ئەڤرۆ نیوز ، ھلوری:
حکومەتا ھەرێما کوردستانێ د پەیامەکێ دا بێھنڤەدانێن جەژنا رەمەزانا پیروز کو جەژنەکا موسلمانایە دیارکرن.
سەفین دزەیی ئاخفتنکەرێ حکومەتا ھەرێما کوردستانێ دیارکر کو بێھنەڤانێن جەژنا رەمەزانا پیروز دێ لروژا ٢٥/٦/٢٠١٧ دەست پێ کەن ھەتا رۆژا ٢٩/٦/٢٠١٧ بەردوام بیت و گۆت: (ب ھەلکەفتا ھاتنا جەژنا رەمەزانا پیروز پیروزباھیان ل گەلێ کورد و موسلمانان دکەین و بڤێ ھەلکەفتێ ژی حکومەتا ھەرێما کوردستانێ ب فەردیت چەند رۆژەکان وەکو بێھنڤەدان بو سەرجەم دام و دەزگەھێن حکومی دیار بکەت)
زێدەتر گۆت: ( رۆژا ئێکشەمبی ٢/٧/٢٠١٧ جارەک دن دێ دەام دەست پێ کەت ڤە ژ بەرکو ھەردوو رۆژێن ٣٠/٦/٢٠١٧ و رۆژا ١/٧/٢٠١٧ دیسان دێ بنە بێھنڤەدان کو ئەو ژی دبنە روژێن ھەینی و شەمبی و ل ھندەک دام و دەزگەھان بێھنڤەدانێن فەرمی نە)

ئەڤرۆ نیوز ، نەوزاد ھلۆری:
ب بریارا وەزارەتا پەروەردێ یا حکومەتا ھەرێما کوردستانێ رێڤەبەریا پەروەردا قەزا ئاکرێ دێ پارێ ھاندانا ماموستایان لسەر زێدەتری دوو ھزار ماموستایان دابەش کەت.
دڤی واریدا” سالح زێباری ” بەرپرسێ راگەھاندنا رێڤەبەریا پەروەردا قەزا ئاکرێ بۆ ئەڤرۆ نیوز گۆت: ( وەسا بریارە کو ئەڤرۆ ئێڤاری پەروەردا قەزا ئاکرێ پارەیێ ھاندانا ماموستایان لسەر زێدەتری دوو ھزار ماموستایان دابەش بکەت کو ل سنوورێ قەزا ئاکرێ دەوامێ دکەن )
زێدەتر گۆت: ( ھەر ماموستایەکێ دەرڤەیێ قەزا ئاکرێ ل سنوورێ قەزا ئاکرێ دەوامێ کربیت دێ ١٥٠ ھزار دیناران وەرگریت و ئەوێن کو ل سەنتەرێ قەزایێ ژی دەوام کربیت دێ ١٠٠ ھزار دیناران وەرگرن )
بەرپرسێ راگەھاندنا رێڤەبەریا پەروەردا قەزا ئاکرێ دیارکر ژی کو ئەو پارەیێ ئەڤرۆ دێ ھێتە دابەشکرن پاریێ ھەیڤا ئادارا سالا بوری یە و گۆت ژی: ( بەری نھا پارەیێ ھەردوو ھەیڤێن ئێک و دوو ھاتینە دابەشکرن ، و پرۆسەیا دابەشکرنا پارێن ھاندانا ماموستایان دێ یا بەردەوام بیت ھەتاکو ھەموو پارە دھێنە دابەشکرن)

قایمقامیا قەزا دھۆکێ بھایێ ئەمپێرەکێ کارەبا مالیدان ل سەنتەرێ پارێزگەھێ و دەردورێن وێ بو ھەیڤا شاش بەلاڤکر

1- قەزایێن دهوك،سمیل و زاخو ودەڤەرێن سەر ب وانڤە 11.000) دینارن.ول گوندێن ( تەلوە وبێتاسێ‌ و ئەڤریكێ‌ ) (10.000) دینارن.

