ئه‌ڤرۆ نيوز:
ڤيديو: گه‌نجه‌كێ كورد ژيانا هه‌ڤژينيێ ل گه‌ل كچه‌كا كورى پێكدئينيت
نووترين نووچه
- ئازارەكە چو جاران ژ بیرا مە ناچیت
- سەرۆك بارزانی و قونسلێ نوو یێ ژاپۆنێ دوپاتی ل پێشڤەبرنا هەڤبەندییان كرن
- دوپاتیێ ل ئاساییكرنا رەوشا شنگالێ و ب پارێزگەهبوونا وێ دكەین
- پێدڤییە حوكمەتا فیدرال خووشك و برایێن مە یێن ئێزدی قەرەبوو بكەت
- 11 سال ل سەر كارەساتا شنگالێ بۆرین وهێشتا دادگەها تایبەت بۆ سزادانا تیرۆرستێن داعشێ ل ئیراقێ نەهاتیە پێكئینان
- سەرۆك بارزانی پیرۆزباهییا جەژنا چلێ هاڤینێ ل كوردێن ئێزدی دكەت
- وەك هەردەم دێ پشتەڤان و پارێزەرێن مافێن ئێزدییان بین
- پشتەڤانییا حوكمەتا هەرێمێ بۆ داخوازیێن رەوایێن ئێزدییان دوپات دكەین
- دڤێت حوكمەتا فیدرال قەرەبوویا كەسوكارێن قوربانیێن ئەنفالا بارزانییان بكەت
- هێشتا زێدەتر ژ دو هزار و 500 كەس د بێ سەروشوونن
سه‌ره‌كى نوچێن گرنگ
قوداسه‌كا تابیه‌ت ل دێرا به‌رانی ل دهۆكێ هاته گێران
ئه‌ڤرۆ نيوز:
ئه‌ڤرو سپێدێ 26/12/2016 ب ئاماده‌بونا فه‌رهاد ئه‌مین ئه‌ترووشی پارێزگه‌رێ دهوكێ و به‌تریارك لویس ساكو به‌تریكێ بابل یێ كلدانیا ل جیهانێ و ئه‌لبیرتو ئورتیگا بالیوزێ فاتیكانێ ل ئێراقێ و ئوردن ل دیرا به‌رانی ل باژێرێ دهوكێ قوداسه‌كا تایبه‌ت ب هه‌لكه‌فتنا جه‌ژنا بونا مه‌سیح علیه السلام هاته گێران.
پشتی گێرانا رێ و ره‌سمێن ئاینی یێن تایبه‌ت ,,به‌تریارك لویس ساكو دداخویانیه‌كێ دا بو ده‌زگایێن راگه‌هاندنێ گوت : گه‌له‌ك كه‌یف خوشین ئه‌ڤرو ل جه‌ژنا مه مه‌سیحی و موسلمان بێكڤه ئاماده‌بوین و تایبه‌ت پارێزگه‌رێ دهوكێ كو كه‌سه‌كێ خزمه‌تكاره و وه‌كوبابه‌كی یه بو هه‌می خه‌لكێ دهوكێ و ئه‌م گه‌له‌ك دكه‌یف خوشین ب كه‌سایه‌تیا وی یا هێژا و خزمه‌تكار بو هه‌می خه‌لكێ دهوكێ ب هه‌می ئول و نه‌ته‌وه ڤه ئه‌ڤرو ئاماده‌بونا مه هه‌میا پێكڤه بو خزمه‌تكرنا مروڤایه‌تیێ یه و تایبه‌ت خه‌لكێ كوردستانێ و نیشانا هندێ یه كو ئه‌م وه‌كو خه‌لكێ كوردستانێ هه‌می ئێكین و ئایندێ مه پێكڤه گرێدایه هه‌روه‌سا هیڤی خواست كو ئاشتی و براینی بزڤریت بو هه‌می ئێراقێ و ئه‌ف خه‌لكێ ئاواره و ده‌ربه‌ده‌ر بوی ڤه‌گه‌ریته سه‌ر جه و وارێن خو ب سلامه‌تی و پێكڤه وه‌كو برا بژین.
