ئەڤرۆ نیۆز، قائید میرۆ
لباژێڕێ مووسل چەکدارێن داعش ھەوەک بۆ دەستەسەرکرنا مامۆستایێن ئاینی دەستپێکر و ھەتا نوکە ھژمارەک مەلایێن مووسل ھاتینە دەستەسەکرن.
غەیاس سورچی، پەیڤدارێ مەلبەندێ نەینەوا یێ ئێکەتی نیشتیمانی کوردستان ب ئەڤرۆ نیۆز راگەھاند” گروپا تیرۆرستیا داعش ل باژێڕێ مووسل ھەوەکا دەستەسەرکرنا مامۆستایێن ئاینی دەستپێکریە و ھژمارەک گۆتارخوینێن مزگەفتێن باژێڕێ مووسل ب تۆمەتا ڤێ چەندێ بەرھەڤنەبووینە خەلکی ھانبدەن بچنە ناڤا رێزێن چەکدارێن داعش دەستەسەرکرینە.
سورچی گۆتژی” گورەی زانیاریێن گەھشتینە بەردەستێ مە چوار مەلایێن بەرنیاسێن موسل بەرەف جھەکێ نەدیار ھاتینە رەڤاندن کۆ ئەڤەژی ناڤێ، وانن، شێخ فارووق عەبدولا سەبعاوی، شێخ وەلید مەنسور، شێخ عەبدولکەریم مەلا ، شێخ یونس زەنوون.

ئەڤرۆ نیوز، ئەیاد بەرواری:
ژێدەرەکێ بلند ژ حوکمەتا عیراقێ ناڤێن وان کەسایەتیێن دناڤ حوکمەتا عیراقێ ھێنە گوھۆرین ئاشکراکرن کو حەیدەر عەبادی ل بەرە وێ پێنگاڤێ ب ھاڤێژیت پشتی وان دانوستاندنێن نوکە ل گەل سەرۆکێن لیستێن سیاسی دکەت.
ل دۆر وان وەزیرێن دێ ھێنە گوھۆرین، ( الاتجاە پریس) ل دووڤ وی ژێدەری، بەلاڤکر” وەزیرێ ناڤخوەیی محەمەد غەبان دێ ھێتە گوھۆرین ول شوینا وی سەرۆکێ فراکسیۆنا بەدر ل جڤاتا نوونەران (قاسم ئەعرەجی) دێ ھێتە دانان، وەزیرێ دارایی ھوشیار زێباری دێ ب رۆژ نوری شاویس جێگرێ بەرێ یێ سەرۆک وەزیران ھێتە گوھۆرین، وەزیرێ پیشەسازیێ و بازرگانیێ ژی محەمەد ساحب دەراجی دێ ھێتە گوھۆرین و ل شوینا وی عادل مھودەر دێ ھێتە دانان”.
بەلاڤکریە ژی کو وەزارەتا ڤەگوھاستنێ دێ ھێتە ھەلوەشاندن و ئەو وەزارەتە ل گەل وەزارەتا گەھاندنێ دێ بنە ئێک وەزارەت و وەزێرێ گەھاندنێ دێ بیتە وەزیرێ وێ”.