ئه‌ڤرۆ نيوز:
ب وێنه: كومبوونا سه‌رۆك بارزانى و عه‌بادى
نووترين نووچه
- سەرۆك بارزانی دوپاتیێ ل ئێكڕێزییا كوردان ل سووریێ دكەت
- قونسلێ ئیتالیا بۆ نێچیرڤان بارزانی: گرنگییێ ب پەیوەندیێن خوە ل گەل هەرێما كوردستانێ د دەین
- ئارمانجا مە پێشئێخستنا ژێرخانەیا ئابوورییا هەرێما كوردستانێ یە
- دیدار و كۆمبوونێن سەرۆكێ حوكمەتا هەرێما كوردستانێ ل داڤۆس
- چاڤدێرێن سیاسی ژ چاوانیا برێڤەچوونا قۆناغا ئاشتیێ دلگرانن
- سەرۆك بارزانی و مەزلۆم عەبدی دوپاتیێ ل ئێكڕێزی و ئێكگرتنا كوردان دكەن
- نوونەرا حوكمەتا هەرێمێ ل واشنتۆن دێ پشكداریێ د رێوڕەسمێ دەستبكاربوونا ترەمپی دا كەت
- ئاسۆ كەریم: سەرۆك بارزانی فاكتەرێ سەرەكیێ ئێكبوونا گەلێ كوردە
- سەرۆكێ هەرێمێ و شاندەكێ ئەمریكا دوپاتیێ ل چارەسەركرنا كێشەیێن هەولێرێ و بەغدایێ ب گۆرەی دستووری دكەن
- سەرۆكاتییا هەرێما كوردستانێ پێشوازی ل ئاگربەستا غەزە كر
سه‌ره‌كى نوچێن گرنگ
ناڤه‌رۆكا كومبوونا بارزانى و عه‌بادى
ئه‌ڤرۆ نيوز:
حه‌یده‌ر عه‌بادى سه‌رۆك وه‌زیرێن عیراقێ گه‌هشته فرۆكخانه‌یا هه‌ولێرێ و ل گه‌ل سه‌رۆك بارزانى كومبوو.
سه‌رۆكایه‌تیا هه‌رێمێ دیاركریه كو د كومبوونێ دا سه‌رۆك بارزانى و عه‌بادى خوه‌شحالیا خوه ب ئاستێ بلندێ هه‌ماهه‌نگى و كارێ هه‌ڤپشكێ پێشمه‌رگه و سوپایێ عیراقێ د چارچوڤێ پلانا ئازادكرنا مووسل نیشادا كو بوویه ئه‌گه‌رێ بده‌ستڤه‌ئینانا ده‌ستكه‌فتان و سه‌ركه‌فتنا مه‌زن یا سه‌ربازى و تێكشكاندنا تیرورستێن داعش و هه‌روه‌سا رژدى ل پاراستنا پێكهاتێن نه‌ته‌وه‌یى و ئاینى یێن پارێزگه‌ها نه‌ینه‌وا و ده‌روبه‌را كرن، هه‌روه‌سا به‌حسێ ره‌وشا ژیارا ئاوارێن مووسل كریه و گه‌هاندنا خزمه‌تگوزاریان بۆ ده‌ڤه‌رێن ئازادكرى.
فوئاد حسێن سه‌رۆكێ دیوانا سه‌رۆكایه‌تیا هه‌رێمێ د كۆنگره‌یه‌كێ رۆژنامه‌ڤانى دا ئاماژه ب وێ یه‌كێ كر كو ل دووڤ وێ پلانا بۆ كۆنترۆلكرنا مووسل هاتینه دانان، پێشمه‌رگه و حه‌شد شه‌عبى هه‌ردو ناچنه ناڤ مووسل.
فوئاد حسێن ئاماژه ب وێ یه‌كێ ژى كر كو عه‌بادى هیڤیخواز بوو كو ئوپه‌راسیونا كۆنترۆلكرنا مووسل زوو ب دووماهى بهێت.
ل دۆر هاتنا عه‌بادى بۆ هه‌ولێر، فوئاد كۆنگره‌كێ رۆژنامه‌ڤانى ئه‌نجام دا
ئه‌ڤرۆ نيوز:
سه‌رۆكێ ديوانا سه‌رۆكاتيا هه‌رێما كوردستانێ راگه‌هاند كو ب گۆره‌ى ئه‌و پلانا بۆ كونترۆلكرنا مووسل هاتيه دانان پێشمه‌رگه و حه‌شه‌د شه‌عبى ناچنه ناڤ مووسل.
