ئه‌ڤرۆ نيوز:
راپۆرته‌كا ته‌مام يا كه‌نالێ كوردستان 24 به‌حس ل سه‌ره‌دانا سه‌رۆكێ هه‌رێما كوردستانێ بۆ به‌لجيكا دكه‌ت وسه‌رۆكێ هه‌رێمێ ژى به‌حس ل سه‌ره‌دانا خوه و كۆمبوونا ئێكێ يا وى وه‌لاتى كر.
نووترين نووچه
- سەرۆكێ حوكمەتێ و قونسلێ فلستینێ دووماهی پێشهاتێن رەوشا غەزە گەنگەشەكرن
- د. خەلیل غازی: داهاتێ دەزگەهێن حوكمەتا ئیراقێ بۆ گەنجینەیا وەلاتی ناچن
- هەكە دۆزێن مللەتان د هندەك ویستگەهاندا تووشی راوەستییانێ ژی ببن، چو جاران ب دووماهی ناهێن
- مەسرور بارزانی و پاتریاركێ كەنیسەیا ئاشۆرییا رۆژهەلاتی دوپاتیێ ل پێشڤەبرنا كەلتوورێ پێکڤەژیانێ دكەن
- پارتی ل گەل ئێك لیستییێ یە ل دەڤەرێن كوردستانی یێن ل دەرڤەی ئیدارەیا هەرێمێ
- لەیلا قاسم نموونەیا قەهرەمانییا كچا كوردە و سیمبۆلا ئازادیخوازیێیە
- نێچیرڤان بارزانی: پێشوازیێ ل خوە هەلوەشاندنێ و چەكدانانا پەكەكێ دكەین
- نێچیرڤان بارزانی و مەسرور بارزانی پیرۆزباهیێ ل بنگەهێ لالشێ دكەن
- مەسرور بارزانی: پشتەڤانییا حوكمەتێ بۆ ب هێزكرنا ژێرخانەیا ئابۆری دێ بەردەوام بیت
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
سهرهكى نوچێن گرنگ
هه‌ر تشت ده‌رباره‌ى حه‌شه‌د شه‌عبى.. لاوازيێن وان به‌رامبه‌ر پێشمه‌رگه‌ى چنه؟
ئه‌ڤرۆ نيوز، نەوزاد ھلۆری:
حەشه‌دا شەعبی ب فەتوایا عەلی سیستانی مەرجەعێ بلندێ شیعان ل عیراقێ ب ناڤێ “فەتوا جیھادی یا کیفایێ” ھاتیە دامەزراندن، کو ڤەدگەریته سالا ٢٠١٤ێ، پاشان د ددوڤ دا “شورا حەشه‌د شەعبی ل عیراقێ ھاتە دامەزراندن کو ئەو ژی گرۆپەکێ میلشیایی یە و پاراستنا بەرژەوەندیێن شيعە و ھەڤپەیمانێن خوە دکەت، کو ئەو ژی ٤٢ گرۆپن.
گرۆپێن حەشه‌د شەعبی ل گورەيی مێژوو و جھ و ئەگەری دھێتە دابەشکرن بۆ سەر سێ پشکان.
ئێک: ئەو گرۆپێن چەکداریێن بەری فەتوا سیستانی ل عیراقێ و ب مەرەما پاراستنا بەرژەوەندیێن شیعەیان ھاتینە دامەزراندن، ئەڤ یەک ژی د چەند قووناغەکێن جودا و بۆ مەرەمێن جودا بوویە، ھەموو ژی د دو خالان دا دھێنە کۆمکرن؛ پشتەڤانیا ئیرانێ ل دژی ئەمریکا دکەن. ژ ئەڤان ھێزان پێکدھێن.
عەسائیبێن ئەھل ئەلحەق ل سالا ٢٠٠٨ پشتی ھەلوەشاندنا سوپایێ مەھدی ھاتیە دامەزراندن کو ئەو ژی دژی ئارمانج و بەرژەوەندیێن ئەمریکا چالاکی دکرن.
٢- رێکخراوا بەدر یا له‌شكرى:
رێکخراوا بەدر ل سالا ١٩٨١ ھاتیە دامەزراندن و ھەتا کو بەری ٢٠٠٣ ژی یا بەردەوام بوو، کو دژی بەرژەوەندێن ئەمریکا ل عیراقێ چالاکی دکرن.
کەتیبەیێن حزبوللا ل سالا ٢٠٠٦ پشتی نەمانا رژێما بەعس ھاتیە دامەزراندن کو ئارمانجا وێ ژی شەرکرن بوویە ل گەل ئەمریکا.
عەسائیبێن ئەھل ئەلحەق ل سالا ٢٠٠٨ پشتی ھەلوەشاندنا سوپایێ مەھدی ھاتیە دامەزراندن کو ئەو ژی دژی ئارمانج و بەرژەوەندیێن ئەمریکا چالاکی دکرن.
پشکا دویێ:
ئەو گرۆپێن کو ئەندامێن وان ژ شیعەیان پێکدھێن و ل عیراقێ ھاتینە دامەزاندن، بەلێ ئارمانجا وان شەرێ سوریا و پشتەڤانیکرنا رژێما ئەسەدی بوویە ، کو ئەو ژی ژ چار گرۆپان پێکدھێن و خالا ھەڤپشکا وان ژی پاراستنا بەرژەوەندیێن شیعەیانە ل رۆژھەلاتا ناڤین و ب تایبەتی ژی پاراستنا دەستھەلاتێن بەشار ئەسەد.
