ئهڤرۆ نيوز:
د كۆمهلگهها بنهجهبوونا زێرين ل ههولێر بووك و زاڤايهك ب كوشتى ل مالا خوه هاتنه ديتن.
تهرمێ بووك و زاڤايان كو خهلكێ رۆژئاڤايێ كوردستانێ نه ل نهخۆشخانا زرگارى يا ههولێر ل بن ڤهكۆلينێ نه.
هۆگر عهزيز، ئاخفتنكهرێ ب ناڤێ پۆليسێن ههولێر راگههاند كو ئهڤرۆ دهمژمێر 6:00ى سپێدێ روودان روودايه “ناڤێ زهلامى سهيدا يونس و ژنێ ژى ئهمهل بوو”.
پۆليسێن بهلگهيێن تاوانان ل جهێ روودانێ ئاماده بووينه و پهرێن ڤهكۆلينێ بۆ روودانێ ڤهكرينه.
رهجهب تهيب ئهردوگان و بينالى يلدرم
ئهڤرۆ نيوز:
سهرۆك كۆمار و سهرۆك وهزيرێن توركيا د پهيوهنديهكا تهلهفونى دا سهرهخوشى ئاراستهى سهرۆكێ ههرێما كوردستانێ كرن و دلگرانيا خوه ب شههيدبوونا شهش پێشمهرگه و برينداربوونا ههشت پێشمهرگێن دى دهربرى.
ل دووڤ راگههاندنهكا سهرۆكايهتيا ههرێما كوردستانێ، د پهيوهنديا تهلهفونى دا كو رۆژا سێ شهمبى هاتيه ئهنجام دان، رهجهب تهيب ئهردوگان و بينالى يلدرم دلگرانيا خوه سهبارهت شههيدبوونا شهش پێشمهرگه و برينداربوونا ههشت پێشمهرگان گههانديه بارزانى كو ژ ئهنجامێ هێرشا فرۆكێن توركيا بۆ چيايێ شنگالێ شههيد و برينداربوون.
د پشكهكا دى يا راگههاندنێ دا هاتيه: ههردو لايان سهرهخوشى ل بارزانى و كهس و كارێن شههيدێن روودانێ كرينه و هيڤيا چارهبوونهكا بلهز بۆ برينداران خواستيه.
ههروهسا رهجهب تهيب ئهردوگان و بينالى يلدرم دياركرينه كو ئهو روودانه ب چ رهنگهكێ ب ئهنقهست نهبوويه و ژ ئهنجامێ شاشيێن فرۆكان بوويه.
ئەڤرۆ نیوز:
ھەوالگیرییا فێدرالی یا رۆسیا ئاشکرا کر کو بەلگە ھەنە ئاماژە دکەنە ھەبوونا دانوستانان د ناڤبەرا رێکسختنا تیرۆرستی یا داعشێ و گرۆپێن دی یێن تیرۆرستی دا ب مەرەما ئێکگرتنا رێزێن وان و تێکەلبوونێ.
ئەلکسەندەر بۆرتنیکۆڤ، سەرۆکێ سازییا ھەوالگیرییا فێدرالی یا رۆسیا راگەھاند: سەرکردەیێن داعشێ و گرۆپێن دی یێن تیرۆرستی ستراتیژیێن خوە دگوھرن و دەست ب ھنارتنا چەکدارێن خوە کریە بۆ یەمەنێ و ئەفغانستان و ئەفریقیا و ب وێ رێیێ دێ تۆرەکا نوو یا تیرۆرستی چێکەن.
بۆرتنیکۆڤی گۆت ژی: سەرکردەیێن گرۆپێن مینا داعش و ئەلنوسرە نھا دبینن دەڤەرێن بن کۆنترۆلا خوە ژدەست ددەن لەورا تەکتیکێن خوە دگوھرن.
