كۆمبوونا مه‌كته‌با سياسى يا ئێكه‌تيێ بۆ ڤان مه‌ره‌مان كۆمبوو

29/07/2017 12:04

183

ئه‌ڤرۆ نيوز:

كۆمبوونا جڤاتا سه‌ركرداتيا ئێكه‌تى نشتيمانى كوردستان ل باره‌گايێ مه‌كته‌با سياسى يا وێ حزبێ ل سلێمانيێ ده‌سپێكر.

ب گۆره‌ى ميديايێن ئێكه‌تيێ كومبوون ب سه‌رپه‌رشتيا كوسره‌ت ره‌سۆل عه‌لى جێگرێ ئێكێ يێ سكرتێرێ گشتيێ ئێكه‌تى نشتيمانى كوردستانه‌.

هه‌ر ب گۆره‌ى ميديايێن ئێكه‌تيێ، بڕياره‌ جڤاتا سه‌ركرداتيا ئێكه‌تيێ د كۆمبوونێ دا دانوستاندنێ ل سه‌ر بڕيارا مه‌كته‌با سياسى يا ئێكه‌تێ ده‌رباره‌ى كاراكرنا په‌رله‌مانى به‌رى 10ى ته‌باخا 2017ێ و ميكانيزما ئه‌نجامدانا كۆنگرێ ئێكه‌تى نشتيمانى كوردستان بكه‌ت.

ئاماژه‌ ب وێ چه‌ندێ ژى كريه‌ كو سوبه‌هى ب سه‌رپه‌رشتيا مه‌لا به‌ختيار دێ ئه‌جنيدا نه‌خشه‌ رێيا ئێكه‌تيێ گه‌هينيته‌ پارتى ديموكراتى كوردستان.

جڤاتا ريفراندۆمێ نه‌خشه‌رێيا داهاتى دياردكه‌ت

29/07/2017 11:52

264

ئه‌ڤرۆ نيوز:

سوبه‌هى رۆژا ئێكشه‌مبى جڤاتا بلندا ريفرندۆمێ دێ كۆم بيت و ئه‌ندامه‌كێ جڤاتێ ژى ديار دكه‌ت كو د كۆمبوونێ دا نه‌خشه‌رێيا داهاتيێ كوردستانێ دێ هێته‌ دياركرن.

عه‌بدولا وه‌رتى، ئه‌ندامێ جڤاتا بلندا ريفراندۆمێ بۆ رووداو گۆت: “رۆژا ئێكشه‌مبى رێكه‌فتى 30ى تيرمه‌ها 2017ێ دێ جڤاتا بلندا ريفراندۆمێ ل پيرمام كۆم بيت و د كۆمبوونێ دا نه‌خشه‌رێيا داهاتى يا جڤاتێ هێته‌ دياركرن و لژنه‌كا سياسى و ديبلۆماسى بۆ سه‌ره‌دانا وه‌لاتان پێك ئينيت”.

عه‌بدولا وه‌رتى گۆتژى: “ره‌نگه‌ دو لژنه‌ بهێنه‌ پێكئينان، ئێك سه‌ره‌دان بۆ وه‌لاتان و ئێك ژى بۆ سه‌ره‌دانا به‌غدا”.

ئێكشه‌مب و دوشه‌مبێ ئه‌ڤ جهه‌ دێ مووچه‌ى وه‌رگرن

29/07/2017 09:54

4358

ئه‌ڤرۆ نيوز:

وه‌زاره‌تا دارايى و ئابوورى د خشته‌كى دا راگه‌هاند كو رۆژا ئێكشه‌مبى رێكه‌فتى 30ى تيرمه‌هێ مووچێ خێزانێن شه‌هيد و ئه‌نفالكريان و زيندانيێن سياسى و مووچێ گۆلانێ يێ سالا 2017ێ يێ وه‌زاره‌تا شه‌هيد و ئه‌نفالكريان هێته‌ به‌لاڤكرن.