ھەر چەندە ئەڤ گرۆپە ژلایێ ئیرانێ ڤە ھاتینە دامەزراندن و پشتەڤانیا دارایی لێ دکەت ب تایبەتی د دانا چەکان دا، بەلێ دیسان ژی ب فەتوا سیستانی ھاتنە د ناڤا عیراقێ دا کو ئەو ژی پێکدھێن ژ:
٤- تەڤگەرا حزبوللا
پشکا سیێ:
ئەڤ گرۆپە پشتی فەتوا سیستانی ل عیراقێ ھاتینە دامەزاندن کو ئەو ژی بۆ سەر دو خالان دھێتە دابەشکرن، ئەو ژی خالا ئەوان حزب و رێکخراوێن سیاسی يێن پشتی فەتوا سیستانی بووینە ھێزێن چەکدار، خالا دن تنێ رێکخراوێن چەکداری نە و چو پەیوەندی ب سیاسەتێ ڤە نینە.
ھەموو ئەڤ گرۆپە ژ ٣٥ گرۆپان پێکدھێن، ئەو ژی:
١- کەتیبەبیێن سەید شوھەدا.
٢- سەرایا سەلام.
٣- فەیلەقا وەعەد سالح.
٤- لیوا عەمارێ کورێ یاسر.
٥- سەرایا زوھرا.
٦- لیوا زولفيقار.
٧- لیوا کەفیل زەینەب
٨- سەرایا ئەنسار ئەلعەقیدە.
٩- لیوا مونتەزەر.
١٠- (بەدر) کو ئەو ژی ھندەک گرۆپێن تایبەتن.
١١- لیوا ئەسەدوللا ئەلغالب.
١٢- تەڤگەرا جیھاد و بینا.
١٣- سەرایا دیفاع ئەلشەعبی.
١٤- کەتیبەیێن درعێ شیعە.
١٥- حزبوللا ئەلسائیرون.
١٦- کەتیبەیێن تەیار ئەلریسالی.
١٧- سەرایا عاشورا.
١٨- کەتیبەیێن مالک شەتر.
١٩- کەتیبەیێن ئەنسار ئەلحەجە.
٢٠- کەتیبەیێن بەرەڤانیا پیروز.
٢١- لیوا قاریعە.
٢٢- کەتیبەیێن غەزەب.
٢٣- لیوا گەنجێن ئەلریسالی.
٢٤- کەتیبەیێن ئیمام غائیب.
٢٥- تەڤگەرا عەبدال.
٢٦- کەتیبەیێن ئیمام عەلی.
٢٧- سوپایێ موختار.
٢٨- لیوا حەمد.
٢٩- لیوا ئیمام قائیم.
٣٠- لیوا عادیات.
٣١- جێشا ئەنساروللا ئەوفیا.
٣٢- لیوا زێرەڤانێن بەتار.
٣٣- لیوا یەد و مەوعوود.
٣٤- فرقەیا عەباس.
٣٥- حەشه‌د ئەلشەعبی.
د ناڤا ئەڤان ٣٥ گرۆپان دا “جەیشا موختار ، کەتیبەیێن ئیمام عەلی ، سەرایا سەلام ، تەڤگەرا ئەلجیھاد و بینا ، کەتیبەیێن سەدی شوھەدا ، سەرایا عاشورا ” ژ ھەمووان ب ھێزترن.
حەشه‌د شه‌عبی ژ ئەگەرا وێ یەکێ کو ژ ٤٢ گرۆپان پێکدھێت جڤاته‌كا شورایێ پێکئینایە کو ئەو ژی ژ چوار کەسێن سەرەکی پێکدھێت:
فالح سەرۆکێ شوورا حەشه‌د شەعبی یە و سالا ١٩٥٦ ل بەغدا ژ دایک بوویە و دەرچوویێ کولیژا ئەندازیاری یا زانکۆیا بەغدایە، دەستپێکیا چالاکیێن سیاسیێن خوە ل حزبا دەعوە کو حزبەکا شیەعەیانە دەستپێکرینە، دەمەکێ ژی شيره‌تكارێ ئیبراھیم جەعفەری بوو ل سالا ٢٠٠٥ێ، پاشان بوویە بەرپرسێ نڤیسینگەھا جێگرێ سەرۆک کومارێ عیراقێ.
جەمال جەعفەر ئیبراھیم ناسیار ب ئەبۆ مەھدی موھەندس جێگرێ سەرۆکێ شوورا یا حەشه‌د شەعبی یە و سالا ١٩٥٤ ل بەسرا ژ دایکەکا ئيرانی و بابەکێ عيراقی ژ دايك بوويه و سالا ١٩٧٧ێ کولیژا ئەندازیاری یا زانکۆیا بەسرا ب دووماھی ئینایە، ھەمان سال ژی په‌يوەندی ب حزبا دەعوە کریە، پشتی کو حزبا دەعوە ھاتیە ھەلوەشاندن ناڤبری چو کوێتێ و ل گەل سوپایێ پاسدارێن ئیرانێ دەست ب کاربوو، ل سالا ١٩٩٩ھەتا ٢٠٠١ ژی بوویە فەرماندەیێ گشتیێ رێکخراوا بەدر و ل سالا ٢٠٠٥ ژی بوویە ئەندامێ جڤاتا نوونه‌رێن عیراقێ .