دیڤدا فه‌رهاد ئه‌مین ئه‌تروشی پارێزگه‌رێ دهوكێ پێروزباهیا جه‌زنا بونا مه‌سیح سلافین خودێ ل سه‌ر بن ل مه‌سیحیێن كوردستانێ و ئێراقێ و هه‌می جیهانی كر و هیڤی خواست كو جه‌ژنا خوشیی و ته‌ناهیێ بیت بو هه‌می خه‌لكێ كودستانێ و پارێزگه‌ها دهوكێ ب تایبه‌ت كر و هیڤی خواست كو سالا خوشیێ و ته‌ناهیی بیت بو هه‌می جیهانێ
هه‌روه‌سا گوت : ئه‌م وه‌كو هه‌رێما كوردستانێ خوشحالین و سه‌رفرازین و تایبه‌ت حكومه‌تا هه‌رێمێ كو شیای ڤی كه‌ش و هه‌وای دورست بكه‌ت و خه‌لك ب هه‌می ئول و نه‌ته‌وه ڤه پێكڤه بژیت مه‌سیحی و موسلمان و ئێزدی و عه‌ره‌ب و كورد وهه‌ر ئاینه‌كی دی هه‌بیت بخوشی بژیت و جهێ سه‌ربلندیێ یه كو ل ده‌می مه‌سیحی توشی هێرشێن تیرورستان بوین قه‌ستا كوردستانێ كر و ده‌مێ شیعه توشی گه‌ڤا بوین دیسا قه‌ستا كوردستانێ و هه‌روه‌سا سنی ژی ل ته‌نگاڤیێت خو قه‌ستا كوردستانێ كر و ئه‌ڤه نیشانا هندێ كو كوردستان وه‌لاتێ پێكڤه ژیانێ و برانیێ یه دنافبه‌را هه‌می ئول و نه‌ته‌وادا و هه‌رده‌م په‌ناكه‌ها ئارامیێ بویه بو كه‌سێن سته م لێ هاتیه كرن .
دیسان دیار كر مافێ ملله‌تێ كورد و خه‌لكێ كوردستانێ یه وه‌كو هه‌می ملله‌تێن جیهانێ خودان سه‌روه‌ری بیت و خودان ده‌وله‌تا خویا سه‌ربخو بیت.
هه‌روه‌سا مه‌تران ره‌بان دپه‌یڤه‌كێ دا دیار كر كو ئه‌ڤرو ژ به‌ر سیاسه‌تا حه‌كیمانه یا سه‌رۆك بارزانی و حكومه‌تا هه‌رێما كوردستانێ، كوردستان بو په‌ناگه‌ها ئارامیێ بو هه‌می خه‌لكێ سته ملێ دهیته كرن و ژكه‌ڤن تا نوكه ل كوردستانێ هه‌می ئول و نه‌توه وه‌كو برا ژیاینه و و دیار كر ده‌مێ مه‌سیحیێن ده‌ڤه‌رێ قه‌ستا جهێن خو كریه ڤه حكومه‌تا كوردستانێ گوندێن وان ئاڤا كرن و هه‌می خزمه‌ت بو دابینكرن و ج كێماسی ل گوندێن وان نه‌هێلا و ئاماژه كر ئه‌ف ژیانا برایانه به‌رده‌وامه و سوپاسیا پێشمه‌گێ قاره‌مان كر كو پاراستنا هه‌می خه‌لكێ كوردستانێ دكه‌ن و یاهرا پێتریا ده‌ڤه‌رێن مه‌سیحی نشین رزگار گرینه .
سێ ترۆمبێلان لێكدا و دو كه‌سان گيانێ خوه ژ ده‌ست دا
ئه‌ڤرۆ نيوز:
رێڤه‌به‌ريا پۆليسێن پارێزگه‌ها دهۆكێ راگه‌هاند كو ئه‌ڤرۆ رۆژا دوشه‌مبى و ل دانێ سپێدێ ل سه‌ر رێيا دهۆك بۆ شێخان سێ ترۆمبێلان لێكدا و د ئه‌نجام دا دو كه‌سان گيانێ خوه ژ ده‌ست دا و چار كه‌س ژى بريندار بوون.
رائيدێ مافپه‌روه‌ر ئازاد تاها، به‌رپرسێ راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ بۆ ئه‌ڤرۆ نيوز گۆت: “ل ده‌مژمێر 9:00ى سپێده‌هيا ئه‌ڤرۆ رۆژا دوشه‌مبى رێكه‌فتى 26ى كانوونا ئێكێ ل سه‌ر جادا سه‌ره‌كى يا دهۆك بۆ شێخان ل گه‌ليێ دێركێ سێ ترۆمبێلان لێكدا”.
