ئەڤرۆ نیوز:
پشتی رێڤەبەرێ گشتی یێ راگەھاندنێ ل وەزارەتا رەوشەنبیری و لاوان ژ کارێ وی ھاتیە دوورخستن ئاشکرا کر کو نەدادپەروەری بەرانبەر وی ھاتیەکرن و ژ مافێ خوە بێدەنگ نابیت.
ھەلگۆرد جوندیانی، رێڤەبەرێ گشتی یێ راگەھاندنێ ل وەزارەتا رەوشەنبیری و لاوان دیار کر کو دوھی رۆژا 28/2/2016 ب بڕیارەکێ ئەو ژ کارێ وی ھاتە دوورخستن و بۆ باسنیۆز گۆت: “ئەڤ بڕیارە جھێ قەبوولکرنێ نینە و ئەز ل سەر ڤێ چەندێ یێ بێدەنگ نابم”.
ناڤھاتی ئاماژە دا وێ چەندێ کو ھەر چەوا بیت ئەوی بتنێ ئێک خواندن بۆ ڤێ پرسێ ھەیە ئەوژی ب گڤاشتنا کەسەکی ب ناڤێ (ف.ک) بوویە و گۆت: “بەری نوکە ئەز و ئەو ب شەڕ چووینە، چونکی من نەھێلایە ئەو گەندەلیێ بکەت”.
ھەلگۆردی ئاشکرا کر کو ئەڤرۆ 29/2/2016 د گۆنگرەکێ رۆژنامەڤانی دا دێ بەحسێ ھەموو تشتان کەت و دێ ھەموو گەندەلیان ژی ئاشکرا کەت.
نووترين نووچه
- دڤێت رەفتارا نە دادپەروەرانەیا ل گەل فەرمانبەرێن هەرێما كوردستانێ دهێتە كرن ب دووماهی بهێت
- مستەفا كازمی: پێدڤییە سیستەمێ كونفیدرالی ل ئیراقێ بهێتە پەیڕەوكرن
- میسال ئالۆسی: سیاسەتا برسیكرنێ سیاسەتەكا فاشییانەیە.
- د. ڤیان سەبری: وەزیرێن كورد بۆ چارەسەركرنا كێشەیا مووچەی دێ ل گەل سۆدانی كۆمبن
- سەروەر هاواری: دەستەکەک د حوكمەتا ئیراقێ دا ناخوازیت كوردستان ببیتە خودانا هیچ تشتەكی
- نێچیرڤان بارزانی و وەزیرێ دەرڤە یێ ئەمریكا پەیوەندیێن هەولێرێ و واشنتۆنێ گەنگەشەكرن
- مەسرور بارزانی و جاكی رۆزن، ل سەر رێزگرتن و پاراستنا قەوارەیێ هەرێما كوردستانێ د هەڤڕابوون
- سەرۆكێ حوكمەتا هەرێمێ دوپاتیێ ل هنارتنا شایستەیێن دارایی یێن خەلكێ كوردستانێ دكەت
- هەتا بەری جەژنێ مووچەیێن خەلكێ كوردستانێ نەهێنە هنارتن دێ مە هەلوەستێ جدی هەبیت
- نەهنارتنا مووچەیێن فەرمانبەرێن كوردستانێ بڕیارەكا سیاسییە دژی ئیرادەیا گەلێ كوردستانێ و قەوارەیێ هەرێمێ
سهرهكى نوچێن گرنگ
كورد قه‌بوول ناكه‌ت هالاوتیێ پله دوو بیت
ئه‌ڤرۆ نیوز:
سه‌لاحه‌دین ده‌میرتاش هه‌ڤسه‌رۆكێ هه‌ده‌پێ ئه‌ڤرۆ ل باتمانێ راگه‌هاند: كورد ئێدى قه‌بوول ناكه‌ت، هاولاتیێ پله دو بیت ، و رۆژه‌ك هه‌ر دێ هێت كو ده‌ستهه‌لاتێ بگرینه ده‌ست.