٣- کەریم نووری
ئەڤ کەسە ئاخفتنکەرێ حەشه‌د شەعبی یە و ل سالا ١٩٦٥ ل بەغدا ژ دایک بوویە و ئەندامێ رێڤەبەریا رێکخراوا بەدرە و شيره‌تكارێ هادی عامری وەزیرێ ڤەگوھاستنا عیراقێ بوو ل سالا ٢٠٠٩ بۆ ٢٠١٣ێ.
ئەو ژی ئاخفتنەرێ دوویێ یێ حەشه‌د شەعبی یە.
ژبلی ئەڤان چار کەسان چەندین کەسێن دن ژی ھەنە کو خودان پێگەهـ و دەستھەلاتن ژ وانان:
١- عەلی سیستانی مەرجەعی بلندێ شیعەيان کو حەشه‌د شەعبی ب فه‌توا وی ھاتیە دامەزراند.
٢- عەلی خامنەیی رێبه‌رێ کۆمارا ئيسلامیا ئیرانێ .
٣- قاسم سلێمانی فەرماندەیێ سۆپایێ قودس يا ئێرانێ.
٤- نوری مالکی سەرۆک وەزیرێن بەرێ یێ عیراقێ و سەرۆکی حزبا دەعوە.
٥- حەیدەر عەبادی سەرۆک وەزیرێن عيراقێ.
٦- ھادی عامری سەرۆکێ رێکخراوا بەدر.
٧- موقتەدا سەدر کوڕێ محەمەد باقر سەدر و سەرۆکێ بەرێ یێ سوپایێ مەھدی.
٨- قەیس خەزعەلی سەرۆکی عەسایبێن ئەھل ئەلحەق.
٩- شبل ئەلزەیدی سەرۆکێ کەتیبەیێن ئیمام عەلی.
١٠- شێخ رەیان کلدانی سکرتێرێ گشتییێ تەڤگەرا کریستیایێن عيراقێ و فەرماندەیێ کەتیبەیێن بابل کو سەر ب کەتیبەیێن ئیمام عەلی یە.
گرۆپێن خودان دەستھەلات و پێکگەهـ د ناڤ حەشه‌د شەعبی دا:
بھێزترین گرووپێ ناڤا حەشه‌د شەعبی رێکخراوا بەدرە کو ھادی عامری سەرۆکاتیێ لێ دکەت، رێکخراوا بەدر ژ روویێ له‌شكرى ڤە ئەزموونێن زۆر ھەنە و ژ روویێ سیاسی ژی ڤە ل عیراقێ شیانێن زۆر ھەنە، ل جڤاتا نوونه‌رێن عیراقێ ٢٢ کورسی ھەنە کو نێزیکێ ١٥ ھزار چەکدارانن، ل سالا ١٩٨١ ژ لایێ جڤاتا بلندا شورەشا ئیسلامی ل عیراقێ ل سەر دەستێ مەحموود ھاشمی ل ئێرانێ ھاتیە دامەزراندن و ل سالا ٢٠٠٥ێ ژی جودا بوویە.
چەک و چەکدار د ناڤا حەشه‌د شەعبی دا:
رێژەیا چەکدارێن د ناڤا حەشه‌د شەعبی دا يا روون نینە کا چەندن، بەلێ ھندەک ژ سەرکردێن حەشه‌د شه‌عى د داخۆيانيێن خوه دا ئاماژە ب ھژمارا وان کریە بۆ نموونە ھادی عامری ددەته دیارکرن کو ھژمارا وان نێزیکێ ١٠٠ ھەزار کەسایە، ھەیڤانە ژی ٧٠٠ ھزار دیناران وەکو مووچە و ١٢٠ ھزار دیناران ژی وەکو دەرمالەیێن خوارنێ وەردگرن و ھەر گرۆپەکێ ژ ڤان ٤٢ گرۆپان قانوونێن تایبەت ب وەرگرتنا چەکداران ھەنە.
حەشه‌د شەعبی ژ روویێ چەکی ڤە:
چوو چەکێن تایبەت نین و پرانیا وان ئەوان چەکان بکاردئینن ئه‌وێن ژ لایێ ئیرانێ ڤه ھاتینە دروستکرن، بەلێ ب رێیا سۆپایێ عیراقێ ھندەک جاران دەستێ وان دگەھیتە چەکێ ئەمریکا ژی، ب رەنگەک گشتی پرانیا ئەو چەکێن ئەو بکاردئینن پێکدھێن ژ “کلاشینکۆف، بی کەی سی، ئار پێ جی، قەناس ئو ئێم ١٦” بەلێ ل گەل ئەڤان چەکان، چەکێن مینا مووشەکێن زەڤیان و مووشەکێن تایبەتی یێن سوپایێ پاسدارێن ئێرانێ ژی ھەنە.
حەشه‌د شەعبی و ئێران:
دکارین ژ چەند روویەکان ڤە بێژین کو حەشه‌د شەعبی رێکخراوەکا چەکداری یا نێزیک ئێرانێ یە، ژ بەرکو پرانیا ئەو گرۆپێن کو حەشه‌د فەرمانداریا وان دکەت ل ئیرانێ ژیاینە، ل سالا بووری ئەبو مونتەزیر محەمەد کو ئێکە ژ فەرماندەیێن بلندێن رێکخراوا بەدر دەما کو ل فەلۆجە ھاتیە کوشتن، ئێرانێ بەھیەکا مەزن بۆ دانا.
