NO IORG
نوچێن گرنگ

ئه‌ڤرۆ نيوز:

وه‌زاره‌تا دارايى و ئابوورى ل حوكمه‌تا هه‌رێما كوردستانێ خشتێ به‌لاڤكرنا مووچێ هه‌يڤا كانوونا دويێ يا سالا 2016ێ راگه‌هاند.

ب گۆره‌ى وێ راگه‌هاندنا وه‌زاره‌تا دارايى، بڕياره‌ ئه‌ڤرۆ رۆژا ئێكشه‌مبى رێكه‌فتى 21ى شوباتا 2016ێ دێ مووچێ هه‌يڤا كانوونا دويێ يا سالا 2016ێ يێ وه‌زاره‌تا ناڤخۆ و جڤاتا دادوه‌رى و وه‌زاره‌تا داد هێته‌ به‌لاڤكرن.

ئه‌ڤرۆ نیۆز، قائید میرۆ
فه‌رمانده‌كێ پێشمه‌رگه‌ی ئاماژه‌ ب وێ چه‌ندێ دكه‌ت دگه‌ل به‌لافبوونا ده‌نگۆیێ خوه‌ ڤه‌كێشانا داعش ل مووسل و ده‌وروبه‌را ئه‌ڤه‌ چه‌ند رۆژه‌ وان چو لڤین نه‌ماینه‌ ل ده‌ڤه‌رێ.
عه‌قید یاسین بلباس، فه‌رماندێ پێشمه‌رگه‌ی ل میحوه‌رێ خازر بو ئه‌ڤرۆ نیۆز راگه‌هاند” ئه‌ڤه‌ بۆ ده‌مێ چه‌ند رۆژانه‌ لڤینێن چه‌كدارێن داعش ل میحوه‌رێ خازر بشێوه‌یه‌كێ به‌رچاڤ كێمبووینه‌ و دگه‌ل به‌لافبوونا زانیاریێن ڤه‌كێشانا چه‌كدارێن داعش ل سنورێ مووسل چو لڤین نه‌ماینه‌.

وێنه‌: ئه‌رشیف

ئه‌ڤرۆ نيوز:

حه‌يده‌ر عه‌بادى سه‌رۆك وه‌زيرێن عيراقێ ئه‌ڤرۆ ل په‌رله‌مانێ عيراقێ به‌حسێ ئوپه‌راسيونا ئازادكرنا مووسل كر و گوت: پێشمه‌رگه‌ ژى دێ پشكداريێ د ئازادكرنا مووسل دا كه‌ت و مه‌ هه‌ماهه‌نگى ل گه‌ل به‌رپرسێن هه‌رێمێ كريه‌.

سه‌رۆك وه‌زيرێن عيراقێ زێده‌تر گۆت: هه‌ر ئێك ژ سوپایێ ئیراقێ و هۆزێن مووسلێ و چه‌كدارێن حه‌شدا شه‌عبی یا شیعی، دگه‌ل هێزێن پیشمه‌رگه‌ی، دێ پشكداريێ د ئۆپه‌راسیۆنا رزگاركرنا مووسلێ دا كه‌ن.

ئه‌ڤرۆ نيوز:

سه‌فين په‌یڤدارێ حكومه‌تا هه‌رێما كوردستانێ دياركر ژ ئه‌گه‌رێ په‌قینا بۆریا نه‌فتا هه‌رێما كوردستانێ ل سه‌ر ئاخا توركيا، ب كۆژمێ پتری 55 ملیۆن دۆلاران، زیان به‌ر ب هه‌رێمێ كه‌فتيه‌.

