ئهڤرۆ نيوز:
وەزارەتا پەروەردێ یا حکومەتا ھەرێما کوردستانێ د روونکرنەکێ دا رەتکر بەرسڤا پرسیارێن پۆلا دۆازدێ ئامادەیی ھاتبنە ئاشکراکرن.
وەزارەتا پەروەردێ دیارکریە ئارمانج ژ ڤان جورە کارا تنێ بۆ کۆمکرنا پارەیە، قوتابی ژی دڤێت باوەر پێ نەکەن، چونکە ئەو بەرسڤێن بەلاڤ بووین پشتی ھاتینە بەراورد کرن چ ژ وان راست نینن، تنێ ل ڤێرە مەبەستا وان پارەیە.
ئهڤرۆ نيوز:
چهكدارێن داعش ل ههر دو ميحوهرێن باشيك و خازر هێرش كرنه سهر سهنگهرێن پێشمهرگه و پێشمهرگهى هێرشا وان تێكشكاند و پاشڤهبرن.
شڤێدى ل دهمژمێر 12 شهڤ ل گوندێن وهردهك و چهند جهێن دى ل ميحوهرێ خازر داعش هێرش كره سهر سهنگهرێن پێشمهرگهى، لێ هێرشا وان هاته شكاندن و پتر ژ 20 تهرم داعش دجهدا هێلان.
ئهڤرۆ نيوز:
ئهڤرۆ رۆژا پێنجشهمبى رێكهفتى 2ى تيرمهها 2016ێ كۆمبوونا ئێكێ يا جڤاتا سهركرداتيا ئێكگرتوو ئيسلامى كوردستان هاته ئهنجام دان و پشتى ههلبژارتن هاتينه كرن ئێكێ بادينى وهكو سهرۆكێ جڤاتا سهركرداتيا وێ حزبێ هاته ههلبژارتن.
سهعيد عهلى عهبۆ، ئهندامێ جڤاتا سهركرداتيا ئێكگرتوو ئيسلامى كوردستان وهكو سهرۆكێ وێ جڤاتێ هاته ههلبژارتن پشتى د ههلبژارتنان دا شيايى زێدهترين رێژا دهنگدان ب دهست خوه ڤه بينيت.
جڤاتا سهركرداتيا ئێكگرتوو ئيسلامى كوردستان ژ 35 كهسان پێك دهێت و 11 ژ وان كهسان خهلكێ سنورێ پارێزگهها دهۆكێ نه.
ئهڤرۆ نيوز:
مهسرۆر بارزانى، شيرهتكارێ جڤاتا ئاسايشا ههرێما كوردستانێ راگههاند كو چو ئهگهر نينن دا كو يهكينهيێن پاراستنا گهل “يهپهگه” رێگريێ ل هێزێن پێشمهگهيێ رۆژئاڤايێ كوردستانێ بكهن كو ب هێزا رۆژ د بهرنياسن، ههتا ڤهگهرنه رۆژئاڤايێ كوردستانێ.
د چارچۆڤێ چاڤپێكهفتنهكێ دا ل گهل رۆژناما واشنتۆن پۆست يا ئهمريكى، شيرتكارێ جڤاتا ئاسايشا ههرێما كوردستانێ، رادگههينيت كو ئهو ژى كوردن و دڤێت ڤهگهرنه دهڤهرێن خوه و بهرهڤانيێ ژ وهلاتێ خوه بكهن.
ههر ديسا دبێژيت: “ههرێما كوردستانێ وهسان دبينيت كو ئهو هێز، هێزهكا ئامادهيه و يا باوهرپێكريه و دشيان دايه ئهمريكا پشت بهستنێ ل سهر بكهت و پشتبهستنێ ل سهر يهپهگێ ب تنێ نهبهستيت بۆ بهرسينگگرتنا داعش ل رۆژئاڤايێ كوردستانێ.
ئاماژه ب وێ چهندێ ژى دكهت كو هێزا رۆژ هێزهكا ئامادهيه و رێكوپێكه و پهيوهندى ب چ گرۆپهكێ گۆماناوى ڤه نينه.
ئەڤرۆ نیوز،زنار تۆڤی:
ئەڤرۆ پەرلەمانێ ئەلمانیا روونشتنا خوە گرێدا و د وێ روونشتنێ دا پەرلەمانێ ئەلمانیا قرکرن و ژناڤبرنا ئەرمەنان وەکە جینۆساید ناساند و ئە چەندە ل سالا 1915_1916 ل جەنگێ جیھانیێ ئێکێ ژلایێ دەولەتا ئۆسمانی ڤە ل تورکیا ھاتبووکرن،کو دوێ کومەلکۆژیێ دا تورکیا لدۆرێن ملیۆنەک و نیڤ ئەرمەنی کوشتبوون،ھەمی رەنگێن زۆرداریێ و تۆندیێ بەرامبەر ئەرمەنیان بکارئینابوون و ژ جە و وارێ وان یێ باب و کالان دەرێخست بوون و ئەرمەنی تەرابەرا کرن و ژ ھەمی تشتان بێ بەھرکربوون.