سه‌لاحه‌دین ده‌میرتاش هه‌ڤسه‌رۆكێ هه‌ده‌پێ ئاماژه ب وێ یه‌كێ ژى كو ئه‌و چه‌ندین جاران چوونه ئه‌نقه‌ره بۆ كومبوونێ ل گه‌ل ئه‌ردوگان و داود ئوغلو، و داخواز كرینه كو عفرین و جزیره دوستێن ئێك بن، به‌لێ ئه‌ردوگان و داود ئوغلو دوستایه‌تیا داعش پێ باشتره.
ل دهۆكێ باران كێمتر ژ پار سال باریه
داعش نێزیكى به‌غدا دبیت
ئه‌ڤرۆ نیوز:
ژئه‌گه‌رێ چه‌ند هێرشین داعش بۆ سه‌ر چه‌ند ده‌ڤه‌ره‌كێن نێزیكى باژارێ به‌غدا، هێزه‌كا تایبه‌ت بۆ فرۆكخانا به‌غدا دهێته هنارتن.
دوهى چه‌كدارێن داعش هێرشه‌كا به‌رفره‌ه بۆ سه‌ر قه‌زا ئه‌بۆ غرێب ده‌ست پێ كر و شیان ده‌ڤه‌را كازم عه‌زاب كۆنترۆل بكه‌ت.
بۆ به‌ره‌ڤانیكرن ژ به‌غدا، موقته‌دا سه‌در رێبه‌رێ بزاڤا سه‌در، چه‌كدارێن بزاڤا خوه ئێخستینه د ئاماده‌باشیێ دا و پشكه‌كا چه‌كدارێن خوه ره‌وانه‌ى ئه‌بو غرێب كرینه.
توركیا ده‌ست ب چێكرنا بۆریا په‌ترۆلا هه‌رێمێ كر
ئه‌ڤرۆ نیوز:
وه‌زاره‌تا وزا توركیا دیاركر كو وان ده‌ست ب چێكرنا بۆریا ڤه‌گوهاستنا په‌ترۆلا هه‌رێمێ بۆ به‌نده‌رێ جه‌یهان یێ توركی كریه و پێشبینی كر دده‌مه‌كێ نێزیك دا ئه‌و بۆری بهێته چێكرن.
وه‌زاره‌تا توركی خویاكر ژی”مه ده‌ست ب چێكرنا زیانێن ب وێ بۆریێ كه‌فتین یا كری و هێزێن ئه‌منی ژی پێرابوونێن پێدڤی بۆ پاراستنا هێلا ڤه‌گوهاستنا په‌ترۆلێ یێن وه‌رگرتین”.
ل دووڤ ئاژانسا رویته‌رز، ڕاوه‌ستاندنا پرۆسا هنارده‌كرنا په‌ترۆلا خام یا هه‌ریچما كوردستانێ، دهێته هژمارتن درێژترین ده‌مێ ڕاوه‌ستاندنێ د هه‌ردو سالێن بۆری دا.
ئێكه‌تیا ئورۆپا بزاڤێن رزگاركرنا هه‌رێمێ ژ قه‌یرانا دارایى دكه‌ت
ئه‌ڤرۆ نیوز:
مه‌سعود بارزانى سه‌رۆكێ هه‌رێما كوردستانێ پێشوازى ل پاتریك سیۆنت بالیۆزێ نوو یێ ئێكه‌تیا ئورۆپا ل عیراقێ و شاندێ ل گه‌ل دا كر، پاتریك سیۆنت سه‌رۆك بارزانى ل دۆر بزاڤێن ئێكه‌تیا ئورۆپا بۆ دیتنا رێیه‌كێ بۆ هاریكاریكرنا دارایى یا هه‌رێما كوردستانێ ئاگه‌هدار كر.