سه‌فین دزه‌یی راگه‌هاند: د ده‌مه‌كی دا كو حكومه‌تا هه‌رێمێ، بۆ دانا مووچه‌یێن فه‌رمانبه‌رێن خوه‌، پشتبه‌ستن ل سه‌ر داهاتێ نه‌فتێ كرییه‌، لێ بۆ هه‌ياما چوار رۆژانه‌ بۆریا ڤه‌گۆهاستنا نه‌فتا هه‌رێمێ هاتییه‌ په‌قاندن و هێشتا نه‌هاتییه‌ چێكرن.
سه‌فین دزه‌یی دياركر ژی: د چار رۆژێن بۆری دا، ب كۆژمێ 55 ملیۆن و 200هزار دۆلاران، زیان به‌ر ب حكومه‌تا هه‌رێما كوردستانێ كه‌ڤتینه‌ و تا نوكه‌ ژی، كێشا په‌قينا بوريا نه‌فتا هه‌رێما كوردستانێ نه‌هاتییه‌ زانین .

ئه‌ڤرۆ نيوز:

به‌رى ده‌مه‌كێ كێم كۆمبوونا جڤاتا نوونه‌رێن عيراقێ ده‌سپێكر كو بڕياره‌ حه‌يده‌ر عه‌بادى سه‌رۆك وه‌زيرێن عيراقێ تێدا ئاماده‌ بيت.

د ڤێ روونشتنا جڤاتێ دا، حه‌يده‌ر عه‌بادى يێ سه‌رۆك وه‌زيرێ دێ داخۆازێ كه‌ت كو وه‌زيرێن كابينا وى بهێنه‌ گوهۆڕين و ب ئه‌گه‌ره‌ك ل هه‌مبه‌ر رێگريێن چاكسازيێ وه‌سف دكه‌ت.

بڕياره‌ دڤێ روونشتنا جڤاتا نوونه‌ران هنده‌ك كه‌س وه‌كو لژنه‌ ژى بهێنه‌ دانان بۆ هه‌لسه‌نگاندنا وان كه‌سێن سه‌رۆك وه‌زيرى ل به‌ره‌ ل جهێ ڤان وه‌زيران بهێنه‌ دان دانان، هه‌ر وه‌كو ئه‌ڤرۆ سپێدێ موقته‌دا سه‌در ئه‌ڤ چه‌نده‌ ب رێيا به‌ياننامه‌كێ راگه‌هاندى.

پێشتر ل دۆر ڤێ نيازا عه‌بادى ژى فراكسيۆنێن كوردان ل به‌غدا بێى بزاڤا گۆڕان كۆم بوون و سه‌رۆكێ وێ ليستێ ژى راگه‌هاند كو دبيت ب تنێ ئه‌و لێكگوهارتنا بۆچوونا بيت و نه‌ چ كۆمبوونێن فه‌رمى بن، چونكو كۆمبوونێن فه‌رمى ل به‌غدا ژ لايێ ئارام محه‌مه‌د يێ جێگرێ سه‌رۆكێ جڤاتا نوونه‌ران دهێنه‌ برێڤه‌برن كو د هه‌مان ده‌م دا سه‌ر ب گۆڕان ڤه‌يه‌.

ئه‌ڤرۆ نيوز، نيوار محه‌مه‌د سه‌ليم:

رێڤه‌به‌ريا به‌ره‌ڤانيا باژێرێ راگه‌هاند كو شڤێدى ره‌نگى شه‌ڤ ل سه‌رسنگى دو وه‌لاتيێن مه‌سيحى گيانێ خوه‌ ژ ده‌ست دا و ئێك ژى هاته‌ قورتالكرن پشتى ئاگر به‌ربوويه‌ مالا وان.

رائيدێ مافپه‌روه‌ر بێوار عه‌بدولعه‌زيز به‌رپرسێ به‌ره‌ڤانيا باژێرى ل دهۆكێ بۆ ئه‌ڤرۆ نيوز گۆت: “شڤێدى دره‌نگى شه‌ڤ، ده‌مژمێر 3:00 روودانه‌كێ ئاگربه‌ربوونێ ل مالا وه‌لاتيه‌كێ مه‌سيحى روودا و پشتى ئاگه‌هداركرنێ تيمێن به‌ره‌ڤانيا باژێرى ل سه‌رسنكى گه‌هشتنه‌ جهێ روودانێ”.

