یێ گه‌رمه ژ به‌ركو بێمك و كه‌زان ئێكه ژ وان پێخارنێن هه‌رى خوش ب تایبه‌تى ل وه‌رزێ زستانێ ، ژبه‌ركو هێرانا وان ب ئاشێ به‌رى جوداهیا خوه هه‌یه ژبه‌ركو ئه‌و به‌رێ بو ئاشێ هێرانا بێمك و كه‌زان و ته‌حینێ هاتیه درۆستكرن به‌ره‌كه ل كوردستانێ گه‌له‌ك كێمه ، هه‌تا نها ناهێته زانین كا ناڤێ ئه‌وى به‌رى چى یه؟ ، به‌لێ جوره‌كێ به‌رى یه ب چوو شێوه‌یان هور نابیته ناڤا بێمك و كه‌زان و ته‌حینێ و ل سه‌ر سنوورێ دناڤبه‌را باكوور و باشوورێ كوردستانێ ب رێیا ده‌واران مه ئینایه و، ل ڤێره ب شاره‌زایى مه چێكریه و لێكدایه ، و ل گه‌ل كاره‌بێ گرێدایه هه‌تاكو ئه‌م بشێن بكاربینین)
ژلایه‌كێ دنڤه ئه‌ندازیا ئه‌حمه‌د جه‌میل ئه‌بو زێد رێڤه‌به‌رێ چاندنا قه‌زا ئاكرێ دیاركر كو ژبه‌ر گرانكاریێن كه‌ش و هه‌وایى و بارینا به‌فر و بارانه‌كا باش و ناڤنیا پله‌یێن سه‌رما و گه‌رمایێ ئه‌ڤ ساله كه‌زان و بێمك ل سنوورێ قه‌زا ئاكرێ گه‌ه‌لك باش بوون و بو ئه‌ڤرۆ نیوز گۆت: ( ده‌ڤه‌رێن چیایێن سنوورێ قه‌زا ئاكرێ ب تایبه‌تى ناحیا دینارته و ده‌ڤه‌را زێبارى و نه‌هلێ باشترین و زوترین رێژه و ژهژمارا كه‌سانان ل كوردستانێ و پارێزگه‌ها دهۆكێ هه‌نه ، ئه‌ڤ سال ل سنوورێ قه‌زا ئاكرێ هزار و 612 دونه‌مێن عه‌ردى ب كه‌زانان هه‌نه و دهێته پێشبینیكرن كو هه‌تا هزار و 230 ته‌نێن كه‌زان و بێمكان به‌رهه‌م بینیت )
زێده‌تر گۆت: ( ئه‌ڤ ساله به‌رامبه‌ر پارسال هژمارا وان پتره و پتر ژى هاتینه به‌رهه‌مئینان به‌لێ دبه‌رامبه‌ر دا بهایێ وان كێمتره ژبه‌ركو سالێن بورى دچویه پارێزگه‌هێن دن یێن عیراقێ و سوریا به‌لێ ئه‌ڤ ساله ناچیته چو جهان و تنێ ل نافخوه دهێنه فروتن ، و ئه‌ڤ ساله كیلویا كه‌زانان دناڤبه‌را سێ بو 10 هزار دیناران دهێته‌كرن و یا بێمكان ژى 3 بو 4 هزار دیناران دهێته فروتن )
ئه‌ڤرۆنيۆز:
به‌رپرسه‌كا وه‌زاره‌تا ده‌رڤه‌يا ئه‌مريكى راگه‌هاند، پێشڤه‌چوونه‌ك دپه‌يوه‌نديێن به‌غدا وهه‌ولێرێ دا يا هه‌ى ودخوازين دانوستاندنێن رژد ل دووڤ ده‌ستوورێ عيراقى دناڤبه‌را هه‌ردولا دا بهێنه ئه‌نجامدان.
په‌يڤدارا وه‌زاره‌تا ده‌رڤه‌يا ئه‌مركى، هيزر ناويرت، دكۆنگره‌كێ رۆژنامه‌ڤانى دا گۆت( هه‌فتيا بۆرى گوهۆرينه‌كا باش دپه‌يوه‌نديێن به‌غدا وهه‌ولێرێ دا په‌يدابوو وحه‌زا ئه‌نجامدانان دانوستاندنان ل ده‌ف هه‌ردو لايه‌نان يا هه‌ى، بتايبه‌تى پشتى راوه‌ستاندنا كريارێن له‌شكرى).