فوئاد حسێن، سه‌رۆكێ ديوانا سه‌رۆكاتيا هه‌رێما كوردستانێ، كو ئێك بوو ژ ئه‌ندامێن شاندێ هه‌رێما كوردستانێ بۆ پێشوازيكرن ل حه‌يده‌ر عه‌بادى، سه‌رۆك وه‌يزرێن عيراقێ و فه‌رماندێ گشتى يێ هێزێن چه‌كدارێن عيراقێ ل فرۆكخانا نێڤده‌وله‌تى يا هه‌ولێر كۆنگره‌كێ رۆژنامه‌ڤانى ئه‌نجام دا.
فوئاد حسێن ده‌رباره‌ى كۆمبوونا بارزانى و عه‌بادى گۆت: “سه‌رۆكێ هه‌رێما كوردستانێ و سه‌رۆك وه‌زيرێن عيراقێ د كۆمبوونا ناڤبه‌را خوه دا دانوستاندن ل سه‌ر هه‌ماهه‌نگيێن ناڤبه‌را پێشمه‌رگه‌ى و سۆپايێ عيراقێ دا كه‌ن ل شه‌رێ كونترۆلكرنا مووسل”.
ده‌رباره‌ى ئه‌گه‌رێ هاتنا حه‌يده‌ر عه‌بادى بۆ هه‌ولێر ناڤبرى گۆت: “عه‌بادى بۆ دانوستاندنێ ده‌رباره‌ى شه‌رێ كونترۆلكرنا مووسل سه‌ره‌دانا هه‌ولێر كريه”، هيڤى ژى خواست كو ئۆپه‌راسيۆنا كونترۆلكرنا مووسل ب له‌ز ب دووماهى بهێت.
ده‌رباره‌ى چوونا پێشمه‌رگه‌ى بۆ ناڤ مووسل، سه‌رۆكێ ديوانا سه‌رۆكاتيا هه‌رێما كوردستانێ، گۆت: “هه‌ماهه‌نگيه‌كا باش د ناڤبه‌را هێزێن پێشمه‌رگه‌ى و سۆپايێ عيراقێ دا هه‌يه، به‌لێ پێشمه‌رگه ناچيته ناڤ باژێرێ مووسل، هه‌رديسا ب گۆره‌ى پلانا كونترۆلكرنا مووسل، حه‌شه‌د شه‌عبى ناچيته ناڤ باژێرێ مووسل”.
عه‌بادى و بارزانى يێ د كۆمبوونێ دا
ئه‌ڤرۆ نيوز:
حه‌يده‌ر عه‌بادى سه‌رۆك وه‌زيرێن عيراقێ و فه‌رماندێ گشتى يێ هێزێن چه‌كدار، ب هه‌ڤالينيا ژماره‌كا فه‌رماندێن له‌شكرى به‌رى ده‌مه‌كێ كێم ب جلكێن له‌شكرى ب رێيا سێ هه‌ليكوپته‌رێن له‌شكرى ژ باژێركێ به‌رتلا يێ نێزيك مووسل گه‌هشته فرۆكخانا نێڤده‌وله‌تى يا هه‌ولێر.
ل فرۆكخانا هه‌ولێر ژ لايێ مه‌سعود بارزانى سه‌رۆكێ هه‌رێما كوردستانێ و نێچيرڤان بارزانى سه‌رۆكێ حوكمه‌تێ و مه‌سرۆر بارزانى شيره‌تكارێ جڤاتا ئاسايشێ و ژماره‌كا به‌رپرسێ حكومى و له‌شكرى هاته پێشوازيكرن.
پاشان ل ئاڤاهيێ فرۆكخانا نێڤده‌وله‌تى يا هه‌ولێر حه‌يده‌ر عه‌بادى و شاندێ د گه‌لدا ل گه‌ل مه‌سعود بارزانى سه‌رۆكێ هه‌رێما كوردستانێ و شاندێ كوردستانى كۆمبوون كو يێ پێكهاتى بوو ژ هه‌ر ئێك ژ نێچيرڤان بارزانى سه‌رۆكێ حوكمه‌تێ و مه‌سرۆر بارزانى شيره‌تكارێ جڤاتا ئاسايشێ و كه‌ريم شنگالى وه‌زيرێ ناڤخۆ و وه‌زيرێ پێشمه‌رگه ب وه‌كاله‌ت.
ب گۆره‌ى پێزانينێن ئه‌ڤرۆ نيوز ته‌وه‌رێ سه‌ره‌كى يێ كۆمبوونێ دێ دانوستاندن بيت ل سه‌ر ئۆپه‌راسيۆنێن رزگاركرنا باژێرێ مووسل ئه‌وا ل 17ى ڤێ هه‌يڤێ ده‌سپێكرى.