ژ روویێ ئاینی ڤە ، گرۆپێن حەشه‌د شەعبی ل دووڤ رێنمایێن عەلی خامنەیی دچن، ئەڤە سەرەرای وەکو ھاتیە دیارکرن پرانیا چەکێن وان ژی ژ لایێ ئیرانێ ڤە دھێنە دابینکرن.
حەشه‌د شەعبی ژ سێ روويان ڤە مەترسی نه بۆ سەر کوردان:
ئێک: ئیران وەکو وەلاتەکێ شیعە پارچا دويێ ب قه‌بارێ خوه ژ کوردستانێ د دەستی دایە کو ئەو ژی رۆژھەلاتێ کوردستانێ يە، ھەردەما بزاڤەکا خورت بھێتە ھاڤێتن دبیت حەشه‌د مەترسیێ بۆ سەر کوردان دروست بکەت.
دو: حەشه‌د شەعبی و ئێران و حوکمەتا شیعەیا عيراقی ب وێ یەکێ رازی نابن کو دەڤەرێن ڤەقەتیایێن ھەرێما کوردستانێ ژ لایێ ھێزێن پێشمەرگەی ڤه بھێنە پاراستن و ئەگەرێ مەترسیا شەری ل گەل پێشمەرگەی ھەیە پشتی ژ ناڤچوونا داعش.
سێ: بڕیاردەر و دەستھەلادارێن حەشه‌د شەعبی رازی نابن کو کورد ژ عيراقێ جودا ببن و ناخوازن کورد ب مافێن خوە شاد ببن.
لاوازیێن حەشه‌د شەعبی به‌رامبەر کوردان (پێشمەرگەی):
حەشه‌د شەعبی ژ زۆر رویان ڤە، لاوازی بەرامبەر کوردان ب گشتی و پێشمەرگەی ب تایبەتی ھەیە وانان ژی:
١- حەشه‌د شەعبی ھێزەکا رێکخستی یا له‌شكرى نینە، بەلکو ژ چەندین گرۆپ و ھزر و بیرێن ژێک جودا پێکدھێن و ئەگەرێن دوبەرەکی و شەر و ئالوزیان ھەردەم د ناڤ وان ب خوه دا دھێتە چاڤەرێکرن.
٢- د ناڤا ھەردو مەرجەعێن شیعەیێن ئیرانێ “خامنەیی و سیستانی” جوداھیێن زۆر ھەنە، کو ئەڤ یەک ژی ب ھێزترین خالە کو حەشه‌د ببیتە دو پارچە.
٣- پشکەکا زۆر یا سەرکردەیێن حەشه‌د شەعبی ژ لایێ ئەمەریکا وەکو تیرۆریست دھێنە ناساندن و ھەر دەستدرێژیەکا وان بۆ سەر ھیزەکا دى ئەگەرا لێدانا وان ھەیە .
٤- پرانیا وەلاتێن عەرەبی ب تایبەتی وەلاتێن کەنداڤێ عەرەبی حەشه‌د شەعبی ب مەترسی ل سەر خوە و دەڤەرێ دبینن.
٥- حەشه‌د شەعبی د شەڕێ دژی داعش دا رەفتارێن نە مرۆڤایەتی و ئەنجامداینە ب تایبەتی دژی سونەیان، ئەڤ یەک ژی بوویە سەدەم کو ژ لایێ پرانیا وەلاتێن بيانێ ب مەترسی ببینن و خوە دوور بکەن ژ ھەڤکاریا وان، بەلکو زێدەتر وەکو میليشیا دھێنە نیاسین.
٦- ھەر گرۆپەکێ ژ ڤان ٤٢ گرۆپان قانوونێن تایبەت ب وەرگرتنا چەکداران ھەنە.
ئەڤرۆ نیوز ئامارا روودانێن ئاگربه‌ربوونێ یێن شەش سالان بەلاڤ دکەت
ئەڤرۆ نیوز ، نەوزاد ھلۆری:
روودانێن ئاگربەربوونێ و قوربانی و زیانێن وێ ل سنوورێ پارێزگەھا دھۆکێ ب رەنگەکێ بەرچاڤ بەر ب زێدەبوونێ ڤە دچن، رێڤەبەریا بەرەڤانیا باژێری ژی دیارکر کو پرانیا روودانێن سنوورێ پارێزگەھا دھۆکێ ژ ئەگەرێن نەدیار ھاتینە روودان.
بێوار عەبدولعەزیز بەرپرسێ راگەھاندنا رێڤەبەریا گشتی یا بەرەڤانیا باژێری ل دھۆکێ ل بارا روودانێن ئاگربەربوون و خەندقینێ ل سنوورێ پارێزگەھا دھۆک د پێنج سال و نیڤێن بووری دا بۆ ئەڤرۆ نیوز گۆت: (ژ ١-١-٢٠١٢ بۆ ١١-٧-٢٠١٧) ل سنوورێ پارێزگەھا دھۆکێ ١٠ ھزار ١٦٩ روودانێن ئاگر بەربوونێ روویداینە، د ئەنجام دا ٤٩٦ کەس بووینە قوربانی ژ وانان ژی ٨٢ کەسان ب ئەگەرا روودانێن ئاگری گیانێ خوە ژ دەستدایە و ٣٦٧ کەس ژی برینداربووینە، دیسان ژ ئەگەرا خەندقینێ ١٣٢ کەسان گیانێ خوە ژ دەستدایە، و دیسان ب کوژمێ ٤٧ ملیار ٢١ ملیون ٢٣٩ ھزار ٥٠٠ دینار ژى زیانێن ماددی ژ ئەگەرا روودانێن ئاگری گەھشتینە حوکمەت و جھێن گشتی و وەلاتیان).
