ئەڤرۆ نیوز ، ھلوری:
چەند خولەکەکان بەریا نھا تورا پەرلەمانتارێن بریتانی و چەند چاڤدێرەکێن نیڤدەولەتی کو وەکو چاڤدێر لسەر ریفراندۆما کوردستانێ کاردکر ددەن دیارکرن کو ریفراندۆما ھەرێما کوردستانێ زور ب روونی ھاتیەکرن و حێبەتیا خوە ژی ھەمبەری بێ ھەلویستیا گەلەک ژ وەلاتێن نیدەولەتی راگەھاند.
بەرپرسا تورا پەرلەمانتارێن بەریتانیا د کونگرەیەکێ رۆژنامەڤانا چاڤدێرێن نیڤدەولەتی ل ھەولێر دیارکر کو ئەوان ل ھەولێر و سوران و سەنگەرێن پێشمەرگەی و ناڤا پێکھاتەیێن ئاینی و نەتەوەیێن کوردستانێ چاڤدێریا پرۆسەیا ریفراندۆما کوردستانێ کر و گۆت: ( لگورەی ئەوان دوڤچوون و چاڤدێریێن مە ریفراندۆما کوردستانێ زور ب ەفاف و رون بویە و مە چوو سەرپێچی نەدیتن ھاتینەکرن ، و رێژا پشکداریا دەنگدەران ژی ٧٢% بوویە ،ھەر کەس ئازادبوویە کا چەوا دەنگێ خوە بدەت)
زێدەتر گۆت: ( کوردان ب وێرەکی شەرکریە و داعش شکاندیە ، پێدڤی یە کو جڤاکێ نیڤدەولەتی رێزێ ل ئیرادە و دەنگێ خەلکی بگریت)
ژلایەکێ دنڤە کوشنەر وەزیرێ دەرڤەیێ فەرنسا یێ بەرێ دیارکر کو ئەوان ژی ریفراندۆما کوردستانێ ب رون و شەفاف دیت و گۆت: ( ئەز ژ بێ ھەلویستیا فەرەنسا و بەریتانیا و ئەمریکا و نەتوەیێن ئێکگرتی و گەلەک ژ وەلاتێن دن تێناگەھم ، یا ئەز تێدگەھم بتنێ ھەلویستێ دەولەتێن جیرانن )
دەپات ژی کر کوە ێزێن پێشمەرگەی شوونا ھەموو جیھانێ شەرکر و داعش شکاند و گۆت ژی: ( ریفراندۆما کوردستانێ دێ بیتە دەستپێکەک بو ئەنجامدانا زنجیرەکا دانوستاندنان دناڤبەرا ھەرێما کوردستانێ و عیراقێ و جڤاکێ نیڤدەولەتی)

ئەڤرۆ نیوز ، ھلوری:
دەمەک بەریا نھا شێروان زراری ئاخفتنکەرێ کومسیوونا بلند یا ھەلبژاردن و راپرسیێ یا ھەرێما کوردستانێ دکونگرەیەکێ رۆژنامەڤانی دا ھژمارا دەنگدەر و ئەنجامێن دەستپێکی یێن ریفراندۆما سەربخوەی یا کوردستانێ راگەھاندن.
بەلاڤکرنا وان ژی ل گورەی پێنج خالان بوویە
ئێک :- رێژا پشکداریا دەنگدەران د د ریفراندۆمێ دا 72.16% بویە.
دوو :- ھژمارا وان کەسێن کو مافێ دەنگدانێ ھەیی چوار ملیون581 ھزار 255 دەنگدەر بوو.
سێ : – دەنگدەرێن رەڤەندا کوردی ل جیھانێ ئەوێن کو خوە تومارکری ب رێیا دەنگدانا ئەلیکترونی و دەنگێن خوە داین رێژەیا وان 98 ھزار 945 دەنگ بوون.
چوار :- پشکدارێن پروسەیا ریفراندۆمێ ب گشتی سێ ملیون 305 ھزار 925 دەنگدەر بوون.
پێنج :- ھژمارا دەنگدەرێن دەڤەرێن سەر بکارگێریا ھەرێما کوردستانێ ئەڤێن کو دناڤا کەمپ و باژێران دا ئەڤرۆ پشکداربوین ھژمارا وان 497 ھزار 190 دەنگدەر بوون.