ئهڤرۆ نيوز:
وهزارهتا سامانێن سرۆشتى ل حوكمهتا ههرێما كوردستانێ رێژا كۆژمێ داهات و رێژا هنارتنا پهترۆلێ دێ ههيڤا بۆرى دا بهلاڤكر و ههڤبهركى ل گهل ههيڤا بۆرى، داهات و هنارتنا پهترۆلا ههرێمێ زێدهكريه.
ب گۆرهى ئامارا وهزارهتێ كو ئهڤرۆ بهلاڤكريه، د ههيڤا بۆرى دا 15 ملييۆن و 904 هزار و 271 بهرميلێن پهترۆلێ هنارتينه كو دكهته رۆژانه 513 هزار و 41 بهرميل.
ئهڤرۆ نيوز:
سهرۆكێ حوكمهتا ههرێما كوردستانێ راگههاند: چو شاندێن حكومى ژ ههرێمێ بۆ چارهسهركرنا كێشان ناچنه بهغدا، ئهڤه ژى د دهمهكى دايه كو سهرۆك وهزيرێن عيراقێ داخواز دكهت شاندهكێ حوكمى و سياسى ژ ههرێمێ سهرهدانا بهغدا بكهت.
د كۆنگرهكێ رۆژنامهڤانى دا كو ئهڤرۆ ب ههلكهفتا دهسپێكرنا ئهزموونێن پۆلا 12 هاتبوو ئهنجام دان، نێچيرڤانب بارزانى سهرۆكێ حوكمهتا ههرێما كوردستانێ گۆت: “چو شاندێن حكومى ژ ههرێمێ بۆ چارهسهركرنا كێشان ناچنه بهغدا”.
ئهڤ گۆتنێن سهرۆكێ حوكمهتێ د دهمهكى دانه كو د دووماهى كۆمبوونا خوه دا ل گهل سهرۆكێن فراكسيۆنان، حهيدهر عهبادى داخواز كر كو شاندهكێ حكومى سياسى يێ ههرێمێ سهرهدانا بهغدا بكهت.
ئەڤرۆ نیوز، بارزان مزووری:
دوھی 1/6/2016 ل کەمپا پیترا کاترینا یا ئاوارەیا ل یونان دو زارۆیێن ئێزدی یێن شەنگال دکەڤتنە د سکرەکێ ئاڤێ دا، ھەردوو دخەندقین.
روژنامەڤان کاوە عیدو خەتاری، بۆ مالپەرێ ئەڤرۆ نیوز ئاشکرا کر کو دو زارۆیێن ئێزدی ل کەمپا “بیترا کاترینا” یا ئاوارەیان ل یونان دکەڤتنە د سکرەکێ ئاڤێ دا ل نێزیک وێ کەمپا لێ ئاکنجی، ئێکسەر لاشەیێن وان ژ لایێ تیمێن وی وەلاتی ڤە دەرئینان، بەلێ ھەتا گەھشتینێ ھەردو خەندقیی بوون.
ناڤبری دیار کر کو ئێک ژ وان ژیێ وی 12 سال بوو، ئێکێ دن ژی 14 سال بوو خەلکێ قەزا شەنگال بوون دەمێ شەنگال ھاتیە کونترول کرن وان کوچکربوو.
ئەڤرۆ نیوز:
جەمال کۆچەر ئەندامێ پەرلەمانێ عیراقێ و ئەندامێ سەرکردایەتیا یەکگرتوو بو ئەڤرۆ گوت: ب دیتنا مە گەلەک یا فەرە یەکگرتوویا ئیسلامیا کوردستانێ پرۆژێ خو ھەبیت بو کوردستانێ و ئەم دبینین ھەکە ھاتنا سەلاحەدین بەھائەدین بتنێ بۆ رێکخستنا حزبا یەکگرتوو بیت، ل وی دەمی ناڤبری چو کارێن باش ئەنجام نادەت، لێ ب دیتنا من ماموستا سەلاحەدین دێ پێنگاڤێن باش ھەبن کو ب بنە سەدەما باشبونا ھەر رەوشەکا نوکە ھەبیت، چونکە دڤێت ھندەک گوھۆڕین ھەبن دا ژ ڤێ رەوشا خراب دەرباز ببین.یا ژ ھەموویان گرنگتر ئەو پارتی و گۆڕان ئاریشێن دناڤبەرا خوە دا نەھێلن، نوکە گۆڕانێ ھندەک گوھۆڕین کرینە و وەکی گۆڕانا دەستپێکێ نەمایە.
