ئه‌ڤرۆ نيوز:

سه‌ليم جبورى سه‌رۆكێ په‌رله‌مانێ عيراقێ داخواز ژ موقته‌دا سه‌در سه‌رۆكێ بزاڤا سه‌در كر كو هه‌لويسته‌كێ بله‌ز بكاربينيت به‌رامبه‌ر ڤه‌لڤينێن خونيشانده‌ران.

سه‌ليم جبورى سه‌رۆكێ په‌رله‌مانێ عيراقێ  ئاماژه‌ ب وێ يه‌كێ ژى كر كو هه‌ر ده‌ستدرێژيه‌ك بۆ سه‌ر په‌رله‌مانتاران ده‌ستدرێژيه‌ بۆ سه‌ر هه‌يبه‌تا ده‌وله‌تێ.

ئه‌ڤرۆ نيوز:

پشتى ئه‌ڤرۆ خونيشاده‌ران هێرش كريه‌ سه‌ر ئاڤاهيێ په‌رله‌مانێ عيراقێ و چووينه‌ د ناڤدا، سه‌رۆكايه‌تيا كومار يا عيراقىێ داخواز كريه‌ بله‌ز سوبه‌ هه‌ر سێ سه‌رۆكايه‌تى كوم ببن.

نڤيسينگه‌ها سه‌رۆك كومارێ عيراقێ دياركريه‌ كو دڤێت سوبه‌ كومبوونه‌كا بله‌ز ئه‌نجام بده‌ين.

ئه‌ڤرۆ نيوز:

ئێك ژ خونيشاده‌رێن ئه‌ڤرۆ يێن ده‌ڤه‌را كه‌سك كو چوويه‌ ناڤ هولا په‌رله‌مانێ عيراقێ راگه‌هاند كو فه‌رمان ب وان هاتيه‌ كرن كو ئاڤاهيێ په‌رله‌مانى بشوون و پاقژ بكه‌ن بۆ وێ يه‌كێ ب پيسى نه‌مينيت.

ئه‌ڤرۆنیوز، كاروان باعه‌درى:
سه‌رۆك خیزانه‌ك ژ كه‌مپا چه‌مشكۆ كو نه‌ڤیا ناڤێ خۆ ئاشكه‌را بكه‌ت بۆ ئه‌ڤرۆ نیوز دیاركر ، چه‌كدارین داعشێ ل گه‌ل وى ئاخڤینه‌ و داخوازا 2 ده‌فته‌رێن دۆلارى كرینه‌ ، دا كو 3 كه‌سێن مالا وى رزگاربكه‌ن .
ڤێ خێزانێ نها كه‌مپینه‌ك بۆ كۆمكرنا هاریكاریا پێكئینایه‌ و ئه‌ڤ كه‌مپینه‌ هاریكاریێ دێ یه‌ به‌ده‌وام بن هه‌تا كو ڤى كوژمێ پاره‌ى كۆم دكه‌ن ل هه‌موو جهان و ب ده‌هان چالاكڤان ل گه‌ل ڤێ خیزانێنه‌ بتنێ دا كو ڤى كوژمى كۆم كه‌ن.

سه‌رۆكێ ڤێ خێزانێ گۆت :‌‌ 19 كه‌س ژ خیزَأنا مه‌ دده‌ستێ داعشێ دانه‌، هه‌فت كه‌س هاتینه‌ رزگاركرن , 12 كه‌س ماینه‌ ئه‌گه‌ر ئه‌ڤ كوژمه‌ دده‌مه‌كى نێزیك دا بهیته‌ كۆمكرن دى 3 كه‌سێن دى ژی دێ هینه‌ رزگاركرن. چونكى ئه‌ڤه‌ بو جارا دوویێ یه‌ داعش مۆله‌تێ دده‌ته‌ مه‌ ، ئه‌گه‌ر ئه‌م كۆم نه‌كه‌ین دبیت تشته‌كى بهینه‌ سه‌رێ خیزانا مه‌‘‘ .
سه‌رۆكێ ڤێ خێزانێ ب رێكا ئه‌ڤرۆ نیوز داخوازیا هاریكاریێ ژ هه‌موو خێرخوازا دكه‌ت ب هانا وى ڤه‌ بهێن.
هه‌ر كه‌سه‌كى خێره‌كێ ل گه‌ل ڤى كه‌سى بكه‌ت ئه‌ڤه‌ ژمارا كه‌سه‌كى نێزیكى ڤێ خێزانێ یه‌ 07507848346