ئهڤرۆنيوز:
بهايێ پهترۆلێ ل بازارێن جيهانێ يێ بهر ب زێدهبوونێ ڤه دچيت وبهايێ بهرميلا پهترۆلا برنت گههشته 68 دۆلاران كو بۆ جارا ئێكێ دسێ سالێن بۆرى دا دگههيته وى بهاى.
چاڤدێرێن سياسى وئابوورى، ئهگهرێ بلندبوونا بهايێ پهترۆلێ دزڤرينن بۆ كێمكرنا رێژا فرۆتنێ كو ئهڤ سياسهته ژلايێ رێكخراوا ئۆپك يا وهلاتێن بهرههمئێنهرێن پهترۆلێ وهندهك وهلاتێن دى وهكو رووسيا ڤه دهێته بكارئينان، زێدهبارى خوهپيشاندانێن ئيرانێ وبهردهوامبوونا پرۆسا دهستهسهركرنا هژمارهكا شازادێن سعودى.
ئهڤرۆنيوز:
ل ههفتيا داهاتێ كۆمسيۆنا ههلبژارتن وراپرسيان ل ههرێما كوردستانێ دێ پاقژكرنا تۆمارێن دهنگدهران راگههينيت، بهرپرسهكێ كۆمسيۆنێ ژى پێشبينيا ژێبرنا 100 هزار ناڤێن مريان ودووباره ژتۆمارا دهنگدهران دا دكهت.
جوتيار عادل، ئهندامێ كۆمسيۆنا بلند يا ههلبژارتن وراپرسيان ل ههرێما كوردستانێ دياركر كو كارێ وان بۆ پاقژكرنا ليستا دهنگدهران يێ بهردهوامه ول ههفتيا داهاتى دێ كۆمسيۆن كارێن خوه ب دووماهى ئينيت وليستا ناڤێن زێده ودووباره ومريان دێ راگههينيت كو د تۆمارێن دهنگهدهران دا دێ هێنه دهركرن.
جوتيار عادل بۆ رووداو دياركر كو ئهو پێشبينيێ دكهت گهلهك ناڤێن زێده ودووباره ويێن مريان ژليستا تۆمارا دهنگدهران دا ههبن وگۆت” پێشبينيێ دكهم زێدهتر ژ 100 هزار ناڤێن مريان ودووباره وزێده دتۆمارێن دهنگدهران دا ههبن، ئهو ههموو ژى دێ هێنه ژێبرن”.
ئەڤرۆ نیۆز ، زنار تۆڤی:
بریاردەرێ لیژنا ئێمناهی و بەرەڤانیێ ل پەرلەمانێ عێراقێ دا دیارکرن،پشتی روودانێن 16 ئۆكتۆبەرێ، هژمارەکا ئەفسەر و پۆلیسێن باژێرێ كەركووكێ ئەو باژێر بجه هێلا،د بەرامبەردا وەزارەتا نافخۆیا عێراقێ بڕیارا ژێ وەرگرتنا پۆستێن وان دەركربوو،بەلێ پشتی هەولدانێن مە وەزیرێ نافخۆیا عێراقێ هەموو بریارێن ل دژی دژی ئەفسەر و پۆلیسێن كورد هەلوەشاندینه.
شاخەوان عەبدولا ئەندامێ لیژنا بەرەڤانی و ئێمناهیێ ل پەرلەمانێ عێراقێ بۆ ئەڤرۆ نیۆز دیارکریە،پشتی 16 ئۆكتۆبەرێ هژمارەکا زۆر ژ ئەفسەر و كارمەندێن پۆلیسێن كەركووكێ و باژێرکێ خورماتوو ب تۆمەتێن جۆدا جۆدا لیژنەیا ڤەکۆلینێ ل سەر هاتبوو پێکئینان و ژ پۆستێن وان هاتبوونە دوورخستن.
هەروەسا گوتیە،پشتی مە كۆمبوونەک ل گەل وەزیرێ نافخۆیێ عێراقێ ئەنجامدای،رەزامەندی هاتەدان ل سەر خەرجكرنا مووچێ وان ئەفسەر و كارمەندێن پۆلیسان ل كەركووكێ و دیسا هەموو بریارێن لیژنا ڤەکۆلینێ ل سەر وان هاتنە هەلوەشاندن.
شاخەوانی دیارکر ژی: ئەڤرۆ وەزارەتا نافخۆیا عێراقێ ب فەرمی نڤێسینەک ئاراستەی هەردوو فەرماندێن پۆلیسێن سەلاحەدین کریە بۆ خەرجكرنا مووچێن وان و ژێبرنا سزایێ وان ئەفسەران کو نێزیكی 300 پۆلیس و کارمەندانە.