گۆت ژى( ئه‌مريكا دخوازيت دانوستاندنێن رژد دناڤبه‌را حوكمه‌تا ه‌بغدا وهه‌رێما كوردستانێ دا بهێنه ئه‌نجامدان بۆ گه‌هشتنا رێككه‌فتنێ ل دووڤ ده‌ستوورێ عيراقى).
ئاماژه دا، سه‌ره‌دانا باليۆزێ ئه‌مريكى ل عيراقێ (دوگلاس سيليمان) بۆ سه‌رۆكێ حوكمه‌تا هه‌رێما كوردستانێ (نێچيرڤان بارزانى) ئه‌نجامێن ئه‌رێنى بۆ هه‌بوون.
ئه‌ڤرۆ نیوز، نه‌وزاد هلۆرى:
رێڤه‌به‌ریا گشتیا شه‌هید و ئه‌نفالكريان ل دهۆكێ ئاگه‌هداریا هه‌موو كه‌سوكارێن شه‌هید و ئه‌نفالكریان دكه‌ت به‌رى كو بچنه به‌نكان بۆ وه‌رگرتنا موچێن خوه، پێدڤیه سه‌ره‌دانا رێڤه‌به‌ریا وان بكه‌ن.
ل گوره‌ى نڤیساره‌كێ كو دوهى رێكه‌فتى 8 چریا دوویێ 2017 ده‌ركه‌فتیه و ئیمزا رێڤه‌به‌رێ گشتیێ شه‌هید وئه‌نفالكريان ل پارێزگه‌ها دهۆكێ ل سه‌ره، داخواز ژ كه‌سوكارێن شه‌هید و ئه‌نفالكریان هاتيه كرن به‌رى موچێن خوه وه‌ربگرن، پێدڤیه سه‌ره‌دانا رێڤه‌به‌ریا وان بكه‌ن و چه‌ند به‌لگه‌نامان ژى ل گه‌ل خوه بینن داكو ناسناما وان ژلایێ وه‌زاره‌تا شه‌هید و ئه‌نفالكریان بهێته نووكرن.
به‌لگه نامه ژى ئه‌ڤێن ل خوارێ نه:
1- وێنێ وارسى (1) + كوپیه‌كا ناسناما وارسێ شه‌هیدى.
2- كوپیه‌كا ره‌نگا وره‌نگ یا ناسناما شه‌هیدى (1).
3- ناڤێ سێ قۆلى يێ دایكا شه‌هیدى .
ئەڤرۆ نیوز، نەوزاد ھلۆری:
پشتی ھاتنا چەکدارێن حەشد شەعبی و سوپایێ عیراقێ بو کەرکوک و دەڤەرێن کوردستانیێن دەرڤەیێ ھەرێما کوردستانێ ، رەوشا ئاوارە و پەنابەران ژی گورانکاری ب سەردا ھاتن، شارەزایەکێ ب وارێ ئابووری ددەتن دیارکرن کو ئاوارە و پەنابەر دێ زێدەتر کارتێکرنێ ل سەر تێچویێن حکومەتێ کەن و ب گرنگ دبینیت کو رێکخراوێن جیھانی یێن خێرخوازی زێدەتر روولێ خوە ببینن.
رێبین فەتاح شارەزا دوارێ ئابووری دا ل ھەولێر دیارکر کو ئاوارەیێن ھەرێما کوردستانێ د جێگیر نینن کو حکومەت و لایەنێن شولەژێ بزانن پێدڤیێن وان چەندن و بۆ ئەڤرۆ نیوز گۆت: ( ھاتنا ئاوارەیان بو ھەرێما کوردستانێ و زێدەبوونا شەر و ئالوزیان ل ھەند دەڤەرێن کوردستانیێن دەرڤەیێ ھەرێما کوردستانێ و شەر و ئالوزیێن دناڤبەرا ھێزێن پێشمەرگەی و حەشد شەعبی ، و درێژبوونا قەیرانێن دارایی و گران نەبوونا بھایێ پەترۆلێ بویە سەدەم کو گورانکاری ب کەڤیتە شێوازێ ژین و ژیانا وەلاتیان و ئاوارە و پەنابەرێن ھەرێمی کوردستانێ ، ئەڤە زێدەباری شێواندنا ھژمارا راستەقینە و چەوانیا خزمەتکرنا وان ژ روویێ خزمەتگوزاری و ماددی و تێچویێ ڤە بو ئاوارە و پەنابەران ژلایێ حکومەت و جھێن شولەژێ ڤە ژبەرکو ھژمارا وان دگورانکاریێ دایە ھەتاکو ھندەک دچنە سەر وار و جھێن خوە ، ھندەکێن دن دھێنە ھەرێما کوردستانێ ، ئەڤە سەرەرای کو ئاوارە و پەنابەر ب شێوەیەکێ ئێکسان لسەر ھەموو دەڤەران نەھاتینە پارڤەکرن و ھژمارەکا زور ژی ل دەرڤەیێ کەمپان و ناڤ مالان دژین).