زێده‌تر گۆت: “ژ به‌ر كو هه‌موو ئه‌ندامێن خێزانى ل وى ده‌مێ روودان په‌يدابووى د نڤستى بوو، ب مخابنى ڤه‌ دو وه‌لاتيان ب ناڤێ (ى.أ) و (خ.أ) د ژوورێن پشتى ڤه‌ ژ ئه‌گه‌رێ فه‌تسينێ گيانێ خوه‌ ژ ده‌ست و لاشێن وان بۆ نوشداريا داد هاتنه‌ ره‌وانه‌كرن”.

رائيدێ مافپه‌روه‌ر بێوار عه‌بدولعه‌زيز دا زانين ژى كو ڤه‌كۆلين د روودانێ يا به‌رده‌وامه‌ و هێشتا ئه‌گه‌رێن دروستێن روودانێ نه‌هاتينه‌ زانين، “به‌لێ دهێته‌ پێشبينيكرن ژ ئه‌گه‌رێ شۆرته‌كێ كاره‌بێ بيت”.

01 02 03 04 05 06

ئه‌ڤرۆ نيوز:

ب گۆره‌ى بازارێن پاره‌گوهۆڕان ئه‌ڤرۆ رێكه‌فتى 20ى شوباتا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

بۆ وه‌رگرتنا نووترين پێزانينان ل سه‌ر ره‌وشا دراڤى ژماره‌ “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه‌.

 

ئه‌ڤرۆ نيوز:
سه‌رۆكێ ئه‌مريكا د په‌يوه‌نديه‌كا تله‌فۆنى ل گه‌ل سه‌رۆكێ توركيا به‌حسێ روودانێن ده‌ڤه‌رێ و ب تايبه‌تى ژى ل رۆژئاڤايێ كوردستانێ گه‌نگه‌شه‌كرن و ئۆباماى هه‌ڤخه‌ميا خوه‌ ژى بۆ ته‌قينێن رۆژا چارشه‌مبى ده‌ربڕى.
د په‌يوه‌نديه‌كا تله‌فۆنى دا ئێڤاريا رۆژا ئه‌ينى رێكه‌فتى 19ى شوباتێ كو ده‌مژمێره‌ك و 20 ده‌قيقان ڤه‌كێشا، سه‌رۆكێن وان دو وه‌لاتان روودانێن توركيا و ده‌ڤه‌رێ ب گشتى و خستنه‌ به‌ر دانوستاندنێ و ل دووڤ گۆتنا ئاژانسا رويترز رۆژئاڤايێ كوردستانێ ته‌وه‌ره‌كێ سه‌ره‌كى يێ دانوستاندنێ بوو.
د وێ په‌يوه‌نديا تله‌فۆنى دا ئه‌ردۆگان گه‌له‌ك بزاڤ كرن “يه‌په‌گێ” ب تيرۆرست بناسينيت، به‌لێ ئۆباما ب تنێ يێ ئاماده‌ بوو ئاخفتنێن ئاخفتنكه‌رێ وه‌زاره‌تا ده‌رڤه‌ يا وه‌لاتێ خوه‌ دووپات بكه‌ت كو به‌رى نوكه ئاماژه‌ پێكربوو كو ئه‌و د دلته‌نگن ل سه‌ر پێشكه‌فتنێن “يه‌په‌گێ” ل نێزيك سنورێن توركيا و دڤێت ئه‌و هێزێن كوردى دلته‌نگيا توركيا به‌رچاڤ وه‌رگرن و پێكڤه‌ فشارێ بێخنه‌ سه‌ر تيرۆرستێن داعش.
ئۆبامايى هه‌ڤخه‌ميا خوه‌ ژى بۆ گه‌لێ توركيا ده‌ربڕى ژ ئه‌گه‌رێ ته‌قينێن رۆژا چارشه‌مبيا بۆرى 17ى شوباتا 2016ێ و دژاتيا خوه‌ بۆ تيرۆرزمێ ده‌ربڕى.