زێدەتر گۆت: (دو ھزار ٩٦٩ روودانێن لەھیان ل سنوورێ پارێزگەھا دھۆکێ دروست بووینە و د ئەنجام دا ب کوژمێ ٦ ملیار ٧٥١ ملیون ٦٥٠ ھزار دیناران ژى زیان ب حوکمەت و جھێن گشتی و وەلاتیان گەھاندینە).
خۆيا ژى كر كو پرانیا روودانێن ئاگربەربوون و خەندقینێ ل پارێزگەھا دھۆکێ ب ئەگەرێن نەدیار ھاتینە تومارکرن، “ئەڤێن دن ژی ژ لایێ رێڤەبەریا مە ھاتینە تومارکرن و دوڤچوون لسەر ھاتیەکرن”.
به‌رپرسێ راگەھاندنا رێڤەبەریا گشتی یا بەرەڤانیا باژێری ل دھۆکێ ل بارا روودانێن ئەڤ سال ژی گۆت: (ژ ١-١-٢٠١٧ ھەتا کو ١٠-٧-٢٠١٧ ل سنوورێ پارێزگەھا دھۆکێ ٨٩٣ روودانێن جودا یێن ئاگری و خەندقینێ دروست بووینە و د ئەنجام ژی دا ٢٠ کەسان گیانێ خوە ژ دەستدایە و ١٧ کەس ژی برینداربووینە، ب کوژمێ ٢ ملیار ٥٠٠ ملیون دینارا زیان گەھشتینە حوکمەت و جھێن گشتی و تایبەت و وەلاتیان، زیاندارترین روودان ژی روودانا بازارێ چەلێ بوو ل دھۆکێ).
بێوار عەبدولعەزیز ل بارا جوداھیا سالێن روودانا گۆت: (روودانێن ئاگربه‌ربوون و خەندقینێ زیانێن وان سال بو سالێ جوداھیا خوە ھەیە، بەلێ ب رەنگەکێ گشتی روودان بەر ب زێدەبوونێ دچن، ژ نووترین ئەگەرێن روودانان ژی زێدەبوونا ھژمارەکا زۆر یا ئاوارە و پەنابەران و زور بوونا ھژمارا ترومبێلا و نەھوشیاریا وەلاتیان و بەردەوامبوونا بوردومانێن فروکێن تورکیا بو سنوورێن ھەرێما کوردستانێ و پارێزگەھا دھۆکێ، دیسان وەکو پێدڤی نەدابینکرنا کەرستە و پێدڤیێن ئاگرڤەمراندنێ ژ لایێ جھێن شولەژێ ب تایبەتی ژی نەبوونا فروکێن ئاگرڤەمراندنێ، ھەر ژ بەر ڤێ یەکێ یە ژی کو پرانیا روودانێن ئاگری ب ئەگەرێن نەدیار ھاتینە تومارکرن).
فرۆكه‌كا له‌شكرێ ئه‌مريكى كه‌فت
ئه‌ڤرۆ نيوز:
تێكشكه‌ستن و كه‌فتنا فرۆكه‌كا شه‌رى يا ئه‌مريكى ل ويلايه‌تا مسيسيپى، گيان ژ ده‌ستدانا 16 كه‌سان ل دووڤ خوه هێلا.
روودان ل ده‌ڤه‌را ليڤاور روودا كو د كه‌ڤيته دووراتيا نێزيكى 160 كيلۆمه‌تران ل باكوورێ جاكسون پايته‌ختێ ويلايه‌تا مسيسيپى.
به‌رپرسه‌كى ژ فه‌رمانگه‌ها هه‌وارهاتنا ويلايه‌تا مسيسيپى راگه‌هاند، ژ ئه‌گه‌رێ روودانێ 16 كه‌سان گيانێ خوه ژ ده‌ست دا بێ كو هوورده‌كاريێن روودانێ ئاشكه‌را بكه‌ت.
حاكمێ ويلايه‌تا مسيسيپى روودان ب كاره‌ستان وه‌سف كر.
كاپتن ساره بيرنز ئاخفتنكه‌را ب ناڤێ هێزێن ده‌ريايى يێن ئه‌مريكا راگه‌هاند، فرۆكه‌يه‌كا ژ جۆرێ “هيركليز كى سى 130″ تووشى روودانه‌كێ بوويه.
د پيرۆزباهيا سه‌ركه‌فتنا مووسل دا تره‌مپ په‌سنا پێشمه‌رگه‌ى دكه‌ت
ئه‌ڤرۆ نيوز:
دۆنالد تره‌مپ سه‌رۆكێ ئه‌مريكا د نامه‌كا پيرۆزباهيێ دا ب هه‌لكه‌فتا كونترۆلكرنا مووسل بۆ حه‌يده‌ر عه‌بادى و خه‌لكێ عيراقێ، په‌سنا پێشمه‌رگه‌ى و هێزێن عيراقى دكه‌ت و قوربانى دان و قه‌هره‌مانديا وان بلند د هه‌لسه‌نگينيت.
