ئهڤرۆ نیو:
پهیڤدارێ ههڤپهیمانیا نێڤدهولهتى دژى داعش راگههاند د ئوپهراسیونا كونترولكرنا مووسل دا دێ 200 سهربازێن ئهمریكى پشكداربن.
ستیف وارن پهیڤدارێ ههڤپهیمانیا نێڤدهولهتى دژى داعش راگههاند راگههاند وان رازیبوونا حوكمهتا عیراقێ وهرگرتیه و دێ د ئوپهراسیونا كونترولكرنا موسل دا هلیكوپتهرێن ئاپاچى ب كارئینن و دێ 200 سهرباز ژى پشكداربن.
ئهڤرۆ نيوز:
شيرهتكارێ جڤاتا ئاسايشا ههرێما كوردستانێ راگههاند كو حوكمهتا عيراقێ شكهتن يا ئيناى و كورد كار بۆ ريفراندوم و دروستكرنا دهولهتێ دكهن.
مهسرۆر بارزانى د گۆتارهكێ دا كو دوهى رۆژا پێنجشهمبى د رۆژناما وانشنتۆن پۆست دا بهلاڤكريه، بهحس ل وێ چهندێ كريه كو كورد ئێك ل سهر سێ يا عيراقێ پێكدئينن، دهولهتا عيراقێ شكهستن يا ئيناى و ههر ژ دهسپێكێ ژى ب زۆرى پێكڤه هاتيه گرێدان و نوكه ژى دو سال ل سهر دهستهلاتا پشكهكا زۆرا عيراقێ و 13 سال ب سهر ژناڤچوونا رژێما سهدام حسێن دا بۆرين، هێشتا عيراق سهركهفتى نهبوويه و نهشێت ژى گيانێ وهلاتيان ب پارێزيت.
د پشكهكا دى يا نڤيسينا خوه دا ئاماژه ب وێ چهندێ كريه كو نوكه عيراق دهولهتهكا شكهستخوارى يه و كورد كار بۆ ريفراندۆم و دورستكرنا دهولهتا خوه دا خودان سهروهرى دكهن.
مهسرۆر بارزانى ئاماژه ب وێ چهندێ ژى دايه كو دورستكرنا دهولهتا كوردى ب تنێ هيڤى بهخش نابيت بۆ كوردان بهلكو دێ دهسپێكهك بيت بۆ پارڤهكرنا ههموو عيراقێ و كورد ژى پشتهڤانيێ ل ههڤسويێن خوه دكهت و د ماوێ رابۆرى دا چهندين جهـ ژ دهستێ داعش وهرگرتينه كو دهڤهرێن عهرهبى نه.
شيرهتكارێ جڤاتا ئاسايشا ههرێما كوردستانێ د پشكهكا دى يا گۆتارا خوه دا دبێژيت: ” د ماوێ دو سالێن بۆرى دا كوردستانێ دهرگههـ يێ بۆ مليۆنهها ئاواران ڤهكرى، نوكه ژى دهرگههێ كۆنترۆلكرنا مووسله و ئهو ئاوارێن مهسيحى يێن ژ بهغدا و مووسل رهڤين يێ ل ههرێما كوردستانێ”.
بهحس ل شكهستنێن بزاڤێن بهرێ يێن ناڤبهرا ههولێر و بهغدا دكهت و دبێژيت: “چو مانايهك بۆ پێكڤهژيانێ ل عيراقێ نهمايه، مه ههموو تشت ل گهل حوكمهتا ناڤهندى كرن، بهلێ چو ئهنجام نهبوون، رێيا ئێكانه يا ماى سهربهخۆيه”.
ئهڤرۆ نيوز:
ب گۆرهى ئهو پێزانينێن ميديايێن عيراقێ ژ ژێدهرێن سهر ب لايهنێن شيعهيان ڤه ڤهگوهاستين، لڤينێن پێكهاتێن ناڤ ههڤپهيمانيا نشتيمانى بۆ لادانا حهيدهر عهبادى سهرۆك جڤاتا وهزيران و دانانا كهسهكێ دى ل جهێ وى دهسپێكريه و بۆ ڤێ مهرهمێ ژى چار كهس بۆ جهێ وى هاتينه دهستنياشنكرن.
گوهۆڕينا سهرۆكێ جڤاتا وهزيرێن عيراقێ ب بههانهيا وێ چهندێ كو نهشيايه ب رهنگهكێ دروست وهلاتى ب رێڤه ببهت و د چاكسازيێن حوكمهتێ ژى دا شكهتن ب دهست خوه ڤه ئينايه، ديسا ههلكرانا چرايێ كهسك ل بهرامبهر ئهمريكا و رازيبوونا ئيرانێ ژى ل سهر ڤێ بڕيارێ.