ئەڤرۆ نیوز: هلورى:
ل گورەی ئەوان زانیاریێن کو ل چەند ژێدەرەکێن کومسیوونێ دەست ئەڤرۆ نیوز کەفتین ، رێژەیا پشکداریا دەنگدەران د پرۆسەیا دەنگدانێ دا ل چەند باژێرێن کوردستانێ یێن دەستپێکی بڤی رەنگی یە.
ھەولێر = 86%.
دھۆک = 90%
زاخۆ =  94%
ئاکرێ =  94%.
کەرکوک =  78.77%
دەشتا نەینەوا =  80%.
ھەلەبجە –  53%
سوران=  86%

خورماتوو = 67%
شنگال = 92%
گوڵاڵه‌ = 87.5%
قه‌ره‌ته‌په‌ = 62.5%
سێمێل= 92%
هه‌ریر = 95%
به‌رده‌ڕه‌ش = 92%
شێخان = 90%

ئەڤرۆ نیوز ، نەوزاد ھلۆری:
پارێزگارێ دھۆکێ د کونگرەیەکێ رۆژنامەڤانی دا سوپاسیا ھەموو دەنگدەر و ھێزێن ئەمنی و کومسیوونێ و دەزگەھێن راگەھاندنێ کر کو ھەڤکاربوون بو سەرئێخستنا ریفراندۆم بو سەربخوەی یا کوردستانێ و خواست کو چو تەقەیێن خوشیێ نەھێنە بلندکرن و بەروڤاژی ھەر سەرپێچیەکا نەقانونی لسەر ماف و ئازادیێن خەلکی بھێنەکرن دێ پێرابوونێن قانونی ھێنە وەرگرتن.
فەرھاد ئەترۆشی پارێزگارێ دھۆک دیارکر ژی کو ئەڤە سەد سالە کوردستان چاڤەرێ رۆژەکا وەکو ئەڤرۆ دکەین کو بو سەربخوەی یا کوردستانێ دەنگێ خوە بدەن و گۆت: ( چوو بریار نینن بو گرتنا دەرگەھێن سنووریێن دناڤبەرا پارێزگەھا دھۆک و وەلاتێ تورکیا و دەرگەهـ نھا دڤەکرینە و ھاتن و چوونا بارزگانی و گەشتیاری یا بەردەوامە)

ئەڤرۆ نیوز ، ھلوری:
کومسیوونا بلند یا سەربخوەی یا ھەلبژاردن و راپرسیێ دیارکر کو پرۆسەیا دەنگدان بو ریفراندۆما سەربخوەی یا کوردستانێ ل ھەموو پارێزگەھێن ھەرێما کوردستان و دەڤەرێن كوردستانى يێن ده‌رڤه‌ى ئيدارا هه‌رێمێ ب دووماهى ھات و ھەموو بنگەهـ ھاتنەگرتن.

ئه‌ڤه‌ د ده‌مه‌كى دايه‌ كو ل هه‌له‌بچه‌ رێژا ده‌نگدانێ گه‌له‌ك يا كێمه‌ و دبيت ب زوورى بگه‌هيته‌ رێژا 50 بۆ 51%ێ، د ده‌مه‌كى دا دهێته‌ پێشبينيكرن كو رێژا ده‌نگدانێ بگه‌هيته‌ 80%ێ، ل كه‌ركووك ژى بۆ 83% دهێته‌ خه‌ملاندن.

ژماره‌كا زۆر يا كه‌سان كێشه‌ ل گه‌ل ناڤان هه‌بوو ب تايبه‌ت ل پارێزگه‌ها دهۆكێ و ل بنگه‌هێن دانگدانێ يێن تايبه‌ت ب ئاواران ڤه‌ و بوو ئه‌گه‌رێ وێ چه‌ندێ كو ب هزارا كه‌س بهێنه‌ بێ به‌هر كرن ژ ئه‌گه‌رێ كێشه‌يێن تۆمارێن ده‌نگدانێ و نه‌بوونا كارمه‌ندێن پێدڤى كو ڤێ پرۆسێ ب له‌ز ب رێڤه‌ ببه‌ن.