ده‌قێ راگه‌هاندنێ:
ئه‌ڤرۆ هێزێن ئه‌منى يێن عيراقى ب پشته‌ڤانيا ئه‌مريكا و هه‌ڤپه‌يمانێن نێڤده‌وله‌تى باژێرێ مووسل ژ حوكم و كابووسا ماوه درێژ يا داعش رزگاركر.
ئه‌م پيرۆزباهيێ ل حه‌يده‌ر عه‌بادى يێ سه‌رۆك وه‌زير و هێزێن ئه‌منى يێن عيراقێ و هه‌موو عيراقيان دكه‌ين بۆ وێ سه‌ركه‌فتنێ ب سه‌ر تيرۆرست و ئه‌وێن دوژمنێ مه‌ده‌نيه‌تێ.
سه‌ره‌خۆشيێ ل هزاره‌هان عيراقيان دكه‌ين كو ب ره‌نگه‌كێ دڕندانه ژ لايێ داعش ڤه هاتينه كوشتن. هه‌ر ديسا هه‌ڤخه‌مين ل گه‌ل مليۆنه‌هان عيراقيان كو ب ده‌ستێ داعش نه‌خۆشى ديتين.
ل گه‌ل خه‌لكێ عيراقێ په‌سنا قوربانيدانا قاره‌مانێن له‌شكر و پێشمه‌رگه‌ى دكه‌ين كو ژيان بۆ ژياندنا وه‌لاته‌كى به‌خشى و قوربانيدانا وان بلند د هه‌لسه‌نگينين.
ئه‌م ل ئه‌مريكا و هه‌ڤپه‌يمانيا نێڤده‌وله‌تى ب شانازى ل گه‌ل هێزێن ئه‌منى يێن د عيراقێ دا راوه‌ستاين و هاريكار بووين د رزگاركرنا مووسل دا، مه د شه‌ش هه‌يڤان دا شيا پێشكه‌فتنه‌كا ئێكجار مه‌زن ل دژى داعش ب ده‌ست ڤه بينين، زێده‌تر ژ وان سێ سالێن داعش بوويه مه‌ترسيه‌كا مه‌زن.
سه‌ركه‌فتنا مووسل، ئه‌وى باژێرێ داعش ب ناڤ خه‌لافه‌ت تێدا دامه‌زراندى، ئاماژه‌كه كو رۆژێن وان ل عيراق و سوريا د سنوردارن، ئه‌م د به‌رده‌وامين د بزاڤێن خوه دا بۆ تێكشكاندنا داعش ب ته‌مامى.
رۆنکرنا وەزارەتا دارایی و ئابووری ل سەر باجا مووچەی
ئەڤرۆ نيوز:
وەزارەتا دارایی و ئابووری یا حکوومەتا ھەرێما کوردستانێ دەربارەی بریارەکا بەریا نھا کو تایبەتە ب دانانا باجێ ل سەر مووچەیێن فەرمانبەرێن کەرتێ تایبەت ژ رێژا 5% دەرخست، بەرپرسەکێ وەزارەتا دارایی دیار کر دەم بۆ کۆمپانیان ھاتبوو دانان و ئەو دەم ھاتە درێژکرن و بریارەکا نوو بۆ ھاتیە دەرخستن.
عەلی عەبدولرەحمان جێگرێ رێڤەبەرێ گشتی یێ باجێ ل وەزارەتا دارایی و ئابووری یا حکوومەتا ھەرێما کوردستانێ دیار کر نھا پشکەکا زۆر ژ کۆمپانیان خوە تۆمار کرینە و ئەو راپۆرتێن پێدڤی ل سەر میزانیێن کۆمپانیێ و تەڤایا زانیاریان دەربارەی کارمەندێن کۆمپانیان دڤێت بھێنە دیارکرن.
جێگرێ رێڤەبەرێ گشتی یێ باجێ ل وەزارەتا دارایی و ئابووری گۆت ژی “دوماھی مۆلەت بۆ تۆمارکرنا کۆمپانیان ئێکێ نیسانا 2017 بوو، ھەر ئەوی دەمی بریار ھاتە دان ھەر کۆمپانیەک پێگیرێ بریارێ نەبیت کو تایبەت ب راستی و دروستیا زانیاریێن دەربارەی کارمەند و میزانیا کۆمپانیێ ئەڤە ئەو کۆمپانی دێ ھێتە سزاکرن”.
ھەروەسا عەلی عەبدولرەحمان گۆت “بریار ھاتیە دان دوبارە دەم ھاتە درێژکرن ژ ئێکێ نیسانێ بۆ دوماھیا ھەیڤا تەموزا ئیسال و ژبلی ئەوێ سزاکرنا ھاتیە دانان ل سەر کۆمپانیان کو پێگیری ب دیارکرن و راپۆرت و زانیارییان نەداین ل وی دەمی ھاتیە دانان بھێنەراکرن”.
