ئهڤرۆ نیوز:
ل باژارێ قامشلۆ ئوتومبێلهك پهقى و د ئهنجامدا كهسهكێ گیانێ خوه ژ دهستدا و سێ كهسێن دى ژى بری.
تهقین ل دهمژمێر 4 و 5 دهقیقه ل فولكا عوسمان سهبرى ل تاخێ هیلال ل باژارێ قامشلو روودایه و ل دووڤ ئاژانسا هاوار نیوز یا نێزیك یهكهیێن پاراستنا گهل، یهپهگێ، د ئهنجامێ وێ تهقینێ كهسهكى گیانێ خوه ژ دهستدایه و سێ كهس برینداربووینه.
ئهڤرۆ نيوز:
پشكا دويێ يا كۆمبوونا كۆميتا سهركرداتيا ئێكهتى نشتيمانى كوردستان بۆ دانێ ئێڤارى هاته پاشخيتن و گۆڕان ژى ب تهماميا دهنگان خوه ئێكلاكر.
بهرى نيڤرۆ يا ئهڤرۆ رۆژا شهمبى و ل دهمژمێر 11:00ى نيڤرۆ كۆمبوونا ئێكهتى نشتيمانى كوردستان ب ئامادهبوونا ههر ئێك ژ كوسرهت رهسۆل و بهرههم سالح جێگرێن سكرتێرێ گشتى و هێرۆ ئيبراهيم ئهحمهد و ئهندامێن كۆميتا سهركرداتيێ بۆ دهنگدان ل سهر رێكهفتنا گۆڕان و ئێكهتيێ بڕيڤه چوو.
ب گۆرهى پێزانينێن ل بهر دهست ئێكهتى نشتيمانى كوردستان چو ههڤركى ل سهر چ خالێن رێكهفتنێ نينن، بهلێ بۆ دانێ ئێڤارى ل دهمژمێرێ 18:00 هاته پاشخستن.
ههر ئهڤرۆ كۆمبوونا جڤاتا نشتيمانيا بزاڤا گۆڕان هاته ئهنجام دان و ب تێكرايا دهنگان، دهنگ ل سهر رێكهفتنا ناڤبهرا ئێكهتى و گۆڕان هاته دان.
دهێته چاڤهرێكرن د چهند رۆژێن بهێت دا د رێ و رهسمهكێ فهرمى دا رێكهفتنا ناڤبهرا ئێكهتى و گۆڕان بهێته ئيمزاكرن.
ئهڤرۆ نيوز:
ئهڤرۆ رۆژا شهمبى ئهميندارێ گشتيێ ئێكگرتوو ئيسلامى كوردستان سهرهدانا مهلبهندێ سێ يێ ئێكگرتوو ئيسلامى كوردستان ل پارێزگهها دهۆكێ كر.
سهعيد عهلى عهبۆ ئهندامێ جڤاتا سهركرداتيا ئێكگرتوو ئيسلامى كوردستان راگههاند كو ئهڤرۆ رۆژا شهمبى رێكهفتى 14ى گۆلانا 2016ێ محهمهد فهرهج ئهمیندارێ گشتى یێ ئێكگرتوویا ئیسلامى كوردستانێ سهرهدانا پارێزگهها دهۆكێ كر.
دا زانين ژى كو ئهڤ سهرهدانا ژ ئهنجامێ ویستگهها سهرهدانا وى دايه ژ بوو دهڤهرا بادینان و خالا ئێكێ يا وى باژێرێ دهۆكێ یه و بڕیاره ژى ل ڤى باژێرى چهندین كۆمبوونا د گهل ئۆرگان و رێكخستنێن یهكگرتوو ئهنجام بدهت.
ئهڤرۆ نيوز:
ئهڤرۆ رۆژا شهمبى رێكهفتى 14ى گۆلانا 2016ێ ئهزموونێن دووماهيا سالێ يێن وهرزێ دويێ ل ههرێما كوردستانێ دهسپێكرن كو زێدهتر ژ ئێك مليۆن و 200 هزار قوتابيا پشكدارى تێدا كر.
ئهڤ ئهزموونه قوتابيێن پۆلێن 1و2و3و12 ب خوه ڤه ناگريت، ژ بهر كو پۆلێن 1 ههتا 3 دهێنه لێبۆرين و پۆلا 12 ژى دێ ئهزموونێن ويزارى ل دهسپێكا ههيڤا شهش ئهنجام دهن.
ئهڤرۆ نيوز:
چهكدارێن حهشدا شهعبى ل سپێدههيا ئهڤرۆ ئۆپهراسيۆنهك بۆ ئازادكرنا چهند گۆندێن سنورێ باشيك دهسپێكريه و ئهڤ ئۆپهراسيۆنه ب ههڤكاريا هێزێن پێشمهرگهى و فرۆكێن ههڤپهيمانايه.