زێدەتر گۆت: (سەرەرای نەبوونا چوو سەر ژمێریێن راستەقینە ، بەلێ حکومەتا ھەرێما کوردستانێ ھژمارا ئاوارە و پەنابەران بۆ زێدەتری ملیونەک و 800 ھزار کەسان دخەملینیت ، ئەڤە زێدەباری وان ئاوارێن کو ژلایێ حەشد شەعبی ڤە بو سنوورێ ھەرێما کوردستانێ ھاتین ب تایبەتی یێن پارێزگەھا کەرکوک ، حکومەتا ھەرێما کوردستانێ ژی تێچوویێن ئەوان ئاوارە و پەنابەران ژبلی یێن کەرکوکێ بۆ زێدەتری 117 ملیون دولارێن ئەمریکی بو ھەیڤانە و ملیارەک و 400 ملیون دولارێن سالانە د خەملینیت ، کو ب سەر سکتەرێن خزمەتگوزاری و ئاسایشێ و پێدڤیێن رۆژانەیێن خوارن و ڤەخوارنێ دابەش کرینە ، ب تایبەتی د دابینکرنا ساخلەمی و کارەبایێ دا ئانکو ھەر ئاوار و پەنابەرەکێ ھەیڤانە زێدتری 60 دولار پێدڤی یە).
د نھادا ژ بەر قەیرانا دارایی و بلندنەبوونا بھایێ پەترۆلێ و زێدەتربوونا شەر و ئالوزیان ل ھەند دەڤەران ، حکومەت نکاریت زێدەتر خزمەتا ئاوارە و پەنابەران بکەت و بەلکو زێدەتر داخوازنامەیان ژ بوو ئاژانس و رێکخراوێن جیھانی رەوانە دکەت کو ھەڤکاریا وان بکەن ، ئەڤە د دەمەکێ ژی دایە کو بەغدا ب چوو شێوەیان ھەڤکاریێن دارایی و ماددی و ئەمن و ئاسایش پێشکێشی ئاوار و پەنابەران نەکرینە ، رێبین-ی ھوسا گۆت.
ل گورەی ئاخفتنێن رێبین فەتاح حکومەتا ھەرێما کوردستانێ بو دابینکرنا پێدڤیێن ژیانا روژانەیا ئاوارە و پەنابەران ل گەل ب رێڤەبرنا ژیانا رۆژانەیا وەلاتیێن راستەقینەیێن خوە پێدڤی ب داھاتیەکێ کونترولکری ھەیە و گۆتژی: (ژیانا پشکەکا زور یا وەلاتیێن راستەقینەیێن ھەرێما کوردستانێ ل سەر بەریکا ئاوارە و پەنابەرایە دەما کو ئەو کرین و فروتنێ ل بازارێن ھەرێما کوردستانێ دکەن، ئەڤ زێدەباری وێ یەکێ کو حکومەت دخوازیت داھاتەکێ بخوە مسوگەر بکەت داکو ژ قەیرانا دارایی دەرباز بیت ، وەکو دانەڤا قەران، دەبینکرنا دەرستحەقێ کومپانیێن پەترولێ و تێچویێن دن یێن حکومەتێ ، داھاتیێ ئاوارەیان وەکو یێ داھاتیێ پەترول و گومرک و باج و رسوماتان و خالێن سنووری نینە ، و ئەوان چوو پارێن کونترولکری نینە کو بکارن بریارا ژین و ژیانا خوە بدەن بەلکو گرێدایە ب خێرخوازی و چاڤ ل حکومەت و رێکخراو و خەلکی، بەلێ ئاوارە و پەنابەر ب شێوەیەکێ نە ئێکسەر ھاریکارن کو حکومەت بکاریت لسەر سیاسەتا داھاتیێ خوە ل پارڤەکرنا داھاتی دناڤبەرا قەر و کومپانیان ژلایەکێ ڤە و خەلک و فەرمانبەران ژلایەکێ دنڤە سەرکەفتی بیت ژ بەرکو ئەگەر سەرمایەیێ ئاوارە و پەنابەران نەبیت حکومەت نکاریت بزاڤێن کرین و فروتنا ل بازارێن خوە د قەیرانەکا دارایی دا بکەت، ئەڤە زێدەباری وێ یەکێ دا فشار و کارتێکرنێن خەلکی لسەر حکومەتێ زێدەتر بن ژبەرکو ئاوارە و پەنابەران ئەگەرەکێ سەرەکی یە بو لڤاندنا بازارێن ھەرێمێ).
