ئەڤرۆ نیوز ، نەوزاد ھلوری:
ئەڤرۆ ئەنجومەنا وەزیران ب سەرپەرشتیا نێچیرڤان بارزانی سەروک وەزیران و قوباد تالەبانی جێگرێ سەروک وەزیران کومبوون بو دانوستاندن و بەرسڤدان لسەر بریارێن پەرلەمان و حکومەتا عیراقێ.
سەرای کو ئەڤە نێزیکێ دوو رۆژایە حکومەتا عیراقێ ١٣ بریار لسەر کوردستانێ دەرکری و دووھی ژی پەرلەمانێ عیراقێ پەسەندکرن ، بەلێ ھەتا نھا حکومەت و پەرلەمانێ کوردستانێ چوو بەرسڤ نەداینە و ئەڤرۆ ھەر ئێک ژ ئەنجومەنا وەزیران كومبوون و پەرلەمانێ کوردستان ژى دێ کومبووبيت بو دانوستاندن لسەر وان بریاران دژی ھەرێما کوردستانێ.

ئه‌ڤرۆ نیوز:
پارتا یه‌كه‌تییا دیمۆكرات په‌یه‌دێ ل رۆژئاڤایێ كوردستانێ، د كۆنگره‌یێ خوه‌ یێ حه‌فتێ دا كو ل رمێلان هاته‌ سازكرن، دو هه‌ڤسه‌رۆكێن نوو هه‌لبژارتن.
شاهۆز حه‌سه‌ن وه‌ك هه‌ڤسه‌رۆكێ نوو یێ په‌یه‌دێ هاته‌ هه‌لبژارتن و جهێ سالح موسلم گرت، هێڤی مسته‌فا وه‌ك هه‌ڤسه‌رۆكا نوو یا وێ پارتێ ل جهێ هه‌ڤسه‌رۆكا به‌رێ ئاسیا كه‌مال هاته‌ هه‌لبژارتن.

ئەڤرۆ نیوز ، نەوزاد ھلۆری:

ب بەرھەڤبوونا سەروک و ئەندام و کومسیاران ، دەمەکێ کێم بەری نھا کومسیوونا بلند یا ھەلبژاردن و راپرسیێ یا ھەرێما کوردستانێ ئەنجامێن دەستپێکی یێن ریفراندۆما سەربخوەی یا کوردستانێ راگەھاندن.

ھندرین سەرۆکێ کومسیوونا بلند یا ھەلبژاردن و راپرسیێ یا ھەرێما کوردستانێ مزگینیا سەرکەفتنا ریفراندۆمێ راگەھاند و گۆت: ( پشتی کو کومسیوون ھاتیە راسپاردن بو ریفراندۆمێ ل ھەرێم و دەڤەرێن دەرڤەیێن ھەرێمی ، سەرەای ھەموو ئاستەنگان شیا زال بیت و ئەنام بدەت ، و بو رێکخستنا ریفراندۆمێ ژی پەنا بو بنەمایێن نیڤدەولەتی برن)

زێدەتر گۆت: ( پروسەیێن بڤی رەنگی مەزن بێی کێم و کاسی نابن بەلێ راپورتێن نیڤدەولەتی و نافخوەی یێن چاڤدێریێ ب ئەرێنی ھەلسەنگاندن بو کر ، و ئەڤ یەک ژی بو کومسیوون و کومپانیان دزڤریت و ریفراندۆم ب سەرکەفتی ب دوماھی ھات)

ئەنجامێن دەستپێکی یێن ریفراندۆمێ بڤی رەنگی یە.

- ھژمارا دەنگدەران ل ھەرێما کوردستان و دەڤەرێن سەر ب وێڤە و رەڤەندا کورد 4 مليون 581 ھزار 255 دەنگدەر بوون

- ھژمارا وان کەسێن کو پشکداری د ریفراندۆمێ دا کری و دەنگێ خوە دایی 3ملیون 305 ھزار 925 دەنگ بوون کە ئەو ژی دکەتن 72.16 .%.

- ھژمارا دەنگێن پوچەلکری 40 ھزار 11 دەنگ

- دەنگێن سپی 9 ھزار 368 دەنگ

دەنگێن کو ھاتینە دویرئێخستن 170 ھزار 611 دەنگ

- ھژمارا دەنگێن درۆست و راست 3 ملیون 85 ھزار 935 دەنگ

- ھژمارا دەنگێن بەلێ 2 ملیون 861 ھزار 471 دەنگ کو دبیتە رێژا 92.73 %.

- ھژمارا دەنگێن نەخێر 224 ھزار 468 دەنگ کو دبیتە رێژا 7.27%.

ئەنجامێن دوماھیێ پشتی کو دادگەھا پێداچوونێ ، پێداچوونێ تێدا دکەت و پەسەند دکەت دێ ھێنە راگەھاندن

ئەڤرۆ نیوز ، ھلوری:
سەرۆک وەزیرێن ھەرێما کوردستانێ د کونگرەیەکێ رۆژنامەڤانی دا دیارکر کو ئەو دخوازین پەیوەندیێن دناڤبەرا ھەرێما کوردستان و ئیران و تورکیا د بەردەوام بن و عیراق ژی ئەگەر بویە کو گەلێ کوردستانێ بریارێ ل چارەنڤیسێ خوە بدەت.
نێچیرڤان بارزانی سەرۆک وەزیرێن ھەرێما کوردستانێ دیارکر ژی کو گەلێ کوردستانێ ترسەکا زور ل عیراقێ ھەیە و گۆت: ( ل گوری ئەوێ رێکەفتا مە ل گەل روسیا ھەیی پشکەک ژ وێ دێ بو تورکیا بیت ، و رێکەفتنا مە ل گەل کومپانیێن روسیا و تورکیا دێ بەردەوام بن ، و پەیوەندیێن مە ل گەل تورکیا بەردەوامن و لسەر تشتەکێ سادە ئەم نابینە ھەرەشە بو تورکیا)
زێدەتر گۆت: ( ئەگەرا سەرەکی یا ئەنجامدانا ریفراندۆمێ دزڤریت بو عیراقێ ، مە ریفراندۆم نەکریە داکو شەر بھێنەکرن بەلکو بو ھندێ بوویە تێگەھشتنەکا باشتر بو دناڤبەرا ھەولێر و بەغدا ھەبیت و بو ھندێ بویە کو داخوازیێن خوە بو جیھانێ روون بکەین و دخوازین کو عیراق ژی لسەر مێزا دانوستاندنان ھەموو تشتەکێ ئێلا بکەت )