2- ل قەزا ئاكرێ‌ وناوچەیێن ( دینارتەوبجیل وگردەسین )/سەنتەر (10.500 ) دینارن. ل ناوچەو گوندێن دەورو بەرێن ئاكرێ‌ فیدەرێ‌(گردەسێن- شەرمن و ئومەرخۆشان) ( 8.250 ) دینارن ول فیدەرێ‌ ( دینارتە و بجیل ) ( 8.250 ) دینارن و ئەو جهێن بەلێندەر موەلیدێن وان برێڤە دبەت ل فیدەرێ‌ (گردەسێن -شەرمن و ئومەر خۆشان ) ( 8.250 ) دینارن.

4- ل قەزا بەردەرەش/سەنتەر( 8.250 ) دینارن. ول ناوچا( كەلەك ) (8.250 ) دینارن ول ( بشیریان ) (8.250 ) دینارن ول (كانی ئەسپان،ئیسماوە و زەنگەنان) (7.750) دینارن. ول ناوچا (دارەتوو ) (8.750) دینارن ،ول ناوچا(رۆڤیا/بەلێندەر) (9.000) دینارن.

5- ل سەنتەرێ‌ قەزا شێخان ( 8.750 ) دینارن. ول ( ناوچا چرە) ( 8.750 ) دینارن. ول( كەلەكچی ودولیشان ) ( 8.750 ) دینارن ،ول ناوچا ( قسروك ) ( 8.750 ) دینارن ، ل (مهەتێ‌ ) ( 8.500 ) دینارن. ول(وان ناوچە ودەڤەرێن كومپانیا بێخال موەلیدێن وان برێڤەدبەن ل سنورێ‌ قەزا شێخان) فیدەرێ‌ (هزار جووت،لەكان،كفرێ‌ ) ( 8.250 ) دینارن ،وفیدەرێ‌(خنس،شەهیا) ( 8.000 ) دینارن.

6- ل ناحیا باعدرێ‌ ( 9.000 ) دینارن.ول(ئێسیا) ( 9.000 ) دینارن ول ناوچا ئەتریش و بلدێشا ( 8.000 ) دینارن.

7- ل قەزا ئامێدیێ‌ /(سەنتەر) ( 9.000 ) دینارن ،ول(سەرسنگی) ( 10.000 ) دینارن ،ول (دێرالوكێ‌)( 9.000 )دینارن ول( شێلادزێ‌)( 10.000) دینارن ول ناوچا چەمانكێ‌( 9.500 ) دینارن.

8- ل دەڤەرێن سنورێ‌ قایمەقامیا قەزا سێمێلێ‌ ئەوژی (سمایل ئاڤا، بالقوس، خراب دیم وگرشین و مقبلێ‌ باتێلێ‌ وباستكێ‌) ( 10.000 ) دینارن .ودەڤەرێن ئەمپێری ل زاخو ( 10.000 ) دینارن.

9- ل دەڤەرێن ( كورا ،مانگێش ،زاویتە و باگێرا) ( 10.000 ) دینارن.

10- ل شوقێن پارێزگەها دهوكێ‌ كو بەرنامێ‌ كاركرنا موەلیدا ( 24 ) دەمژمێرییە وئەوێن موەلیدێن وان نە سەرب پرۆژەی ڤە ( 12.000 ) دینار.ول شقێن زاخو ( 11.000) دینارن.ول وان شقێن كۆ بەرنامێ‌ كاركرنا موەلیدێن وان ( 24 )دەمژمێری(12.000) دینارن.

11- ل ناوچا (ئەلقوش /سەنتەرێ‌ ناوچێ‌) (7.500 ) دینارن. ول (جراحی-بوزا-شێخكا- بێبان ونفێریێ‌) ( 6.000 ) دینارن ول ( خەتارێ‌ – دوغاتا – منارە- تلسین و بابیرا) ( 5.000 ) دینارن.