ئهڤرۆنيوز:
لهشكرێ رژێما سوورى ئهڤرۆ سێشهمبى 9/1/2018 كونترۆلكرنا دهڤهرا سنجار ل پارێزگهها ئيدلب ل باكوورێ سووريێ راگههاند.
فهرماندهكێ لهشكرێ سوورى ب ئاژانسا (سپۆتنيك) يا رووسى راگههاند كو هێزێن وان باژێركێ سنجار كونترۆلكر و ب دهڤهرهكا ستراتيژى هژمارت.
دياركر ژى” چهكدارێن بهرهيێ نوسره كو بالێ رێكخراوا قاعيده يا تيرۆرستى يه ل سووريێ ژ وێ دهڤهرێ رهڤين”.
ئهڤرۆنيوز:
ل دهمهكێ زوو يا سپێدهيا ئهڤرۆ سێشهمبى 9/1/2018 بيڤهلهرزهكێ بۆ جارا ئێكێ ل باژێرهكێ ههرێما كوردستانێ دا وهلاتى ژ ترسان دا ژمالێن خوه دهركهفتن.
وهلاتى سلێمان سۆرانى بۆ ئهڤرۆنيوز گۆت” ل نێزيكى دهمژمێر 2 سپێدێ بيڤهلهرزهك ل باژێرێ سۆران يێ ب سهر پارێزگهها ههولێرێ روودا ومه ههست بلهرزينا ئهردى كر وئێكسهر ئهم و جيرانێن خوه چووينه ژدهرڤهى مال”.
سلێمانى گۆت ژى” دهمێ بيڤهلهرزێ 9 چركه بوون ومه ئاگهه ژێ نهبوويه كو زيانهك پهيدا كربيت” دياركر ” ئهڤه بۆ جارا ئێكێ يه بيڤهلهرزهك ل باژێرێ سۆران بدهت”.
ئهڤرۆ نيوز:
ئێكهتيا ئورۆپا ستراتيژيهتا نوو يا خوه ل عيراقێ راگههاند و ئاخفتنكهرا ب ناڤێ بهرپرسا سياسهتا ژ دهرڤه يا ئێكهتيا ئورۆپا د داخۆيانيهكێ دا بۆ K24 راگههاند كو ئهو د ئامادهنه هاريكاريا عيراقێ بكهن د ئاڤهدانكرنا وهلاتێ وان دا و ل ڤان نێزيكان دێ ل گهل ههرێما كوردستانێ و حوكمهتا بهغدا دهست ب دانوستاندنان كهن.
كاترين راى، ئاخفتنكهرا ب ناڤێ بهرپرسا سياسهتا ژ دهرڤه يا ئێكهتيا ئورۆپا گۆت: “عيراق ئهڤرۆ د چاريانهكا مێژوويى دايه و ژ ئهگهرێ ب دووماهى هاتنا شهرێ داعش، ئێكهتيا ئورۆپا ژى ئامادهيه هاريكاريا عيراقيان بكهت د ئاڤهدانكرنا وهلاتێ وان دا ب پشكداريا ههموو پێكهات و نهتهوه و كۆمهلگهها عيراقى، ژ بهر هندێ گهلهك يا گرنگه پرۆسهيهكا تهڤگر ههبيت ههتا كو ههموو پێكهاتێن عيراقێ رۆل د وێ ئاڤهدانكرنێ دا ههبيت”.
گۆتژى: “ئهم ل ئێكهتيا ئورۆپا دێ دهست ب دانوستاندنێ ل گهل حوكمهتا عيراق و حوكمهتا ههرێما كوردستانێ ب مهرهما هاريكاريێ و دابينكرنا پێدڤيان كهين”.
ئهڤرۆ نيوز:
ههڤپهيمانيا هێزێن عيراقى روونشتنا بهێت يا جڤاتا نوونهران دێ بايكوت كهن و بۆ ڤهگهريانێ ژى دو مهرج ههنه.
د روونشتنا ئهڤرۆ رۆژا دوشهمبى 9ى كانوونا دويێ 2018 پهرلهمانێ عيراقێ دا شهره دهڤ د ناڤبهرا سهرۆكێ پهرلهمانى و پشكهك ژ پهرلهمانتارێن فراكسيۆنا ئهحرار دا دروست بوو، وهكو نهرازيبوون ل سهر كانديدكرنا موسهنا سامهرائى بۆ ئهندامهتيا جڤاتا نوونهران، ل جهێ مشتهر سامهرائى پهرلهمانتارێ دهست ژ كاركێشاى يێ “ههڤپهيمانيا هێزێن عيراقى”.