هه‌ر ديسا رۆژا دوشه‌مبى رێكه‌فتى 31ى تيرمه‌ها 2017ێ مووچێ هه‌يڤا گۆلانێ يێ سالا 2017ێ يێ ڤان جهان هێته‌ به‌لاڤكرن:

- وه‌زاره‌تا دارايى و ئابوورى

- وه‌زاره‌تا ساخله‌ميێ

- ده‌زگه‌هێ مين

- كۆمسيۆنا بلندا سه‌ربه‌خۆيا هه‌لبژارتنان

- ده‌سته‌يا ده‌ستپاكيێ

- ده‌سته‌يا وه‌به‌رهێنانێ

- ده‌سته‌يێ ژينگه‌هێ

- ده‌ڤه‌رێن كوردستانى يێن ده‌رڤه‌يى ئيدارا هه‌رێمێ

- ده‌سته‌يا ماقێ مرۆڤى

ديوانا چاڤدێريا دارايى

مونا قەھوەجی- ئاراستەیێ کومبونێن لایەنێن سیاسی دێ ھێتە گوھرین

28/07/2017 13:44

257

ئەڤرۆ نیوز ، رەمەزان ھەرنی:
جێگرا سەروکێ پارتا چاکسازی یا تورکمانی دیارکر کو بابەتێ پێکئینانا لێژنەیان بۆ کارو بارێن رێفراندمێ د نھا دا چو دیارنیە ژبەرکو پێشبینی دھێتەکرن ئەڤ جارە کومبوون بەر ب ئاراستەیەکێ دی بھێتەکرن و رەنگە گۆڕان وکومەل ژی پشکداربن.
مونا قەھوەجی جێگرا سەروکێ پارتا چاکسازی یا تورکمانی بۆ ئەڤرۆ نیوز گۆت: (ئەگەر کومبونا دووییێ ھاتە ئەنجامدان و گۆڕان و کومەل پشکدارنەبن بریارە سێ لێژنە بھێتە دروست کرن و نونەرێنھەموو وان لایەنان بھێنە دیارکرن یێن کو بریارا خوە ئێکلاکری ، د د کومبونا ئێکی دا دێ پشکدارێن وان لژنان ھێنە دابەشکرن ب سەر پارتێن ھەرێما کوردستانێ بۆ پرسا رێفراندومێ)
زێدەتر گۆت: ( سێ لێژنێن دبلوماسی و سیاسی و راگەھاندن دێ ھێنە درۆستکرن و دێ سەرەدانا وەلاتێن ھەڤسو و ئەوروپا کەن بو گەھاندنا پەیاما کوردستانێ لدور رێفراندمێ ، و لێژنەیا سیاسێ دی سەرەدانا پارتێن سیاسیێن ھەرێما کوردستانێ کەن ژبەرکو ھەتا نھا ھندەک لایەنان خوە ئێکلانەکریە)

حەشدا شەعبی و پەکەکێ مافێ مروڤێ ل شنگال و عیراقێ بن پێکریە

27/07/2017 22:36

208

ئەڤرۆ نیوز، رەمەزان ھەرنی:

سەروکێ فراکسیونا پارتی دیموکراتی کوردستان ل جڤاتا نونەرێن ئیراقێ ئاشکرا کر ، ھندەک گروپ و چەکدارێن عیراقی ب ئاشکرایێ دبێژن ئەم سەر ب ئیرانینە و مە دەست ب دکیومێنت کرنا وان تاوانا کریە کو ل عیراق و شنگالێ ژلایێ حەشدار شەعبی و PKK ێ ڤە ھاتینە ئەنجام دان.