12- موەلیدێن بازرگانی یێن بازاری :

- بهایێ‌ ئەمپێری 11.250 دینارن

- خودانێن موەلیدێن بازرگانی یێن بازاری هاتنە ئاگەهداركرن كۆ راپرسیەكێ‌ دگەل بەشدارێن بازاری بكەن لسەر هەلبژارتنا بارنامێ‌ كاركرنا موەلیدێن وان ژڤان هەردوو بەرنامێن دیاركری :

A- بەرنامێ‌ 8 سپێدێ‌ بۆ 8 شەڤێ‌

B- بەرنامێ‌ 8 سپێدێ‌ بۆ 2 شەڤێ‌

تێبینی:

• بەرنامێ‌ كاركرنا موەلێدا ل سەنتەرێن قەزایێن دهوك،زاخو و سێمێل بۆ مەها ( تیرمەهێ‌) دێ‌ بڤی رەنگێ‌ لخوارێ‌ بیت :

- بەرنامێ‌ كاركرنا موەلیدان ل قەزایێن ( دهوك-سێمێل وزاخو ) دێ‌ ( 24 ) دەمژمیری بیت ، موەلیدە دێ‌ كاركەن ل هەر دەمێ‌ كەهرەبا گشتی دڤی ماوەیدا هاتە برین.

- بەرنامێ‌ كاركرنا موەلیدان ل قەزایێن دی و دەڤەرێن سەر ب وان ڤە ، دێ‌ لدویف رەوش و داخوازییا كارگێریێن وان و خەلكێ‌ وان بیت .

*ژ هەژی بیرئینانێ‌ یە كۆ كۆژمێن ( 1000-2250 ) دینار لسەر بهایێ‌ ئەمپێرێ‌ ڤێ‌ مەهێ‌ هاتینە زێدەكرن ل جهێن جودا جودا ب مەرەما سڤكرنا قەرێن پاشماییی یێن مەهێن رابوری بۆ زانین وئاگەهداری.

* هیڤیدارین ژ خودانێن موەلیدا پێگریێ‌ ب بەرنامێ‌ لیژنا سەرپەرشتیا موەلیدان بكەن ئەوێ‌ لسەری دیاركری ، وداخوازێ‌ ژ هەلبژێرێن بەرێز دكەین ، هەر جهەكێ‌ موەلیدا ل تاخێ‌ وی پێگریێ‌ نەكەت ، لیژنا مە ب سكالایەكا نڤیسی ئاگەهدار بكەت داكو پێرابوون د دەرهەقێ‌ وان دا بهێنە ئەنجامدان.

ئەڤرو نيوز ، نەوزاد ھلۆری:

گەلیێ بالندا تاکە رێیا پێکڤە گرێدانا زێدەتری ١٥٠ گوندێن نێروە و رێکانە ، بەلێ ل خالا دەستپێکێ یا گەلیێ بالندا ل نێزیک پرا ئاسنی یا گەلیێ بالندا و بارەگایێ ئاسایشا گەلیێ بالندا ١١٠ ھەزار مەترێن عەردی مین و تەقەمەنی تێدا ھەنە و مەترسی بۆ سەر ژیانا وەلاتیان درۆستکریە ، رێڤەبەریا گشتی یا مین و تەقەمەنیان ژی دیارکر کو ئەو دێ پشتی جەژنێ ژ نێزیک سەرەدانا جھێ ناڤبری کەن بۆ چەوانیا راکرنا ئەوان مین و تەقەمەنیان.
سەمیع سەدیق وەلاتیەکێ دەڤەرێ یە دیارکر کو ل دەرێ گەلیێ بالندا ھژمارەکا زۆر یا مین و تەقەمەنیان ھەیە و بۆ ئەڤرۆ نیوز گۆت: (ھەبوونا مین و تەقەمەنیان ل دەرێ گەلیێ بالندا راستەوخوە مەترسی بۆ سەر ژیانا وەلاتیان ھەیە ژبەرکو ھژمارا وان زێدە زۆرە و بەری نھا ژی چەندین جاران مەترسی بۆ سەر ژیانا وەلاتیان و ئاژەلان درۆستکریە)
زێدەتر گۆت: (دخوازین کو جھێن شولەژێ ب زوترین دەم ئەوان مین و تەقەمەنیان راکەن ژبەرکو خەلکەکێ زور قەستا گەلیێ بالندا دکەن و رۆژانە ھاتن و چوونێ دنیڤا جھێ ئەوان مینان دا دکەن و ئەگەر خەلکێ دەڤەرێ بزانن مین ل وان جھان ھەنە خەلکێ بیانی نزانن)
دلگەش محەمەد پولیسێ دارستان ل گەلیێ بالندا لسەر بابەتی بۆ ئەڤرۆ نیوز گۆت: (ئەڤە چەند سالەکە ئەم ل گەلیێ بالندا دەست بکاربوین و مە ب چاڤ دیتیە کو چەندین جاران خەلکێ دەڤەرێ چوینە دناڤا جھێ مین و تەقەمەنیان دا ب تایبەتی زاروک و ئەوان زاروکان راستەوخو ئەو مین و تەقەمەنی ھەلگریتنە و یاری پێکرینە و دیسان چەندن جارەکان ژی پێش چاڤێن مە ئەو مین و تەقەمەنی ب ئاژەلێن دەڤەرێ پەقینە و کوشتینە ، زێدەباری ڤێ یەکێ ئەم وەکو پولیسێن دارستانێ یێن دناڤا مین و تەقەمەنیان دا و ھەموو رەخ و روویێن مە مین و تەقەمەنی ھەنە و بەری نھا ژی مە مین و تەقەمەنی لسەر رێیا سەرەکی یا ھاتن و چوونا خوە بو لایێ رووباری راکرینە ژبەرڤی َدخوازن کو جھێن شولەژێ ئەڤان مین و تەقەمەنیان راکەن داکو مەترسی بۆ سەر ژیانا وەلاتیان درۆست نەبیت)
ژلایەکێ دنڤە عەبدولەکریم ئەحمەد رێڤەبەرێ پلاندانانێ ل رێڤەبەریا گشتی یا مین و تەقەمەنیان ل پارێزگەھا دھۆکێ زێدەباری پشتراستکرنا بابەتی بۆ ئەڤرۆ نیوز گۆت: (بەلێ ھژمارکا زۆر یا مین و تەقەمەنیان ھەیە و نھا ١١٠ ھزار مەترێن چوار گوشەیێن عەردی ل رەخ و روویێن دەرێ گەلیێ بالندا مین و تەقەمەنی ھەنە ژبەرکو مەترسی بو سەر ژیانا وەلاتیان ھەیە مە ل سالا ٢٠٠٨ ھندەک نیشانێن ھوشیارکرنێ داناینە بەلێ دبیت نھا ئەو نیشان ژ کارکەفتن بن یان ژی کەڤن ببن ، مە ل بەرە پشتی جەژنا رەمەزانا پیروز جارەک دن ژ نێزیک سەرەدانا گەلیێ بالندا و جھێ ئەوان مین و تەقەمەنیان بکەین داکو بزانین چەوا دێ ئەوان مین و تەقەمەنیان راکەین داکو مەترسیێ بو سەر ژیانا وەلاتیان درۆست نەکەن )
زێدەترگۆت: (ئەو مین و تەقەمەنیە ل سەردەمێ رژێما بەعس و شەرێ پەکەکێ ھاتینە دانان و ھژمارا وان زۆرە و ھەموو مین و تەقەمەنی ژی دژی کوشتنا مرۆڤان و وێرانکرن و ژناڤبرنا ترومبێلان ھاتینە دانان ب شێوەیەک لسەر رەخ و رویێن جاددا سەرەکی و جھێن بلند ژی ھاتینە دانان )

ئەڤرۆ نیوز ، نەوزاد هلوری:

دبەردەوامیا چالاکیێن خوە دا ژ بو رزگارکرنا وەلاتێن ئێزدی ژ دەستێ داعش ، ئەڤرو ب هەڤکاریا چەند خێرخوازەکان نڤیسینگەها رزگارکرن و ڤەگەراندنا کوردێن ئێزدی پێنج وەلاتیێن دی یێن ئێزدی هاتنە رزگارکرن. دڤی واریدا “حسێن قایدی” رێڤەبەرێ نڤیسینگەها رزگارکری و ڤەگەراندنا کوردێن ئێزدی یا سەر ب حکومەتا هەرێما کوردستانێ بۆ ئەڤرۆ نیوز گۆت: (ئەڤرو روژا سێشەمبی ب هەڤکاری ل گەل چەند خێرخوازەکان و هێزێن ئێمناهیێ شیاین پێنج وەلاتیێن کوردێن ئێزدی ژبن زولم و ستەما داعش رزگار بکەین کو خەلکێ گوندێ کوچو و گوندێ شێخ خدر بوون کو دوو گوندێن سەر ب قەزا شنگالێ نە)