ئه‌ڤرۆ نيوز:

بڕياره‌ پشتى ب دووماهى هاتنا پرۆسا به‌لاڤكرنا مووچێ كانوونا دويێ يێ فه‌رمانبه‌ران، نيڤ مووچێ مامۆستايێن هه‌رێما كوردستانێ يێ هه‌يڤا ئيلۆنێ بهێته‌ به‌لاڤكرن.

ئه‌ڤرۆ رۆژا شه‌مبى 20ى شوباتا 2016ێ ئه‌حمه‌د گه‌رميانى جێگرێ سه‌رۆكێ ئێكه‌تيا مامۆستايێن كوردستانێ بۆ باسنيوز گۆت: “ژ لايێ جڤاتا وه‌زيرێن هه‌رێما كوردستانێ ڤه‌ سۆز ب وان هاتيه‌ دان كو نيڤ مووچێ دى يێ مامۆستايان بهێته‌ به‌لاڤكرن”.

ئاشكه‌را ژى كر كو ئه‌و چاڤه‌رێ دكه‌ن به‌رى ده‌سپێكرنا مووچێ هه‌يڤا شوباتێ و پشتى ب دووماهى هاتنا مووچێ كانوونا ئێكێ ئانكو د ناڤبه‌را 25ى ڤێ هه‌يڤێ هه‌تا 8ى هه‌يڤا ئادارێ بهێته‌ به‌لاڤكرن.

جێگرێ سه‌رۆكێ ئێكه‌تيا مامۆستايێن كوردستانێ ئاماژه‌ ب وێ چه‌ندێ ژى كر كو نوكه‌ ئاڤه‌رێ به‌رسڤا وه‌زاره‌تا دارايى يا هه‌رێما كوردستانێ دكه‌ن دا كو كۆمبوونه‌كا دى ل گه‌ل به‌رپرسێن بلندێن حوكمه‌تێ ئه‌نجام بده‌ن.

گۆتژى: “بڕيار بوو دو حه‌فتيان به‌رى نوكه ل گه‌ل مه‌كته‌با ته‌نفيزى يا ئێكه‌تيا مامۆستايان كۆمببن، به‌لێ ژ ئه‌گه‌رێ مژووليا به‌رپرسێن حوكمه‌تا هه‌رێما كوردستانێ كۆم نه‌هاتيه‌ كرن و دهێته‌ چاڤه‌رێكرن د ڤێ حه‌فتيێ دا ئه‌و كۆمبوون بهێته‌ كرن.

ئه‌ڤرۆ نيوز:

رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئێكشه‌مبى رێكه‌فتى 21ى شۆباتا 2016ێ ئه‌سمان دێ د ناڤبه‌را ساهى و ئه‌وره‌كێ كێم دا بيت.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه‌ كرينه‌ راگه‌هاند كو ژ ئه‌نجامێ فشارێن بلندێن ده‌ريا سپى ناڤه‌راست بۆ سه‌ر هه‌رێما كوردستانێ دهێته‌ پێشبينيكرن ئه‌سمانێ دێ د ناڤبه‌را ساهى و ئه‌وره‌كێ كێم دا بيت.

پشكا پێشبينيان دايه‌ زايه‌ زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 10 هه‌تا 20 كم دا و هنده‌ك و ماوێ ديتنێ ژى دێ 8 بۆ 10كم بيت، پلێن گه‌رمێ ژى دێ د ناڤبه‌را (14 بۆ 21) پلان دا بيت.

website security
WP Facebook Auto Publish Powered By : XYZScripts.com