ئهڤرۆ نیوز:
عهمید ههلگورد حكمهت رێڤهبهرێ گشتى یێ راگههاندن و هشیاریا نیشتمانى ل وهزارهتا پێشمهرگهى كریارا هێرشا فرۆكێن شهركهر یێن توركیا بۆ سهر شنگالێ شهرمزار كر كو شهش پێشمهرگه شههید بوون و 8 پێشمهرگه برینداربووین و بۆ رۆژناما ئهڤرۆ گۆت” زێدهتر ژ سالهكێ یه ب رێیێن دبلوماسى و حزبێن سیاسى و لایهنێن دى ئهم كار ل سهر هندێ دكهین كو پهكهكه ل شنگال خوه ڤهكێشیت ژبهر كو ب نێرینا مه ههبوونا پهكهكێ ل ڤێ دهڤهرێ دێ بیته ئهگهرێ دروستبوونا شهرهكێ ههرێمایهتى و ههوا شهرێ فرۆكێن توركیا یێن دوهى بۆ سهر شنگالێ نێرینا مه سهلماند، هیڤیدارین پهكهكه هێزێن خوه ل ڤێ دهڤهرێ ڤهكێشیت، ئهگهر نه رهنگه دهڤهر تووشى حالهتێن زێدهتر یێن نهخواستى ببیت كو د ئهنجام دا دێ زیانێن مهزن گههنه خهلكێ دهڤهرێ”
وهزارهتا پێشمهرگهى ژى، د راگههاندنهكێ دا ئاماژه ب وێ یهكێ كریه كو ئهو بۆمبهبارانكرنا فرۆكێن توركى بۆ سهر چیایێ شنگالێ كرى ژ ئهنجامێ ههبوونا هێزا پهكهكێ یه و توپبارانكرنا پێشمهرگهى ژ ئالیێ فرۆكێن توركى ڤه جهێ قهبوولكرنێ نینه”.
ئهڤرۆ نیوز:
سهرۆك كومارێ توركیا رهجهب تهیب ئهردوگان سهبارهت بۆمبهبارانكرنا فرۆكێن توركیا بۆ شنگالێ گۆت” بهرى بۆمبهبارانكرنێ ، پێشوهخت مه رووسیا، ئهمریكا و حكومهتا ههرێما كوردستانێ ل هێرشا سهر شنگالێ بۆ لێدانا پهكهكێ ئاگادار كرینه، ئهم ناهێلین شنگال ببیته پێگههێ پهكهكێ”.
سهرۆك كومارێ توركیا ئاماژه ب وێ چهندێ ژى كر كو ئهوا ل شنگال رووداى ب چ رهنگهكى بهرامبهر پێشمهرگهى نهبوویه و دهمێ مه زانى پێشمهرگه یێن بووینه قوربانى ئهم گهلهك دلگران بووین.
سهرۆك كومارێ توركیا ئاماژه ب وێ یهكێ ژى كر كو ئوپهراسیونێن وان ل شنگال و باكوورێ سووریا دێ بهردهوام بیت.
ئامێدیێ، مهحمود نهێلى:
د سهرهدانهكى دا بۆ دهڤهرا ئامێدیێ ئهڤرو 25/4/2017 خانم (ئیڤا درداكوڤا) كونسلا گشتى یا وهلاتێ چیكێ ل ههڤلێرێ سهرا دهڤهرا ئامێدیێ كر و ژلایێ اسماعیل مستهفا رشید قایممقامێ قهزا ئامێدیێ ڤه هاته پێشوازیكرن و دیاریهك پێشكیشى وێ كر.
د دیدارهكێ دا كونسلا گشتى یا وهلاتێ چیكێ راگههاند : كو مهرهما سهرهدانا وێ بو ئامێدیێ ژ دیتنا دیمهنێن سروشتێ جوانێ ڤێ دهڤهرێ و خهلك و جهێن وێ یێن سهرنج راكێشه و خوه ب خوهشحال ژى زانى كو سهرهدانا دهڤهرا ئامێدیێ كر و دیاركر كو دێ پشهتهڤانیا وهلاتێ وێ بو ههرێما كوردستانێ یا بهردهوامبیت .