جێگرێ رێڤەبەرێ گشتی یێ باجێ ل وەزارەتا دارایی گۆت ژی “پشتی ئەو دەمێ ھاتیە دیارکرن ئەگەر ھەر کۆمپانیەک پێگیری بریارا وەزارەتێ نەبیت ئەڤە ئەو دێ ھێتە سزاکرن، ئەگەر راپۆرت و داتایێن کۆمپانیان بگەھینە دەستێ وەزارەتێ، ئەڤە ژ ھەیڤا ئێکا ئەڤ سالە ژ مووچەیێ کارمەندێن وان دەست پێ کەت کو زێدەتری ئێک ملیۆن دیناران وەردگرن، لێ ئەو پارەیێ حەفت ھەیڤێن دەربازبوویی ژێ ناھێتە بڕین، بەلکو ب چەند جارەکا دێ ژێ ھێتە وەرگرتن”.
ئاگەھداریەک ژ راگریا کولیژا پولیسان ل ھەولێر بۆ قوتابیان
ئەڤرۆ نیوز ، ھلۆری:
کولیژا پولیسان ل ھەولێرێ ئاگەھداریەکێ بو قوتابیێن دەرچویێن کولیژان بەلاڤ دکەت ب تایبەتی ئەو قوتابیێن کو تاقیکرنا شیانێن لەشی ئەنجام دایی سەرەدانا کولیژا پولیسان ل ھەولێر بکەن داکو پشکنینێن لەشی ئەنجام بدەن.
کولیژا ناڤبری د رێیا ئاگەھداریەکێ کو دانەیەک بو ئەڤرۆ نیوز ھنارتیە داخوازێ ل ھەموو قوتابیان دکەت کو رێکەفتی ١٢-٧-٢٠١٧ دەمژمێر ٩:٠ێ سپێدێ ل کولیژا پولیسان بەرھەڤ بن بو ئەنجامدانا پشکنینێن نوژداری ، بەروڤاژی ھەر قوتابیەکێ ل رۆژا دیارکری بەرھەڤ نەبیت دێ ھێتە بێ بەھرکرن ژ مافێ وەرگرتنێ.
د ئاگەھداریا وان دا زێدەتر ھاتیە کو پێدڤی یە ئەو قوتابیێن سەرەدانا وان دکەن جل و بەرگێن وەرزشی دگەل دابن.
ل سنوورێ پارێزگەھا دھۆکێ کەسەک خەندقی
ئەڤرۆ نیوز ، نەوزاد ھلۆری:
ئەڤرۆ سنێلەکێ کومەلگەھا خانکێ یا سەر ب پارێزگەھا دھۆکێ د رووبارێ دیجلەدا خەندقی.
دڤی واریدا بێوار عەبدولعەزیز بەرپرسێ راگەھاندنا بەرەڤانیا باژێری ل دھۆکێ بۆ ئەڤرۆ نیوز گۆت: (ئەڤرۆ گەنجەکێ کومەلگەھا خانکێ ب ناڤێ ئالان گرو بەکر دژیێ ١٠ سالیێ دا د رووبارێ دیجلەدا ل دەما مەلەڤانیکرنێ خەندقی)
زێدەتر گۆت: ( تەرمێ ئەوی سنێلەیی ژلایێ تیما نقومڤانێن سێمێل ھاتە د رووباری دا ھاتیە دەرئینان و ھاتە رەوانەکرن بو نەخۆشخانا سێمێلێ بو زانینا ئەگەرا خەندقیا وی)
رۆژنامەڤانەکێ (France24) ئەردۆغان ل دۆر رێفراندۆما کوردستانێ ئێخستە د رەوشەکا بزەحمەت دا
ئەڤرۆ نیوز:
رۆژنامەڤانەکێ کەنالێ (France24) یێ فرەنسی ھەڤپەیڤینەک د گەل رەجەب تەیب ئەردۆغان، سەرۆکێ تورکیا دا کر، تێدا ئەردۆغانی گۆت: بلا کورد ل ئیراق و تورکیا وێرەکیێ نەدەنە خوە کو بزاڤا سەرخوەبوونێ بکەن”
رۆژنامەڤانێ (France24) ب ڤی رەنگی و بێ دودلی پرسیارەکا راستەراست و بێ ئینان و برن ل ئەردۆغانی کر، یا ل خوارێ دەقێ وێ یە:
ھەڤپەیڤینکەر: ل ئیراقێ ل کوردستانێ سەرۆک بارزانی رێفراندۆما سەرخوەبوونێ بۆ ٢٥ ئیلۆنێ راگەھاندییە، من ڤێ داویێ ھەڤپەیڤین د گەل بارزانی دا کر و وی گۆتە من تورکیا نە ل دژی رێفراندۆمێ یە بەلکو دژی دەمێ رێفراندۆمی یە، دێ شێی رۆن کەی ھەلوەستێ تە ل دۆر ڤێ مژارێ چییە؟
ئەرۆدغان: ب باوەرییا من ئەو ریفراندۆما دێ ھەولێر کەتن، تشتەکێ نەیێ درستە، ل دۆر ڤی مژارێ مە ھەلوەستی خوە بۆ ئیدارا ناڤخوە ل باکۆری ئیراقێ دیار کرییە، ئیدارا باکۆری ئیراقێ دی پەشیمانی ڤێ پێنگاڤا خوە بیت گەر بجھبینیت. بارزانی و ئیدرارا باکۆرێ ئیراقێ د ئامادە نینە بۆ ڤی پێنگاڤێ، ئەڤ بزاڤە دژی ئێکگرتووییا ئاخا ئیراقی یە، یا گرنگ بۆ مە ئێکگرتووییا ئاخا ئیراقێ یە، دەمێ تو تشتەکێ ب ڤی رەنگی دکەی، ئەو تویێ دبێژی من دابەشکرنا ئیراقێ دەست پێ کر، دێ ئالیێن دی ژی ل دووڤ وان چاڤ ل وان کەن،
ھەڤپەیڤینکەر: ل تورکیا ژی؟
ئەرۆدغان: کیرا تورکیا؟ دێ چ ل تورکیا چێ بیت؟
ھەڤپەیڤینکەر: چێدبیت کوردێن تورکیا ئیلھامێ بۆ خوە ژ سەرخوەبوونا کوردێن ئیراقی بینن، چێدبیت ئەو ئێک ژ دلگرانیێن تەبیت!