زێدەتر گۆت: (ب رزگارکرنا ئەڤان کەسان هژمار رزگارکریان گەهشتە سێ هزار 37 کەسان ، بەلێ هێشتا سێ هزار 300 کەسێن دن ماینە کو بهێنە رزگارکرن)

ئەڤرۆ نیوز ، نەوزاد ھلوری:
وەزارەتا نافخو یا حکومەتا ھەرێما کوردستانێ 15 ترومبێلێن پێشکەفتی تایبەت دوارێ ھاتن و چۆنێ دا بۆ رێڤەبەریا گشتی یا ھاتن و چۆنێ ل پارێزگەھا دھۆکێ دابینکرن.
دڤی واریدا عەمید فەخری ئەحمەد رێڤەبەریا گشتیێ ھاتن و چۆنێ ل پارێزگەھا دھۆکێ بۆ ئەڤرۆ نیوز گۆت: (وەزارەتا نافخو یا حکومەتا ھەرێما کوردستانێ 15 ترومبێلێن پێشکەفتی تایبەت دوارێ ھاتن و چۆنێ دا بۆ رێڤەبەریا گشتی یا ھاتن و چۆنێ ل پارێزگەھا دھۆکێ دابینکرن و ڤان رۆژێن بھێت دێ لسەر ھەموو بنگەە و رێڤەبەریێن ھاتن و چۆنێ ل سنوورێ پارێزگەھا دھۆک ب ھەموو قەزایێن خوڤە دابین کەت)
زێدەتر گۆت: (ب رێیا ئەڤان ترۆمبێلان دی َخزمەتەکا باشتر بو رێکخستنا ھاتن و چۆنێ ل پارێزگەھا دھۆکێ ھێتەکرن)

ئەڤرۆ نیوز ، مەحمود نھێلی
ژ بۆ پتر خزمەتکرنا خێزانێن شەھیدێن شەرێ دژی داعش سەروکاتیا ساخلەمیا قەزا ئامێدیێ پرۆژەیەک بەردەست کریە کو دێ بێ بەرامبەر خزمەتێن ساخلەمیێ پێشکێشی وان که ن.
دکتور نەجیب سەعید رێڤەبەریێ ساخلەمیا قەزا ئامێدیێ بۆ ئەڤرۆ نیوز دیارکر، کو ئەڤ پرۆژەیە ژ پێشنیارا وی بوویە و رازیبوونا ھەموو دکتورێن تایبەت مەندێن دەڤەرێ ل سەر ڤی پرۆژەی وەگرتیە و گۆت: ( ئەڤ پرۆژەیە پێک دھێت ژ پێشکێش کرنا خزمەتێن ساخلەمیێ بۆ خێزانێن شەھیدێن شەرێ دژی داعش کو پێک دھێن ژ سەرەدانا نوژداری و گرتنا پشکنینێن تاقیگەھا و تیشک و سونەر و خوە ھەتا دەرمان ژی ب بێ بەرامبەر دێ ب وانا ھێنە بەخشین).
ناڤبری دیارکر ژی کو ئەڤ پرۆژەیە ب ھەڤکاری ل گەل رێڤەبەریا شەھید و ئەنفالکریان ل ئامێدیێ و لقێ ھەژدە یێ پارتی دێ ب رێڤەچیت و گۆت: ( ھەر کەسەکی کارتا باوەرپێکری کو ژلایێ رێڤەبەریا شەھیدان ل ئامێدیێ ھاتیە چێکرن دگەل دا بیت دێ بێ بەرامبەر ل کومەلگەھا نوژداریا شێلادزێ ھێتە ب رێڤەبرن).
وخویاکر، کو ھەر چەندە ئەڤە خزمەتەکا کێمە کو ژلایێ ساخلەمیێ ڤە بۆ خێزانێن ڤان شەھیدان دھێتە کرن بەلێ ھەر چ نەبیت دێ شێن وەک ئەرکەکی نەتەوەیی و مروڤایەتی چارەسەریا وانا بێ بەرامبەر ھێتە کرن.