سهلاح جبۆرى سهرۆكێ فراكسيۆنا ههڤپهيمانيا هێزێن عيراقى كو خودانا 54 پهرلهمانتارايه، راگههاند: “ئهڤا ژ لايێ هندهك ژ پهرلهمانتاران روودايى، دزينا جڤاتێ يه و دهست بلنديا وايه د سهر بڕيارا جڤاتا نوونهرێن عيراقێ دا”.
سهرۆكێ فراكسيۆنا ههڤپهيمانيا هێزێن عيراقى ئاشكهرا كر كو پشكهك ژ نوونهرێن كوتلا ئهحرار و سهرۆكێ “فراكسيۆنا سادقون” ب وێ چهندێ تۆمهتبار دكهن كو “تێكدان كرينه بۆ شكهستن ب گوهۆڕينا ئێك ژ پهرلهمانتارێن وان، ل گهل وێ چهندێ كو رێكارێن قانوونى و نهريت ههموو بڕينه”.
جبۆرى ئاماژه ب وێ چهندێ ژى كر كو رێ ب جهئينانا قانوونێ نادهن، ل دهمێ سووندخوارنا موسهنا سامهرائى، هێرش كريه سهر و پشتى نوونهر محهمهد كهربۆلى بزاڤا ژێكجوداكرنێ ددا، هێرش كريه سهر وى ژى.
سهرۆكێ فراكسيۆنا ههڤپهيمانيا هێزێن عيراقى دبێژيت: “ئێك؛ دڤێت ئهڤه داخوازا لێبۆرينێ ژ جڤاتا نوونهران بكهن و يا دويێ؛ داخوازا لێبۆرينێ ژ ههڤپهيمانيا هێزێن عيراقى و ئهوان پهرلهمانتاران بكهن كو هێرش كريه سهر، ههڤدژى وێ ژى ههڤپهيمانى پشكداريێ د روونشتنێن جڤاتا نوونهران دا ناكهت و دێ ب رهنگهكێ بهلتهجى ب رێڤه چيت”.
ههڤپهيمانيا هێزێن عيراقى مهزنترين ههڤپهيمانيا سونهيێن عيراقێ يه و خودانا 54 كورسيانه و سهليم جبۆرى ژى ل سهر پشكا وێ ههڤپهيمانيێ پۆستێ سهرۆكێ جڤاتا نوونهران وهرگرتيه.
ئهڤرۆ نيوز:
ل دهڤهرا چالدێران يا سهر ب پارێزگهها وان يا باكوورێ كوردستانێ پلا گهرماتيێ ب شهڤ گههشته 35 پلان د بن سفرێ دا و خهلكێ دهڤهرێ دبێژن “ههوا گهلهكێ خۆشه”.
ئاژانسا چالدێران بهلاڤكريه كو ژ ئهگهرێ سهرمايا زێده ل دهڤهرێ، جهمهدێ پتريا رووبار و كانيان يێن گرتى.
ب گۆرهى ڤيديۆيا دهڤهرێ دهردكهڤيت كو هندهك زارۆ ل سهر وێ سهرمايێ و بهفرێ ياريان دكهن و دبێژن: “سار نينه و ههوا زۆر يێ خۆشه”.
ئەڤرۆ نيوز:
دکتور سالح مەلا عومەر شروڤەکارێ سیاسی بۆ رۆژناما ئەڤرۆ دیارکر خوەنیشادانێن ئیرانێ دەستپێکێ ژ وان بەرەیان دەست پێکر ئەوێن ل ھەلبژارتنێن بۆری ل ئیرانێ شکەست خواربوون و گوت: (ل باژێرێ مەشھەد دخواستن ھند ئاریشان بۆ روحانی دروست بکەن، ژ بەر کو ھەر ل دەستپێکێ خوەنیشادانا ل وێرێ دەستپێکر و دخواستن فشارەکێ ل سەر روحانی دروست بکەن، لێ گەندەلی و زۆلمەکا زور د ناڤ ئیرانێ دا ھەیە ژ بەر ڤێ یەکێ ھەر د زوو خوەنیشادان دناڤ ھەموو ئیرانێ دا بەلاڤ بوون).