ئەرۆدغان: ئەڤە نە تشتەکێ درستە بھیتە گۆتن، ھاڤێتنا گاڤەکا ھۆسا ل تورکیا مەحالە و ب چ رەنگان د شیان دا نینە، ھەکەر شیا بان ھەتا نھا دا وێ گاڤێ ھاڤێژن، نھا ئەو یێ بھایێ ھەتا ھزرکرنێ ل دۆر وی تشتی ددەن، زەمینەسازی ل تورکیا بۆ ھاڤێتنا گاڤەکا ب وی رەنگی نینە.
ل ئیراقێ دەولەت ھەیە، لێ ل تورکیا دەولەتا ئێکناسی ھەیە، لەورا کەسێ ئەو ھێز و شیان نینە کو ژ ئاستێ وێ کێم بکەت، ل باشۆری رۆژھەلات و رۆژھەلاتێ وەلاتی ((باکۆرێ کوردستانێ)) چ ئاریشەیێن ب وی رەنگی نینە، ئانکو خەلکێ وی ھەرێمی د ئاشتی و پێکڤەژیانی دا دژین، ھەروەسا مە پرۆژەیێ گوھرینا باژارینیێ ل وێ ھەرێمێ دەست پێ کرییە و ئەم یێ ئاڤەدان دکەینە ڤە، تشتێ باش ل تورکیا چ کوردیزم نینە چ ئایدۆلۆژیایێن وەسا نینە، گەلەک پێکھاتە ھەنە، لێ ھەمی ب ئاشتییانە پێکڤە دژین، ئەم ھەمی خۆشک و براینە، چێدبیت ل ئیراقێ رەوش جیاواز بیت، لێ تورکیا ب ڤی رەنگی یە، لەورا ئەو یەک چ جار ل تورکیا ناچێبیت و چ دەلیڤە ب بزاڤەکا وەسا ناھێنە دان”
چوار خێزانێن گوندەکێ پارێزگەھا دھۆکێ ھاتنە دەرکرن
ئەڤرۆ نیوز ، نەوزاد ھلۆری:
ب تومەتا دەستھەبوون د شەرێ دناڤبەرا دوو خێزانێن ھەرکی و زێباری ل گوندێ باژێرە ، ب سەرپەرشتیا لقێ نەھێ پارتی و نوونەرێن ھەردوو عەشیرەتان ، پشتی کوموبونەکا بەفرەە بو ئاسایکرنا پەیوەندیێن ھەردوو عەشیرەت و گوندێ باژێرە یا سەر ب قەزا ئاکرێ بریار ھاتەدان کو چوار خێزانێن گوندێ باژێرە یا سەر ب قەزا ئاکرێ ل سنوورێ پارێزگەھا دھۆک دناڤ گوندێ ناڤبری بھێنە دەرکرن.
ل گورەی نڤیسارەکا فەرمی یا لقێ نەھێ پارتی دیموکراتی کوردستان کو ئیمزایێن نوونەرێن ھەردوو عەشیرەتێن زێباری و ھەرکی لسەرن و ئەڤرۆ دەرچوویە و دانەیەک بو ئەڤرۆ نیوز رەوانەکریە بریار ھاتەدان کو ھەر چوار خێزانێن ” ھاشم عەزیز ، زێدان موستەفا محمەد و نێچیرڤان حەجی محەمەد ل گوندێ باژێرەیا سەری ، و خێزانەک ژی ل گوندێ باژێرەیا خوارێ بناڤێ “بارزان پیرە ” بھێنە دەرکرن)
دنڤیسارا لقێ نەهـ دا زێدەتر ھاتیە: (نابیت ژ ئەڤرۆ وێڤە جارەک دن ھەردوو عەشیرەت و بنەمال پەنایێ بو بکارئینانا چەکی ببەن ، و نابیت ژی ئەو ھەردوو گوند پەنایێ بو جھەتەکێ دن یێ حکومەتێ ببەن بو سکالایێ بەروڤاژی دێ ب توندی ھێنە سزادان)
دھێتە زانین کو لرۆژا ٧/٧/٢٠١٧ دوو خێزانێن ھەرکی و زێباری ل گوندێ باژێرە سەرا جوکەکا ئاڤێ ب شەر چوون و د ئەنجام دا دوو کەس ھاتنە کوشتن و سێ کەس ژی برینداربوون.
نيشاندان
WP Facebook Auto Publish Powered By : XYZScripts.com