ب هێلانا جهێ خۆنيشاندانان ژ لايێ تهڤگهرا سهدر و بايكوتكرنا كۆمبوونێن جڤاتا نوونهرێن عيراقێ ژ لايێ كوتلا ئهحرار يا سهر ب سهدر ڤه و خوهدانهلايهكى ژ ههڤپهيمانيا نشتميانى بوويه ئهگهر كو شوونگرهكێ دى بۆ عهبادى بهێته دانان.
ب گۆرهى ئهو پێزانينێن ل بهر دهست ههر ئێك ژ عادل عهبدولمههدى و هادى عامرى و سالح فهياز و عيماد خهرسان هاتينه دهستنيشانكرن، شيعه و ئيران ل گهل وێ چهندێ نه عادى عامرى بيت، بهلێ مالكى و ههڤالێن خوه عادل عهبدولمههدى بهربژێر كريه، عيماد خهرسان ژى كهسهكێ نێزيكى سيستانى يه.
ئهڤرۆ نيوز:
فراكسيۆنێن كوردى بڕيار دا بێ رهزامهندى و بڕيارا سهركرداتيا سياسى يا كوردستانى نهڤهگهرنه بهغدا و پشكدارى كۆمبوونێن جڤاتا نوونهرێن عيراقێ نهكهن، پارتى ژى شتى كۆمبوونا سهركرداتيێ لژنهكا ههڤپشك پێكئينا بۆ سهرهدانكرنا لايهنێن سياسى.
شڤێدى 5ى گۆلانا 2016ێ فراكسيۆنێن كوردى ل باژێرێ سلێمانيێ كۆمبوون و بڕيار دا بێ بڕيارا سهركرداتيا سياسى يا كوردا نهڤهگهرنه بهغدا.
جڤاتا سهركرداتيا پارتى ژى د كۆمبوونا رۆژا پێنجشهمبى دا بڕيار دا كو لژنهكێ پێكبينن بۆ سهرهدانكرنا لايهنێن سياسى بۆ ئهنجامدانا ريفراندۆمێ، بهلێ بزاڤا گۆڕان رهتدكهت پێشوازى ل لژنا پارتى بكهت ههتا كو سهرۆكێ پهرلهمانى و وهزيرێن وێ نهڤهگهرنه سهر كارێن خوه.
ئهڤرۆ نيوز:
ئهڤرۆ وهزارهتا سامانێن سروشتى ئاشكراكر كو ههيڤا چوويى ئاستێ هنارتنا نهفتا ههرێمێ گههشتيه 511 هزار بهرميلان د رۆژهكێ دا و داهاتێ وێ ههيڤێ ژى 376 مليون دولار بوويه.
ل دووڤ داتايێن سامانێن سروشتى : 15 مليون و 356 هزار و 651 بهرميلێن نهفتێ د وێ ههيڤێ دا هاتينه هنارتن كو دبيته 511 هزار و 888 بهرميلێن نهفتێ يێن رۆژانه.
ئهڤرۆ نيوز:
ئهڤرۆ ل دهمێ پێشكێشكرنا گوتارا مالئاڤاهيێ دا، ههڤالێن سهرۆك وهزيرێن توركيا ئهحمهد داود ئوغلو بوو كرنه گرى.
داود ئوغلو دياركر كو ل 22 ڤێ ههيڤێ دێ كۆنگرێ داد و گهشهپێدان هێته سازكرن و ئهو خوه بۆ سهروكايهتيا پارتا خوه بهربژار ناكهت و دهستا ژ پۆستێ سهرۆك وهزيران ژى بهردهت.
ئهڤرۆ نيوز:
ب فهرمانهكا سهرۆك وهرێن عيراقێ، ئهو ليوايا هێزێن پێشمهرگێ كوردستانێ يا ئهركێ پاراستنا جڤاتا نوونهرێن عيراقێ پێ هاتيه راسپاردن هاته دوورخستن و ليوايهكا عهرهبان ل جهێ وێ دانا.
شاخهوان عهبدولا پهرلهمانتارێ فراكسيۆنا پارتى ديموكراتى كوردستان ل جڤاتا نوونهرێن عيراقێ بۆ باسنيوز راگههاند: ب بڕيارهكا حهيدهر عهبادى سهرۆك وهزيرێن عيراقێ ئهڤرۆ رۆژا پێنجشهمبى رێكهفتى 5ى گۆلانا 2016ێ ليوا پاراستنا جڤاتا نوونهرێن عيراقێ هاته دوورخستن كو ليوايهكا پێشمهرگهيه ل جهێ وان فهوجهكا عهرهبى هنارتيه جهێ وان.