رائيدێ مافپه‌روه‌ر زێده‌تر گۆت: “ئه‌ڤ روودانه د ناڤبه‌را ترۆمبێله‌كا تايبه‌ت دوج، تايبه‌ت ئۆپل ڤيكترا و ترۆمبێله‌كا كرێ تويوتا كرۆلا ته‌كسى دا روودايه و د ئه‌نجام دايه دو كه‌سان گيانێ خوه ژ ده‌ست دا و چار كه‌س ژى بريندار بوون.
راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ هيڤى خواست كو وه‌لاتى پێگريێ ب رێنمايێن هاتنوچوونێ بكه‌ن و هاش خوه هه‌بيت ب تايبه‌ت ل رۆژێن سه‌قايێ نه‌خۆش چونكو كارتێكرنه‌كا ئێكسه‌ر ل سه‌ر جاددان دكه‌ت.
ل هه‌ولێر سێ رێڤه‌به‌ر هاتنه ده‌سته‌سه‌ركرن
ئه‌ڤرۆ نيوز:
رێڤه‌به‌ريا پۆليسێن هه‌ولێر ده‌سته‌سه‌ركرنا سێ رێڤه‌به‌رێن حكومى راگه‌هاند كو ب تۆمه‌تا “سه‌خته‌كاريێ” ل سه‌ر داخوازيا وه‌لاتيه‌كى هاتينه ده‌سته‌سه‌ركرن.
ليوا عه‌بدولخالق ته‌لعه‌ت، رێڤه‌به‌رێ گشتى يێ پۆليسێن هه‌ولێر بۆ خه‌ندان گۆت: “ئه‌و سێ كه‌س ب تۆمه‌تا ماددێ 298 يا قانوونا سزايێن عيراقى ده‌سته‌سه‌ركرن، ل سه‌ر سكالايا وه‌لاتيه‌كى كو ل دادگه‌هێ تۆماركيه و ل سه‌ر پارچه‌كا ئه‌ردى يه، كو به‌لگه‌يێن سه‌خته دروست كرينه، ڤه‌كۆلين ل گه‌ل وان يا ده‌سپێكرى”.
گۆتژى: “ئه‌و سێ فه‌رمانبه‌ر پلێن وان ل ئاستێ رێڤه‌به‌ران دانه، ئێك ژ وان سێ فه‌رمانبه‌ران ئافره‌ته و نوكه ب كه‌فاله‌ت هاتيه ئازادكرن، به‌لێ دو فه‌رمانبه‌رێن دى هاتينه راگرتن”.
رێڤه‌به‌رێ گشتى يێ پۆليسێن هه‌ولێر به‌حس ل وێ چه‌ندێ ژى كريه كو ئه‌و سێ فه‌رمانبه‌ر ئێك ب پله‌يا رێڤه‌به‌رێ كارگێرى يێ باژێرڤانيا هه‌ولێره، ئێك ژى رێڤه‌به‌رێ مولكى يه ل باژێرڤانيێ و ئێك ژى به‌رپرسێ هۆبا كۆمپيۆته‌رى يه، ڤه‌كولين يا به‌رده‌وامه و پشتى ب دووماهى هاتنێ دێ دوسيه بۆ دادگه‌هێ هێته ره‌وانه‌كرن.
ئه‌ڤ ساله زێده‌ترى 26 هزار كه‌سان ل عيراقێ قوربانيێن روودانێن توندوتيژيێ بوون
ئه‌ڤرۆ نيوز:
ب گۆره‌ى ئاماره‌كا نه‌ته‌وێن ئێكگرتى ل سالا 2016ێ ل هه‌موو پارێزگه‌هێن عيراقێ 12 هزار و 38 كه‌سان ژ ئه‌گه‌رێ روودانێن توندوتيژبێ هاتينه كوشتن و 14 هزار و 411 كه‌س ژى بريندار بووينه.
نڤيسينگه‌ها نه‌ته‌وێن ئێكگرتى ل عيراقێ “يۆنامى” د سالا 2016ێ دا هه‌موو ته‌قين و شه‌ر و كريارێن توندوتيژيێ ل عيراق و هه‌رێمێ رووپيڤ كرينه، ب گۆره‌ى ئامارێ ل ده‌سپێكا سالێ 12 هزار و 38 كه‌س هاتينه كوشتن و 14 هزار و 411 كه‌س بريندار بووينه.
پتريا ته‌قين و توندوتيژيان ل پارێزگه‌ها به‌غدا، سه‌لاحه‌دين، مووسل، كه‌ركووك، ئه‌نبار و ديالا هاتينه تۆماركرن، پترترين ته‌قين ژى ل به‌غدايا پايته‌خت هاتينه ئه‌نجام دان.