د دیداره‌كێ دا پاتریك سیۆنت راگه‌هاند، ئێكه‌تیا ئورۆپا په‌یوه‌ندیه‌كا تایبه‌ت ل گه‌ل هه‌رێما كوردستانێ یا هه‌ى و دێ به‌رده‌وام بیت ل سه‌ر به‌رفره‌هكرنا په‌یوه‌ندیان و گۆت:(ئێكه‌تیا ئورۆپا د وێ ره‌وشا دژوارا ئابوورى دگه‌هیت یا كو ژ ئه‌گه‌رێ مه‌زاختنێن شه‌رى و حه‌واندنا ئاواران و ئه‌رزانبوونا بهایێ په‌ترۆلێ ل هه‌رێما كوردستانێ په‌یدا بووى ).
د هه‌مبه‌ر دا، سه‌رۆك بارزانى به‌حسێ گه‌فێن تیرۆر و توندره‌ویێ بۆ سه‌ر جیهانێ كر و رۆناهى به‌ردانه سه‌ر وان مه‌زاختنێن مرۆڤى و ئابوورى یێن كو ژ ئه‌نجامێ شه‌ر و هاتنا ئاواران و ئه‌رزانبوونا بهایێ په‌ترۆلێ به‌رۆكا هه‌رێما كوردستانێ گرتین و گۆت:( جڤاكێ نێڤده‌وله‌تى و حوكمه‌تا عیراقێ د هاریكاریكرنا هه‌رێمێ دا بۆ ئاواران كار ب پێگیربوونێن خوه نه‌كریه).
هه‌روه‌سا سه‌رۆك بارزانى پێشوازى ل خانم ئێڤا درداكۆڤا قونسلا كۆمارا چیك ل هه‌ولێرێ كر.
د دیداره‌كێ دا، قونسلا چیك راگه‌هاند كۆمارا چیك دێ یا به‌رده‌وام بیت ل سه‌ر پشته‌ڤانیكرنا هه‌رێما كوردستانێ و پێشمه‌رگه‌ى و سه‌رۆك بارزانى ل دۆر بڕیارێن وه‌لاتێ خوه ئاگه‌هدار كر بۆ پێشكێشكرنا هاریكاریێن سه‌ربازى و دابینكرنا هاریكاریێن نوشدارى بۆ پێشمه‌رگه‌ى و ئاواران و دیسا هاریكاریكرنا زانستى و ته‌كنیكى د وارێ گۆرێن ب كۆم و نوشدارى دا.
د هه‌مبه‌ر دا، سه‌رۆك بارزانى سوپاسیا گه‌ل و حوكمه‌تا كۆمارا چیك كر كو پشته‌ڤانێن گه‌لێ كوردستانێ و هێزا پێشمه‌رگه‌ى نه و داخواز ژى كر كو دوستاتیا گه‌لێ كوردستانێ و گه‌لێ كۆمارا چیك كوورتر لێ بهێت.
رێككه‌فتنا هه‌رێمێ و به‌غدا ل سه‌ر مووسل ئاشكرا دبیت
ئه‌ڤرۆ نیوز:
جه‌بار یاوه‌ر په‌یڤدارێ وه‌زاره‌تا پێشمه‌رگه‌ى ل حوكمه‌تا هه‌رێما كوردستانێ راگه‌هاند رێككه‌فتنه‌ك د ناڤبه‌را حوكمه‌تا هه‌رێمێ و به‌غدا هاتیه ئیمزاكرن بۆ بنه‌جه‌هكرنا هێزێن سوپایێ عیراقێ ل مه‌خمور و خوه‌به‌رهه‌ڤكرن بۆ شه‌رێ ئازادكرنا مووسل.
په‌یڤدارێ وه‌زاره‌تا پێشمه‌رگه‌ى ل حوكمه‌تا هه‌رێما كوردستانێ راگه‌هاند رێككه‌فتین ب وى ئاوایى یه كه ئه‌و هێز ب تنێ ل سه‌ربازگه‌ها مه‌خموور بن و گۆت” ب تنێ رێ ب فرقا 15 یا سۆپایێ عیراقێ هاتیه دان ل وێ ده‌ڤه‌رێ بنه‌جه ببیت و چ هێزه‌كا دى رێ پێ ناهێته دان ل وێ ده‌ڤه‌رێ بمینیت”.