هێرش بۆ ئازادكرنا چهند گۆندايه ل بن دهستێ داعش و سپێدههيا ئهڤرۆ ل سنورێ باشيكێ دهسپێكريه و ل دهسپێكێ ژى بزاڤێن گرتنا گۆندێ “كانون”ه و ههتا نوكه شهر و پێدادان يێ بهردهوامه.
دهربارهى پشكداريا پێشمهرگهى د ڤێ ئۆپهراسيۆنێ دا فهرماندهكێ پێشمهرگهى راگههاند كو حهشدا شهعبى ئهڤ ئۆپهراسيۆنه يا دهسپێكێرى و هێزێن ههڤپهيمانان يێ بۆردۆمانا دهڤهرێ دكهن و پێشمهرگه ژى يێ تۆپا دهاڤێژيتێ و گۆت: “ههكه هات و حهشدا شهعبى شكهستن خوار ئهم دێ هاريكاريا وان كهن”.
ئهڤى فهرماندێ پێشمهرگهى دا زانين ژى كو پێشڤهچوون ههتا رادهكێ باش د بهردهوامن، بهلێ چهكدارێن داعش ژى يێ بهرهڤانيێ ژ جهێ خوه دكهن و شهرهكێ دژوار يێ ههى.
ئەڤرۆ نیوز،زنار تۆڤی:
ئەڤرۆ رۆژا ئەینی 13 گۆلانا 2016 شەرۆ پێکدانانەکا مەزن دناڤبەرا سۆپایێ تورکی و هێزێن پەکەکێ ل نێزیک كانيا گوندێ ئۆره و دەوروبەرێن گوندی ل دەڤەرا بەرواری بالا روودا و هەتانوکە شەر یێ بەردەوامە و هەروەسا هێزێن پەکەکێ شیان فرۆکەکا تورکی ژ جۆرێ کۆبرا ل نێزیک گوندێ ئۆرە تێکبشکێنن و ژ ئەگەرێ وی شەری و نێزیک یا وی بۆ گوندێ ئۆرە،خەلکێ ئۆرە نەچاربوون گوندێ خوە چۆل بکەن و نوکە گوند ب تەمامی هاتیە بەردان،ژبەرکو شەر کەفتیە دورمانێن گوندی دناڤبەرا پەکەکێ و سۆپایێ تورکی و چەندین تۆپ ب نێزیکی گوندی کەفتینە.
ئهڤرۆ نيوز:
پهرلهمانتارێن مانگرتى يێن عيراقێ راگههاندينه كو ئهو پشكداريێ د كومبوونا رۆژا ئێك شهمبى يا پهرلهمانێ عيراقێ دا ناكهن.
د راگههاندنهكێ دا، پهرلهمانتارێن مانگرتى دياركريه كو ئهو بهشداريێ د چ كومبوونێن پهرلهمانى ناكهن كو سهليم جبورى سهرۆكايهتيا وێ بكهت و پابهندى چ داخوازيهكا نابن كو ژ ئاليێ جبورى ڤه بۆ وان هاتبيته شاندن.
ئامێدیێ، مهحمود نهێلى:
فرۆكهیێن لهشكهرێ توركیا بهرى نیڤرۆ یا ئهڤرۆ ئهینى 13/5/2016 بۆ ماوێ سێ دهمژمێران چهند گوند و جهێن دهڤهرا ئامێدیێ كرنه ئارمانج و ترسهكا زۆر ئیخسته دلێ خهلكى دهڤهرێ.
شایهت حالهكێ بۆ ئهڤرۆ نیوز دیاركر، كو ل دهژمێر 11 بهرى نیڤرۆ پتر ژ 8 فرۆكهیان سنورێ ههرێما كوردستانێ دهرباز كریه و ب دژوارى دهڤهر بۆردوومانكریه و گۆت: ( بوردوومانا ڤێ جارێ دهڤهرا گیزانێ ل بنگهلیێ سهرگهلى و پشتا گهلى و چهندین گوندێن دى یێن بنارێ چیایێ مهتینا ل دهڤهرا نهێلێ و دیسان چهندین دهڤهرهكێن دى یێن ناڤ بهروارى بالا بوونه ئارمانجا بوردومانا فرۆكهیێن لهشكهرێ توركیا).
ئهڤێ بۆردوومانێ بۆ ماوێ سێ دهمژمێران ڤهكێشا و تا نها زیانێن جانى و مالى یێن ڤێ بوردومانێ نههاتینه زانین.
نيشاندان