دهربارهى ئهگهرێن دهركرنا ڤێ بڕيارێ ژى عهبدولاى گۆت: “عهبادى ل وى دهمێ گۆتار ل جڤاتا نوونهران پێشكێش كرى، هندهك ژ پهرلهمانتاران دولكێن ئاڤێ تێوهركرن، ئهوى ژى داخواز ژ فهرماندێ ئهوێ هێزا پێشمهرگهى كر كو ب هێزێ پهرلهمانتارێن نهرازى دووربێخيت، بهلێ فهرماندهيێ وان ئهو رهتكر، چونكو وهسان دديت كو پهرلهمانتاران پارێزبهنديا قانوونى ههيه و نهشێت وى كارى بكهت”.
تهكست ل سهر وێ چهندێ ژى كر كو رۆژا شهمبى 30ى نيسانا 2016ێ فهرماندێ وێ ليوايێ نههێلا ژيانا پهرلهمانتارێن كورد بكهڤيته د مهترسيێ دا و سڤكاتى پێ بهێته كرن، “ژ بهر هندێ ئهڤرۆ عهبادى بڕيارا دهركرنا وان دا”.
ئهڤ ئهندامێ لژنا ئهمنى ل جڤاتا نوونهرێن عيراقێ دا زانين ژى كو ئهڤ بڕياره بێ ئاگههيا سهرۆكاتيا جڤاتا نوونهران و لژنا ئهمنى يا جڤاتا نوونهران هاتيه دهركرن.
ئهڤرۆ نيوز:
پارێزهرهكێ باژێرێ ههولێرێ دێ سكالا قانوونى ل سهر ژمارهكا دهزگههێن راگههاندنێ يێن باشوورێ كوردستانێ ب تۆمهتا ياريكرنێ ب ههستێ كهسوكارێن شههيدێن پێشمهرگهى تۆمار كهت.
ههلويست ميرانى، يێ پارێزهر نڤيسينهك ل تۆڕا جڤاكيا فهيسبۆكى بهلاڤكريه و راگههانديه كو وهكو پارێزهرهكێ خۆبهخش دێ سكالا قانوونى ل دادگهها ههولێرێ ل سهر ئهوان مالپهران تۆمار كهم يێن يارى ب ههستێ كهسوكارێن شههيدێن پێشمهرگهى كرين.
ددهته زانين كو ئهڤرۆ 5ى گۆلانا 2016ێ دێ رێيێن قانوونى گرتيه بهر و پاشان سكالايا قانوونى ل سهر وان مالپهران تۆمار كهت.
ئاماژێ ب وێ چهندێ ژى دكهت كو ئهو دێ سكالايێ ب تۆمهتا بهلاڤكرنا “دهنگوباسێن نهيێن دروست” ل سهر شهرێ ناڤبهرا هێزێن پێشمهرگهيێ كوردستانێ و چهكدارێن رێكخراوا توندڕهو يا داعش تۆمار كهت.
ناڤهشێريت ژى كو ل گهل ئازاديا رۆژنامهڤانى يه، بهلێ د ههمان دهم دبێژيت: “ئازاديێ ژى سنورێن خوه يێن ههين و ب قانوونێ هاتيه رێكخستن”.
ميرانى وهسان دبينيت كو د وان دو رۆژێن شهرى دا “ب ئاستێ چهكدارێن داعش” يارى يێ ب پێشمهرگهى و ههستێ كهسوكارێن شههيدێن دهستێ داعش كرين.
ئهڤرۆ نيوز:
ئهڤرۆ ل پيرمام سهركرداتيا پارتى ديموكراتى كوردستان بۆ دانوستاندنێ ل سهر پرۆژێ سهرۆك بارزانى ل دۆر چاكسازيان و رهوشا عيراقێ و كوردستانێ كۆمبوو.
ب گۆرهى پێزانينێن پێشتر ئهڤرۆ نيوز بهلاڤكرين، ئهڤرۆ رۆژا پێنجشهمبى رێكهفتى 5ى ئهيارا 2016ێ ل پيرمام، كۆمبوونا سهركرداتيا پارتى ب رێڤه چوو و مهرهم پێ ههلسهنگاندنه بۆ قووناغا چاكسازيان يا بارزانى ل 10ى شوباتا 2016ێ دا راگههاندى.
نيشاندان