ئاسایشا هه‌ولێرێ: چ هێرش بۆ سه‌ر مه‌لبه‌ندێ سێ یێ ئێكه‌تیێ نه‌هاتینه كرن
ئه‌ڤرۆ نیوز:زه‌رى نه‌وزاد:
د رونكرنةكىَ دا ئاسایشا هه‌ولێرێ دیار دكه‌ت كو چ هێرش و ته‌قه ل مه‌لبه‌ندێ 3 یێ ئێكه‌تیێ نه‌هاتیه كرن به‌لكو دو كه‌سان ژ ئه‌نجامێ كێشه‌یه‌كا كه‌سایه‌تى ته‌قه ل ئێك و دو كریه ل به‌رامبه‌ر ئوتێلا گاردنیا و ته‌قه ل ئوتێلێ ب خوه ژى كریه و ئه‌و دو كه‌سه ژ لایێ پولیسێن هه‌ولێرێ هاتینه ده‌سته‌سه‌ر كرن و ل شه‌ڤا ل دوڤدا ل به‌رامبه‌ر هه‌مان ئوتێل كو دكه‌ڤیته نێزیك مه‌لبه‌ندێ 3 یێ ئێكه‌تى نشتمانى ژ لایێ كه‌سه‌كێ سه‌رخوش ته‌قه هاتیه كرن و ئێكسه‌ر پاسه‌وانێن مه‌لبه‌ندى ته‌قه ل هه‌وایی كرینه.
تێته زانین كو مه‌لبه‌ندێ 3 یێ ئێكه‌تى نشتمانى د راگه‌هاندنه‌كێ دا دیار كریه كو ل ڤان هه‌ردو شه‌ڤان ژ لایێ هنده‌ك كه‌سێن نه نیاس ته‌قه ل مه‌لبه‌ندێ وان هاتیه كرن.
د ٤٨ دەمژمێرێن بوریدا ١١ کەسان ژیانا خۆ ژ دەستدا
ئه‌ڤرۆ نیوز:
ل پارێزگەها دهوکێ ٤٨ دەمژمێرێن بوریدا ژ سەدەمێ ریدانێن ترافیکێ دا ١١ کەسان ژیانا خو ژدەست دایە و چار کەسین دى ژى برینداربوینە.
ئەڤرۆ ٢٨ێ شوباتا ٢٠١٦ێ، رائید ئازاد تاها بەرپرسێ راگەهاندنا هاتن و چوونا پارێزگەها دهوکێ د داخویانیەکێ بو دەزگەهێن راگه‌هاندنێ ڕاگەهاند “دماوێ ٤٨ دەمژمێرێن بوری دا ژسەدەمێ پەیدابونا ٨ ریدانێن ترافیکی یێن جوداجودا ١١ کەسان گیانێ خوژدەست دایە ”
گوت ژى ” دوان ریدانان دا ٤ کەسێن دى ژى برینداربوینە.”
هەژی گوتنێ یە ، د رویدانەکا ترافیکی دا شەڤا بورى ل تاخێ (كه‌ی ئار ئو) ل باژێرێ دهۆکێ ترۆمبێله‌كێ سێ كه‌س هنگافتن و دو كه‌سان ژ وان ئێكسه‌ر ژیانا خۆ ژ دەستدا کو ئێك ژوان قوربانیان د.سه‌ربه‌ست عارف ره‌شید ئامێدی یه كو د بەرێدا سەرۆکێ باژێڕڤانیا دهۆکێ بوو.
دو ته‌قینان به‌غدا هه‌ژاند
نيشاندان
WP Facebook Auto Publish Powered By : XYZScripts.com