ناڤبری ھەروەسا دیارکر سالا 2009 بزاڤا کەسک یا موسەوی و کەروبی دناڤا ھەلبژارتنان دا وەسا ھزر دکر کو سەختەکاری ھاتینەکرن کو موسەوی یێ دەرچووی یا بزاڤا کەسک سەرپەرشتیا وێ دکر ل 2009آ، وی دەمی موسەوی و کەروبی گرتن و زیندانکرن، خوەنیشادان ھاتنە کونترولکرن، لێ خوەنیشادانێن نوکە وەکو یێن 2009 نینن کو دابەشی بەرەیان بھێتەکرن، دیسان ئەم دشێین بێژین کو ئەڤ خوەنیشادانە یا سروشتیە کو دناڤ ھەموو خەلکێ ئیرانێ دا یا بەر بەلاڤە، ھند خەلک ھەنە یێن وەکو موجاھدێن خەلق و کورێ شاھی و ئەگەر ھەنە کو لایەنێن کوردی و ئۆپۆزسیۆنێن دێ یێن ژ دەرڤەی وەلاتی بزاڤێ بکەن د ناڤ ڤان خوەنیشادانا دا پشکدار بن کو دیار بکەن ئەو نوونەرێن راستەقینە یێن ڤان خوەنیشادانا نە دا کو پێگەھەکێ مەزن بۆخوە دناڤ ئیرانێ دا پەیدا بکەن.
دکتور سالحی زێدەتر گوت: (چو لایەنا ل ئیرانێ ھند ھێز و شیان نینن کو ھندە خەلکی بیننە سەر جادێ، ژ بەر کو ھەژاری و بێزاریا خەلکی یێ وە کری کو خەلک بخوە بھێتە سەر جادەیان، ب نێرینا من چو دەستێن دەرەکی ل پشت ڤان خوەنیشادانا نینن بەلکو ھند لێدوان ژ لایێ ھند سەرکردێن جیھانێ ھاتبنە دان بۆ نمونە سەرۆکێ ئەمریکا دبێژیت ئەم پالپشتیێ لێ دکەین بەلێ دەمێ ڤان خوەنیشادانا دەستپێکری ل سەر لێدوانێن چو سەرکردا دەستپێنەکریە، ئەڤ خوەنیشادانە دێ د دەمدرێژ بن ژ بەر کو حکومەتا ئیرانێ نەشێت داخوازیێن وان بجە بینیت.
دیار ژی کر کو کوردان چو رۆل نەبوویە د ڤان خوەنیشادانا دا و کوردان چو سیاسەتا سەرکەفتی ژی نەبوویە د ئیرانێ دا کو بەرنامەک ھەبیت دگەل لایەنێن سیاسی یێن ئیرانێ یێن ژ دەرڤە، لایەنێن کوردی ب خوە دگەل ئێک د ناکوکن و پێدڤی بوو وان ئەزموون ژ رابوریێ وەرگرتنبان، پێدڤیە کوردێن روژھەلاتێ کوردستانێ مفای ژ وان گورانکارێن دھێنە کرن وەربگرن، ھەروەسا پێدڤیە کورد ھشیارانە تەڤبگەرن ژ بەر کو ھەر دەستھەلاتەکا ل ئیرانێ بھێتە سەر کاری ھەر دێ ھەمان دژایەتیکرن ھەبیت دگەل کوردان دا، چونکو ئەقلیەت و زێھنیەتا ئیرانێ ل ھەمبەر کوردان یا وەسایە.
دکتوری ل دووماھیێ ژی گوت: (ئەڤ خوەنیشادانێن ل ئیرانێ دھێنەکرن دێ کارتێکرنەکا زورا مەزن ل سەر سیاسەتا بەغدا ھەبیت، ژ بەر کو ئەو پرۆژێ ئیرانێ ھیڤی دکر کو وەلاتەکێ ب ھێزە دێ بەرگیریێ ژ شیعێن عیراقێ و گەلەک وەلاتێن دێ کەتن بۆ وان ژی دیار بوو کو ئیران ژی وەلاتەکێ ھند یێ سەقامگیر نینە کو مەشروعیەت تیدا بیت نھا دیار بوو کو دێ گورانکاری د وەلاتێ ئیرانێ دا پەیدا بیتن، ب رەنگەکێ زور دێ کاریگەریێ ل سەر ھەموو شیعەیێن عیراقێ کەتن و دێ ل بەغدا دەستھەلاتێ ژ دەست دەن لەوما ژی پێدڤیە سیاسەتەکا نەرمتر بەرامبەری کوردان بکار بینن.