د وێ ئامارێ دا كوشتى هاتينه جوداكرن و ئاماژه ب وێ چه‌ندێ كريه كو شه‌ش هزار و 492 كوشتى وه‌لاتيێن مه‌ده‌نى بووينه، پێنج هزار و 456 كه‌س ژى د وارێ له‌شكرى دا كار كريه.
رێژا توندوتيژيێ ل هه‌يڤێن ئيلۆن، چريا ئێكێ، چريا دويێ و كانوونا ئێكێ بلند بوويه و د وان چه‌ند هه‌يڤێن دووماهيێ دا، پێنج هزار و 683 كه‌س هاتينه كوشتن و دكه‌ته نيڤا ژمارا قوربانيێن ئه‌ڤ ساله.
ئه‌ڤرۆ نيوز جوداهيا باران بارينا ئه‌ڤ ساله ل گه‌ل سالا بۆرى به‌لاڤ دكه‌ت
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌رێ گشتيێ كه‌شناسى و بيڤه‌له‌رزێ ل هه‌رێما كوردستانێ راگه‌هاند كو جوداهيه‌كا به‌رچاڤ د رێژێن باران بارينا ئه‌ڤ ساله دا ل گه‌ل سالا بۆرى هه‌يه.
فازل ئيبراهيم، رێڤه‌به‌رێ گشتى يێ كه‌شناسى و بيڤه‌له‌رزێ ل هه‌رێما كوردستانێ د داخۆيانيه‌كێ دا بۆ ئه‌ڤرۆ نيوز ته‌كست ل سه‌ر وێ چه‌ندێ كر كو ئه‌ڤ ساله رێژێن باران بارينێ ل گه‌ل سالا بۆرى جوداهيه‌كا به‌رچاڤ هه‌يه و ل پارێزگه‌ها دهۆكێ ل سالا بۆرى هه‌تا ئه‌ڤرۆ 25ى كانوونا ئێكێ 2015 ل پارێزگه‌ها دهۆكێ 170.4ملم بارانێ باريبوون، به‌لێ ئه‌ڤ ساله هه‌تا ڤى ده‌مى 134.1ملم باران باريه.
رێڤه‌به‌ريا گشتى يا كه‌شناسى و بيڤه‌له‌رزێ ل هه‌رێما كوردستانێ د ڤێ ده‌ربارێ دا ئاماره‌ك ژى به‌لاڤكريه و ئاماژه ب هه‌ڤبه‌ركيا رێژێن باران بارينا سالا بۆرى ل گه‌ل ئه‌ڤ ساله كريه، ئه‌ڤێ ل خوارێ خشتێ هه‌موو پارێزگه‌هێن هه‌رێما كوردستانێ يه:
كاره‌با گشتى يا دهۆك ژى دێ بيته 20 ئه‌مپێرى؟
ئه‌ڤرۆ نيوز:
پەیڤدارێ وەزارەتا کارەبێ ئیماژە ب ڤێ چەندێ دکەت، کو ئەڤ جۆزێ بڕیارە بۆ ھەموو مالێن پارێزگەھا سلێمانیێ بھێتە دانان ژ پارێزگەھێن ھەولێر و دھۆک ناگریت و ھەر پارێزگەھەک ئازادە چاوا کارەبێ ب سەر وەلاتیێن خوە دا بەلاڤ بکەت و گۆت “ل پارێزگەھا دھۆکێ ژی ئەگەر بخوازن کارەبا پتر ھەبیت جۆزە بھێنە دانان”.
محەمەد ئەمین ھەورامی، پەیڤدارێ وەزارەتا کارەبێ یا حوکمەتا ھەرێما کوردستانێ بۆ رۆژناما ئەڤرۆ گۆت “ئەڤ جۆزێ 20 ئەمپێڕی یێ کو بڕیارە بۆ ھەموو مالێن پارێزگەھا سلێمانیێ بھێتە گرێدان پارێزگەھێن دی یێن ھەرێما کوردستانێ ڤەناگریت و تنێ ئیدارا سلێمانیێ بۆ کۆنتڕۆلکرنا رەوشا کارەبێ، کو بڕیار دایە ئەڤی جۆزەی گرێدەت و بۆ ھەر مالەکێ 20 ئەمپێڕێن کارەبێ بھێنە دیارکرن، بەلێ ھەر پارێزگەە و دەڤەرەکا دی بخوازیت کارەبا خوە کۆنتڕۆل بکەت و دەمژمێرێن پتر یێن کارەبێ ھەبن دکارن پێشنیارەکا وەسا بکەن و پڕۆژەی بجە بینن”.