و گوت: سەلاحەدین بەھائەدین ئەزمونەکا باش ھەیە د ھەر ئاریشەیەکا کوردستانێ دا ھەم ژ ئاریشا شەرێ براکوژیێ و ھەر ئاریشەیەکا دناڤبەرا پارتی و ئێکەتی وگۆڕان و بەرەیێ تورکمانی دا و بزافا ئیسلامی دناڤدا بویە و رولێ خو ھەیە، دیسا ژی سەلاحەدین بەھائەدین چار سالە خو ژ گورەپانا سیاسی ڤەکێشایی، لەورا نوکە رولێ خو ھەیە.
ژئالیەکێ دیڤە جەمال کۆچەری گوت: ئەم وەک سەرکردایەتیا یەکگرتویا ئیسلامیا کوردستانێ ھەر ژ کونگرێ بەری نوکە کو یێ شەشێ بو ل وی کونگرەی مە ھەولدایە کو کوردستانەکا سەربەخو رابگەھینین و مە حەزا سەربەخوەیێ ھەیە لێ ھاتنا چەکدارێن داعش و خرابونا بارێ ھەرێمێ ئەو چەندە ھاتە بێ دەنگ کرن، لێ ئەڤرۆ پێَشمەرگەی ھاریکاریا سەربەخوەیا کوردان دیارکر، ھەر کەسەک و ھەر ئالیەکێ بزاڤێ بکەت، سەربەخوەیا کوردستانێ ئالۆز بکەت، ئەو کەس و لایەن یێ گونەھکارە، دیسان فەرە ژبیرنەکەین کو ھەردەم مە پێدڤیا ب پەیوەندیێن ل گەل وەلاتان دەوربەر ھەیە، چونکە ھەر سامانەکێ مە ھەی بتنێ ب رێیا ئەردی بو وەلاتێن دی ڤە دچیت، لەورا دڤێت ئەم سەربەخوەیا خوە رابگەھینین لێ ئەم ب شێوەکێ دوستانە و ئاشیانە ژ بەغدا جودا ب بین.
ب دیتنا جەمال کوچەری، ئەو پرۆژێن سەلاحەدین بەھائەدین ھەین بۆ کوردستانێ دێ بنە پشکەک ژ وان پرۆژان ئەوێن نوکە بۆ سەربەخوەیا کوردستانێ دھێنە ئەنجامدان، لێ ئەم وەک یەکگرتوو پشکەکین ژ وان ئەرکان و ھەر گازیەکا ھەبیت و ھەر پێنگاڤەکا بھێتە ھاڤێتن بو سەرەبخوەی و راگەھاندنا دەولەتا کوردی یەکگرتویا ئیسلامێ دێ باشترین شێوە کارکەت کو ئەو ھیڤی ببیتە راستی.
جەمال کۆچەری ھەروەسا گۆت: ئالیەک بتنێ نەشێت دەولەتا کوردی ب راگەھینیت، بەلکی دڤێت ھەموو پێکڤە دھاریکاربن و ئەم وەکی یەکگرتوو کارێ دەولەت بوونا کوردستانێ ب ئەرکەکێ نیشتیمانی و شەرعی دزانین، ئەندامێ سەرکرداتیا یەکگرتوو خوەیاکر، یەکگرتوو دشێت رۆلەکێ کاریگەر د پەیوەندیێن خوەدا ل گەل وەلاتێن سعودیێ و تورکیا و ئیرانێ ژی بگێریت، ھەر وەکی بەری نوکە ئەو کار ئەنجامدایە بۆ رێخوشکرنا دناڤبەرا پارتی و حکومەتا تورکیا دا.
ل دووماھیێ ژی گۆت: ئەم ژدل و جان ل گەل ریفراندومێ نە و تاکە حزبا کوردستانێ یەکگرتوویە حەزدگەت ب زووترین دەم سەربەخوەیا ھەرێما کوردستانێ بھێتە راگەھاندن، ھەر بۆ سەربەخوەیێ ژی ئامادەیە ھەر کارەکێ پێ بھێتە راسپاردن بکەت، دەمێ ریفراندوم دھێتە کرن وی دەمی ھەر ئالیەکێ سیاسی و ھەر کەسەک دێ زانیت یەکگرتوو چەند حەزا سەربەخوەیا کوردستانێ ھەیە.
نيشاندان