ئەڤرۆ نیۆز، قائید میرۆ:
پارێزگارێ ھەولێرێ ئاشکراکر، ھەتا نوکە 17 کەسان دناڤا ئوتێل کاپیتۆل گیانێ خوە ژدەستدایە و پتریا وانژی وەلاتیێن بیانینە.
نەوزاد ھادی پارێزگەرێ ھەولێرێ ل جھێ روویدانا ئوتیل کاپیتۆل راگەھاند راگەھاند” ئەگەرێ روویدانا سووتنا ئوتێل کاپیتۆل ل ژێر زەمینا ئوتێلێ بوویە و ھەتا نوکە نێزیکی حەڤدە کەسان گیانێ خوە ژدەستدایە کو چواردە ژوان وەلاتیێن بیانینە و یێن دیژی خەلکی ھەرێما کوردستانێ نە.
ھادی دیارکر، ھێشتا ھژمارا کەسێن بریندار بتەمامی نەھاتیە زانین ھژمارەکا زۆرا برینداران گەھشتینە نەخۆشخانێ و تەنگەفەسی بۆ پەیدابوویە.

ئەڤرۆ نیۆز، قائید میرۆ:
سەرۆکێ فڕاکسیۆنا پارتی دیموکراتی کوردستان لپەرلەمانێ کوردستانێ رەتکر پەرلەمانتارێن پارتی قەڕێ بیست ملیۆنی وەربگرن.
ئومێد خۆشناو، سەرۆکێ فڕاکسیۆنا پارتی ب ئەڤرۆ نیۆز راگەھاند” راستە پێشنیارھاتیەکرن بۆ پێدانا قەڕەکێ 20 ملیۆنی بۆ ئەندامێن پەرلەمانی، بەلێ ھەر ژدەستپێکێ ئەم وەکی فڕاکسیۆنا پارتی دژی ئەڤێ پێشنیارێ بووینە.
خۆشناو گۆتژی” ئەم وەکی فڕاکسیۆنا پارتی دیموکراتی کوردستان لپەرلەمانێ کوردستانێ ب ھەموو شێوەیەکی وەرگرتنا قەڕێ بیست ملیۆنی رەتدکەین و ئەندامێن پارتی لھەرچوار لیژنەیێن پەیوەندیدار ئەڤ چەندە رەتکریە.

ئەڤرۆ نیوز،زنار تۆڤی:
ئەڤرۆ رۆژا ئەینی جارەکادی تۆپخانەیا سۆپایێ تورکی ل سەرگرا ل دەشتانێ گوندێن بێتکار و کارە و بالۆکا و سەردەشتێ و چەندین جھێن دیتر ل سەر رووبارێ زێی و چیایێ مەتینا ب رەنگەکێ دژوار ل دەڤەرا کانی ماسێ بۆردومانکرن و ڤێ توپبارانکرنێ ترسەکا مەزن لدەف خەلکێ پەیداکریە،بۆ ھەیامەکێ درێژ تۆپبارانکرن یا بەردەوام بوو.
ھندەک دەزگەھێن راگەھاندنێ وەسا دیارکریە کو ئەو سەربازگەھا تورکی یا ل کانی ماسێ ئەو دەڤەر تۆپبارانکرینە،لەورا چ راستی بۆ ڤی خەبەری نینە،لەورا ئەو تۆپ ژلایێ سەربازێن تورکی ل دەشتانێ ھاتێنە ھاڤێژتن.