ھەورامی گۆت ژی “بەری نوکە ل ناحیا شیلادزێ ژی پڕۆژەکێ وەسا ھاتە بجھئینان و بۆ نموونە ئاکرێ دشێت بۆ سنوورێ قەزا خوە بکار بینیت تشتەکێ نورماڵە، چونکە جۆزەکێ 20 ئەمپێڕی تنێ بھایێ وی پێنج ھزار دینارن، بەلێ کارەب ب ھەروە ناھێتەدان دێ کارەبایەکا زۆر بۆ وەلاتیان ھێتە ڤەگەڕاندن، نوکە وەرزێ زڤستانێ یە زۆر کارەب تێتە بکارئینان ئەگەر جۆزە ھەبیت ل جھێ ھەشت دەمژمێران دێ دەمژمێرێن دانا کارەبا نیشتیمانی زۆر پتر لێ ھێن”.
ئه‌وقاف هژمارا كوردێن ل ناڤ رێزێن داعش هاتينه كوشتن ئاشكه‌را دكه‌ت
ئەڤرۆ نيوز:
بەرپرسێ پەیوەندی و بھەڤرەژیانا ئاینی ل وەزارەتا ئەوقافێ یا حکوومەتا ھەرێما کوردستانی راگەھاند، ژ دەستپێکا دروستبوونا داعش (300)، کورد د ناڤ گرۆپا داعش دا ھاتینە کوشتن و نھا ژمارەکا کێم ماینە.
مەریوان نەقشبەندی بۆ مالپەرێ فەرمیێ پارتی دیار کریە کو ئەو چەکدار ل ھەر سێ پارێزگەھێن ھەولێر، دھۆک، سلێمانی و ل رۆژھەلاتا کوردستانێ ژی چووینە ناڤ داعش و تەڤایا وان پلێن بلند د ناڤ وێ گرۆپێ دا ھەبووینە و گۆت “پشکەکا وان چەکدارێن کورد ژلایێ ھێزێن پێشمەرگە و پشکەک ژی ژلایێ فرۆکێن ھەڤپەیمانان ھاتینە کوشتن و پشکەکا دی ژی ژلایێ داعش ب خوە ڤە ب تۆمەتا سیخوریکرنێ ھاتینە کوشتن”.
نەقشبەندی گۆت ژی “ئەو چەکدار ب خێزان ڤە چووینە ناڤ داعش، بەلێ ھەیا نھا پشکەکا کێم ماینە، داعش ژن و خێزانێن وان کوشتیان دانە چەکدارێن دی یێن داعش و ب زۆری ھەڤژینی دگەل وان پێکئانینە و پشکەک ژی ڤەگوھاستینە سووریا”.
پشتی دروستبوونا گرۆپا چەکدارێن داعش ل عیراق و سووریا، چەندین ئالیگرێن وێ گرۆپێ ژ وەلاتێن جیھانێ ڤە پەیوەندی ب وان ڤە کرنە و ل ھەرێما کوردستانێ ژی ھژمارەکا کوردان چووینە ناڤ وێ گرۆپێ.
پارتی چو کەس بۆ وەزیرێ دارایی بەربژێر نەکرینە
ئه‌ڤرۆ نيوز:
پەرلەمانتارەکێ پارتی دیموکراتی کوردستان ئەو چەندە رەتکر کو حەیدەر عەبادی سەرۆک وەزیرێن عێراقێ ئەندامەکێ مەکتەبا سیاسیا پارتی بۆ پۆستێ وەزیرێ دارایێ عێراقێ بەربژارکر بیت و دبێژیت، پارتی ب چو شێوەیەکی رازینابیت کەسەک بەربژێرا بۆ پۆستێن پارتی دیاربکەت و تەوافق ل عێراقێ نەمایە و ئەڤا خەلکەک قەبولدکەت کورد قەبولناکەن.