په‌رده ل سه‌ر په‌یكه‌رێ کەمانا هۆنەرمەند دلشاد محه‌مه‌د سه‌عید هاته لادان
به‌غدا 10 ملیار بۆ هه‌رێمێ هنارتینه
پارتى: ره‌وشا توركیا دێ ئالوزتر لێ هێت
ئه‌ڤرۆ نیوز:
پارتى دیموكراتى كوردستان ب گرتنا سه‌لاحه‌دین ده‌میرتاش و فیگه‌ن یوكسه‌كداغ هه‌ڤسه‌رۆكێن پارتى دیموكراتى گه‌لان ( هه‌ده‌پێ) و ژماره‌كا ئه‌ندام په‌رله‌مانێن وێ حزبێ یا دلگرانه و د وێ باوه‌رێ دایه كو ره‌وشا توركیا دێ ئالوز تر لێ هێت.
په‌یڤدارێ پارتى دیموكراتى كوردستان رۆژا شه‌مبى د رۆنكرنه‌كێ دا دیاركریه ” ئه‌ڤ ره‌فتارێن حوكمه‌تا توركیا دێ ره‌وشێ ئالوزتر لێ كه‌ن و خزمه‌تا بزاڤێن چاره‌كرنا كێشان ناكه‌ن و بزاڤ و ده‌لیڤێن بۆ دانوستاندنان دێ ژ ناڤ به‌ت، له‌وما داخواز دكه‌ن هه‌ر چ زویتره گرتنا وان ب دووماهى بهێت و بهێنه ئازادكرن”.
ڤیدیو: ده‌مێ ڤه‌گوهاستنا ده‌میرتاش ب كوپته‌ره‌كا سه‌ربازى
كه‌جه‌ده: دخوازين بارزانى ناڤه‌ندگريێ بكه‌ت
ئه‌ڤرۆ نيوز:
له‌يلا گۆڤه‌ن هه‌ڤسه‌رۆكا كه‌جه‌ده د كۆنگره‌كێ رۆژنامه‌ڤانى ل باژێرێ ئامه‌د راگه‌هاند كو بارزانى سه‌نگێ دبلۆماسى ل توركيا يێ هه‌ى و داخواز دكه‌ين ناڤه‌ندگريێ ل دۆر وان كاودانێن نوكه ل توركيا هاتينه پێش بكه‌ت.
ل دووماهيا حه‌فتيا بۆرى و د هه‌لمه‌ته‌كێ دا حوكمه‌تا توركيا سه‌ركرده و ئه‌ندامێن پارتيا ديموكراتا گه‌لان ده‌سته‌سه‌ركرن و هه‌ڤسه‌رۆك و ژماره‌كا زۆرا ئه‌ندامێن هه‌ده‌پێ ده‌سته‌سه‌ركرن.
پێشتر سه‌رۆكاتيا هه‌رێما كوردستانێ د راگه‌هاندنه‌كێ دا دلته‌نگيا خوه ل به‌رامبه‌ر ده‌سته‌سه‌ركرنا هه‌ڤسه‌رۆكێن هه‌ده‌پێ دياركر و راگه‌هاند كو مه‌ترسيا وێ چه‌ندێ يا هه‌ى كو كريارێن ژڤى ره‌نگى كاودان و كێشان كوورتر لێ بكه‌ن.
ژ شه‌ش لايان ڤه مووسل هاتيه دوورپێچكرن
ئه‌ڤرۆ نيوز:
هێزێن عيراقێ بۆ كونترۆلكرنا مووسل د پێشڤه‌چوونێ دانه و ژ شه‌ش لايان ڤه دوورپێچكرن باژێرى دايه.
ب گۆره‌ى ژێده‌رێن ئه‌منى يێن عيراقى ژ شه‌ش لايان ڤه دوورپێچا باژێرێ مووسل دايه و هه‌موو هێزێن عيراقى د پشكدارن د وى شه‌رى دا.
هه‌ر ب گۆره‌ى ژێده‌رێن ئه‌منى نوكه له‌شكرێ عيراقى يێ شه‌رى ل باشوورێ رۆژهه‌لاتێ مووسل دكه‌ت و هه‌كه ئه‌و تاخ يێ بناڤێ “انتصار” كه‌فت، مووسل دێ ژ روويێ له‌شكرى ڤه كه‌ڤيت چونكو ئه‌و تاخه‌كێ ستراتيژى يه بۆ كونترۆلكرنا مووسل.
نيشاندان
WP Facebook Auto Publish Powered By : XYZScripts.com