د.عەرەفات کەرەم سەروکێ فراکسیونا پارتی دیموکراتی کوردستان ل جڤاتا نونەرێن عیراقی بۆ ئەڤرۆ نیوز گۆت: (سونەیێن عیراقێ و کورد دبێژن پێدڤیە حەشدا شەعبی بھێتە ھەلوەشاندن و د سیستەمێ بەرەڤانیا عیراقێ دا نەمینیت یان بھێتە دابەشکرن ب سەر لێوایێن وەزارەتا بەرەڤانیێ ژبەرکو ئەڤ ھێزو گروپە بریارێن دەرەکێ بجهدکەت دکەن.

دکتور عەرەفات کەرەم خویا کر ژی : (ب چو رەنگا جھێ قبول کرنێ نیە کو PKK دیار بکەت کو دێ کانتونا ل شنگالێ دروست کەین و حەشدا شەعبی ژی تاوانا ل عیراقێ ئەنجام بدەت پێدڤیە خەلکێ وان دەڤەران بریارێ لسەر ڤێ چەندێ بدەن نەک لایەنەک و گروپەک)

سەروکێ فراکسیونا پارتی ئاشکرا ژی کر کو ل دەست پێکا دروست بونا حەشدا شەعبی و ھاتنا PKK مە چاڤدێریا وان کریە نھا کار لسەر دکیومێنت کرنا وان تاوانان دکەین ئەوێن وان ل عیراقێ ئەنجام دای و PKK ل شنگالێ پێ رابویە و دێ ئاراستەی دادگەھا فیدرال کەین ئەگەر کار لسەر نەکر دادگەھا عیراقی دێ گەھینیت دادگەھێن وەلاتێن زلھێز ھەیا کو بو ھەمیا بسەلمینیت کو ئەڤ گروپ و لایەنە دژی مافێ مروڤی نە و هەموو مەفێن عیراقێ مافی بن پێکریە)

شیرەتکارێ رۆژھەلاتا ناڤین ژکار ھاتە لادان

27/07/2017 22:16

163

ئەڤرۆ نیوز:
مەزنەشیرەتکارێ دۆنالد ترامپ، سەرۆکی ئەمریکا بۆ کارۆبارێن رۆژھەلاتا ناڤین ژکار ھاتە لادان، د دەمەکی دا جیاوازی و ناکۆکیێن ناڤخۆ د ناڤ کۆچکا سپی دا ب تایبەت د سیاسەتێن گرێدای سووریێ، ئیراق و ئیرانێ زێدەبووینە.
شیرەتکار دێرێک ھارڤی، کو بەری نھا وه‌ك ئەفسەرەکێ ئەمریكا ل ئیراق و ئەفغانستانی ژی ئەرکێ لەشکەری بحھئینایە، کۆکچا سپی بجھھێلا و ل گۆری گۆتنا کۆچکا سپی دێ بزاڤێ کەن برێیەکا دی مفا ژ شیانێن وی وەرگرن.
د ئیدارا ترامپی دا کو ژ مێژە نینە دەستبکاربووی ھەتا نھا بدەھان کەسان دەست ژکار کێشایە یان ھاتینە ژکارلادان، داوی کەس بەری ھارڤی ژی، شۆن سپایسەر پەیڤدارێ کۆچکا سپی بوو.

فرۆکێن تورکیا چیایێ کورەژار ل هنداڤا شێلادزێ بوردومان دکەن

27/07/2017 13:33

314

ئەڤرۆ نیوز ، نەوزاد هلۆری:

دەمەک بەریا نها فروکێن شەرکەرێن تورکیا ئاسمانێ باشوورێ کوردستانێ بەزاند و چیایێ کورەژار ل هنداڤا ناحیا شێلادزێ ل سنوورێ دەڤەرا ئامێدیێ بوردومانکر.
دڤی واریدا برقی ئیسلام وەڵاتیەکێ شێلادزێ یە بو ئەڤرو نیوز گۆت: ( دەمژمێر 12:30 ئەڤرو فروکێن تورکیا ب بهانەیا هەبوونا بارەگایێن پەکەکێ چیایێ کورەژار ل هنداڤا سەنتەرێ باژێرێ شێلادزێ بوردومانکر و ترسەک لدەف خەلکێ دەڤەرێ دروستکریە و ئاگر بەربویە چیایێ کورەژار و پوش و پاوان و رێژەیەکا زورا داروباری و دارستانێ هاتیە سوتن و ئاگر ژی بەردەوامە)
زێدەتر گۆت: (فروکێن تورکیا دوو جاران چیایێ کورەژار بوردوامانکرد ، بەلێ هەتا نها ناهێتە زانین کا چ زیانێن گیانی هەنە یان نە)

شه‌پولەکا دی یا گه‌شتیاران بەر ب هه‌رێما كوردستانێ ڤە هاتن

27/07/2017 10:42

573

ئەڤرۆ نیوز ، نەوزاد هلۆری:

دەستەیا گەشت و گۆزار یا سەر ب حکومەتا هەرێما کوردستانێ هاتنا شەپولەکا دن یا گەشتیاران بەر ب هەرێما کوردستانێ راگەهاند کو دێ ل ڤان نێزیکان گەهنە هاڤینگەه و جهێن گەشت و گوزار و بازارێن هەرێما کوردستانێ.
دەستەیا گەشت و گۆزارێ زێدەتر دیارکر کو هاتنا گەشتیاران بو هەرێما کوردستانێ پشتی جەژنا رەمەزانا پیرۆز شێوەکێ بەردەوام دەست پێ کریە و بەردەوامە و ئەڤ یەک ژی لڤاندنەکا زۆر د جهێن گەشت و گۆزاری و بازارێن هەرێما کوردستانێ درۆستکریە.
ل گۆرەی داتایێن وەزارەتا باژێرڤان و گەشت و گوزار هاتنا گەشتیاران بەرامبەر سالێن بوری ب رەنگەک بەرچاڤ بەر ب زێدەبوونێ ڤە چویە و تنێ ل روژێن جەژنێ 120 هزار گەشتیاران سەرا هەرێما کوردستانێ کریە ، پرانیا وان ژی ئاکنجیێن ناڤەراست و باشوورێ عراقێ بوینە.
دروستکرن و نوژەنکرنا جهێن گەشت و گۆزاری ل هەرێما کوردستانێ پشتی هاتنا ئاوارە و شەرێ داعش زێدەتر بویە ، دیسان هەبوونا شەر و ئالوزیان ژی ل هەند باژێرێن عیراقێ بویە سەدەم کو گەشتیار زێدەتر بهێنە هەرێما کوردستانێ.

سوبه‌هى دێ رێڤه‌به‌رێ گۆمركا سه‌رزێرى ده‌ست ب كار بیت

26/07/2017 22:48

1395

ئه‌ڤرۆ نیۆز،زنار تۆڤى:

هه‌ر چه‌نده‌ ئه‌ڤه‌ ماوێ دو سالانه‌ ده‌رگه‌هێ گۆمركا سه‌رزێرى دناڤبه‌را هه‌رێما كوردستانێ و وه‌لاتێ توركیا دا ل ناحیا كانى ماسێ یا سه‌ر ب قه‌زا ئامێدیێ ڤه‌ هاتیه‌ ڤه‌كرن،لێ هه‌تاكو نوكه‌ چ رێڤه‌به‌ر بۆ نه‌هاتبوونه‌ دانان و سوبه‌هى ل رۆژا پێنجشه‌مبى 27/7/2017 د رێورسمه‌كێ دا دێ رێڤه‌به‌ره‌كێ نوو بۆ هێته‌ دانان.

