ئەڤرۆ نیوز ، نەوزاد ھلۆری:

نیڤرویا ئەڤرۆ دوو سنێلە د رووبارێ زیێ مەزن ل سنوورێ ناحیا کەلەک حەندقین کو خەلکێ قەزا سوران بوون.
دڤی واریدا ” بێوار عەبدولعەزیز ” بەرپرسێ راگەیاندنا رێڤەبەریا گشتی یا بەرەڤانیا باژێری ل دھوکێ بۆ ئەڤرۆ نیوز گۆت: (نیڤرویا ئەڤرۆ دوو سنێلە د رووبارێ زێی مەزن ل سنورێ ناحیا کەلەک یا سەر ب قەزا بەردەڕەش کەفتنە درووباری دا و حەندقین)
زێدەتر گۆت: (ئەو ھەردوو سنێلە بناڤێن ” ئەحمەد زبێر برادۆستی و بێوار بەیار گەردی” کو خەلکێ قەزا سوران بوون و ب مەرەما مەلەڤانیان قەستا رووبارێ زیێ مەزن کریە ، بەلێ ژ بەرکو شارەزایی نەبوویە حەندقین)
دھێتە زانین کو ل دەما دوو روژێن بوری ئەڤە چوار کەسان ل سنوورێ قەزا بەردەرەش ب سەدەما حەندقینێ گیانی َخوە ژ دەستدا.

ئەڤرۆ نیوز ، نەوزاد ھلۆری:

سپێدەھیا ئەڤرۆ ئەزموونێن نیشتیمانی یێن پۆلا نەھێ بنەرەت یێن سالا خواندنێ ٢٠١٦-٢٠١٧ دەست پێ کرن.

دڤی واریدا ” ئەحمەد زوبێر ” بەرپرسێ راگەھاندنا رێڤەبەریا گشتی یا پەروەردێ ل پارێزگەھا دھۆکێ بۆ ئەڤرۆ نیوز گۆت: (سپێدەھیا ئەڤرۆ دەمژمێر ٨:٣٠ ئەزموونێن نیشتمانی یێن پولا نەھێ بنەرەتی بو خواندنا ٢٠١٦-٢٠١٧ دەست پێ کرن ، بەھزاد عەلی ئادەم جێگرێ پارێزگەرێ دھوکێ و عومەر عەلی تاھا رێڤەبەرێ گشتی یێ پەروەردێ ل پارێزگەھا دھوکێ ب وەکالەت و رێڤەبەرێ سەرپەرشتیا پەروەردەیی ودڵنیا جوری سەرا ژمارەکا بنگەھان ل سنورێ پەروەردا قەزا دھوک روژھەلات دا ، و دیسان ل سنوورێ رۆژئاڤا دھوکێ ژی عومەر ئەحمەد قاسم رێڤەبەرێ پەروەردا دھۆک رۆژئاڤا و ئوسمان سلێمان سەرپەرشتیارێ ئێکێ سەرەدانا ھژمارەکا ھۆلێن ئەزموونێن نیشتیمانی یێن پۆلا نەھێ بنەرەت کر و ژ نێزیک ھایداری رەوشا ئەزموونان ل ھۆلێن قوتابخانێن: میتان، رێزان و ئامادەیا زرکا بوو)

زێدەتر گۆت: ( ٤١ ھزار قوتابی ئەڤرۆ ل رێزا نەھێ بنەرەتی دێ ئەزموونێن نیشتمانیێ ل خولا ئێکێ ھێنەکرن )

ئەڤرۆ نیوز ، نەوزاد هلوری:

دەوروبەرێن دەمژمێر 12ێ ب شەڤ چەکدارێن داعش هێرشەک بو سەر سەنگەرێن پێشمەرگەی ل دورخورماتو کر ، بەلێ پێشمەرگەی هێرشا وان شکاندن و زیانەکا زور ژی ب وان گەهاند.
دڤی واریدا ژێدەرەکێ ژ هێزا پێشمەرگەی ل مێحوەرێ دوزخورماتو بو ئەڤرۆ نیوز گۆت: (نێزیکێ دەمژمیر 12ێ ئەڤ شەڤە چەکدارێن داعش ب دزیڤە ژ دوو لایان ڤە خوە گەنداندە سەنگەرێن پێشمەرگەی ل گوندێ رەزگە ل مێحوەرێ دوزخورماتو یاسەر ب پارێزگەها کەرکوک ، پشتی زێدەتری سێ دەمژمێر و نیڤێن شەری ل داویێ هێزێن پێشمەرگەی شیان هێرشا وان بشکێنن و زیانێن زور ژی ب داعشان بگەهینن، بەلێ ب لێبورین ڤە پێشمەرگەی دوو شەهید و سێ بریندار ژی هەنە)
زێدەتر گۆت: (هەرچەندە ل ڤان روژانێن دوماهیێ لڤینێن وان زورن بوینە و وەسا خوە دیاردکەن کو هێشتا ئەو یێن مای ، بەلێ پشتراستێ ددەینە خەلکێ خوە کو هندی پێشمەرگەساخە دێ کوردستان یا پاراستی بیت و داعش و چوو هێزێن دن یێن تیرورستی نکارن ل بەر ئیرادا پێشمەرگەی راوەستن)
دهێتە زانین دمەها رەمەزانێ دا ئەڤە جارا دویێ یە کو داعش هێرشی مێحوەرێ دوزحورماتو دکەت.

ئەڤرۆ نیوز ، نەوزاد ھلۆری:
ئێڤاریا ئەڤرو بەرێز مەسرور بارزانی پێشوازی ل شاندەکێ بالایێ ماموستا و زانایێن ئاینیێن مەسیحی ب سەروکاتیا مەتران “بەشار وەردە و نیکودیمس شەرەف ” کر ، و دیدارەکێ دا بەحس ل رەوشا مەسحیان ل عیراق و ھەرێما کوردستانێ ھاتەکرن و مەسرور بارزانی ی ژلایێ خوڤە دیارکرن کو دێ ھەرێما کوردستانێ ھەر مینیت وارگەگەە بۆ پێکڤە ژیانا ئولی و نەتەوەیی.
مەسرور بارزانی سەروکێ ئاژانسا پاراستنا ھەرێما کوردستانێ دیارکر کو کوردستان وارگەھێ پێکڤە ژیانا ئول و نەتەوەیی یە و گۆت: (ئەم ل ھەرێما کوردستانێ رژدین کو باشترین مودێلا پێکڤە ژیانێ ل ھەرێما کوردستانێ دناڤبەرا ھەموو پێکھاتەیێن ئولی و نەتەوەیی درۆست بکەین و ب شانازی و دلخوشی ڤە پێشوازیا ھەموو وان کەسان دکەین یێن کو پەنایێ بو ھەرێما کوردستان و ئارامیا ھەرێمێ دئینن)
زێدەتر گۆت: (ئەم وەکو ھەرێما کوردستانێ ل گەل وێ یەکێ کو کو مەسیجی ب خوە دەڤەرێن خوە ب تایبەتی ل دەشتا نەینەوا ب رێڤە ببەن ، ئەم ژی ب ھەموو شیانێن خوە دێ لسەر پاراستنا سەر و مالێن ئەوان بەردەوام بین)