ئەڤرۆ نیوز:
بەرپرسەکێ وەزارەتا دەرڤە یا روسیا دیار دکەت کو ئارمانجا سەرەکی یا ئەمریکا ژ ئۆپەراسیۆنا رەققە پارچەکرنا ئاخا سووریێ یە و ئەمریکا دڤێت ب رێیا رەققە و دەڤەرێن کوردی جھێ لنگێ خوە ل سووریێ ب ھێز کەت و ب سالان ل سووریێ بمینیت.
بەرپرسەکێ وەزارەتا دەرڤە یا روسیا کو ناڤێ وی نەھاتیە ئاشکرا کرن بۆ ئاژانسا سپۆتینگ یا روسی دیار کریە کو ئارمانجا ئەمریکا ژ ئۆپەراسیۆنا رەققە پارچەکرنا ئاخا سووریێ یە و ئەمریکا دڤێت بۆ دەمێن درێژ ل سووریێ بمینیت و نھا ژی ب ھەموو رەنگەکێ ھاریکاریا ھێزێن سووریا یا دیموکراتیک و ھێزێن کوردی دکەت و ئەمریکا دڤێت ب وێ رێکێ جھێ لنگێ خوە ل سووریێ ب ھێز کەت و ئەو یەک ب چو رەنگەکێ ناھێتە قەبوول کرن، چونکو پارچەکرنا ئاخا سووریێ دێ کاریگەریەکا خراب ل پاشەرۆژا سووریێ و دەڤەرێ کەت و ژ بەر ھندێ ژی دڤێت ئەمریکا پشتی رزگارکرنا رەققە ھێزێن خوە ژ سووریێ ڤەکێشیت و چو بزاڤان بۆ پارچەکرنا ئاخا سووریێ ژی نەکەت.
ھەمان بەرپرسێ روسیا دیار کریە کو ئەمریکا وەکو پێدڤی شەرێ تیرۆرێ نەکریە و ب تایبەتی ل سووریێ چو نەکریە و تنێ پرۆپگاندا بۆ خوە دکەن و ئارمانجا سەرەکی یا ئەمریکا ئەوە کو بشێت ھێزێن خوە ل سووریێ بجە کەت، ئەمریکا دڤێت وەکو عیراقێ ھژمارەکا زێدە ھێزێن خوە ل سووریێ ژی بجە کەت و ژ بۆ ھندێ ژی ب رێیا ئۆپەراسیۆنا رەققە ئەمریکا دڤێت ئاخا سووریێ پارچە بکەت و دەڤەرەکا کوردی بھێتە راگەھاندن و ئەمریکا ژی دڤێت ب سالان ل وێ دەڤەرێ و رەققە خوە بجە کەت و ئەو یەک بێگومان دێ مەترسیەکا مەزن بۆ بەرژەوەندیێن روسیا دروست کەت.
ئەو داخۆیانیا بەرپرسێ روسی د دەمەکێ دایە کو دو رۆژ بەری نھا سالح موسلم ھەڤسەرۆکێ پارتیا ئێکەتیا دیموکراتیک ل سووریێ کو سەر ب پەکەکێ یە بۆ دەزگەھێن راگەھاندنێ دیار کر کو ئەو ب چو رەنگەکێ ل گەل ھندێ نینن کو سووریە بھێتە پارچەکرن و وان دڤێت ل گەل ھەموو گەلێن سووریێ وەکو برا پێکڤە بژین و ئەو ل دژی ھندێ نە کو بزاڤ بۆ پارچەکرنا ئاخا سووریێ بھێتە کرن.
رۆژانە بەرپرسێن یەپەدێ و یەپەگێ کو ھەر دو ژی سەر ب پەکەکێ نە ب ئاشکرایی دبێژن کو وان نەڤێت سووریێ پارچە بکەن و ئەو بۆ کوردان تنێ شەری ناکەن و ئارمانجا وان ژی ئاڤاکرنا ھەرێمەکا کوردی نینە و ناڤێ رۆژئاڤایێ کوردستانێ ژی کرینە باکورێ سووریێ کو پرانیا پارت و ئالیێن سیاسی یێن کوردی ل رۆژئاڤایێ کوردستانێ دژبەریا خوە ل ھەمبەر وان بزاڤێن پەکەکێ دیار کرینە.
ل ئالیێ دی دوھی چەندین مالپەرێن کوردی بەلاڤ کرن کو پەیەدێ دڤێت باژێرێ حەسەکێ یێ رۆژئاڤایێ کوردستانێ رادەستی رژێما سووریێ بکەت و ل قامشلۆ ژی چەندین کەتیبە ژ ئالیێ رژێما سووریێ و ل بن چاڤدێریا پەیەدێ ھاتینە ئاڤاکرن کو ئارمانجا وان ژی ئەڤە جارەکا دی ھەموو دەڤەرێن کوردی بکەنە ژێر دەستھەلاتا رژێما سووریێ.

ئه‌ڤرۆ نيوز:

وه‌زاره‌تا ده‌رڤه‌ يا توركيا دژاتيا خوه‌ به‌رامبه‌ر بڕيارا جڤاتا پارێزگه‌ها كه‌ركووك بۆ بلندكرنا ئالايێ كوردستانێ ل داموده‌زگه‌هێن حكۆمى يێن پارێزگه‌ها كه‌ركووك ده‌ربڕى.

وه‌زاره‌تا ده‌رڤه‌ يا توركيا د روونكرنه‌كێ دا راگه‌هاند: بلندكرنا ئالايێ ئيدارا هه‌رێما كوردستانا عيراقێ ل گه‌ل ئالايێ عيراقێ ب ره‌نگه‌كێ فه‌رمى ل داموده‌زگه‌هێن فه‌رمى ل كه‌ركووك جهێ قه‌بوولكرنێ نينه‌ و د دلگرانين.