ژلایێ خوهڤهژى اسماعیل مستهفا رشید قایممقامێ قهزا ئامێدیێ بخێرهاتنا كونسلا گشتى یا وهلاتێ چیكێ كر و خوهشحالیا خوهژى ب سهرهدانا خانما ناڤبرى نیشاندا بو دهڤهرا ئامێدیێ و سوپاسیا گهل و حكومهتا چیكێ كر بو هاریكارى و پشتهڤانیا وان بو خهلكێ كوردستانێ و هێزێن پێشمهرگهى و هیڤى خواست ژى كو وهلاتێ وێ یێ بهردهوامبیت ل سهر هاریكارى و پشتهڤانیێن خوه ، ل دووماهیێ ژى قایممقامێ قهزا ئامێدیێ وێنهكێ باژێرێ ئامێدیێ وهكى دیارى پێشكێشى كونسلا گشتى یا وهلاتێ چیكێ كر
ئهڤرۆ نیوز: سهباح زهێر زێبارى
ئهڤرۆ ل رێكهفتى 25/4/ 2017ل ژێر چاڤدێریا سهروكێ زانكویا دهوك (د.مسلح دهوكى) ل كولیژا پهروهرده بنیات ب ئامادهبوونا چهند كهسایهتیێن حیزبى و میرى ل ژێر دروشمێ (كهلتور:ناسنامه و ههبوونه) گهرا دووێ ژ ڤیستهڤالا خوه یا كهلتورى ب چهندین چالاكیێن جوراو جورگێرا.
ههر دڤێ ڤیستهڤالێ دا چهندین وێنێن شههیدان هاتبوونه نیشاندان و وهك رێزگرتن بۆ شههیدان بهرچاڤوهرگرتنا خزمهتا وان و چهندین خارنێن جوراو جورێن كوردى هاتبونه دروستكرن و ههروهسا نیشاندانا چهندین كارێن كلتورییچن مللهتێ كورد ڤێ ڤیستهڤالێ هاته ئهنجامدان.
ئهڤرو نيوز:
ئهڤرو سپێدی 25/4/20177 فهرهاد ئهمین ئهتروشی پارێزگهرێ دهوكێ پێشوازیا بهرێز میر تحسین بك میرێ ئێزدیان كر، دههڤدیتنهكێ دا بهحسێ رهوش و سهروبهرێ ئاوارێن شنگارێ و دهشتا میسل و ئهو كارو خزمهتێن بو ئاوارا ژ لایێ پارێزگهها دهوكێ ڤه دهێنه پێشكێشكرن هاته كرن.
پارێزگهرێ دهوكێ دهوكێ كورتیهك دا سهر وان پێنگاڤ و بهرنامێن پارێزگههێ یێن خزمهتا ئاواره و پهنابهرا و داكوكی ل سهر وێ چهندێ كر كو حكومهتا ههرێمێ ب رژدێ دێ كار كهت بو زڤراندنا ههمی ئاوارێن دهڤهرێن شنگال و دهستا میسل و دێ ههمی بزاڤا كهت بو ئاڤهدانكرنا وان دهڤهرا و زڤراندنا ههمی خهلكێ بو جهێن وان.
میر تحسین بهگ سوپاسیا كارگێریا پارێزگهها دهوكێ و جهنابێ پارێزگهری كر بو وان خزمهتێن پێشكێشی ئاواره و پهنابهرا كرین و دیار كر ئهوا بو ئاوارا ل سنورێ پارێزگهها دهوكێ هاتیه كرن ل چ جهێن دی نههاتیه كرن و ئهو بباوهرن كو حكومهتا ههرێمێ دێ ههمی شیانێن خو ئێخته كاری بو ئاڤاكرنا دهڤهرێن نوی هاتینه رزگار كرن و خهلكێ ڤهگهرینیته سهر جهێن وان .
ههروهسا میر تحسین بهگ داكوكی ل وێ چهندێ كر كو پێدڤیه ههمی هێزین بیانی شنگالێ چول بكهن داكو خهلكێ شنگالێ بشێت ڤهگهریته سهر جهێن خو و حكومهتا ههرێما كوردستانێ و جڤاكێ نێڤ دهولهتی سهروژنوی دهڤهرێ ئاڤا بكهن و ژیان بزڤریتهڤه شنگار و دهوروبهران .
ئهڤرۆ نيوز:
سهبارهت بوردومانا چيايێ شنگالێ ژ ئاليێ فرۆكێن توركيا ڤه، پارتى ديموكراتى كوردستان راگههاندنهك بهلاڤكريه و تێدا هاتيه: ئهڤ جوره هێرشه ب چو رهنگهكێ جهێ قهبوولنكرنێ نينه.
مهكتهبا سياسى يا پارتى ديموكراتى كوردستان ئاماژه ب وێ يهكێ كريه كو ئهڤ جوره روودانه ژ ئهنجامێ ههبوونا پهكهكێ يه ل دهڤهرێ، لهوما دڤێت پهكهكه شنگال و دوردورێن وێ چول بكهت.
نيشاندان