سه‌ربه‌ست سه‌برى ئاكره‌یى رێڤه‌به‌رێ ناحیا كانى ماسێ بۆ ئه‌ڤرۆ نیۆز دیاركر:كو ئه‌ڤه‌ دو سال بوون ده‌رگه‌هێ گۆمركا سه‌رزێرى دناڤبه‌را حوكمه‌تا هه‌رێما كوردستانێ و وه‌لاتێ توركیا دا ل ناحیا كانى ماسێ یا سه‌ر ب قه‌زا ئامێدیێ ڤه‌ هاتیه‌ ڤه‌كرن،لێ هه‌تاو نوكه‌ چ رێڤه‌به‌ر نه‌بوون،لێ سوبه‌هى رۆژا پێنجشه‌مبى د رێورسمه‌كێ دا و ل ده‌مژمێر 10 سپێدێ ب به‌رهه‌ڤبوونا قائیمقامێ قه‌زا ئامێدیێ و نوونه‌رێ پارێزگه‌ها دهوكێ و رێڤه‌به‌رێ گۆمركا ئیبراهیم خه‌لیل و چه‌ندین كه‌سایه‌تیێن دى،دێ عرفان سه‌لمان وه‌ك رێڤه‌به‌رێ نوو یێ گۆمركا سه‌رزێرى ده‌ست ب كار بیت.

هەروەسا گۆت ژى:هه‌ر چه‌نده‌ گۆمركا سه‌رزێرى هێشتا نه‌بوویه‌ ده‌رگه‌هه‌كێ بازرگانى،لێ پشتى هاتنا ڤى رێڤه‌به‌رى دێ هه‌ولێن باشتر هێنه‌دان،كو ئه‌ڤ ده‌رگه‌هه‌ ببیته‌ بازرگانى،له‌ورا نوكه‌ بتنێ وه‌لاتى دشێن بۆ مه‌به‌ستا گه‌ریان و سه‌ره‌دانێ هاتنوچوونێ دڤى ده‌رگه‌هى را بكه‌ن ژ كوردستانى بۆ توركیا و هه‌روه‌سا ژ توركیا بۆ كوردستانێ،دیسا گۆمركا سه‌رزێرى ژى یا گرێدایه‌ ب گۆمركا ئیبراهیم خه‌لیل ڤه‌.

پەیڤدارێ پارتی پێشبینیا خوە ل سەر رێژه‌یا ده‌نگێن به‌لێ یێن ریفراندۆمێ دیار دکەت!

26/07/2017 22:44

513

ئەڤرۆ نیۆز،زنار تۆڤی:

پەیڤدارێ پارتی دیمۆكراتی كوردستان مەحمود محەمەد د هەڤپەیڤینەکێ دا راگه‌هاند،ل وی دەمێ كوردستان ب ده‌ولەتا عێراقێ ڤە هاتیە لکاندن،عێراق نە شیایه سەقامگیر ببیت،لەورا نوکە دەمێ هەلوەشاندنا سنۆرێ سایکس پیکۆیە،ئه‌ڤە ژی دێ ب رێیا ریفراندۆمێ هێتەکرن.

هه‌روسا مەحمود محه‌مه‌د ئه‌ندامێ مه‌كته‌با سیاسی یا پارتی دیمۆکراتی کوردستان و پەیڤدارێ پارتی دبێژیت ”ل دووڤ راپرسیان،دەنگێ بەلێ د ریفراندۆمێدا دێ زێدتر ژ 70% بیت و دبێژیت ژی”ئێران و توركیا دەربارەی ریفراندۆمێ د جیاوازن و تەهرانێ هێرش نەكریە.

مەحمود محەمەد پێشبینیا ئەنجامێن ریفراندۆمێ ژی ئاشكرا دکەت و دیاردکەت “کو راپرسییێن پارتی دەرێحستیە کو زێدەتر ژ 70% یا خەلکێ كوردستانێ دێ دەنگێ خوە ب بەلێ دەن،بۆ ریفراندۆما 25 ئیلۆنێ.

نيشاندان 1...1,000 2,000 1,6361,6371,638 2,630...2,769 زێده‌تر

لاپه‌ر 1,637 ژ 2,769