سیروان سیرینی، ئەندامێ فڕاکسیۆنا پارتی لپەرلەمانێ عێراقێ بۆ رۆژناما ئەڤرۆ گۆت” ئەف زانیاریێن ل دەزگەھێن راگەھاندنێ تێنە بەلافکرن، لدۆر بەربژێرکرنا ئەندامەکێ مەکتەبا سیاسیا پارتی دیموکراتی کوردستان ژلایێ حەیدەر عەبادی سەرۆک وەزیرێن عێراقێ بۆ پۆستێ وەزیرێ دارایێ عێراقێ چو راستی بۆنینە، چونکە عەبادی نەشێت بێی پارتی چوکەسا بەربژێربکەت بۆ جھێ ھشیار زێباری و پارتی ژی ڤێ چەندێ قەبولناکەت، ھێشتا تازە ئەڤە چەند رۆژەکە دادگەھێ بڕیار لدۆر کەیسا ھشیار زێباری دەرکری و ئەم وەک پارتی ئاگەھداری بەربژێرکرنا چو کەسا نینە ژلایێ سەرۆک وەزیرێن عێراقێ ڤە، راستە پۆستێ وەزیرێ دارایی پشکا کوردایە و لناف کورداژی بەھرا پارتی دیموکراتی کوردستانە، بەلێ ئەم وەک پارتی مە زۆر مەرەم پۆست نینە، بەرۆڤاژی پتر مە دڤێت ل پڕۆسا سیاسیا عێراقێ دا پشکداربین وەک شەریکێن رێڤەبرنا عێراقێ، ئەگەر مەرەما مە ل بەغدا تنێ پۆست و پلە بوون، ئەڤە چەندین پۆست ل کوردا و پارتی ھاتینە وەگرتن و مە چو کارڤەدانێن خراپژی نەبووینە.
سیروان سیرینی گۆتژی” مخابن پشتی پڕۆسا ئازادیا عێراقێ ئەڤە 13 سالە رژێما بەعس ھاتیە ھەرفاندن سال بۆساێ بێرێزی بەرامبەر پشکداریا کوردا ل عێراقێ دا تێتەکرن، عەقلیەت ل عێراقێ چێبویە دخوازن خوە بسەپینن بسەر ھەموو عێراقیاندا، بەلێ ئەگەر خەلکەک ل عێراقێ ڤێ چەندێ لسەر خوە قەبولبکەت، ئەڤە بلا پشتڕاستبن ئەم وەکی کورد بێدەنگنابین و حالەتێ ھەرێما کوردستانێ بۆیە دیفاکتو جودایە ل دەڤەرێن دی یێن عێراقێ، ھەرێما کوردستانێ بیرکاری ھەموو لایەنێن خۆڤە رازینابین پشتگوە پێنە پاڤێتن و بکەڤنە بن کاریگەر و دەستھەلاتا حوکمەتەکێ ل بەغدا بڤی عەقلی عێراقێ رێڤەببەت، ئەڤا ھەمبەر کوردا تێتەکرن ل عێراقێ ئەگەر مەرەم ژێ لاوازکرنا کوردابیت ل پڕۆسا سیاسی دا ئەڤە دێ زانن کورد ڤێ چەندێ قەبولناکەن و چو دەستھەلاتێن زۆرداری ناھێنە قەبولکرن بۆ بدەستڤە ئینانا حوکمێ عێراقێ.
حه‌فتيا بهێت پرۆژێ كاره‌با 20 ئه‌مپيرى ل سلێمانيێ دێ كه‌فته كارى
ئه‌ڤرۆ نيوز:
سالار حسامه‌دين، رێڤه‌به‌رێ گشتى يێ كاره‌با سلێمانيێ راگه‌هاند، حه‌فتيا بهێت پرۆژێ گوهۆرينا كاره‌با مالان بۆ 20 ئه‌مپيران دێ هێته بجهئينان.
سالار حسامه‌دين، رێڤه‌به‌رێ گشتى يێ كاره‌با سلێمانيێ راگه‌هاند ژى كو باژارێ سلێمانيێ بۆ 19 زۆنان هاتينه دابه‌شكرن و ژ ئاليێ 9 كومپانيان پرۆژێ دابينكرنا كاره‌با 20 ئه‌مپيرى دێ هێته بجهئينان.
گوت ژى: ئه‌ڤ پروسه دێ دو هه‌يڤان ڤه‌كێشيت و هه‌موو مالان بێ جوداهى دێ ڤه‌گريت، و دێ 19 هزار دينار بۆ گوهۆرينا كاره‌با مالان ژ وه‌لاتيان وه‌رگرن.
پرۆژێ دانا كاره‌با 20 ئه‌مپيرى، برياره 14 تاوه‌كو 17 ده‌مژمێران هه‌بيت و يا دى ژى دێ ژ ئاليێ موه‌ليدان ڤه هێته دابينكرن.
نيشاندان
WP Facebook Auto Publish Powered By : XYZScripts.com