ئەڤرۆ نيوز:
بەرپرسەکێ ئەمریکی دیار کریە کو ئەو نھا بزاڤێ دکەن ئەو ئاخا ل ژێر دەستھەلاتا ھێزێن کوردی ل سووریێ وەکو دەڤەرەکا فەرمی و دەستھەلاتەکا سیاسی ل جیھانێ بدەنە نیاسین و نھا کارێن گرنگ ژی دھێنە کرن و ئەو یەک دێ کارتێکرنێ ل مافێ کوردان ل سووریا نوو دا کەت.
بەرپرسەکێ ئەمریکی کو نەخواستیە ناڤێ خوە ئاشکرا بکەت بۆ رۆژناما واشنتۆن پۆست یا ئەمریکی دیار کریە کو نھا بەرھەڤیێن تەمام بۆ ھندێ دھێنە کرن کو ئەو دەڤەرا ل ژێر دەستھەلاتا ھێزێن سووریا دیموکراتیک و ھێزێن یەپەگێ ل باکورێ سووریێ وەکو دەڤەرەکا فەرمی بھێتە نیاسین و چەندین وەلاتێن ھەڤپەیمانێ مە ژی دێ پشتەڤانیێ ل ڤێ بزاڤا مە بکەن، چونکو ئەو دەڤەرێن ل ژێر دەستێ ھێزێن کوردی و ھێزێن سووریا دیموکراتیک ل سووریێ ھەتا نھا ژی ب فەرمی ژ ئالیێ جڤاکێ نێڤدەولەتی وە نەھاتیە نیاسین و مە دڤێت ئەڤ پێنگاڤە بھێتە ھاڤێتن.
ھەمان بەرپرسێ ئەمریکی ئەو یەک ژی دیار کریە کو ئەمریکا ب ڤی رەنگی دخوازیت پێگەھەکێ فەرمی د ئاستێ جیھانێ بدەتە وێ دەڤەرێ و ھەروەسا رێگریێ ل ھێرشێن تورکیا و ھێزێن سووریێ بۆ سەر کوردان ژی بگریت، چونکو ھەکە کوردان ل سووریێ پێگەھەکێ خوە یێ فەرمی ھەبیت ھەر ئالیەک نەشێت ل گۆر کەیفا خوە ھێرشی کوردان بکەت و خالا دی یا گرنگ ژی مە دڤێت ئەو دەڤەرێن کوردان ب زەحمەتی ژ دەستێ داعشێ دەرخستی بھێنە پاراستن، ئەم دێ د بیاڤێ سیاسی و سەربازی دا بەردەوام ھاریکاریا کوردێن سووریێ بکەین.
ھەمان بەرپرسێ ئەمریکی ئەو یەک ژی دیار کریە کو د بۆدجا سالا نوو دا کۆژمەکێ باش یێ ھاریکاریان بۆ ھێزێن سووریا دیموکراتیک ھاتینە تەرخان کرن و ئەو ھاریکاری دێ وەسا کەت پێگەھێ وێ ھێزێ باشتر بیت و مە بەری نھا ژی ھۆشداری دایە رژێما سووریێ و تورکیا کو نابیت ھێرشی رۆژئاڤایێ کوردستانێ بکەن، چونکو شەرەکێ نوو ل سووریێ د بەرژەوەندیا چو ئالیان دا نینە.
چاڤدێرێن سیاسی ژی دیار دکەن کو پشتی روسیا، تورکیا و ئیران پێکڤە بریار دایی ل سووریێ بەرنامێن خوە بجە بکەن ئەمریکا ژی ل ھەمبەر بەرنامێ وان ھەر سێ وەلاتان دخوازیت پشتەڤانیێ ل ھێزێن سووریا دیموکراتیک بکەت کو پرانیا وان کوردن، چونکو ئەمریکا باش دزانیت تنێ ب رێیا کوردان و ھێزێن سووریا دیموکراتیک دێ شێت ل سووریێ خوە بجە کەت، ژ بەر کو پرانیا ھێزێن ئەمریکی یێن ل سووریێ نھا ل وان دەڤەران دا بجە بووینە کو ل ژێر کۆنترولا ھێزێن سووریا دیموکراتیک دانە و ھەکە پێگەھێ کوردان ل سووریێ ب ھێز بیت دێ ئەمریکا ژی بشێت ل سووریا نوو دا بەرژەوەندیێن خوە ب پارێزیت، ئانکو نھا پێگەە و بەرژەوەندیێن ئەمریکا ل سووریێ گرێدایی ب ھێزبوونا کوردانە و ژ بەر ھندێ ژی ئەمریکا بزاڤێ دکەت د ئاستێ نێڤدەولەتی دا کوردێن سووریێ پێگەھەکێ خوە یێ فەرمی وەکو ھەرێما کوردستانێ ھەبیت.
نيشاندان