ئەڤرۆ نیۆز،زنار تۆڤی:
حوکمه‌تا به‌غدا یا به‌رده‌وامه ل سەر فشار خستنێ ل سەر هه‌رێما كوردستانێ و گه‌مارۆدانێ وه‌ك سزایه‌ك ل به‌رامبه‌ر ئه‌نجامدانا ریفراندۆما سه‌ركه‌فتی ل 25 ئیلۆنا 2017، دڤی چارچۆڤەی دا په‌رله‌مانتارەکێ سه‌ر ب ئیئتیلافا ده‌وڵەتا یاسایێ ڤە رادگه‌هینیت،کو عه‌بادى ل بەرە 40 بالیۆزان ب گوهۆریت كو زۆربەیا وان ژی كوردن.
په‌رله‌مانتار (تاها دیفاعى)، ژ فراكسیۆنا ئیئتیلافا ده‌ولە‌تا یاسا،راگه‌هاندیە:مە ل گه‌ل لیژنا په‌یوه‌ندیێن ده‌رڤە ل ئه‌نجومه‌نێ نوونه‌رێن عێراقێ، گفتوگو ل سەر دۆسەیا بالیۆزان كریە،چونکی ئەڤ لیژنه به‌رپرسیارا چاڤدێریكرنا باڵیۆزخانا و وه‌زاره‌تا ده‌رڤە یە.
هەروسا ئاشكرا كریە،کو حه‌یده‌ر عه‌بادى، سه‌رۆك وه‌زیرێن عێراقێ،ل بەره 40 بالیۆزان ب گوهۆریت، کو زۆربەیا وان ژی ژ نه‌ته‌وا كوردن. گوت ژی:قۆناغەکا نوو ل به‌رده‌م وه‌زاره‌تا ده‌رڤە‌دایه و عه‌بادى ده‌ست ب هه‌لسه‌نگاندنا كارێن ڤێ وه‌زاره‌تێ دکەت،دیسا دێ هژماره‌کا بالیۆزێن نوو ژی دامه‌زرینیت.
ئه‌ڤرۆ نیوز:
سوپایێ رژێما سووریێ ب هه‌ڤكارییا هه‌ڤپه‌یمانێن خوه حزبوللایا لبنانی و حه‌شدا شه‌عبی یا ئیراقی و ملیشیایێن ئیرانی و هێزێن ئه‌سمانی یێن رۆسیا داوی باژاركێ وی وه‌لاتی ژ داعشێ پاقژ كر.
فه‌رمانداره‌كێ سوپایێ رژێما سوورێ راگه‌هاند: سوپایێ سووریێ باژاركێ بوكه‌مال یێ هه‌ڤسنۆر د گه‌ل ئیراقێ دا ل پارێزگه‌ها دێره‌زوورێ كۆنترۆل كر.
ئەڤرۆ نیۆز،زنار تۆڤی:
بریارە پشتی تەمامبوونا دابه‌شكرنا مووچێ فەرمانبەران،حوکمه‌تا هه‌رێما كوردستانێ دێ مووچێ خانەنشینان دابەش کەت.
وەسا بریارە پشتی تەمامبوونا دابەشکرنا مووچێ مانگا 8 یێ فەرمانبەران،کو بریاره ل 15 ڤێ مانگێ ب دوماهی بهێت،دێ مووچێ خانەنشینێن مەدەنی و سەربازی هێتە دابەشکرن.
حازم تەحسین،رێڤەبەری گشتی یێ خانەنشینان بۆ باس دیارکریە:کو خشتێ مووچەی پەیوەندی ب وەزارەتا دارایی ڤە هەیە، بەلێ رەنگە پشتی تەمامبوونا مووچێ فەرمانبەران، مووچێ خانه‌نشینان بهێتە دابه‌ش کرن.
وەزارەتا دارایی خشتێ مووچێ هەموو وەزارەت و فەرمانگەهان راگەهاندیە،کو تا رۆژا 15/ 11/ 2017 دێ بەردەوام بیت.
نيشاندان